ракија – Kurir.mk

Во Бугарија се отвора Музеј на ракијата

Тале Кристо — Thu, 14 Sep 2023 06:35:54 +0000

Во центарот на Софија се отвора Музеј на ракијата. Посетителите ќе можат да вкусат различни видови од овој традиционален балкански алкохолен пијалак. - Крајно време беше Бугарија да добие ваков музеј... (Посветен, б.п.) на овој „свет напиток“ за Бугарите. Дури и малку доцниме со ова отворање, изјави иницијаторот на оваа идеја, Иво Жеглов, за тамошните медиуми. Тој вели и дека секој што ќе реши да го мине прагот на овој музеј ќе може да се запознае со технологијата на варење ракија и со традициите на нејзино консумирање.

Ракијата е здрава, само не смеете да претерате: Поради ОВИЕ причини е добро да ја пиете

Ивана Ефремовски — Mon, 10 Oct 2022 14:54:42 +0000

Конзумацијата на ракија може да ви донесе и неколку здравствени предности – секако, доколку не претерувате! Го продолжува животниот век Преголеми количини ракија и било кој друг алкохол, дефинитивно ќе ви го скратат животниот век, но умерена количина може да ви го продолжи. И тоа поради што антиоксидансите помагаат во борбата против радикалите кои се главен причинител за староста. Ослободува од стрес Доколку пиете во умерени количини, ракијата делува на нервниот систем, така што ве опушта. Повторуваме: Само доколку пиете во умерени количини. Го намалува ризикот од мозочен и срцев удар Одлична работа кај ракијата е што спречува наслаги на холестерол во вашиот кардиоваскуларен систем. А сето тоа ја намалува опасноста од срцев и мозочен удар. Помага при спречување настинка Веројатно не сте знаеле дека ракијата може да послужи и како одличен сируп за кашлица. Исто така алкохолот ги убива бактериите во грлото. Најдобар ефект ќе постигнете ако го измешате со топла вода и лимон. Не дебелее Еве одличен аргумент – за разлика од газираните, па дури и некои „природни“ сокови, ракијата е алкохол со многу мал број калории.

Јанчев: Прекршочни санкции за тие што ќе согоруваат недозволени горива при печење ракија

Магдалена Андонова — Fri, 07 Oct 2022 13:51:25 +0000

Прекршочни санкции ќе следуваат за тие што ќе согоруваат недозволени горива при печење ракија, стои во денешното известување со укажување, потпишано од кавадаречкиот градоначалник Митко Јанчев. – Со оглед на тоа дека започна сезоната на печење ракија, се апелира и укажува на граѓаните за загревање на казаните да користат исклучиво дрва или пак плин, доколку се во можност. Исто така се апелира до граѓаните оџаците од казаните да бидат соодветно изведени, односно со висина над нивниот објект, зависно од местоположбата во околината, се вели во известувањето. Во него се наведува дека службите од Одделението за инспекциски надзор и ,,Мој општинар” ќе вршат засилени контроли и доколку се затекнат лица што согоруваат недозволиви горива, односно отпадни иверици, гуми, пластика, отпадни масла или слично, за нив ќе се преземат соодветни прекршочни санкции, согласно законот за управување со отпад и законот за квалитет на амбиентниот воздух.

Стар рецепт на бабите кои имаат убава коса: Ви треба само ракија, а еве што треба да направите

Ивана Ефремовски — Fri, 15 Jul 2022 20:42:43 +0000

Ракијата ја подобрува циркулацијата, па штом ќе ја нанесете на темето, ќе почувствувате пецкање и топлина. Постапката е многу едноставна, а сигурно ја знае и вашата баба, бидејќи овој рецепт за бујна коса потекнува токму од бабите. Земете малку ракија и нанесете ја директно на кожата на главата. Потоа со прстите масирајте со кружни движења, така што ќе се распореди по целата глава. Потоа наведнете ја главата и продолжете да масирате уште неколку минути. Набрзо ќе почувствувате топлина и пецкање, но тоа не треба да ве загрижува. Ракијата е моќно средство за чистење на кожата, токму она што им е неопходно на модерните девојки. Поради секојдневното користење серуми, ампули, балсами, хемиски препратари пени и сл. кои се задржуваат и по миењето, порите на кожата на главата се затвораат, што директно влијае на квалитетот и растот на косата, а често и го засилува опаѓањето. Затоа од време на време кожата на главата треба да се чисти темелно, а ракијата е најевтиното и најздраво решение. За да не ја оштетите косата, ракија не се нанесува на целата коса, туку само на темето на главата. Старите на овој начин лекувале првут. Секогаш комбинирајте ја ракијата со масло: маслиново, кокосово, гроздово, па дури и сончогледово, ако немате друго. Така кожата ќе се хидрира, а нема да се намали дејството на ракијата. Маслото можете да го нанесете по целата должина на косата. Не претерувајте со овој третман. Третманот со ракија го поттикнува растот на косата, но ако имате псоријаза или кој било друг сериозен проблем со кожата на главата, НИКАКО не ставајте домашни маски без да се консултирате со дерматолог. Не ставајте дури ни маслиново масло.

Австралијка првпат пробала ракија: Видеото од нејзиното однесување е хит на социјалните мрежи

Ристе Здравков — Fri, 08 Apr 2022 08:24:48 +0000

На оваа девојка ѝ се смеат сите оние коишто го виделе видеото на социјалните мрежи. Австралиската манекенка Луси Џејд првпат во животот се соочила со ракија која прилично очекувано – ја „прегазила“. Девојката не била подготвена на последиците од пијалакот кај кој содржината на алкохол може да надмине дури и 60 отсто (вообичаено изнесува 40 отсто), а покрај сето тоа таа имала и мала незгода – некој ја следел со камера и го снимал нејзиното однесување. Благодарение на таа личност, корисниците на ТикТок добро се насмеале, па во описот на видеото дознале дека Луси малку се „заиграла“ со семејството на својот сакан. „Доколку госпоѓата не е Европјанка, не ѝ дозволувајте да пие ракија со вашето семејство цел ден“, напишала и открила дека седум часа се дружела со „бабата“ и пијалакот кој ја „лекува душата“.

@lucie_jaidLucky my man was in the shed working on cars otherwise he would’ve seen how off chops I was after 7 hours with baba 😰 🤣 ♬ original sound - LUCIE JAID 🤘🏼👽

ФОТО: Ѓоковиќ се релаксира во Црна Гора, седна на чашка ракија со…

Ристе Здравков — Fri, 21 Jan 2022 21:33:17 +0000

Новак Ѓоковиќ се релаксира во Црна Гора по хаосот во Австралија, најдобриот тенисер во светот вчера беше во Тиват а го посети и манастирот Острог каде се стретна со митрополитот Јоаникије. Новак Ѓоковиќ во неделата беше депортиран од Австралија по одлуката на министерот за имиграција да му ја поништи визата. Тенисерот во понеделникот се врати во Белград, каде беше пречека како херој, но одби да ги коментира случувањата во Мелбурн. И додека медиумите шпекулираат дека тој ќе поднесе тужба и ќе бара милионско обесштетување, Новак Ѓоковиќ реши неколку дена да се релаксира во Црна Гора. Најдобриот тенисер во светот вчера беше во Тиват, а го посети и манастирот Острог, каде се сретна со митрополитот Јоаникије.

Некада је и најбољима потребно само да их неко саслуша.

- Новак Ђоковић и митрополит Јоаникије под Острогом. 21. 1. 2022. pic.twitter.com/a9W31pmood
— MilanSremac (@MilanSremac) January 21, 2022

Светосавац који добро зна где је највећи извор снаге и утехе!
Новак Ђоковић данас код Светог Василија Острошког чудотворца. pic.twitter.com/J95YL1EZJL
— Иван Б. Костић (@IvanBKostic) January 21, 2022

ФОТО: Вучиќ доби подарок од баба, па кажа дека не го заслужил

Ивона Петрова — Sun, 26 Dec 2021 11:37:35 +0000

Српскиот претседател Александар Вучиќ денеска и утре е во посета на Златибор и околните места. При разговор со собраните мештани, Вучиќ од една повозрасна жена како подарок доби волнени чорапи и ракија, на што се заблагодари. -Не сум заслужил, но Ви благодарам, и одговорил Вучиќ на бабата.

Вековна македонска традиција – промоција на новата Skovin Special ракија на Винодонија 2021

Super Admin — Mon, 22 Nov 2021 13:08:45 +0000

Уште едно звучно име на Винодонија 2021, ВИНАРИЈА СКОВИН ГРУПА ветерани кои учествуваа во обликување на македонската винска сцена во изминатите децении. Сковин со сопствените плантажи кои се протегаат низ благите ридести падини во околината на Скопје, располага со богато и квалитетно портфолио на сорти грозје. Лозјата на Сковин се познати по тоа што даваат карактеристичен сензорен профил на вината кои се одраз на острите скопски зими и долгото суво топло лето. Винодонија 2021 - ексклузивна можност да ја пробате нивната долго најавувана ракија Skovin Special, одлежана 4 години во дабови буриња. Skovin Special е ракија со специфичен карактер. Низ сите овие години, инспирирани од традиционалните рецепти е усовршена до перфекција. Овој златен оган ве носи до уживање каде ќе заборавите на другите пијалаци. Моќно делува, ги опушта мускулите, го стоплува срцето и ја воздигнува душата. Ваш идеален пријател кога сте осамени, перфектен во друштво и неверојатен кога се споделува со љубов. Skovin Special има длабока златно килибарна боја. Суптилно и комплексно со ноти на суви овошја, сува смоква, путер, ванила и темно чоколадо. Вкусот е кремаст со доминација на слатки зачини, суво овошје, ванила, карамел и темно чоколадо. Наздравуваме за долгогодишната традиција!

СИГУРНО ЌЕ СЕ ИЗНЕНАДИТЕ: Еве што ќе ви се случи доколку секое утро пиете една чашка ракија

Магдалена Андонова — Wed, 17 Nov 2021 19:03:45 +0000

На нашите простори, ракијата отсекогаш важела за омилен пијалок и секое вистинско домаќинство мора да има барем едно шише домашна ракија, која сакаме да ја пиеме со пријателите и семејството. Ракија се пие во сите прилики, но голем број луѓе велат дека пијат ракија наутро, бидејќи тоа е рецепт за здравје и долговечност. Решивме да истражиме дали е тоа вистина и што ќе ви се случи ако секое утро пиете по една чаша ракија. Истражувањата покажаа дека алкохолот, како и ракијата, може да биде исклучително корисен, но само ако се внесува во мали количини. Така, една чаша ракија на ден навистина може да ви помогне и позитивно да влијае на вашиот организам. Ако секое утро консумирате по една чаша ракија, првото нешто што ќе ви се случи е подобра заштита од вируси и бактерии. Бидејќи ракијата содржи висока концентрација на алкохол, ќе ги убие сите бактерии кои се формирале во устата во текот на ноќта и ќе ја исчисти целата уста. Следната позитивна работа што ќе ви се случи е подобрување на циркулацијата и проширување на крвните садови, што дополнително води до регулација на крвниот притисок. Исто така, ракијата го зголемува позитивниот холестерол и го намалува лошиот холестерол, што е многу важно за здрав и функционален организам. Меѓутоа, доколку сакате ракијата да ги има овие позитивни ефекти, тогаш не смеете да ја надминете мерката и мора да се држите само до една чаша. Лекарите велат дека консумирањето поголема количина алкохол може да доведе само до контра ефекти и труење на организмот, што во никој случај не е добро и здраво.

Александра Младеновиќ на 27 години може да испие и полoвина шише ракија: Мајка ми вели дека сум изрод!

Магдалена Андонова — Wed, 10 Nov 2021 10:23:35 +0000

Александра Младеновиќ (27) без проблем истакна дека ноќе може да испие половина шише ракија, но дека нема проблем со нејзиното однесување. - Сакам да испијам неколку чаши. Сакам ракија. Мајка ми ми вели дека сум изрод во семејството бидејќи освен мене никој не пие ракија. Можам да пијам пола шише за една вечер – рекла таа, па се навратила на своето однесување во моментите кога пиела повеќе. - Немам испади да праќам пораки на поранешните дечковци. Кога пијам тогаш сум највесела, сакам се, гушкам и бакнувам. Еден пријател еднаш ми рече: „Треба почесто да си пијана“ – објасни Младеновиќ. Пејачката раскажа и за проблемите по клубовите, па објасни како излегува на крај со пијаните гости. - Не сум имала непријатни ситуации. Ми се случува да ми пријде понекогаш некој пијан гостин, но јас тоа го решава со насмевка и никогаш немам проблеми. Знам како функционира пијан човек, бидејќи и јас сум некогаш пијана, раскажа Младеновиќ за Хит. Поради пандемијата со коронавирусот многу настапи биле откажани, но Александра не се жали. Сепак, не крие дека и се случило да ја пречека и празен клуб. - Да, се случуваше тоа порано и мислам дека тоа не е срамота. Мислам дека на сите им се случило. Потполно ми е сеедно дали клубот е полн или празан. И да се само 50 луѓе, тие се тука за мене и јас гледам максимално да ги испочитувам, заклучи Александра.