ракомет – Kurir.mk

Србија, Црна Гора и Хрватска во кандидатура за ЕП 2030 и 2032 година

Бошко Тасиќ — Sat, 04 Nov 2023 07:19:40 +0000

Европската ракометна федерација (ЕХФ) ги откри првите кандидатури за организација на Европските првенства во 2030 или 2032 година. Како што е објавено на сајтот на ЕХФ, потврдени се досега добиените кандидатури за организација на Европското првенство во 2030 и 2032 година, во двете конкуренции. Се додава дека сите нови пријави ќе бидат прифатени до први јуни, кога и официјално ќе заврши можноста за испраќање кандидатури. Кога станува збор за организацијата на женското Европско првенство во 2030 година, досега кандидатура испратиле Србија , Црна Гора, Швајцарија и Турција. Додека за 2032 година поднеле Србија, Данска, Германија Црна Гора, Полска и Швајцарија. Можно е двете споменати првенства да бидат заеднички организирани од две или повеќе земји, како што е случајот оваа година, кога Македонија беше еден од ко-организаторите. Што се однесува до Европското првенство во машка конкуренција, кандидати за 2030 година се: Австрија, Хрватска, Чешка Данска, Естонија Франција Германија, Полска и Швајцарија. За ЕП 2032 година, кандидатури поднесоа: Словенија Австрија, Хрватска, Естонија, Франција, Германија, Швајцарија и Турција.

Македонија и Грција одиграа нерешено

Тале Кристо — Fri, 03 Nov 2023 20:01:36 +0000

Македонската машка ракометна репрезентација ремизираше вечерва против Грција 29-29 (15-12), во првиот од двата контролни натпревари меѓу двете селекции закажани за денеска и утре во Солун. Избраниците на селекторот Кирил Лазаров влегоа во натпреварот со серија од 3-0 и го контролираа резултатот во првиот дел. Постојано беа во водство кое достигна највисоки +5 (11-6) во 19 минута, а на полувреме заминаа со предност од 15-12. Вториот дел донесе неизвесна завршница во која грчките ракометари влегоа во финишот со предност од 29-27, но Филип Кузмановски намали на гол негатива, а на три секунди пред последниот судиски свиреж прецизен беше и Никола Костески за конечни 29-29. Кумановски и Жарко Пешевски со по пет голови беа најефикасни во македонската репрезентација. Контролните натпревари во Солун се во рамки на подготовките за претстојното Европско првенство во јануари на кое пласман обезбедија и двете репрезентации.

Стартува новата македонска сезона во ракомет

Ивона Петрова — Wed, 06 Sep 2023 10:54:30 +0000

Со натпреварот за трофејот во Суперкупот, денеска официјално ќе стартува новата македонска сезона во ракомет. Во финалето на Суперкупот ќе играат актуелниот шампион Еурофарм Пелистер и освојувачот на националниот Куп, Вардар 1961. Ракометната федерација на Македонија (РФМ) одлучи финалето за првиот овосезонски трофеј да се игра во салата „Парк“ во Струмица со почеток во 18 часот. Во ланското финале кое се одигра во Охрид, ракометарите на Еурофарм Пелистер го совладаа Вардар 1961 со 23-22.

Од РК Вардар и Алкалоид до Швајцарија: Младиот Андреј е талентиран Македонец – бележи успех во светот, а сака да ги брани боите на македонското знаме

Ивана Ефремовски — Fri, 18 Aug 2023 21:01:29 +0000

Андреј Јанески е дете од Македонија кое треба да биде пример за врсниците, но и за помалите кои уште се двоумат дали времето поминато на телефони треба да го заменат со спортување. Тој денес има 17 години, а зад себе веќе има големи успеси во спортот, кој одлучил да биде не само негово хоби, туку и професија. Ова момче е родено во Прилеп и на само 7-годишна возраст почна да го исполнува својот сон – да биде ракометар. КУРИР стапи во контакт со него преку неговиот татко, кој е негова голема поддршка и кој се гордее на секој успех на својот син. -Со ракомет почнав да се занимавам уште на мојата 7-годишна возраст. Мојот прв ракометен клуб беше РК Вардар во кој тренирав 7 години. Откако се затвори ракометната школа на РК Вардар, продолжив да тренирам во РК Алкалоид, таму тренирав две години со мојот тренер Влатко Котески, од кого научив многу за ракометот. Многу сум му благодарен што ме внесе во тајните на овој спорт и ми овозможи да се развивам како спортист, рече Андреј во изјава за КУРИР. Минатата година ова талентирано момче заедно со своето семејство се преселило во Швајцарија. Големата промена во неговиот живот не му била пречка да продолжи да се занимава со ракомет, напротив, таму прави големи чекори кои му носат успех. -Во Швајцарија продолжив да играм ракомет во клубот TV SOLOTHURN во кантонот Solothurn каде и живеам. Во клубот сум веќе една година и сум стандарден првотимец во секој натпревар, вели тој. Андреј има низа успеси, а како најзначајни ги издвојува вицешампионската титула во РК Алкалоид, шампионската титула во швајцарскиот клуб. Промовиран е во категоруја У19 и има постигнато 23 голови. Како што големата дистанца не можеше да го оддалечи од љубовта кон ракометот, уште помалку можела да го одвои од големата љубов кон Македонија. Го прашавме дали еден ден би ги бранел боите на македонското знаме. -Еден ден, кога би добил покана, со СРЦЕ би прифатил и би заиграл за Македонската ракометна репрезентација, вели Андреј. Овој млад и многу талентиран Македонец има порака до сите деца кои уште се двоумат дали да спортуваат: „Мојата порака до сите деца е да се занимаваат со секаков вид на спорт кој ги интересира и за кој мислат дека поседуваат талент. Само со упорност и вложување во себе се постигнуваат вистински резултати. Квалитетот на крај секогаш испливува на површина“.

Домаќинот и Вардар ќе го отворат 51. Меѓународен ракометен турнир во Струга

Бошко Тасиќ — Wed, 09 Aug 2023 04:06:02 +0000

За нешто повеќе од една седмица започнува 51. издание на Меѓународниот ракометен турнир Струга, на коe ќе учествуваат три македонски екипи и три од странство. Организаторот на традиционалниот турнир го објави и комплетниот распоред за натпреварите во групната фаза како и за финалниот дел. Струшкиот турнир ќе го отворат домашната екипа на Струга против Вардар 1961, додекана о првиот ден ќе играат Алкалоид и Динамо Панчево.

Нов пораз на македонските ракометарки на Европското јуниорско првенство

Катерина Бојаџиева — Fri, 14 Jul 2023 13:09:04 +0000

Македонската женска ракометна јуниорска репрезентација го претрпе шестиот пораз во низа на ЕХФ Европското првенство, откако попладнево во романскиот град Миовени загуби од Исланд со 35-29 (20-15) во разигрувањето за пласман од 13. до 16 место. Најефикасна во македонските редови беше Анастасија Трпеска со шест голови, а еден помалку постигнаа Сара Стефаноска и Марија Јанкуловска. Во завршниот натпревар на ЕП во Романија, избраничките на селекторот Јулија Дамчевска ќе се обидат да го избегнат последното место, а противник во натпреварот за 15 место ќе биде поразениот тим од дуелот меѓу Србија и Хрватска.

Македонските ракометарки поразени од Норвешка

Тале Кристо — Tue, 11 Jul 2023 11:56:49 +0000

Македонската женска репрезентација попладнево во Миовени загуби од Норвешка во разигрувањето за пласман од 9. до 16. место на Европското првенство за ракометарки до 19 години. До конечната победа 29:23, Норвежанките дојдоа по подобра игра во второто полувреме, откако првото нашите репрезентативки во првото беа подобри со 11:9. Македонките се на последното (4. место) во Групата 4 без ниту еден освоен бод. Утре противник на „црвено-жолтите“ во разигрувањето за пласман на ЕП во Романија ќе биде репрезентацијата на Србија.

Ракометарките ќе играат против Норвешка и Србија за повисок пласман на ЕП

Бошко Тасиќ — Tue, 11 Jul 2023 05:20:26 +0000

Македонската женска ракометна репрезентација ги доби имињата на противниците за следната фаза на Европското младински првенство кое се одржува во Романија. Избраничките на Јулијана Дамчевска во следната фаза ќе играат во новофоримираната група со Норвешка и Србија, секако и Чешка. Нашите девојки стартуваат без бодови исто како и Србија. Двете најдобропласирани од оваа група ќе разигруваат за пласман од 9-12 место, додека останатите за пласман од 13-16 место. Прв противник на Македонија е селекцијата на Норвешка, мечот е закажан со почеток во 12 часот.

У19: Ракометарките убедливо поразени од Данска на Европското првенство

Ристе Здравков — Fri, 07 Jul 2023 16:23:18 +0000

По стартниот пораз од Црна Гора, денеска македонската женска младинска репрезентација на Европското првенство за ракометарки до 19 години во Романија во групата „Д“ од Данска со 39:27. Го имавме само почетното водство од 1:0, потоа успеавме да израмниме на 3:3 и 4:4, а на 5:5 противникот направи серија од 7:1. Данска ја одржуваше својата стекната позитива од четири-пет голови разлика, а при 23:28 данската репрезентација имаше нова низа на погодоци, на семафорот веќе имавме и двоцифрена негатива од 25:35, што ги реши сите дилеми околу победникот. За нашата селекција најефикасна беше Ива Младеновска со седум голови, еден помалку имаше Сара Стефаноска. Второто коло ќе биде комплетирано со натпреварот помеѓу Чешка и Црна Гора (18.45 часот). Последниот трет меч во оваа група избраничките на селекторот Јулијана Дамчевска ќе го имаат на 9 јули против чешките ракометарки.

Погледнете ги 10-те најубави голови во ЛШ за сезоната 2022/23

Ристе Здравков — Wed, 05 Jul 2023 19:18:21 +0000

Ова видео е подготвено за „ракометни гурмани“, за уживање во мајсториите во арените ширум Европа… На чело се наоѓа Даи од Киелце, пред Каи Смитс од Магдебург, но сите десет погодоци треба да се погледнат.