ракометарки – Kurir.mk

Македонските ракометарки на „Трофеј Карпати“ во Романија

Тале Кристо — Mon, 26 Jun 2023 13:13:48 +0000

Македонската женска ракометна репрезентација во младинска конкуренција ќе ги продолжи подготовките за претстојното Европско првенство со настап на традционалниот меѓународен турнир „Трофеј Карпати“ во Романија. Откако минатата недела настапија на силниот турнир „Четири нации“ во унгарскиот град Дабас, избраничките на Јулијана Дамчевска сега ги очекува уште еден квалитетен меѓународен турнир од 30 јуни до 2 јули во романскиот град Питешти. Покрај домаќинот Романија, на „Трофеј Карпати“ ќе настапат и Швајцарија и Србија. Македонските ракометарки се подготвуваат за настап на Европското првенство чиј домаќин ќе биде Романија од 6 до 16 јули, а ќе играат во група со Данска, Чешка и Црна Гора.

Ракометарките на Ѓорче Петров против полски Јарослав во Европскиот куп

Тале Кристо — Tue, 13 Dec 2022 17:56:54 +0000

Полски Еуробуд ЈКС Јарослав ќе биде противник на ЖРК Ѓорче Петров во осминафиналето на Европскиот ракометен куп во женска конкуренција, одлучи денешната жрепка во седиштето на ЕХФ во Виена. Првите осминафинални натпревари се на програмата на 7/8 јануари, додека реваншите на 14/15 идниот месец. Жрепката одлучи првиот натпревар да се игра во Јарослав, а реваншот во Скопје.

Ден одмор за македонските ракометарки пред дуелот со Исланд

Тале Кристо — Thu, 04 Aug 2022 07:17:37 +0000

По синоќешното реми против Шведска (20-20) со кое македонската женска кадетска ракометна репрезентација е чекор поблиску до пласман во четвртфиналето денеска за избраничките на селекторот Љупчо Савевски е ден за одмор на Светското првенство во Скопје. Во вториот натпревар во рамки на групата А, Исланд беше убедлив во дуелот со Иран (28-17) и води на табела со четири бодови, пред Македонија со три, додека Шведска е третопласирана со едем бод, а Иран е последен без бодови. Македонските ракометарки клучниот натпревар за пласман меѓу осумте најдобри репрезентации на мундијалот во Скопје ќе го играат в петок против Исланд со почеток во 20:30 часот во СЦ „Борис Трајковски“.

Мајка и ќерка заиграа заедно, донесоа победа за својот тим

Дарко Андоновски — Tue, 09 Nov 2021 12:33:48 +0000

На натпревар од првенството на Шпанија меѓу тимовите на Ла Калзада од Хихон и Морверде домашните забележаа победа од 31:17, но од теренот остана запишан еден друг интересен момент. Во победничкиот состав имаше мајка и ќерка кои запишаа несекојдневен момент. Заедно играа Мариса Фарија (38 години) која е репрезентативка на Парагвај и нејзината ќерка, 16-годишната Јерути. „Многу бев среќна кога Јерути ми кажа дека е повикана за да настапи во првата екипа. Во текот на натпреварот не ни сфатив дека е испратена да се загрее и потоа се појави на теренот. Кога ја видов во игра таа се насмевна. Во исто време ми дојде да заплачам и ми се појавија солзи, но морав да ги задржам емоциите“, вели Мариса Фарија. Нејзината ќерка се најде на теренот во 55. минута и постигна гол од линијата од седум метри.

Стојкоски на средба со ракометарките на Ѓорче Петров: Среќа е да се гледаат овие млади успешни спортисти со ентузијазам и ведар дух

Магдалена Андонова — Tue, 05 Oct 2021 07:45:33 +0000

Александар Стојкоски, кандидатот за градоначалник на ВМРО-ДПМНЕ за општина Ѓорче Петров на својата Фејсбук страница објави дека остварил средба со ракометарките и стручниот штаб на РК Ѓорче Петров и најави поддршка кон младите и спортот. - Поддршка кон младите и спортот, преку ракометот - спортот со кој и јас растев. Средбата со ракометарките и стручниот штаб на РК Ѓорче Петров - - ЖРК помина одлично. Среќа е да се гледаат овие млади успешни спортисти, со ентузијазам и ведар дух, кои го даваат максимумот на теренот, пишува тој.

Ракометарки одбија да играат во бикини гаќички, па добија казна

Ивана Ефремовски — Tue, 20 Jul 2021 15:18:07 +0000

Светската ракометна асоцијација (ИХФ) парично ја казни норвешката женска репрезентација во ракомет на песок, откако ракометарките одбија да настапат во бикини гаќички и порачаа дека тоа го сметаат за сексуализација на спортистките. Норвежанките го игнорираа предупредувањето да се придржуваат до протоколот и се појавија во кратки шорцови на песокот во натпреварот за третото место на Европското првенство во Варна, а ИХФ им изрече поединечна парична казна од по 150 евра, или вкупно 1.500 евра. Норвешката ракометна федерација соопшти дека ќе ја плати казната, изразувајќи им поддршка на своите ракометарки. -Горди сме на девојките, кои настапија на Европското првенство во ракомет на песок. Го повишија гласот и порачаа дека е доста, објави Норвешката ракометна федерација. (МИА)

Македонските ракометарки го победија Косово, но не изборија полуфинале на ЕХФ турнирот во Скопје

Тале Кристо — Fri, 16 Jul 2021 06:44:06 +0000

Македонската репрезентација составена од ракометарки до 19 години синоќа забележа убедлив триумф над Косово со 33:16. Најефикасна во победничкиот состав беше Андреа Седлоска со осум погодоци. И покрај убедливата победа, „црвено-жолтите“ не изборија пласман во полуфиналето и ќе разигруваат за 5-8. место. Првите две места во групата Б-2 им припаднаа на Фарски Острови и на Холандија. Од Б-1 групата полуфинале изборија Шпанија и Литванија.

Ракометарките добија 10.000 евра за пласман во баражот за СП

Ристе Здравков — Wed, 19 Dec 2018 14:59:30 +0000

Ракометната Федерација на Македонија (РФМ) ја исплати премијата од 10.000 евра на женската сениорска репрезентација за пласман во баражот за СП Јапонија 2019. Успешниот настап во квалификациската група што се играше на домашен терен, им обезбеди пласман на нашите репрезентативки за бараж-натпреварите кои ќе се одиграат во јуни 2019 година, во чии рамки најпрво ќе се игра на домашен терен со репрезентацијата на Словенија, додека вториот натпревар ќе се игра на гостински терен. Победниците од бараж-двомечот ќе осигураат пласман на Светското Првенство Јапонија 2019. Управнииот Одбор на РФМ донесе и дополнителна одлука доколку „жолто-црвените“ обезбедат пласман на претстојното СП во Јапонија ќе бидат наградени со дополнителни 30.000 евра.

Заврши првата фаза на ЕП за ракометарки во А и Б групите

Ивона Петрова — Wed, 05 Dec 2018 07:28:37 +0000

Со одигрувањето на натпреварите од третото коло синоќа заврши првата фаза во А и Б групите на женското ракометно Европско првенство што се одржува во Франција. Резултати: Русија – Словенија 27:29 Шведска – Полска 23:22 Данска – Србија 25:30 Франција – Црна Гора 25:20. Од А-групата пласман во следната фаза обезбедија Србија, Шведска и Данска. Понатаму од Б-групата одат Русија, Франциај и Црна Гора. Во текот на денешниот ден ќе се одиграат натпреварите од последното коло во Ц и Д-групите.