ракометен куп на македонија – Kurir.mk

ЖРК Куманово третпат во историјата до трофејот во женскиот ракометен Куп на Македонија

Бошко Тасиќ — Sat, 13 May 2023 14:39:48 +0000

Женската ракометна екипа на Куманово третпат во својата историја стигна до трофејот од Купот на Македонија, откако во финалето кое се одигра во Охрид го совлада Вардар со 32-31. Вардарки очигледно беа исрпени со синоќешната победа над шампионот на Македонија, Ѓорче Петров, па денес немаа доволно сили да направат уште едно изненадување и да го совладаат и Куманово, кој вчера не го одигра полуфиналниот натпревар, откако екипата на Металург се откажа од учество во завршницата на Купот на Македонија. Куманово во поголемиот дел од натпреварот имаше контрола над резултатот, додека Вардар постојано бркаше резултат и се обидуваше да остане во игра. Кумановки на полувремето имаа предност од 15-12. Најефикасна на натпреварот беше бразилската интернационалка во дресот на Куманово, Андреза Алмеида со 11 голови. За Куманово ова е трет трофеј од Купот на Македонија, откако претход победуваше во 2019-тата и 2021-вата година. На спротивната страна Вардар останува на 6 трофеи, од кои последниот е освоен во 2018-тата година. Кометал ЃП уште долго ќе остане најтрофејна екипа со 16 пехари од ова натпреварување.

Познати сатниците за натпреварите од ракометниот Куп, билетите по цена од 100 до 600 денари

Бошко Тасиќ — Mon, 08 May 2023 18:27:39 +0000

Вниманието на ракометната јавност во Македонија од 11-ти до 13-ти мај ќе биде насочено во Охрид каде што ќе се играат завршните турнири во Купот на Македонија. Датумите беа од претходно познати, а сега се објавни и сатниците на натпреварите. РАСПОРЕД НА НАТПРЕВАРИ: 11 мај 17:30, Еурофарм Пелистер – Пролет 20:00, Алкалоид – Вардар 12 мај 17:30, Металург – Куманово 20:00, Вардар – Ѓорче Петров 13 мај 15:00, финале жени 18:00, финале мажи Билетите поединечно за сите полуфинални натпревари во машка и женска конкуренција се продаваат по цена од 100 денари, а за финалето по 200 денари. Може да се купат и блок билети за сите шест натпревари од 600 денари.

Охрид домаќин на завршните турнири во Купот на Македонија

Бошко Тасиќ — Fri, 14 Apr 2023 15:45:56 +0000

Во пресрет на завршницата во плеј-офот и разврската во шампионската титула во машкиот и женски ракометен шампионат, познат е и градот кој ќе биде домаќин на овосезонскиот Ф4 турнир во Купот на Македонија. Охрид и салата „Билјанини Извори“ од 11 до 13 мај ќе бидат домаќини на завршницата и „фајнал-фор“ турнирите во машка и женска конкуренција.. Охрид оваа сезона веќе беше домаќин на ракометен спектакл, откако беше организатор на ракометниот Супер Куп. Кај мажите во битката за трофејот се Вардар 1961, Алкалоид Еурофарм Пелистер и Пролет. Од друга страна, кај дамите ќе се судрат ЖРК Ѓорче Петров, ЖРК Металург, ЖРК Вардар и ЖРК Куманово. Вардар 1961 и ЖРК Металург се бранители на титулите од минатата сезона. Засега не се познати двојките во полуфиналињата на завршните турнири. Ракометната федерација на Македонија ќе ја одржи ждрепката за истите во наредниот период пред турнирите.

ЖРК Металург е освојувач на ракометниот Куп во женска конкуренција

Бошко Тасиќ — Sun, 15 May 2022 16:37:26 +0000

ЖРК Металург го освои Купот на Македонија за оваа сезона откако во финалниот меч во Кавадарци го победи скопскиот ЖРК Ѓорче Петров со 30-27. 15-годишната Ива Младеновска одново имаше блескава партија и со девет погодоци беше најпрецизна во таборот на победничкиот тим, во кој солидни беа уште Божиновска со осум и Трајковиќ со четири гола. Во поразениот тим се истакнаа Стојановска со осум и Белевска и Николиќ со по пет гола.

Кавадарци фаворит за домаќин на завршниот турнир на Купот на Македонија во ракомет

Бошко Тасиќ — Thu, 14 Apr 2022 18:49:06 +0000

Кавадарци и спортската сала „Јасмин“ се фаворити за организација на завршниот турнир на Купот на Македонија, кој ќе се одржи на 14 и 15 мај. По ланската завршница во Автокоманда, Ракометната федерација на Македонија годинава го избра Кавадарци, град во кој порасна интересот за ракометот, по одличните две сезони на Тиквеш во Суперлигата. Полуфиналисти во машка конкуренција се Вардар 1961, Еурфарм Пелистер , Еурофарм Пелистер 2 и Бутел Скопје, а кај жени за трофејот ќе се борат ЖРК Куманово, ЖРК Чаир. Ѓорче Петров и ЖРК Металург. Титулите од минатата сезона ги бранат Вардар 1961 и ЖРК Куманово. Двојките од полуфиналето ќе бидат познати со ждрепка која ќе биде извршена за неколку недели. Со сигурност спортската сала „Јасмин“ ќе биде исполнета за Куп-завршницата, која треба да понуди многу возбудувања и добар ракомет.

Извлечени четвртфиналните групи од ракометниот Куп на Македонија

Катерина Бојаџиева — Tue, 01 Mar 2022 13:04:36 +0000

Во Ракометната федерација на Македонија денес се одржа извлекувањето на четвртфиналните групи од Купот на Македонија во машка конкуренција. Четвртфиналните групи во машка конкуренција ќе се играат на 12/13 март 2022 година. Четирите победници на групите ќе обезбедат пласман на „Фајнл Фор“ турнирот што ќе се игра на 14/15 мај 2022 година. Група 1: РК МЕТАЛУРГ – ГРК ТИКВЕШ 2014 РК ЈУНИОР К.В – РК ВАРДАР 1961 Група 2: РК БУТЕЛ СКОПЈЕ – РК СКОПЈЕ 2020 РК СТРУГА – РК АЕРОДРОМ Група 3: РК ДРАЧЕВО – ГРК ОХРИД РК АЛКАЛОИД – РК ЕУРОФАРМ ПЕЛИСТЕР Група 4: РК ПРОЛЕТ 62 – РК ЕУРОФАРМ ПЕЛИСТЕР 2 РК ПРИЛЕП – РК ГОЛДЕН АРТ-КЛ7.

Финале во ракометниот, полуфинални натпревари во кошаркарскиот куп

Дарко Андоновски — Sat, 15 May 2021 07:41:00 +0000

На домашната спортска сцена денес на распоредот се финалните натпревари во ракометниот Куп на Македонија во двете конкуренции, додека кошаркарите ќе го играат полуфиналето. Најпрво во салата „Автокоманда“ од 14:30 часот за трофејот ќе се борат ракометарките на Куманово и Вардар. На истото место, три часа подоцна (17:30 часот) ќе стартува машкото ракометно куп финале во кое ќе се соочат Вардар и Еурофарм Пелистер. На само неколку километри од збиднувањата во ракометот, во СРЦ „Кале“ ќе се играат полуфиналните средби од кошаркарскиот куп „Благоја Георгиевски Буштур“. Во првиот дуел, закажан за 17 часот ќе играат Навико Академија ФМП и МЗТ Скопје Аеродром. Втората полуфинална двојка ја сочинуваат Работнички и Еуро Никел. Оваа средба ќе почне во 19:30 часот.

Познати паровите во ракометниот куп на Македонија

Бошко Тасиќ — Mon, 15 Feb 2021 18:35:22 +0000

Денес беше извршена ждрепката за прво коло од ракометниот куп во Македонија, каде свое учество оваа сезона ќе имаат 32 екипи во машка конкуренција и 13 во женска конкуренција. Почетокот на турнирот ќе биде во вид на елиминациска фаза, а по првите мечеви ќе бидат формирани четири групи со по четири екипи.

Минатата година овој турнир не се оддржа поради ситуацијата со Ковид19, така да бранител на трофејот останува тимот на Металург во 2019 година.

Мечевите кај мажите се играат на 24 и 25 февруари, додека кај дамите на 6 и 7 март. Во машка конкуренција се следните парови : Прилеп – Аеродром Делчево – Охрид Пролет – Борец Кичево – Бутел Скопје Преспа – Струга Риниа М – Работнички Металург РА – Радовиш Еурофарм Пелистер – Вардар Неготино Еурофарм Пелистер 2 – Јехона Јуниор КВ – Драчево Младост Богданци – Скопје Куманово – Металург Вардар – Текстилец Астраион – Македонија ЃП Шампион – Тиквеш Партизан Гевгелија – Голден Арт КЛ7 Во женска конкуренција, поради непарен број на учесници, во една група има четири екипи, додека во три групи, играат по три екипи. Во група А Шампион – Металург Спартак – Кузман Вардар Илинден Во група Б Чаир – Деспина Ѓорче Петров оди дииректно во финале Во група Ц Овче Поле СУ – Стружанка Вардар оди директно во финале Во група Д Гевгелија – Куманово Пелистер оди директно во финале

ЖРК Вардар се пласираше во финалето на Купот на Македонија

Дарко Андоновски — Thu, 09 May 2019 18:31:23 +0000

Ракометарките на ЖРК Вардар ја совладаа екипата на ЖРК Стружанка со 27:18 (16:12) во првиот полуфинален натпревар на Купот на Македонија, што денеска попладне се одигра во спортската сала во Куманово. Најефикасни во победничката екипа беа Ангела Костовиќ со 7 и Мирјана Петковска со 5 голови, додека пак кај екипата на Стружанка, Теодора Маркоска постигна 7. Противник на вардарки ќе им биде подобриот од вечерашниот втор полуфинален натпревар помеѓу екипите на домаќинот ЖРК Куманово и ЖРК Металург од Скопје Финалето на програмата е во сабота со почеток во 16:00 часот.

Познати полуфиналните парови од ракометниот Куп на Македонија

Дарко Андоновски — Wed, 09 May 2018 09:35:15 +0000

Денеска во просториите на Ракометната федерација на Македонија беа извлечени двојките за полуфиналето за Купот на Македонија кој ќе се одржи во Битола од 18 до 19 мај. Актуелниот освојувач на трофејот, РК Вардар во полуфиналето ќе се сретне со Пелистер. Во вториот дуел, борба за пласман во финалето ќе водат Еурофарм и Металург. Полуфиналните дуели ќе се одиграат во петок на 18 мај, додека финалето е во сабота на 19 мај. Во женска конкуренција исто така сили ќе измерат Вардар и Пелистер. Втората полуфинална двојка пак е Металург – Вардар јуниор. Ф4 турнирот во женска конкуренција ќе биде организиран во Скопје (19-20 мај).