ракометен турнир – Kurir.mk

Еурофарм Пелистер на пенали до трофејот на турнирот во Струга

Бошко Тасиќ — Sun, 21 Aug 2022 06:54:52 +0000

Македонскиот ракометен вицешампион, Еурофарм Пелистер е освојувач на трофејот на 50. јубилејно издание на турнирот во Струга. Битолчани во големото финале беа подобри од Целје и тоа во средба која беше прекината во раната фаза при водство од 4-3 за гостите од Словенија. Поради лошото време и услови на теренот организаторот во консултација со двете екипи одлучи да се изведуваат удари од седум метри за да се добие победникот во Струга. Тука подобро се снајде македонскиот претставник и со 7-6 дојде до пехарот. Токму голманот на Пелистер, Урбан Лесјак беше прогласен за најдобар на турнирот, неговиот соиграч Жарко Пешевски го грабна МВП признанието, додека Филип Талески од Вардар беше најефикасен играч на ова јубилејно издание на најпознатиот тунир во Македонија и пошироко. Конечен пласман: 1. Еурофарм Пелистер 2. Целје 3. Татран Прешов 4. Вардар 1961 5. АЕК Атина 6. Алкалоид 7. Струга 8. Бутел Скопје

ВИДЕО: Пендаровски исвиркан на струшкиот ракометен турнир

Ивона Петрова — Fri, 19 Aug 2022 10:12:33 +0000

Претседателот Стево Пендаровски вчера присуствуваше на ракометниот турнир во Струга, каде го следеше натпреварот меѓу екипите на Еурофарм Пелистер и РК Татран Прешов. Во моментот кога Пендаровски дојде, официјалниот спикер на натпреварот го најави неговото присуство, по што претседателот на државата беше исвиркан од публиката. Тој изјави дека ако домаќините на натпреварувањето одлучат, ќе му биде чест да биде покровител на турнирот од следната година.

Струшкиот ракометен турнир годинава без екипи од странство

Тале Кристо — Sat, 07 Aug 2021 18:24:39 +0000

Шест македонски прволигаши ќе настапат на 49. издание на Струшкиот ракометен турнир, на кој годинава, спротивно на традицијата, нема да учествуваат екипи од странство. Бранителот на трофејот Еурофарм Пелистер ќе игра во групата Б заедно со Металург и Тиквеш, додека актуелниот шампион Вардар за противници во групата А ќе ги има екипите на домаќинот Струга и Бутел. „Меѓународниот ракометен турнир – Струга 2021“ своето 49. издание ќе го има од 12 до 15 август на отвореното игралиште на Женска плажа во Струга.

Возбудливи натпревари на првиот ден од Струшкиот ракометен турнир

Ивона Петрова — Thu, 16 Aug 2018 06:05:54 +0000

Екипите на романската Констанца и шведскиот претставник во ЕХФ купот Алингсас синоќа одиграа нерешено 21:21 (13:12) на 46. Меѓународен ракометен турнир во Струга. Романската екипа Констанца предводена од поранешниот македонски селектор Ѕвонко Шундоски и Алингсас во тврд и неизвесен натпревар се менуваа во водството, кое не беше повеќе од три гола разлика. Првата ракометна вечер ја затворија словенечкиот шампион и долгогодишен учесник во лигата на шампионите Целје и Еурофарм Работник од Битола, во кој гостите славеа со минимална победа од 23:22 (13:7). Словенците имаа предност во текот на целиот натпревар, во неколку наврати и со шест голови разлика со што ја оправдаа фаворитската улога. Ракометниот турнир во Струга го отворија домаќинот Струга кој пружи достоен отпор против српскиот вицешампион Железничар предводен од Веселин Вујовиќ, но го загуби натпреварот со 25:20 (14:12). Денеска на теренот на ракометното игралиште „Женска плажа“ ќе играат екипите Бешикташ - Еурофарм Работник, Железничар - Алинксас, а вечерта ќе заврши со дербито меѓу Целје од Словенија и Тулус од Франција. МИА