ракометна репрезентација – Kurir.mk

Селекторот Кире Лазаров пресече: Oдбра со кои 18 ракометари ќе оди на СП

Катерина Бојаџиева — Wed, 11 Jan 2023 20:01:58 +0000

Селекторот на Македонија, Кире Лазаров, го објави конечниот список на патници за Светското првенство во Полска и Шведска. Тој ќе смета на 18 ракометари, а од оние 22 што беа на тренинзите и играа на пријателските со Црна Гора, Хрватска и Израел, отпаднаа десното крило Александар Петковски, десниот бек Давид Савревски, левото крило Цветан Кузманоски и голманот Марко Кизиќ. За Краков патуваат Филип Талески и Никола Митревски кои не беа дел од тимот во Пореч. Македонија е во група со Норвешка, Аргентина и Холандија, а настапот на СП го започнува на 13 јануари со Норвежаните. Македонија: Томовски, Митревски, Манасков, Петар Атанасијевиќ, Гоце Георгиевси, Ненад Костески, Жарко Пешевски, Марко Стјојковиќ, Никола Маркоски, Костадин Петров, Филип Талески, Иван Џонов, Филип Кузмановски, Игор Ѓоргиев, Михајло Младновиќ, Павле Атанасијевиќ, Томислав Јагуриновски, Мартин Серафимов. Светското првенство 2023 ќе се игра во градовите: Краков, Гдањск, Катовице, Плок, Стокхолм, Малме, Гетеборг, Јонкопинг и Кристијанштад. Македонската ракометна репрезентација ќе игра во Група Ф која важи за една од најсилните на Мундијалот. Покрај момците на Кире Лазаров, во групата се уште и Норвешка, Аргентина и Холандија. Црвено-жолтите отвораат со апсолутниот фаворит Норвешка на 13-ти јануари од 20:30 часот во полски Краков.

Кире Лазаров: Имавме успешен тест кој ни кажува дека сме на добар пат

Бошко Тасиќ — Sun, 20 Jun 2021 07:27:08 +0000

Македонската ракометна репрезентација загуби со 29-26 на првиот од двата контролни натпревари против Србија, на кој селекторот Кире Лазаров тестира играчи исклучиво од домашната Супер-лига. Ако се знае дека Србите настапија со бројни интернационалци јасно е дека македонскиот селектор може да биде задоволен од првото издание на своите избраници. „Јас го доживеав натпреварот како официјален, на некој начин како квалификациски, и така се поставивме и така момците се однесуваа на терен и покрај тоа што лошо почнавме со сериозна негатива. Но, верував и знаев дека тоа се само почетни импресии кај играчите и дека ќе се вратат во игра. Ова е нова генерација, млади играчи кои немаат доволно минутажа во клубовите во текот на сезоната, и затоа може генерално да оценам дека имавме успешен тест кој ни кажува дека сме на добар пат“ – изјави Лазаров за ЕКИПА по мечот, притоа дополнувајќи: „Можевме и до подобар резултат, но јас сум задоволен затоа што игравме против една квалитетна селекција на Србија со интернационалци кои се носители на играта во своите клубови“. Комплетно превземено од ЕКИПА.мк

Никола Митревски со нова улога во репрезентацијата

Бошко Тасиќ — Wed, 16 Jun 2021 10:57:16 +0000

Машката ракометна репрезентација денес го имаше првиот собир во пресрет на двата пријателски натпревари против Србија во рамките од јунската ЕХФ недела. Селекторот Кирил Лазаров за овие два контролни натпревари се реши да ги тестира квалитетите на помладите ракометари, односно на оние кои играат во домашното првенство. Сепак, еден интернационалец и стандарден првотимец се појави на денешниот собир. Искусниот голман Никола Митревски доби нова улога во репрезентацијата, односно во следниот период ќе ги „учи“ своите наследници. Во списокот на Лазаров на голманската позиција се најдоа младите Кизиќ и Петковски, како и Даниел Ѓорѓевски.

Исланд се израмни со Македонија по победата над Јапонија

Катерина Бојаџиева — Wed, 16 Jan 2019 16:53:06 +0000

Ракометната репрезентација на Исланд попладнево ја победи Јапонија со 25-21 (13-12) во првиот натпревар од денешната програма во групата „Б“, чии дуели се играат во „Олимпик хале“ во Минхен. По денешниот резултат, нашите репрезентативци имаат ист број на бодови со Исланд на третото место и ќе мора да бркаат победа утре. „Жолто-црвените“ ќе може да се пласираат понатаму и со реми против екипата на Гудмундур Гудмундсон, но вечерва ќе треба да извлечат бод од репрезентацијата на Шпанија. „Самураите“ одиграа солиден натпревар против „рибарите“, на полувреме губеа само со гол разлика, а на десетина минути до крајот резултатот на семафорот стоеше 20-21 во корист на Исланд. Потоа следеше серија од 3-0 за фаворитот на мечот и лесно приведување на дуелот до својот крај. Најефикасни во исландскиот тим беа Гунарсон и Сигурмансон со по 5 погодоци, а кај Јапонија Агире реализираше четири. Македонија вечерва од 20,30 часот излегува против фаворизираната Шпанија, а утре од 18 го играме клучниот меч со Исланд за пласман во следната фаза.