раководител – Kurir.mk

Директор и раководител на јавно претпријатие од Крушево добија кривични пријави

Магдалена Андонова — Tue, 14 Jun 2022 14:53:17 +0000

Полицијата поднесе кривични пријави против Н.И.(39) од Крушево, в.д. директор на Јавното претпријатие „Комуна“ во Крушево и П.Н.(55) од Крушево, раководител на oддел во истото претпријатие, поради постоење основи на сомнение за сторени кривични дела „злоупотреба на службена положба и овластување“ и „несовесно работење во службата“. - Пријавените, во периодот од втората половина на 2018 година до 2020 година свесно пропуштиле преземање службени дејствија, односно не изготвиле соодветни документи за прием на 10 тони – еуродизел гориво во магацинот на јавното претпријатие. Исто така, не биле извршени требувања за издаден материјал од магацинот со кои се евидентира потрошувачката на гориво и со тоа предизвикале штета од 7.080 литри еуродизел. Н.И. постапил спротивно на законот и со отуѓување на работна машина - трактор ИМТ 539 без донесена Одлука за размена, отуѓување или расходување на основно средство за работа и со тоа го оштетил претпријатието за 400 евра, информираат од полицијата. Двете лица добија кривични пријави.

СЕ ОГЛАСИ МВР ЗА СЛУЧАЈОТ СО РАКОВОДИТЕЛОТ КОЈ ПРИМИ МИТО: Извршен службен разговор, еве каква казна следува

Магдалена Андонова — Wed, 13 Apr 2022 15:20:55 +0000

Во врска со случајот со земање поткуп на граничниот премин Блаце, Одделот за внатрешна контрола, криминалистички истраги и професионални стандарди во координација со надлежното обвинителство, како и службите за внатрешна контрола на Р. Косово и Р. Албанија го документираше кривично правниот настан и изврши службени разговори со полициските службеници. Одделот за внатрешна контрола, криминалистички истраги и професионални стандарди до надлежното обвинителство против полициските службеници Е.Ш. и З.Р. ќе поднесе кривична пријава за сторено кривично дело „примање поткуп“ по член 357 од КЗ на РСМ, а ќе биде покрената и постапка за утврдување на дисциплинска одговорност. Полициските службеници до завршување на дисциплинската постапка се отстранети од работното место согласно одредбите од Колективниот договор на Министерството.

После многуте притисоци од власта, разрешен раководителот на Вардарски плански регион Марко Колев

Тале Кристо — Fri, 15 May 2020 17:21:30 +0000

Денес на седница на Вардарси плански регион, е разрешен раководителот Марко Колев. Ова промена на директорското место доаѓа по инцијатива на градоначалникот на Велес, Аце Коцевски. За негов наследник е назначен Игор Андреевски. Според нашите информации, оваа одлука е донесена без никакво образложение и причина. Вардарски плански регион важеше за институција која изминативе години реализираше огромен број на проекти во општините кои спаѓаат во овој регион, Велес, Кавадарци, Неготино, Чашка, Лозово, Свети Николе, Демир Капија, Градско и Росоман. Најмногу оваа институција им беше од помош на малите општини кои немаа доволно финансии за реализација на крупни проекти, кои преку Вардарски плански регион беа реализирани со помош на донатори, амбасади и кредити. Само во 2019 ВПР има реализирано проекти во вредност од преку 5 милиони евра. Според информациите на Велес денес, веќе неколку месеци има обиди да се соберат доволен број на гласови од градоначалниците во овој регион за разрешување на Колев, но поради противењето на поголем дел од градоначалниците истото беше пролонгирано. Правени се притисоци и од централната власт, како и од партијата на власт врз градоначалниците кои беа задоволни од работата на Колев со директни закани. Неофицијално во негова одбрана застанале и првите луѓе на околните општини, но на крај попуштиле под партиските притисоци и директиви. Марко Колев е потпретседател на ОИШ на ВМРО-ДПМНЕ, а меѓу граѓаните кој се по упатени во работата на Вардарски Плански Регион има поддршка и се споменува како иден кандидат за градоначалник на општина Велес. За своето разрешување на фејсбук се огласи и самиот Марко Колев, кои се пофали со десегашната своја работа, како и на тимот од Вардарски плански регион. Извор: velesdenes.mk