Ралф Рангник – Kurir.mk

Ралф Рангник одби да стане селектор на Германија

Бошко Тасиќ — Tue, 12 Sep 2023 03:57:58 +0000

Ралф Рангник кажа дека нема намера да стане селектор на Германија, откако Ханси Флик беше отпуштен по лошите резултати. Германската фудбалска федерација бара нов селектор, а еден од кандидатите беше поранешниот тренер на Манчестер јунајтед. „Нема шанси за такво нешто. Пред 14 месеци решив да работам како селектор на Австрија и за мене нема друга опција“, кажа Рангник.

Рангник нов селектор на Австрија

Магдалена Андонова — Fri, 29 Apr 2022 14:33:57 +0000

Тренерот на Манчестер јунајтед, Ралф Рангник е назначен за селектор на австриската фудбалска репрезентација, информираат од прес-службата на националниот тим. Шеесет и тригодишниот Германец ќе ја преземе функцијата на крајот на мај кога ќе почнат подготовките за натпреварите од Лигата на нации против Хрватска, Данска и Франција. Договорот со Рангник е на две години. Доколку австриската репрезентација се пласира во последната фаза на Евро 2024, договорот автоматски ќе биде продолжен за две години – до Светското првенство во САД во 2026 година. Австрија не се квалификуваше за Светското првенство во 2022 година, губејќи од Велс во плејофот. Да потсетиме дека Рангник на крајот од сезоната ќе ја напушти функцијата главен тренер на Манчестер јунајтед. Неговото место ќе го заземе Ерик тен Хаг. (МИА)

Рангник: Ливерпул е шест години пред Манчестер јунајтед

Ивона Петрова — Wed, 20 Apr 2022 06:24:06 +0000

Тренерот на Ливерпул, Ралф Рангник, по синоќешниот убедлив пораз од Ливерпул на гостински терен со 4:0, рече дека противникот има далеку поквалитетен состав. – Примивме рано гол, ја промашивме првата шанса. Не одигравме добро во првото полувреме. Бевме нешто подобри во првите 25 минути од второто полувреме и вршевме притисок од време на време. Имавме 2-3 шанси, но третиот гол веќе не откажа. Тоа е разочарувачки, фрустрирачки, можеби дури и понижувачки. Мора да признаеме дека Ливерпул сега е шест години пред нас. Клубот се промени кога таму дојде Јирген Клоп. Не само тимот, туку и градот се издигна на ново ниво. Ова треба да ни се случи нас во следните преодни рокови, изјави менаџерот на Манчестер јунајтед. По 33 одиграни натпревари Манчестер јунајтед се наоѓа на 6. место во поредокот во Премиер лигата со 54 освоени бодови. Ливерпул е лидер со 76 бода од 32 натпревара пред Манчестер сити со 74 бода од 31 натпревар и Челзи со 62 од 30 одиграни средби.

Рангник: Не жалам што дојдов во Манчестер Јунајтед

Ивана Ефремовски — Sat, 16 Apr 2022 13:15:16 +0000

Германскиот 63-годишен стратег и привремен тренер на Манчестер Јунајтед, Ралф Рангник, изјави оти не жали поради тоа што дошол на „Олд Трафорд“. Под негово водство Јунајтед има турбулентна сезона и во моментов е седмопласиран во Премиер лигата, шест бодови зад четвртото место кое носи пласман во Лигата на шампиони. Во последните четири натпревари Јунајтед освои четири бодови, а незадоволството на навивачите е сè поголемо. -Нималку не жалам поради тоа што дојдов во Манчестер јунајтед. Времето да се врати повторно би го направил истото. Секако дека како тренер постојано се прашувам дали можев да сторам повеќе. И можев, но не жалам поради одлуката да дојдам во голем клуб, изјави Рангник. – Навивачите ни се потребни, но тоа е стара приказна за давање и земање. Мораме да им понудиме нешто за да бидат со нас. Се надевам дека во претстојните натпревари ќе им дадеме повод со сите сили да бидат покрај играчите и својот клуб, додаде германскиот стратег, кој на крајот од сезоната ја напушта клупата на Манчестер јунајтед, но останува во структурите на клубот. (МИА)

Рангник пред натпреварот против Атлетико Мадрид: Ако играме како со Тотенхем, сигурно ќе победиме

Тале Кристо — Mon, 14 Mar 2022 17:08:18 +0000

Тренерот на Манчестер јунајтед, Ралф Рангник верува дека неговиот тим ќе победи во реваншот од Лигата на шампионите против Атлетико Мадрид. – На Атлетико не му пречи ако противникот ја има топката. Треба да играме без да примиме гол ако е можно. Секако, важно е ние да постигнеме први гол. Имаме фантастична можност да влеземе меѓу осумте најдобри. Ако играме како со Тотенхем, само 20% подобро, тогаш ќе победиме, сигурен сум, изјави менаџерот на Манчестер јунајтед. Во првиот натпревар во Мадрид, Манчестер јунајтед и Атлетико ремизираа (1:1).

Рангник: Заслужено победивме, Роналдо беше фантастичен

Ивона Петрова — Sun, 13 Mar 2022 09:10:59 +0000

Тренерот на Манчестер јунајтед, Ралф Рангник, оцени дека неговата екипа заслужено синоќа триумфираше на „Олд Трафорд“ над Тотенхем во премиерлигашкото дерби, истакнувајќи ја притоа одличната игра на португалскиот напаѓач Кристијано Роналдо. – Покажавме реакција каква што требаше да покажеме по лошото второ полувреме на „Етихад“ Екипата ја заслужи победата. Ова веројатно беше нашиот најдобар фудбал имајќи го предвид квалитетот на противникот, изјави германскиот стратег. Јунајтед го совлада Тотенхем со 3-2, со хет-трик на Роналдо, кој со тоа стана најдобар стрелец во историјата на фудбалот. – Тоа беше негов најдобар настап, барем откако сум јас во клубот. Беше добар на тренингот во четвртокот и затоа одлучив да го почне натпреварот од првата минута. Беше фантастичен, заедно со целата екипа, изјави Рангник.

Рангник: Не можам да натерам играч да игра ако вели дека има повреда

Ивона Петрова — Mon, 07 Mar 2022 07:10:58 +0000

Тренерот на Манчестер јунајтед, Ралф Рангник му одговори на поранешниот играч за врска Рој Кин во врска со повредата на напаѓачот Кристијано Роналдо. Триесет и седумгодишниот Португалец поради повреда на бутен мускул го пропушти натпреварот од 28. коло на англискиот шампионат против Манчестер сити (1:4). Пред средбата Кин изјави: „Зборуваме за тоа дека Кристијано е машина и многу ретко се повредува… Ова не ми e одговара“. На ова тренерот одговори:– Морам да му верувам на мојот медицински персонал. Докторот дојде кај мене пред тренинг и рече дека Роналдо не може да вежба поради некои проблеми со бутот. Тоа е само факт. Играчите му кажуваат на лекарот и медицинскиот оддел дека се повредени и не можат да играат. Морам да го прифатам тоа како тренер. Не можам да принудам играч да игра ако мисли дека има повреда, изјави Рангник за „Скај спортс“. По 28 кола во Премиер лигата, Манчестер Јунајтед има освоено 47 бодови и е петти во поредокот со 22 бода помалку од лидерот Манчестер сити. Оваа сезона Роналдо на 29 натпревари за Манчестер Јунајтед постигна 15 гола и оствари три асистенции. Договорот на напаѓачот со клубот е до 30 јуни 2023 година.

Рангник: Јунајтед 10 години ја нема освоено Премиер лигата, има добри причини за ова

Ивона Петрова — Tue, 08 Feb 2022 07:23:58 +0000

Тренерот на Манчестер јунајтед, Ралф Рангник, проговори за една деценија долгата серија на тимот без освоен трофеј во Англиското фудбалско првенство. Тој за успех сезонава ќе го смета евентуалното освојување на 4. место и пласманот во Лигата на шампионите. – Ако Манчестер јунајтед нема освоено титула 10 години, тогаш има сериозни причини за ова. Сите во тимот ќе бидат среќни ако сезоната ја завршиме на четвртото место, вклучително и јас, изјави Рангник. Манчестер јунајтед е четврти во Премиер лигата со 38 бода од 22 натпревара. Следниот натпревар во првенството „црвените ѓаволи“ ќе го имаат вечер од 21 часот на гостински терен против Барнли.

Марсијал со реакција по изјава на Рангник

Бошко Тасиќ — Sun, 16 Jan 2022 09:41:33 +0000

Антони Марсијал го собра гневот на навивачите на Манчестер Јунајтед откако по вчерашниот натпревар со Астон Вила привремениот тренер на клубот, Ралф Рангник истакна дека тој одбил да биде во составот. Јунајтед имаше проблеми во офанзивата, но Марсијал не се најде ни на клупата, за подоцна Германецот да истакне дека тоа била одлука на играчот кој одбил да биде во составот. По ваквата изјава на тренерот на Манчестер Јунајтед со свој коментар преку социјалните мрежи се јави и самиот Марсијал. – Никогаш нема да одбијам да играм за Манчестер Јунајтед. Овде сум седум години и никогаш не сум покажал непочитување и никогаш нема да покажам непочит кон клубот и фановите, -напиша Марсијал на Инстаграм.

Рангник незадоволен од играта на Манчестер јунајтед против Њукасл

Тале Кристо — Tue, 28 Dec 2021 07:29:58 +0000

Тренерот на Манчестер јунајтед, Ралф Рангник ги сумираше впечатоците од синоќешниот натпревар со Њукасл во 19. коло на шампионатот на Англија. Средбата заврши без победник, 1:1. -Не сум задоволен од нашето издание. Имавме премногу неизнудени грешки, а раниот гол не ги олесни работите. Во првото полувреме наметнавме борба, во второто бевме подобри, но тоа е прашање на енергија и кондиција и треба да бидеме подобри во овие области. Имавме шанси да постигнеме гол, но и Њукасл. Добро е што освоивме еден бод, бидејќи до 71 минута бевме во негатива. Нашите перформанси треба да се подобрат, изјави Рангник за „Би-би-си спорт“. Манчестер јунајтед по 17 натпревари има 28 бода и е на 7. место во поредокот во Премиер лигата. Њукасл со 11 бода од 19 средби е на претпоследното, 19. место.