Ралова Чука – Kurir.mk

Ставен под контрола пожарот кај Ралова Чука, екипи на ТППЕ Делчево остануваат на терен

Магдалена Андонова — Sun, 24 Jul 2022 14:07:03 +0000

Ставен под контрола пожарот кај месноста Ралова Чука во делчевското село Очипала. Пожарникарот Миле Тодоровски информираше дека екипи на ТППЕ Делчево остануваат на терен, бидејки депонијата за градежен шут, која се наоѓа на споменатата локација, и понатаму е подложна на самозапалување, поради различните видови градежен материјал што се наоѓа во нејзината внатрешност. -Пожарот е ставен под контрола, но не е изгаснат целосно. Ние интервениравме со три противпожарни возила и со помош на машини на Јавното комунално претпријатие ,,Брегалница”, направени се појаси за да не се прошири во околната борова шума, вели Тодоровски. Пожарот кај Ралова Чука засега нема зафатено дрвна маса, а очекувањата на ТППЕ Делчево се дека најдоцна до утре пожарот целосно ќе биде изгаснат.(МИА)

Реактивиран пожарот кај месноста Ралова Чука во Делчевско

Ивона Петрова — Sat, 23 Jul 2022 16:07:31 +0000

Реактивиран е пожарот на депонијата за градежен шут кај месноста Ралова Чука во делчевското село Очипала. Пожарникарот Лоренцо Трајановски, кој со екипа на ТППЕ Делчево интервенира во гаснењето, информира дека моментално гори внатрешниот дел на депонијата. -Во моментот се обидуваме да спречиме ширење на надворешниот дел на депонијата преку негова обиколка, по што ќе пристапиме кон гаснење на внатрешниот дел од депонијата, истакна Трајановски. Пожарот на депонијата Ралова Чука синоќа беше локализиран, но, како што додаде, делчевскиот пожарникар, повторно избувнал денес во попладневните часови. Во текот на вчерашниот ден во Делчевско беше локализиран пожарот во атарот на делчевските села Тработивиште и Разловци, во кој беа опожарени околу 50 хектари борова и дабова шума кај месноста Енѓовски колиби. Пожарникарите интервенираа и на запален семеен дом на улицата „Голачка” во Делчево.

Ставен под контрола пожарот кај месноста Ралова Чука во Делчево

Тале Кристо — Fri, 22 Jul 2022 20:25:30 +0000

Пожарот кај месноста Ралова Чука кој денеска попладне избувна во Делчево, е ставен под контрола. Во акцијата за гаснење учествуваше екипа на Територијалната противпожарна единица од Делчево, која претходно интервенираше во пожар на запален семеен дом на улицата Голачка во Делчево. Од единицата го повторија апелот во периодот на високи температури секоја евентуална појава на пожар благовремено да биде пријавена до институцијата.