рампа – Kurir.mk

Голем пожар во Скопје, горат напуштени бараки и продавниците кај „Рампа“ (ФОТО)

Ивана Ефремовски — Mon, 19 Sep 2022 10:13:53 +0000

Пожар ги зафати бараките карши Тутунски Комбинат во Скопје. Како што дознава КУРИР од очевидци, горат напуштени бараки и дел од продавниците кај „Рампа“. Противпожарните возила се на терен, а присутна е и полицијата. Претпладнево избувна пожар во близина на Тутунски комбинат спроти Управата за јавни приходи, информира за МИА од бројот 112 за итни случаи. Оттаму велат дека најверојатно горат напуштени стари бараки и оти се известени сите надлежни.

Рампата за пристап на лицата со потешкотии во движењето кон пешачкиот мост во Сарај се реализира според сите стандарди

Магдалена Андонова — Fri, 27 May 2022 13:05:26 +0000

Градот Скопје апелира да не се манипулира јавноста со фотографии од претходната состојба на патеката и проектот кој опфаќа реконструкција на целиот мост, кој е во интерес на сите граѓани и да не се злоупотребува за дневно политички цели. Рампата за пристап на лицата со потешкотии во движењето кон пешачкиот мост во Сарај се реализира според сите стандарди и согласно проектна документација изработена од стручни лица. По негативните реакции од јавноста во врска со изградбата на рампата за пристап на лицата со потешкотии во движењето кон пешачкиот мост во Сарај, Град Скопје ја информира и уверува јавноста дека изградбата на патеката се реализира според сите стандарди за ваков вид патеки и согласно проектна документација изработена од стручни лица. Со изградбата на оваа рампа на овој фреквентен потег ќе се овозможи полесен пристап до мостот во Сарај за сите граѓани, за лицата со потешкотии во движењето, за родителите со мали деца, велосипедистите и за рекреативците.

Македонка ја скршила рампата на бугарско-македонската граница и им бегала на полицајците до Ќустендил

Тале Кристо — Fri, 15 May 2020 20:50:14 +0000

Триесет и деветгодишна македонска државјанка на граничниот премин Гуешево меѓу Македонија и Бугарија поминала со голема брзина без дозвола од надлежните органи предизвикувајќи големи штети, јавува дописникот на БГНЕС. Според бугарската агенција, државјанката одбила да застане за преглед на граничниот премин, ја искршила рампата, а не застанала ни на сигналот од граничната патрола веднаш после границата. Таа не застанала се до влезот на градот Ќустендил, каде што удрила во едно возило, а потоа и во уште едно службено полициско возило. Од таму посочуваат дека со оглед на тоа дека жената била во лоша состојба, била повикана Брза помош, при што лекарите утврдиле дека има повишена телесна температура. Исто така, и бил направен и брз тест за ковид-19, а и била земена крв за проверка на нивото на алкохол и опојни средства. Во моментот таа е префрлена на лекување во болница во градот.

Поради несовесност се ризикуваат животи во Лисиче: Рампата крената за автомобили, а поминува воз! (ФОТО)

Ивана Ефремовски — Wed, 28 Aug 2019 11:19:04 +0000

„Секунди ме делеа од трагедија“, вели читател на КУРИР од скопско Лисиче. Рампата кај пругите крената, сигнализира дека автомобилите можат слободно да поминат, а во тој момент, поминува воз. -Едвај запревме, се направи цела колона. Овде поради нечија несовесност денес можеше да има жртви, вели читателот на КУРИР.

Докторите пешки до пациентот, Брзата помош не ја пуштија на рампа

Дарко Андоновски — Tue, 24 Jul 2018 19:28:52 +0000

Возило на Брза Помош, кое било повикано да интервенира на територијата на Стар Град, остана пред Горна Порта бидејќи не успеа да влезе во Стар Град, а медицинскиот персонал продолжил пешки да оди кон местото каде треба да интервенираат врз лице со здравствен проблем, пренесува охридскиот портал „Охрид 1“. Новиот систем со рампи предизвика целосен колапс во Стар Град, а граѓаните се при крај со трпението и бараат Градоначалникот Јован Стојаноски да се појави пред нив, пишува порталот. Стојаноски денес не се појави на терен, а кај рампите се појавила само директорката на ЈП Билјанини Извори, Гордана Јованоска. Во Стар Град на изборите победи Јован Стојаноски, а сега жителите на овој дел од градот велат дека никој на изборите не им кажал дека Стојаноски ќе им постави рампи.