рамштајн – Kurir.mk

Отфрлени обвинувањата за сексуална злоупотреба против пејачот „Рамштајн“, Тил Линдеман

Ивана Ефремовски — Wed, 30 Aug 2023 11:09:26 +0000

Обвинителството во Германија ја прекина истрагата за сексуална злоупотреба против пејачот на хеви-метал групата „Рамштајн“, Тил Линдеман. Рокерот беше обвинуван за непримерно однесување, но според „Дојче веле“, истражителите не успеале да соберат докази за да ги поткрепат овие наводи. Обвинувањата прво се појавија во интернет-објава на обожавателка по име Шелби Лин, која тврдеше дека нејзините пијалаци биле полни „дрога за силување“ за време на забава пред концертот во Литванија на 22 мај годинава. Потоа таа повраќала и имала модринки, но на крајот призна дека го одбила додворувањето на рок-ѕвездата. „Сакам повторно да појаснам. Тил не ме допре. Тој прифати дека не сакам да имам секс со него. Никогаш не тврдев дека ме силувал“, додаде таа на Твитер и покрај првичните негодувања и обвинувања. Бендот тогаш брзо издаде соопштение каде што ги одрече наводите, но следеа наводни сведоштва и од други обожавателки и посетителки кои тврдеа дека девојки кои присуствувале на настапите, редовно биле извлекувани „зад сцената“... Па натаму, некој од луѓето околу бендот би ги запознал со Линдеман, а во некои случаи обожавателката наводно била и дрогирана. Во јуни, обвинителите во Литванија објавија дека нема да отворат истрага пo обвинувањата на Лин. Германските власти одлучија да го сторат истото бидејќи не можат да ги соберат изјавите на наводните жртви и не нашле докази дека Линдеман навистина ги извршил престапите. (МИА)

ПОЧНУВА ИСТРАГА: Пејачот на „Рамштајн“ обвинет за сексуално вознемирување!

Ивана Ефремовски — Fri, 16 Jun 2023 08:55:34 +0000

Обвинителството во Берлин започна истрага против фронтменот на групата Рамштајн, Тил Линдеман, откако неколку жени го обвинија за сексуално вознемирување. Менаџерот на пејачот допрва треба да коментира, а Тил претходно за AFP изјави дека тврдењата се невистинити. На крајот на минатиот месец, Шелби Лин објави дека Алена Макеева, која се претстави како кастинг директор, ја поканила во ВИП делот на концертот на Рамштајн во Литванија. Шелби тврди дека по концертот ја однела зад сцената, каде Линдеман и пришол и ја прашала дали сака имаат секс. Откако таа го одбила, тој луто реагирал. Шелби изјавила и дека се чувствувала дрогирана откако го конзумирала пијалокот, но подоцна објавила дека тестот за урина не покажал знаци на интоксикација. -Би сакал да појаснам. Не ме допре. Тој прифати дека не сакам да имам секс со него. Никогаш не тврдев дека ме силувал, објави таа. По неа се јавија уште неколку жени. Таа ја отвори темата и кажа дека не е силувана, но следуваше пострашна приказна. Една од нив, која се претстави како Каја Р., изјави дека во 2019 година, по концертот на Рамштајн во Виена, некој ја поканил на забава. Како што истакнала „многу испила и се онесвестила“. Таа изјавила дека го видела Линдеман врз неа кога се разбудила и сфатила дека тој ја силувал. Таа додаде дека ја прашал дали сака да престане и тврди дека не разбира што се случува, а тој на крајот си заминал.

Поради ова видео на Рамштајн, збеснаа многумина: Револтот постојано расте

Ивана Ефремовски — Fri, 29 Mar 2019 07:26:39 +0000

Германскиот хард рок бенд Рамштајн предизвика бес во јавноста откако објави видео со кое го промовира својот нов албум, а во кое членовите на групата се појавуваат облечени како логораши со јамки околу вратот. Клипот предизвика гнев меѓу еврејските групи и политичари кои ги обвинија рокерите дека го тривијализираат Холокаустот. На почетокот на снимката, еден од рокерите, облиен со крв што му тече низ лицето, стои под лилјаци. Гитаристот Пол Ландерс на снимката носи Давидова ѕвезда на градите над натписот „Дојчланд“ (Германија). Шарлота Ноблок, која го преживеа холокаустот и поранешен претседател на Централниот совет на Евреите во Германија, за германскиот дневник Билд, изјави дека „со ова видео бендот ја помина границата“. -Инструментализацијата и тривијализацијата на Холокаустот, како што е прикажано на фотографиите, е неодговорна, рече Ноблок. Владиниот повереник за антисемитизам Фелик Клајн изјави дека „тоа е невкусна експлоатација на уметничката слобода“, доколку видеото е само за зголемување на продажбата.