рамзан кадиров – Kurir.mk

Кадиров: Израел да размисли пред да ги испровоцира муслиманите ширум светот да се одмаздат

Ивана Ефремовски — Wed, 18 Oct 2023 16:15:46 +0000

Чеченскиот лидер Рамзан Кадиров го повика Израел да ја запре ескалацијата на конфликтот со Палестина и да размисли двапати пред да ги испровоцира муслиманите ширум светот да се одмаздат. „Ако израелскиот режим мисли дека Палестина е сама и дека можат да прават што сакаат со неа, тие се во сериозна грешка“, напиша Кадиров на Телеграм. „Не ги провоцирајте луѓето. Немојте да се потсмевате и да ги поттикнувате муслиманите ширум светот да се одмаздат. Тоа ќе ве чини илјада пати повеќе од потенцијалната добивка на која се надевавте. Размислете пред да направите една од најголемите и најфатални грешки во вашата историја“, додаде тој. Според него, “Израел си дозволува премногу и се заканува да избрише цел народ од картата“. Претходно, чеченскиот лидер му замери на Западот за двојни стандарди во арапско-израелскиот конфликт. Тој смета дека ситуацијата на Блискиот Исток би била поинаква доколку другите шефови на држави, по примерот на рускиот претседател Владимир Путин, ја почитуваат религијата и ја штитат од напади. Тој е убеден дека тогаш конфликтот би бил избегнат. (МИА)

Кадиров го одликува својот 15-годишен син

Тале Кристо — Sat, 07 Oct 2023 08:11:17 +0000

Чеченскиот лидер Рамзан Кадиров го одликува својот 15-годишен син Адам со титулата Херој на Чеченската Република. - Со големо задоволство му честитам на мојот драг внук Адам Рамзанович Кадиров за доделувањето на највисоката титула на Чеченската Република Херој на Чеченската Република, изјави Адам Делимханов, член на руската Државна дума и десна рака на Кадиров. Според Делимханов, Адам Кадиров е „пример за исклучително добро образована, добро развиена и решителна млада личност“ и ги истакна неговите достигнувања во боречките вештини и стрелаштвото. Херојот на Чеченската Република е највисоката државна награда во Чеченија, а указите за доделување ги потпишува шефот на Републиката, што всушност значи дека Рамзан Кадиров му ја доделил титулата на својот малолетен син. Рамзан Кадиров прво потпиша указ за доделување на медал на самиот себе. Чеченскиот лидер неодамна објави видео на кое неговиот син Адам брутално тепа 19-годишен затвореник, кој беше уапсен во мај за јавно палење на Куранот во Волгоград, а потоа беше префрлен во затвор во Чеченија.

Рамзан Кадиров е во кома, тврдат Украинците

Тале Кристо — Sat, 16 Sep 2023 08:37:25 +0000

Рамзан Кадиров наводно е во кома. Така тврдат Украинците кои пишуваат дека неговата здравствена состојба е влошена. Независниот белоруски канал Некста ја пренесува изјавата на портпаролот на украинската разузнавачка служба, Андриј Јусов, кој вели дека болеста на Рамзан Кадиров се влошила. Украинска Правда пренесува дека Јусов за Укринформ изјавил дека Кадиров е во критична состојба. „Можеме да потврдиме дека имал уште едно сериозно влошување и дека е во критична состојба последните неколку дена“, се пренесуваат наводните зборови на Јусов. „Информациите се потврдени од различни извори во медицински и политички кругови. Не станува збор за повреди. Други детали треба дополнително да се разјаснат. Тој е подолго време болен, а се работи за системски здравствени проблеми“, изјави Јусов. Првите гласини за лошата здравствена состојба на чеченскиот лидер се појавија уште во март. Беа споменати труење и бубрежна болест. Кадиров ги отфрли гласините набргу потоа. „Јас сум здрав и полн со енергија“, рече тогаш Кадиров во објавата на Телеграм, додавајќи дека му е „жал што ги вознемирува“ сите што се надеваат дека е „смртно болен“, објави независниот руски весник „Москоу тајмс“ во средината на март.

Чеченскиот лидер со порака за Киев: Господа, не ви треба потерница, доаѓам по вас

Катерина Бојаџиева — Thu, 17 Nov 2022 08:22:40 +0000

Лидерот на Чеченија Рамзан Кадиров синоќа му порача на Киев дека нема потреба да го ставаат на списокот на барани лица и да распишуваат потерница, нагласувајќи дека ќе сам ќе дошол. „Господа од СБУ, одредете го местото и времето, ќе дојдам. Ќе дојдам по вас и ќе ве казнам за сите ваши злосторства“, се закани Кадиров преку видео објавено на Телеграм. Тој додаде дека веќе неколку пати бил во Украина. Службата за безбедност на Украина (СБУ) распиша потерница за Кадиров заради „водење агресивна војна или агресивна воена акција“, за што е предвидена затворска казна од 10 до 15 години. Кадиров на веб-страницата на украинското министерство е наведен како „лице што се крие од истражните органи“, а објавена е и негова фотографија, пишува руската новинска агенција ТАСС.

Кадиров со порака за Киев: Господа, не ви треба потерница, доаѓам по вас

Тале Кристо — Thu, 17 Nov 2022 08:16:08 +0000

Кадиров: Русија треба во Украина да употреби нуклеарно оружје со мала сила

Тале Кристо — Sat, 01 Oct 2022 17:09:10 +0000

Чеченскиот лидер Рамзан Кадиров денеска изјави дека Москва треба да размисли во Украина да употреби нуклеарно оружје со мала моќност, по новиот голем пораз на бојното поле. Коментирајќи го денешното губење на руското стратешко упориште, градот Лиман, во источна Украина, Кадиров на каналот Телеграм напиша: „Според мене, треба да се преземат подрастични мерки, кои би оделе до таму што ќе се прогласи вонредна состојба во пограничните области, како и употреба на нуклеарно оружје со помала моќност.“ Чеченскиот лидер ова го кажа само еден ден откако рускиот претседател Владимир Путин официјално ја објави анексијата на четирите украински региони, вклучувајќи го и Доњецк, каде што се наоѓа градот Лиман, и сите овие места ги стави под руски „нуклеарен чадор“. Путин вчера, исто така, кажа дека Москва ќе ги брани териториите што ги окупира „со сета сила и со сите свои средства“. Познато е дека Русија го има најголемиот нуклеарен арсенал во светот, вклучувајќи го и тактичкото нуклеарно оружје со помала сила, дизајнирано да се користи против ривалските армии. Останаа сојузниците на Путин, меѓу кои поранешниот претседател Дмитриј Медведев сугерираат дека Русија можеби треба да прибегне кон нуклеарно оружје, но повикот на Кадиров е досега најексплицитен.

Кадиров одби мобилизација во Чеченија: Веќе дадовме доволно војници

Ивона Петрова — Fri, 23 Sep 2022 08:01:29 +0000

Верниот сојузник на рускиот претседател Владимир Путин, Рамзан Кадиров вели дека во Чеченија нема да има мобилизација. -Тој план во Чеченската Република е исполнет за 254 проценти. Такви резултатите се постигнати со претходно формирани нови единици на Министерството за одбрана на Русија. Сите кандидати за служба поминаа во Воениот комесаријат. Тој механизам го разработивме од самиот почеток и пред објавата за делумна мобилизација, вели Кадиров во гостувањето на една телевизија. Во војната во Украина, како што вели, досега заминале 20.000 Чеченци, а истакнува и дека Чеченија веќе ги исполнија сите планови. -Освен тоа, Чеченија има резерви од повеќе илјади доброволци, па ако биде потребно, ќе може да влезат во редовите на бранителите, вели Кадиров.

Киев поднесе обвинение за воени злосторства против Кадиров

Ивана Ефремовски — Fri, 26 Aug 2022 13:33:25 +0000

Службата за безбедност на Украина (СБУ) поднесе обвинение за воени злосторства против шефот на Чеченската Република, Рамзан Кадиров. СБУ на социјалните мрежи објави дека собрала „безусловни докази за воените злосторства извршени од Рамзан Кадиров“. Покрај лидерот на Чеченија, собрани се и докази за воени злосторства извршени од заменик-шефот на одделот на руската Национална гарда за Чеченија Даниил Мартинов и еден од командантите на Националната гарда Хусеин Межидов. (МИА)

Кадиров вели дека Русија има за цел да го заземе Киев

Ивона Петрова — Mon, 11 Apr 2022 06:18:10 +0000

Претседателот на руската република Чеченија, Рамзан Кадиров, изјави дека офанзивата во Украина нема да се спроведува само во Мариупол, туку и во главниот град Киев како и во другите украински градови. Во видео-пораката објавена рано изутринава преку платформата „Телеграм“ тој вели дека „целосно ќе ги ослободи (источните региони Луганск и Доњецк“)…а потоа ќе ги преземе Киев и сите други градови“. „Ве уверувам дека нема да има ниту еден чекор назад“, вели Кадиров. Неговата изјава доаѓа во мигови кога конфликтот во Украина се преместува на исток каде украинските сили се утврдени и добро подготвени за борба. Руските власти соопштија дека нивните сили ќе се фокусираат кон „целосно ослободување“ на Донбас, притоа алудирајжи на Луганск и Доњецк.

Чеченскиот лидер Рамзан Кадиров тврди дека е во Украина

Ивона Петрова — Mon, 14 Mar 2022 08:01:17 +0000

Чеченскиот лидер, Рамзан Кадиров, тврди дека пристигнал во Украина. Во видео-порака објавена преку апликацијата „Телеграм“ Кадиров вели дека пред неколку дена се наоѓал во непосредна близина на непријателските сили во Украина на место каде што се воделе жестоки борби меѓу руските и украинските сили. -Пред некој ден бев на околу 20 километри од вас, киевски насцисти, а сега сме уште поблиску…Ќе додадам уште една интрига: можеби сме веќе во Киев и само ја чекаме потребната наредба, вели Кадиров. Тој истовремено упати закани до украинското раководство со повик да ја смени страната. -Можете да се опуштите на минута и да не не барате, ние по секако ќе ве најдеме, продолжува Кадиров кој е лојален соработник на рускиот претседател Владимир Путин. Кадиров повеќе од десет години суверено владее со руската Република Чеченија. Граѓанските активности го обвинуват за чести кршења на човековите права, со произволни апсења и нарачани убиства.