ранет – Kurir.mk

Последниот ранет во вооружениот напад кај Младеновац ќе биде пуштен од болница

Тале Кристо — Fri, 12 May 2023 18:18:44 +0000

И последниот ранет во вооружениот напад во околината на Смедерево и Младеновац во текот на денот ќе биде пуштен од смедеревската општа болница, потврдија за Радио-телевизија на Србија (РТС). Ноќта на пукањето бил примен со прострелна рана во потколеницата по што му била извршена операција и бил сместен на одделението за ортопедија. Осомничениот за убиството на осум лица во околината на Младеновац и ранувањето на уште 14, У. Б. (21), беше сослушан во Вишото јавно обвинителство во Смедерево и одредена му е мерка притвор до 30 дена. Ден претходно, на 3 мај, во ОУ „Владислав Рибникар“ тринаесетгодишен ученик уби осум врсници и училиштен чувар и рани уште седум лица.

Скопјанец ранет во ногата: Собраќајка причина за инцидентот

Тале Кристо — Sun, 11 Sep 2022 15:01:35 +0000

На 10.09.2022 во 16.00 часот во СВР Скопје Б.Ј.(38) од Скопје пријавил дека на ул.„Алија Авдовиќ“, во близина на црквата, имало пукање и повредено лице од огнено оружје. Полициски службеници веднаш излегле на местото при што било констатирано дека околу 15.45 часот, по претходна сообраќајна незгода на истата локација помеѓу патничко возило „фолксваген туаран", управувано од пријавителот и патничко возило „сеат алтеа", управувано од Б.К.(20) од Скопје, двете со скопски регистарски ознаки, настанала вербална расправија при што дошло до физички напад. Притоа, Б.Ј.(34), кој според пријавеното бил сопственик на возилото „сеат", извадил пиштол, кој при обид да му биде одземен испукал и со повреда во ногата се здобил Б.Ј., брат на пријавителот. Тој заедно со С.Ј., роднина на пријавителот, кој се здобил со повреда при физичкиот напад, биле пренесени во Ургентен центар за укажување на медицинска помош. Известен е Јавен обвинител, распишана е централна потерница за пронаоѓање на сторителот и се работи на расчистување на случајот.

РАНЕТ ДОДЕКА ИЗВЕСТУВАШЕ ОД КИЕВ: Новинар на Фокс њуз е хоспитализиран, се бараат информации

Ристе Здравков — Tue, 15 Mar 2022 06:23:43 +0000

Репортерот на Фокс њуз, Бенџамин Хол, кој вчера беше повреден додека известуваше од околината на Киев, е хоспитализиран, објави американската медиумска куќа, пренесе АП, а пренесува Танјуг. Хол работи како дописник од Вашингтон и го покрива американскиот Стејт департмент за Фокс њуз, каде што работи од 2015 година. - Засега имаме малку детали, но Бен е хоспитализиран и нашите тимови на терен работат на собирање дополнителни информации бидејќи се се случува со голема брзина - изјави извршната директорка на Fox News Media Сузана Скот во порака до вработените во медиумската куќа.

БИЛ НА ЛОВ И РАНИЛ ЧОВЕК: Ловџија заврши со лисици на рацете, а жител од кочанско во болница

Тале Кристо — Mon, 03 Jan 2022 16:49:01 +0000

На 02.01.2022 во 15.30 часот, полициски службеници од Полициската станица Кочани го лишиле од слобода Л.С.(54) од с.Долни Подлог, кочанско, затоа што околу 08.55 часот, за време на лов во атар на с.Јастребник испукал еден куршум од пушка „Застава М-70“ калибар 30-06 и го погодил М.С.(55) од Кочани, нанесувајќи му повреда. М.С. бил пренесен во Медицински центар Кочани за укажување лекарска помош. Се работи на расчистување на случајот, по што ќе биде поднесена соодветна пријава.

Скопјанец ранет од залутан куршум

Тале Кристо — Fri, 23 Jul 2021 15:44:20 +0000

На 23.07.2021 околу 00.30 часот во СВР Скопје било пријавено од Градската општа болница „Св.Наум Охридски“ – Скопје, дека му била пружена лекарска помош на М.Ш. (29) од Скопје кој имал повреда во ногата од залутано зрно. Се преземаат мерки за расчистување на случајот.

Малолетник со огнено оружје пукал во својот малолетен братучед во курушевско Пресил, со тешки телесни повреди бил однесен во прилепската болница

Тале Кристо — Fri, 23 Jul 2021 15:30:55 +0000

На 22.07.2021 во Полициска станица Прилеп пријавено е дека во Јавна здравствена установа „Борка Талески“ во Прилеп е донесен малолетник од с.Пресил, крушевско, со тешки телесни повреди од огнено оружје. Увид извршила увидна екипа на ПС Крушево и ПС Прилеп, при што било констатирано дека во с.Пресил, во семејната куќа на Џ.И.(43), кој во моментот не бил дома, неговиот малолетен син истрелал од ловна пушка, која ја поседувал Џ.И., при што го повредил малолетниот братучед. Се преземаат мерки за расчистување на случајот.

Малолетник од село Врапчиште со пушка ранил свој врсник!

Тале Кристо — Thu, 07 Jan 2021 15:38:56 +0000

На 06.01.2021 во 14.10 часот во СВР Тетово било пријавено дека во приватна болница „Систина“ на 05.01.2021 донесено е повредено лице од огнено оружје. Според пријавата, на 05.01.2021 околу 15.30 часот во помошен објект во атар на с.Врапчиште, 16 годишен малолетник од с.Врапчиште ракувајќи со воздушна пушка со еден истрел погодил друг малолетник од с.Врапчиште. По настанот повредениот е префрлен во приватна болница „Систина“ во Скопје за укажување на лекарска помош. Извршен е увид и се преземаат мерки за расчистувaње на случајот.

Осумнаесетгодишник ранет со остар предмет во Жена-парк во Тетово

Магдалена Андонова — Wed, 05 Aug 2020 11:29:05 +0000

Осумнаесетгодишен тетовец е ранет со остар предмет синоќа околу 23 часот во Жена-парк во Тетово, откако имал вербална расправија со две лица. Повредениот е хоспитализиран во тетовската болница, а СВР Тетово информира дека за настанот едно лице е лишено од слобода. -Во СВР Тетово било пријавено дека во Жена-парк, на ул. „Борис Кидрич“ во Тетово, дошло до вербална расправија која преминала во физичка пресметка помеѓу М.С. (18) од Тетово, од една страна, и Р.З. и К.В. од друга страна. Притоа, Р.З. со остар предмет му нанел убодни рани на М.С. Полициските службеници од СВР Тетово веднаш го лишиле од слобода Р.З., кој по насоки на Јавен обвинител е задржан во Полициска станица Тетово за понатамошна постапка, соопшти СВР Тетово. Службеници на СВР Тетово извршиле увид на местото на настанот и сега следува документирање на случајот. (МИА)

Пукање на Пластичарска, ранет сопственик на дуќан

Магдалена Андонова — Fri, 24 Jul 2020 08:36:56 +0000

Доцна синоќа едно лице со повреда од огнено оружје било пренесено во Ургентниот центар, „Мајка Тереза“, откако бил повреден во еден од дуќаните на Пластичарската улица во Скопје по 21:30 часот. Како што дознава „360“, повредениот е сопственик на дуќан во кој влегле неколку непознати машки лица и ги нападнале двајцата синови на повредениот. Кога таткото дошол да види што се случува, еден од напаѓачите испукал куршум и го погодил во натколеницата. Тогаш напаѓачите го напуштиле местото, а повреденото лице е пренесено во болница. Се работи на расчистување на случајот.

Ранет маж од Арачиново по расправија за пасење добиток

Ивана Ефремовски — Mon, 19 Aug 2019 14:29:47 +0000

На 18.08.2019 околу 17:43 часот во СВР Скопје било пријавено дека во Градската општа болница „Св.Наум Охридски“ со повреди добиени од пиштол е донесен З.А.(30) од с.Мојанци, општина Арачиново. Осомничен е Б.Р. (28) од с. Брест, кој според првичните сознанија, пукал во З.А. откако претходно, околу 16 часот А.А., брат на З.А., со стап го нападнал и му нанел повреди на таткото на Б.Р. на пасиштата над с.Арачиново по расправија околу напасувањето на добитокот. Се преземаат мерки за расчистување на случајот.