ранети војници – Kurir.mk

Русија и Украина се договорија за хуманитарен коридор за ранетите војници од Азовстал

Тале Кристо — Mon, 16 May 2022 13:48:01 +0000

Руската војска наложи прекин на огнот во областа на челичарницата Азовстал и отвори хуманитарен коридор, соопшти денеска руското Министерство за одбрана. Со претставниците на украинската страна е постигнат договор за евакуација на ранетите војници во здравствените установи. -На 16 мај, како резултат на преговорите со претставници на украинскиот воен персонал блокиран на територијата на металуршката фабрика Азовстал во Мариупол, беше постигнат договор за евакуација на повредените, се вели во соопштението на руското Министерство. Ранетите се префрлени во болница во Новоазовск на територијата на самопрогласената Доњецка Народна Република (ДНР).

Украинската вицепремиерка бара итна евакуација на цивилите и ранетите војници од Азовстал

Тале Кристо — Thu, 21 Apr 2022 09:01:28 +0000

Украинската вицепремиерка Ирина Верешчук побара Русија да дозволи итен хуманитарен коридор за евакуација на цивилите кои се засолнети во фабриката за челик во Мариупол. Како што пренесе Би-Би-Си, Верешчук ова го изјави откако рускиот претседател Владимир Путин ги откажа плановите за упад во фабриката Азовстал. – Таму има околу 1.000 цивили и 500 ранети војници. Сите тие треба да бидат извлечени од Азовстал денеска, напиша Верешчук на социјалните мрежи. Командант на морнарицата во фабриката вчера испратил порака до Би-Би-Си дека повредените војници заробени таму „гнијат“, без лекови и други потребни материјали. Тој повика неговите луѓе да бидат евакуирани во трета земја.

ФОТО+ВИДЕО: Зеленски ги посети украинските ранети војници во болница

Магдалена Андонова — Sun, 13 Mar 2022 19:20:55 +0000

Украинскиот претседател Володимир Зеленски денеска посетил ранети војници во болница во Киев, со кои тој поразговарал и се фотографирал, потврди украинското Министерство за одбрана.

Президент України Володимир Зеленський відвідав у госпіталі поранених захисників України 🇺🇦 🔊 «Хлопці, швидше одужуйте. Вірю: найкращим подарунком до вашої виписки буде наша спільна перемога!» - зазначив @ZelenskyyUa pic.twitter.com/lHYZJHWvp8
— Defence of Ukraine (@DefenceU) March 13, 2022

Ова е прва негова посета на болница во која лежат ранети украински војници, по воената инвазија на Русија која започна на 24 февруари, а самиот Зеленски објави видео од посетата на социјалните мрежи. - Во посета на нашите ранети борци. Оздравете што побргу. Јс верувам дека најдобар подарок за вашето повлекување ќе биде наша заедничка победа!, пишува Зеленски на Фејсбук.

Двајца војници ранети во тетовската касарна, со сериозни повреди пренесени во Клинички

Ивона Петрова — Thu, 22 Mar 2018 10:26:11 +0000

Двајца припадници на АРМ од тетовската касарна утринава се донесени во болницата во Тетово со прострелни рани. Поради сериозноста на повредите и по првичната интервенција двајцата повредени војници се префрлени на Клиничкиот центар во Скопје. Според првичните информации, настанот се случил по вежбата што ја имале војниците во касарната додека го чистеле оружјето. Доктор Фатмир Салију од тетовската болница за МИА информира дека војниците биле со прострелна рана и искршеници на екстремитетите и заради тоа се префрлени во скопските клиники.