ранети – Kurir.mk

Двајцата ранети кај Бањска примени во болницата во Нови Пазар

Тале Кристо — Mon, 25 Sep 2023 11:43:52 +0000

Најмалку двајца непознати мажи со прострелни рани примени се во текот на вчерашниот ден во Општата болница во Нови Пазар, јави дописникот на МИА од Белград. Како што соопшти агенцијата Бета, двајца ранети лица кои зборувале на српски јазик, сместени се во шок соба, и нивната состојба по укажаната помош е стабилна и тие се надвор од животна опасност. Тие биле пренесени во таа здравствена установа вчера околу 15 часот. -Зборуваат српски, но не сакаа да го откријат идентитетот, ниту како и каде се повредени, изјавил неименуван извор за Бета. Од Општата болница во Нови Пазар не сакаа да зборуваат за медиумите. Порталот Нова.рс објави дека во неделата вечерта припадници на МВР на Србија го обезбедувале влезот на хируршкото одделение во болницата во Нови Пазар, а како што информира Нова полицијата од утрово повеќе не е таму. Бањска која се наоѓа на Косово и Нови Пазар во Србија, поврзани се со пат преку Рогозна, а на тој патен правец нема административен премин меѓу Косово и Србија. Во неделата рано наутро дојде до вооружен конфликт во близина на манастирот Бањска на Косово, во кој загина еден припадник на косовската полиција, а друг е ранет. Според косовската полиција убиени се четворица вооружени лица од српска националност, тројца се тешко ранети, а петмина се уапсени. Претседателката на Европското движење на Србите од Косово, Рада Трајковиќ за ТВ Нова изјави дека меѓу Албанците се зборува дека косовската полиција имала капацитет да се справи со луѓето кои упаднале во манастирот Бањска и дека ќе имало уште многу жртви, но дека меѓународната заедница ја одиграла таа улога и спречила повеќе жртви. -Меѓународната заедница работеше на проектот за извлекување на тие луѓе кон централна Србија и нивно спасување, бидејќи што ќе се случеше ако беа убиени 30 луѓе? Имам сознанија дека имало дискусија и да некој морал да ги преземе тие луѓе и одговорноста за тие луѓе, рече Трајковиќ.

Деветмина ранети во вооружен напад во Сан Франциско, пукано од возило во движење

Тале Кристо — Sat, 10 Jun 2023 10:41:45 +0000

Полицијата во Сан Франциско соопшти дека ноќеска биле ранети девет лица во округот Мисион, откако врз нив било пукано од возило во движење. Пукањето се случило околу 21 часот по локално време. „Можеме да потврдиме дека има девет ранети во престрелката и се очекува сите да преживеат. Во моментов се чини дека инцидентот бил со предумисла и изолиран. По инцидентот веќе немаше опасност за јавноста“, соопштија од полицијата во Сан Франциско. Помошникот на општинскиот надзорник, Сантијаго Лерма, изјави дека полицијата му кажала дека врз луѓето биле пукани со огнено оружје и дека едно лице е оперирано. Некои од ранетите се здобиле со полесни телесни повреди, додека за другите не се знае состојбата. Лерма истакнува дека властите веруваат дека е пукано од автомобил во движење.

Четворица загинати и 38 повредени во експлозијата во центарот на Истанбул

Тале Кристо — Sun, 13 Nov 2022 16:38:57 +0000

Четири лица загинаа, а 38 се повредени во експлозијата што денеска се случи во најпознатата улица и пешачка авенија во Истанбул, Истиклал, изјави гувернерот на Истанбул, Али Јерликај. Како што јави турската телевизија НТВ, експлозијата се случила нешто по 16 часот по локално време, кога улицата била преполна. На местото на настанот има полиција, амбулантни и противпожарни возила. Турскиот огранок на американската телевизиска мрежа Си-Ен-Ен во првиот извештај објави дека во експлозија на улицата, која е популарна меѓу туристите и локалните жители, со голем број продавници и ресторани, има 11 повредени лица. Продавниците се затворени, а причината за експлозијата не е позната. По првите медиумски извештаи, турската агенција за надзор на медиумите воведе привремена забрана за известување за експлозијата – потег што ги спречува медиумите да емитуваат видео снимки од моментот на експлозијата или последиците од неа.

Во Украина досега убиени или ранети над 75 илјади руски војници

Тале Кристо — Thu, 28 Jul 2022 06:13:05 +0000

Повеќе од 75 илјади Руси се убиени или ранети во војната со Украина, ја пренесува „Си-Ен-Ен” изјавата на демократската пратеничка Елиса Слоткин која се повикува на тајни податоци со кои располага Администрацијата на претседателот Џо Бајден. Информацијата за руските загуби во Украина Слоткин ја дала после брифинг на администрацијата на Бајден одржан зад затворени врати. -Информирани сме дека повеќе од 75 илјади Руси се или убиени или ранети, што е огромна бројка. Тие многу вложуваа во својата пешадија, а 80 отсто од копнените сили се вкопани и заморениукраина, вели таа. Последните проценки на ЦИА укажуваа за некаде околу 15 илјади руски војници загинати на фронтот. Засега нема официјални информации од Москва за своите загуби во она што Русија го нарекува специјална воена операција во Украина.

Двајца новинари на Ројтерс ранети кај Северодонецк

Тале Кристо — Fri, 03 Jun 2022 17:24:29 +0000

Двајца новинари на Ројтерс се повредени денеска во украинското гранатирање кај Северодонецк на североистокот на земјата, потврдил за ТАС С извор од британската агенција. Изворот од Ројтерс изјавил дека украинската армија го гранатирала патот и дека бил погоден автомобилот во кој биле новинарите. „Мал фрагмент од шрапнел што го погоди ногата на Александар е отстранет и тој може да оди, а раката на Павел е скршена“, рекол изворот, додавајќи дека и двајцата новинари се во болницата во градот Рубежноје.

ПУКАЊЕ ВО САКРАМЕНТО: Шест мртви, неколку ранети – напаѓачот отворил оган од автомобил во движење! (ВИДЕО)

Магдалена Андонова — Sun, 03 Apr 2022 13:25:40 +0000

Шест лица загинаа во пукање во центарот на Сакраменто, Калифорнија, додека неколку се повредени, соопшти локалната полиција. Извештаите сугерираат дека мажот од автомобилот отворил оган кон луѓето во близина на ресторанот Ел Санто, испукајќи 50 куршуми, а потоа избегал од местото на настанот, јавуваат медиумите.

🚨 K Street Shooting Update🚨

Officers located at least 15 shooting victims, including 6 who are deceased. There will be a media staging area at 9th St/K St. Continue to follow this thread for updates. #kstreetshooting #sacramentopolice #sacpd
— Sacramento Police (@SacPolice) April 3, 2022

Портпаролот на полицијата во Сакраменто не кажа дали осомничениот се уште е во бегство или е уапсен, но ги повика луѓето да ја избегнуваат областа.

#BREAKING: Multiple people killed and injured in mass shooting incident in downtown Sacramento, California pic.twitter.com/B7oFdeoRk4
— I.E.N. (@BreakingIEN) April 3, 2022

#BREAKING: Up to five people reported killed in shootings at several locations in downtown Sacramento, California; major police operation underway pic.twitter.com/zppDbQwvzv
— I.E.N. (@BreakingIEN) April 3, 2022

ЦРНИ БРОЈКИ: Во Украина убиени 97 деца, стотина ранети

Магдалена Андонова — Tue, 15 Mar 2022 09:31:39 +0000

Канцеларија на јавното обвинителство на Украина соопшти дека во воените дејствја на руската армија во земјата заклучно со денешниот ден се убиени 97 деца. Според информацијата објавена преку платформата „Телеграм“, трагичниот биланс е убиени пет деца секој ден, најмногу во регионот на Киев, следува регионот Харков, потоа во регионот Доњецк, Чернигив, Суми, Херсон, Миколаев и Житомир. Во бомбардирањата и гранатирањата се уништени единаесет здравствени установи и три центри за рехабилитација, меѓу кои и установи за згрижување деца со посебни потреби. Јавното обвинителство во Киев објави и линк на кој сведоците можат да достават информации за сторени злосторство што потоа би биле искористени за евентуалниот процес против Русија во меѓународните правни институции. (МИА)

НАПАД ВО КЛУБ НА ФЛОРИДА: Две лица се убиени и над 20 се ранети (ФОТО)

Магдалена Андонова — Sun, 30 May 2021 12:37:50 +0000

Две лица се убиени и над 20 ранети во напад во клуб во Хајалија во американската држава Флорида. Тоа го објави на Твитер шефот на полицвијата во округот Мајами-Дејд, Алфредо Рамирес. – Уште еден акт на насилство во кој е употребено огнено оружје и ранети над 20 лица, и две се убиени, објави тој. Рамирес додаде дека станува збор за организиран напад. На местото на нападот запрел џип Нисан од кој излегле три лица и почнале да пукаат во толпата која се собрала за да проследи концерт. (МИА)

LATEST: **NWMD mass shooting** - MDPD: “targeted act of violence” - 20-25 people shot, 2 dead - Happened at El Mula Banquet Hall. Concert was happening - 3 ppl pulled up & started shooting - Police looking for white Nissan Pathfinder @WPLGLocal10 pic.twitter.com/2nyw3P1vzS
— Alex Finnie (@alexfinnieWPLG) May 30, 2021

Возач на „порше“ и мигрант ранети откако се обиделе да им избегаат на полицајци

Магдалена Андонова — Fri, 25 Sep 2020 15:29:39 +0000

Две лица се ранети при инцидент утрово на крстосница од пат с.Кравари – с.Оптичари, кај Битола кога патничко возило марка „порше“ со скопски регистарски таблички не застанало на наредба од полициски службеници и се обидело да ги прегази, по што полицајците испукале неколку истрели. Како што соопшти МВР, настанот се случил утрово околу 6 часот на крстосница од пат с.Кравари – с.Оптичари, поради постоење основано сомнение дека се превезуваат мигранти, полициски службеници од Полициска станица Меџитлија се обиделе да го сопрат „поршето“,но возачот се обидел да ги прегази, по што полициските службеници од огнено оружје испукале неколку истрели. Набрзо возилото запрело во близина на бензинска пумпа на влез во Битола, а во него бил затекнат возачот Ш.С., кој се здобил со две прострелни рани во нозете, додека во непосредна близина бил пронајден и еден мигрант со прострелна рана во едната нога. Повредените лица се пренесени во Клиничка болница Битола за укажување на лекарска помош. Се преземаат мерки за расчистување на случајот. (МИА)

Пукање во „Волмарт“, ранети најмалку три лица

Тале Кристо — Mon, 10 Feb 2020 18:37:58 +0000

Најмалку три лица се повредени денеска во пукотница во супермаркетот Волмарт во источен Арканзас, соопшти полицијата. Инцидентот се случил во Форест Сити, 135 километри источно од Литл Рок, изјави локалниот портпарол на полицијата. Засега не е познато колку се сериозни повредите на ранетите, ниту дали напаѓачот е уапсен.