ранг листа – Kurir.mk

Пад од три места на ФИФА листата за македонската репрезентација

Дарко Андоновски — Thu, 29 Jun 2023 12:37:33 +0000

Двата јунски порази во евроквалификациите од Украина и Англија придонесоа македонската фудбалска репрезентација да назадува три места на најновата ранг-листа на ФИФА на која „црвено – жолтите“ се на 68 место. Избраниците на селекторот Благоја Милевски претходно овој месец загубија на домашен терен од Украина (2-3), а потоа и на гостувањето во Англија (0-7) во рамки на квалификациската група Ц за пласман на ЕУРО 2024. Македонската репрезентација ги продолжува евроквалификациите на 9 септември кога во Скопје ќе го пречека актуелниот европски првак Италија. Најновата ранг-листа на ФИФА не донесе измени меѓу Топ 3 репрезентациите. Актуелниот првак Аргентина остана на водечкото место пред Франција и Белгија.

ВМРО-ДПМНЕ: Нема ден без порази и неуспеси, УКИМ на 1990 место на светското рангирање на универзитети, 26 места полошо од лани

Дарко Андоновски — Thu, 18 May 2023 07:00:03 +0000

Нема дно кое власта на ДУИ и СДС не може да го пробие. Кога јавноста ќе помисли дека во секторот образование не може да биде полошо, доаѓа нов пораз и неуспех, ова денеска преку соопштение до јавноста го истакнуваат од ВМРО-ДПМНЕ. -Имено најдобриот македонски универзитет, УКИМ, бележи пад од 26 места на листата на Центарот за рангирање на светските универзитети во споредба со лани. Од 1964 место сега се дошол до 1990 место и е далеку зад универзитетите во регионот. Универзитетите во Крагуевац, Нови Сад, Ријека според рангирањето се далеку подобри од македонскиот најдобар универзитет. Ова само покажува дека во Македонија се случува сериозен пад на квалитетот на високото образование со оваа власт на СДС и ДУИ. Нема инвестиции во науката, нема инвестиции во образованието, нема инвестиции во човечкиот капитал и кадарот на универзитетите, велат од партијата. Од таму додаваат дека Ковачевски треба да се срами од овој поразителен податок, дотолку повеќе што се преставува како професор. Штом не неправил ништо за образовниот сектор од кој доаѓа, значи дека и од таа област нема врска.Се случува целосен распад на системот. Се е пуштено во удолница со оваа власт. Единствено што ги интересира властодршците од СДС и ДУИ е како да наместат тендер, како да украдат, како да се збогатат на сметка на граѓаните и на државата. Ќе одгововараат за урнисувањето на образованието како и за сите други сектори во државата.

Ова се 100-те најголеми работодавачи во Македонија за 2021 година

Дарко Андоновски — Mon, 26 Sep 2022 08:34:13 +0000

Пари во соработка со платформата за бонитетни информации БизнисМрежа.мк, ги промовираше 100-те најголеми компании во Македонија рангирани според нивните остварени вкупни приходи и добивка. Денес Ви ја претставуваме листата на 100-те најголеми работодавачи во Македонија за 2021-та година. Овие компании се ТОП 100 НАЈГОЛЕМИ според бројот на вработени. Проектот „100 Најголеми“ содржи три категории – најголеми компании по приходи, добивка и број на вработени. Целта на проектот „100 Најголеми“ е да допринесе кон развој и јакнење на позитивната деловна клима низ промоција на позитивната деловна пракса на најголемите компании по приход, добивка и број на вработени. Ви напоменуваме дека предмет на рангирањето на 100 НАЈГОЛЕМИ се компаниите – трговски друштва во приватна сопственост. Ранг листата не вклучува правни лица, банки, осигурителни компании, државни институции, компании во државна сопственост и останати правни лица кои не се регистрирани согласно законот за трговски друштва. За разлика од социјализмот кога огромните хали беа во Скопје, и во релативна близина на центарот на градот, за што се уште сведочат напуштени, или продадени објеки на чие место никнуваат висококатници, новата индустријализација која зеде замав со слободните индустриски зони, најмногу работници регрутираше токму во комапниите во овие зони. Зоните почнуваа да никнуваат во разни градови, со цел да се постигне некаков регионален равој и да се врати животот надвор од Скопје. Така, најголемите работодавачи не се во метрополата. Тие се во Кавадрци, Битола и во Кочани. Заеедничко за сите три топ работодавачи е што тие се дел од странски корпорации кои работат за светската автомобилска индустрија. 100- те НАЈГОЛЕМИ РАБОТОДАВАЧИ во Македонија лани вработиле 78.329 работници. Благодарение на нив, компаниите од различни дејности, направиле промет од 7,3 милијарди евра, а вкупната добивка им била 456 милиони евра, покажуваат податоците на платформата БизнисМрежа.мк. Кај истите овие работодавачи, во 2020та година биле вработени 76.598 работници, односно 1.731 помалку. Во 2020 година, тие направиле вкупен приход од 6,2 милијарди евра, но притоа треба да се земе во предвид дека во 2021 година веќе почна инфлацискиот тренд, а повисоките цени, секако дека имаа влијание на зголемувањето на износот за направениот промет. Во 2020 година овие компании направиле добивка од 350 милиони евра, што значи дека лани компаниите биле попрофитабилни за дури 156 милиони евра. Целата ранг листа погледнете ја ТУКА

ФИФА ранг листа: Македонија останува на 67. место

Тале Кристо — Thu, 10 Feb 2022 11:43:49 +0000

Македонската фудбалска репрезентација останува на 67. позиција на ФИФА ранкингот и во текот на февруари. Светската фудбалска федерација денеска го објави новиот ранкинг, а период без настапи значеше и задржување на истата позиција на нашата најдобра фудбалска селекција. Нема поголеми промени ниту на врвот, каде лидер е Белгија, пред Бразил и Франција, а единственото важно придвижување е тоа на Аргентина, која сега е четврта и ја истисна Англија на петтото место. Во Топ 10 се уште и Италија, Шпанија, Португалија, Данска и Холандија. Најмногу промени има кај селекциите од Јужна и Средна Америка, Азија и Африка, бидејќи таму изминатиов период се играа квалификациски натпревари.

Македонската фудбалска репрезентација ја завршува 2021 година на 67-то место на ранг листата на ФИФА

Магдалена Андонова — Thu, 23 Dec 2021 15:25:35 +0000

Македонската фудбалска репрезентација ќе ја заврши 2021 година на 67-то место на ранг-листата на ФИФА, што во годината во која „црвено – жолтите“ изборија историски настап на Европското првенство и обезбедија мундијалски бараж, е за две места послаб пласман од минатогодишниот. Белгија по четврти пат едноподруго ќе ја заврши календарската година како првопласирана на ФИФА ранг-листата, пред Бразил и Франција. Следат Англија и Аргентина, додека европскиот првак Италија, против која македонските фудбалери ќе го играат полуфиналето во мундијалскиот бараж на 24 март во Палермо, е на шестото место. Меѓу првите десет репрезентации се и Шпанија, Португалија, Данска и Холандија.

Македонската репрезентација остана на 62. место на ФИФА ранг-листата

Тале Кристо — Thu, 27 May 2021 10:36:21 +0000

Македонската фудбалска репрезентација останува на 62. место на најновата ФИФА ранг-листа објавена денес. Избраниците на селектор Игор Ангеловски во јуни ги очекува настап на Европското првенство каде се во група со Холандија која е 16-та, Австрија која се наоѓа на 23. место и Украина 24-пласирана во рангирањето на Светската фудбалска асоцијација. Во ТОП 10 репрезентации на ФИФА листата се: Белгија, Франција, Бразил, Англија, Португалија, Шпанија, Италија, Аргентина, Уругвај и Данска. з

Македонските фудбалерки скокнаа за 12 места на ранг листата на ФИФА

Ивана Ефремовски — Sat, 19 Dec 2020 18:18:23 +0000

Женската фудбалска репрезентација направи скок од 12 места на последното ФИФА рангирање. Нашиот национален тим оваа година одигра четири натпревари и запиша три порази и една победа. Избраничките на Кирил Изов завршија претпоследни во групата Г во квалификациите за Европското првенство. Од европските репрезентации, само Андора е послаборангирана од нас. Македонија моментално стои на 117. место со 1.097 поени. На врвот е САД пред Германија, Франција, Холандија, Шведска, Англија, Австралија...

Баерн го надмина Реал Мадрид на ранг-листата на УЕФА

Ивона Петрова — Fri, 21 Aug 2020 07:53:26 +0000

Баерн (Минхен) е на врвот на ранг-листата на УЕФА, откако се пласираа во финалето на Лигата на шампионите. Баварците го заменија Реал Мадрид. И двата клуба имаат по 134 поени, но Баерн има предност бидејќи тие победија во повеќе мечеви оваа сезона – 34 против 17. Третата позиција ја држи Барселона, потоа следи Атлетико Мадрид, а италијанскиот хегемон Јувентус е петти. Другиот финалист во Лигата на шампионите, Пари Сен Жермен е на седмото место со 113 бода. Шампионот на Англија Ливерпул, кој ја освои Лигата на шампионите пред една година, е на десеттото место со 99 бода.

Македонија остана на 68. место на најновата ФИФА ранг листа

Ивона Петрова — Thu, 25 Oct 2018 11:32:13 +0000

Македонската фудбалска репрезентација го задржа 68-то место на ФИФА ранг-листата објавена денеска. Од противниците на Македонија во групата од Лигата на нации најдобро котира Ерменија (101. место), Лихтенштајн е на 182.позиција, додека Гибралтар се наоѓа на 190. место. На врвот и натаму е Белгија пред Франциај и Бразил. Во ТОП 10 уште се и: Хрватска, Англија, Уругвај, Португалија, Швајцарија, Шпанија и Данска. Следното рангирање Светската фудбалска федерација ќе го изврши на 29 ноември. МИА

Македонија едно место погоре на ФИФА листата, нов лидер Франција

Ивона Петрова — Thu, 16 Aug 2018 10:14:37 +0000

Македонската фудбалска репрезентација напредуваше едно место и сега се наоѓа на 70. позиција на ФИФА ранг-листата објавена денеска. Од противниците на Македонија во групата од Лигата на нации најдобро котира Ерменија (100. место), Лихтенштајн е 180-ти, а Гибралтар се наоѓа на 195. место. Нов лидер е Франција која бележи скок од шест позиции како резултат на мундијалската титула. На втората позиција се најде Белгија, додека трет е Бразил. Финалистот на СП 2018, Хрватска, со скок од дури 16 места се најде на четвртата позиција. Во ТОП 10 се наоѓаат и: Уругвај, Англија, Португалија, Швајцарија, Шпанија и Данска. Досегашниот лидер Германија по дебаклот на Мундијалот во Русија падна на 15. место. Следното рангирање Светската фудбалска федерација ќе го изврши на 20 септември. МИА