ранка милановиќ – Kurir.mk

14-годишно момче побегало од домот „Ранка Милановиќ“, полицијата е во потрага

Дарко Андоновски — Sat, 21 Sep 2019 17:41:05 +0000

Вчера во Полициската станица Гази Баба, вработена во домот „Ранка Милановиќ“ пријавила дека од домот се оддалечил нивниот штитеник К.Д.(14) од Кавадарци. Според пријавеното, тие имале сознанија дека се наоѓа на теритотија на Кавадарци. Инаку, тој повеќе пати досега го напуштал домот и бил враќан во установата. Се преземаат мерки за пронаоѓање на лицето.

Исчезна штитеник од Домот „Ранка Милановиќ“

Предраг Кукиќ — Wed, 10 Apr 2019 14:44:28 +0000

Уште еден штитеник до Домот „Ранка Милановиќ“ исчезна. Според информациите на полицијата, социјална работничка од домот „Ранка Милановиќ“ завчера во 15:00 часот во СВР Скопје пријавила дека од установата се оддалечил нивниот штитеник К.Д.(14). Тој повеќе пати самоволно се оддалечувал од домот и бил враќан. Се преземаат мерки за пронаоѓање на лицето.

Повторно исчезна малолетник од „Ранка Милановиќ“

Ивана Ефремовски — Tue, 05 Feb 2019 13:59:59 +0000

Во полициската станица Гази Баба вчера во 15:00 часот, социјална работничка во Јавната установа „Ранка Милановиќ“ пријавила дека од домот во непознат правец се оддалечил 13 – годишен штитеник. Се преземаат мерки за пронаоѓање на лицето.

Малолетник избегал од „Ранка Милановиќ“, ја истепал мајка му, па со нож се заканувал на продавач

Ивана Ефремовски — Tue, 22 Jan 2019 12:35:01 +0000

На 21.01.2019 година во 14:30 часот во Полициската станица Гази Баба од Јавната установа „Ранка Милановиќ“ било пријавено дека истиот ден околу 09:45 часот нивен 17-годишен штитеник самоволно ја напуштил установата. Истиот ден во 15:50 часот во Полициската станица Кисела Вода Љ.К.(47) од Скопје пријавила дека околу 14 часот во семејниот дом од страна на нејзиниот 17 годишен син, кој избегал од Јавната установа „Ранка Милановиќ“ физички била нападната. Во Полициската станица Кисела Вода и Т.М.(39) од Скопје пријавила дека во продавница на улица „Христо Татарчев“ додека била на работното место 17- годишниот малолетник влегол со нож во раката и упатил вербални закани. По преземени мерки од полициски службеници лицето било приведено и по целосното расчистување и документирање на случајот ќе следи соодветен поднесок. Потоа малолетникот бил вратен во установата од каде се оддалечил.

Обвинителството поднесе жалба, бара поголеми казни во случајот „Трговија со дете“ за штитеничката од домот „Ранка Милановиќ“

Ивона Петрова — Wed, 12 Dec 2018 15:00:45 +0000

Незадоволен од висината на изречената казна на која се осудени обвинетите за Трговија со дете, надлежниот јавен обвинител, по пристигнатата писмена пресуда, во законски рок поднесе жалба до Апелацискиот суд во Скопје, информираат од Основното јавно обвинителство. -Имено, обвинителот прибра обемен доказен материјал со кој се докажа дека во период од почетокот на декември 2017 година до 06.02.2018 година детето било жртва на трговија со луѓе, извршена од страна на осудените лица. При тоа, во Кавадарци, Радовиш, Штип и с. Мислешево – струшко, првообвинетата М.Д. употребувала сила, сериозна закана и измама, ја искористила немоќта на детето па долг временски период од користољубие го принудувала за пари да дава сексуални услуги на возрасни мажи. Осудената организирала брак и го присилувала детето да се омажи, дополнително ја експлоатирала жртвата и на друг начин. Кога дознала за бременоста на детето, осомничената го испратила да абортира во Скопје. Обвинетите Е.Ј. и С.Р. сексуално ја злоупотребувале оштетената, во неколку наврати свесно и со умисла го принудувале да ги задоволува нивните сексуални потреби, нанесувајќи му физички повреди кога давало отпор, стои во соопштението. За стореното кривично дело, Основниот суд Скопје 1 Скопје донесе пресуда со која трите лица се огласени за виновни за сторено кривично дело – Трговија со дете. Со првостепената пресуда обвинетата М.Д. е осудена на казна затвор во траење од 13 години, додека обвинетите Е.Ј. и С.Р. на казна затвор во траење од по 12 години. -Иако судот определи затворски казни за сторителите, надлежниот обвинител ценеше дека при определување на висината на казната судот ги преценил олеснителните околности, на сметка на отежителните. Во конкретниов случај, обвинителот согледувајќи ја севкупната состојба на детето, неговото нарушено здравје и нанесената психичка болка, ценеше дека казните по својата висина не се соодветни и не претставуваат адекватен општествен прекор упатен кон обвинетите. Од тука, имајќи ја предвид тежината и зачестеноста од ваков вид на кривични дела, а со цел да се исполнат целите на казнувањето, обвинителството ја достави Жалбата до повисокиот Апелациски суд, со барање да ја преиначи пресудата и да определи повисоки затворски казни за обвинетите, се наведува во соопштението

Тринаесетгодишно дете побегнало од домот „Ранка Милановиќ“

Ивана Ефремовски — Tue, 02 Oct 2018 12:57:42 +0000

Околу 19:10 часот во текот на вчерашниот ден во полициската станица во Гази Баба 40-годишен вработен во ЈЗУ „Ранка Милановиќ“ пријавил дека на во неделата од домот во непознат правец се оддалечил нивен штитеник на возраст од 13 години. По пријавата во полицијата, од МВР соопштија дека се преземаат мерки за пронаоѓање на лицето.