Расел Вестбрук – Kurir.mk

Вестбрук: Ленард е најдобриот кошаркар на светот

Ивона Петрова — Sat, 22 Apr 2023 14:44:46 +0000

Плејмејкерот на Лос Анџелес клиперс, Расел Вестбрук, смета дека Каваи Ленард е најдобриот кошаркар на светот. Каваи го пропушти мечот број 3 од серијата од првото коло во НБА плејофот против Феникс (1:2). -Жал и е за него. Во последно време игра неверојатна кошарка. Тој е најдобриот играч на планетата, да бидам искрен. Ментално, тешко му е да пропушти толку важни средби. Мило ми е што се обидува да ни даде поддршка и од клупата, изјави Вестбрук за „ESPN“. Четвртиот натпревар од серијата ЛА клиперс - Феникс ќе се игра вечер од 21:30 часот.

Расел Вестбрук нов кошаркар на Клиперс

Бошко Тасиќ — Tue, 21 Feb 2023 05:43:56 +0000

Американскиот кошаркар Расел Вестбрук ќе стане нов играч на Лос Анџелес Клиперс, пренесува Basketnews. Вестбрук е трејдуван во Јута од Лос Анџелес Лејкерс, додека Лејкерси во замена ги добија Д’Анџело Расел, Малик Бисли и Џаред Вандербилт. Сезонава американскиот плејмејкер бележи во просек 15,9 поени, шест скока и седум асистенции. Вестбрук ќе се приклучи на својот петти тим за четири години откако ги помина првите 11 сезони од својата НБА кариера во Оклахома.

Расел Вестбрук сеуште е без клуб

Бошко Тасиќ — Sat, 18 Feb 2023 05:05:43 +0000

Расел Вестбрук доби дозвола од Јута Џез да преговара со други тимови. Вестбрук минатата недела беше разменет од Лос Анџелес Лејкерс во Џез, но нема намера да игра за Јута. Тој сака да го раскине договорот и сам да избере нов тим, а за него се заинтересирани четири екипи. Како што пренесува „ЕСПН“ Вестбрук има понуди од Чикаго Булс, Мајами Хит, Лос Анџелес Клиперс и Вашингтон Визардс. Поранешниот МВП на лигата, деветкратен Ол-стар, кој имаше четири трипл-дабл учиноци оваа сезона, мора да избере нов тим до 1. март, крајниот рок за играчите да се пријават за плеј-офот.

Лејкерси конечно ќе го откачат Вестбрук?

Бошко Тасиќ — Sun, 04 Dec 2022 07:43:36 +0000

Управата на НБА тимот Лос Анџелес Лејкерс ќе започне преговори со Чикаго Булс за потенцијална размена во која главна ѕвезда би бил Расел Вестбрук, пишува ЕСПН. Вестбрук минатата година пристигна во ЛА Лејкерс и со прикажаните игри целосно разочара и екипата минатата сезона дури не играше ниту во плеј-офот. Сезонава Вестбрук има просек од 15 поени и 7.4 асистенции по натпревар, што е премалку за еден кошаркар од таков калибар. Според ЕСПН, Лејкерси кои и годинава играат далеку од посакуваното, планираат на Чикаго булс кој исто така прикажува слаби игри, да го понудат Вестбрук заедно со два избори од првата рунда на драфтовите во 2027 и 2029 година, во замена за двајца ол-стар кошаркари, Демар Дерозан и Никола Вучевиќ. Дерозан, кој има уште две години од договорот, сезонава просечно постигнува по 26,3 поени по натпревар, додека Вучевиќ, чиј договор со Чикаго истекува идното лето, има просек од 15,6 поени и 11,2 скока по натпревар.

Вестбрук: Не сум во криза, ќе се справам со ситуацијата

Дарко Андоновски — Thu, 13 Jan 2022 08:43:14 +0000

Кошаркарот на Лос Анџелес лејкерс, Расел Вестбрук, се произнесе за нискиот процент на реализација на последните натпревари. Во поразот од Сакраменто (116:125), Вестбрук има погодени 2 од 14 шутови од поле, додека на последните три средби има само 8 од 40 прецизни удари кон противничкиот кош. Расел не се согласи со новинарот, кој оцени дека играчот е во криза. – Мислам дека тоа не може да се нарече криза. Ќе се справам со ситуацијата, тоа е сè. Вестбрук поддршка доби и од првата ѕвезда на Лејкерси, Леброн Џејмс. – Се надевам дека ќе продолжи напорно да работи и дека ќе се врати во препознатливата за него форма. Лејкерс по 42 натпревара имаат по 21 победа и пораз и се наоѓаат на 8. место во Западната конференција од НБА-лигата.

Вестбрук: Се движиме кон целта чекор по чекор

Тале Кристо — Mon, 15 Nov 2021 09:41:48 +0000

Кошаркарот на Лос Анџелес лејкерс, Расел Вестбрук, одговори на прашањето дали тимот е блиску до состојбата во која сака да биде пред да се врати кај Леброн Џејмс. Вчеравечер на натпреварот против Сан Антонио спарс (114:106) Вестбрук постигна 14 поени, 11 скока и седум асистенции. – Чекор по чекор одиме кон целта, тоа е сè што можам да кажам. Верувам дека кога ќе се комплетираме ќе биде многу полесно. Работите ќе си дојдат на своето место со враќањето во тимот на Леброн Џејмс и другите повредени играчи, изјави Вестбрук. Леброн Џејмс пропушти шест натпревари поради истегнување на стомачниот мускул. Неговото враќање во тимот се очекува во многу скоро време. По 14 натпревари сезонава во НБА-лигата, Лејкерс имаат осум победи и шест порази.

Кај раководството на Лејкерс немаше консензус за купување на Вестбрук

Ивана Ефремовски — Fri, 30 Jul 2021 07:04:14 +0000

Ол-стар кошаркарот на Вашингтон, Расел Вестбрук наскоро ќе им се придружи на Лос Анџелес лејкерс како дел од размената на играчи на двата клуба. Според инсајдерот на „CBS Sports“, Бил Ројтерс, имало значително несогласување меѓу директорите на Лејкерс околу тоа дали клубот треба да го донесе Вестбрук. На крајот, сепак било одлучено за негов „трејд“ во ЛА. Во сезоната 2020/21 во НБА, Вестбрук имаше просек од 22,2 поени, 11,5 скокови и 11,7 асистенции со 4,8 загубени топки по натпревар, шутирајќи 43,9% од поле, 31,5% од тројки и 65,6% од слободен удар. Договорот на Вестбрук со Лејкерс е со важност до 2023 година, според којшто ќе заработи околу 44 милиони долари за следниот шампионат.

Вестбрук се искачи на третото место во по број на остварени трипл-дабл во НБА плејофот

Дарко Андоновски — Tue, 01 Jun 2021 07:23:03 +0000

Кошаркарот на Вашингтон, Расел Вестбрук, му помогна на својот тим да избегне метла во серијата од првото коло против Филаделфија со трипл-дабл на четвртиот натпревар. Визардс ноќеска победија со 122:114 и намалија на 1:3 во серијата прв до четири победи. Вестбрук средбата ја заврши со 19 поени, 21 скок и 14 асистенции. За него ова беше 12-от трипл-дабл во плејофот. Тој се најде на третото место во историјата за оваа статистичка категорија. Во текот на сезоната 2020/21, Вестбрук го надмина легендарниот Оскар Робертсон и стана лидер во трипл-дабл во регуларниот дел од сезоната. Најуспешни во плејофот се Меџик Џонсон со 30 и Леброн Џејмс со 28 остварени трипл-дабл.

Вестбрук: На улица не ме посипуваат со пуканки, знаејќи ги последиците, НБА мора да ги заштити играчите во арените (видео)

Тале Кристо — Thu, 27 May 2021 07:02:15 +0000

Кошаркарот на Вашингтон визардс, Расел Вестбрук ја повика НБА да преземе нешто по инцидентот со навивачот во арената „Велс Фарго“ во Филаделфија. – Не би се осмелил некој на улица врз Расел Вестбрук да истури пуканки, бидејќи знаете што ќе се случи тогаш. Време е да започнеме да ги заштитуваме играчите во арените. Да видиме што ќе направи раководството на НБА-лигата, изјави Вестбрук. На враќање кон соблекувалната, повредениот Вестбрук беше посипан со пуканки од еден од навивачите. Овој инцидент предизвика екстремен бес кај кошаркарот. Навивачот набрзо беше принуден да ги напушти трибините. Филаделфија со 120:95 го доби натпреварот одигран ноќеска и поведе со 2:0 во првото коло од плејофот.

Вестбрук постави рекорд во НБА-лигата со најмногу трипл-дабл

Дарко Андоновски — Tue, 11 May 2021 07:06:40 +0000

Кошаркарот на Вашингтон, Расел Вестбрук, постави рекорд во историјата на НБА-лигата за најмногу трипл-дабл. Ноќеска на мечот со Атланта (124:125), тој го забележа 182-то издание во неговата кариера со двоцифрен ефект во три статистички категории, остварувајќи 20 поени, 13 скока и 21 асистенција. Вестбрук ги надмина 181-от трипл-дабл на Оскар Робертсон од 1974 година. Триесет и двегодишниот Вестбрук оваа сезона просечно бележи 22 поена, 11,6 скока и 11,6 асистенции по натпревар.