раша тудеј – Kurir.mk

Судот на ЕУ ја потврди забраната за рускиот државен медиум „Раша тудеј“

Тале Кристо — Wed, 27 Jul 2022 11:56:02 +0000

Второстепениот европски суд денеска ја потврди забраната за емитување на програмата што Европската унија и ја изрече на руската државна медиумска куќа „Раша тудеј“ (РТ) во март годинава со образложение дека „систематски шири дезинформации за руската инвазија врз Украина“. Големиот совет на Европскиот суд на правдата го отфрли барањето на РТ на Франција за поништување на актите на Советот, усвоени по избувнувањето на војната во Украина, кои привремено ѝ забрануваат на таа организација да емитува содржини, заклучи Европскиот суд на правдата, со седиште во Луксембург. Одлуката на судот на ЕУ да ја потврди забраната за руската државна телевизија РТ е „крајно негативна“, а Москва ќе одговори со преземање слични мерки против западните медиуми, соопшти денеска Кремљ. Портпаролот на Кремљ, Дмитриј Песков истакна дека РТ се уште не може да работи во Европа, но дека се надева дека ќе најде модел за да продолжи да ја емитува својата програма.

По препорака на Владата, прекинато реемитувањето на „Раша Тудеј“ во Македонија

Тале Кристо — Fri, 18 Mar 2022 15:33:23 +0000

Македонски Телеком го прекина реемитувањето на рускиот канал „Раша Тудеј“ (РТ) во земјава. -Ве известуваме дека согласно Одлуката на Владата и истата рефлектирана преку Одлука на Агенцијата за аудио и аудиовизуелни медиумски услуги, реемитувањето на овој канал не е повеќе дозволено, пишува во известувањето од Македонски телеком доколку на вашиот телевизор го одберете каналот РТ. Владата неодамна излезе со препорака за прекин на реемитувањето на „каналите во кои како основач се јавува Руската Федерација или приватни, физички или правни лица со потекло од Руската Федерација“.

Одземена лиценцата за работа на „Раша Тудеј“ во Велика Британија

Магдалена Андонова — Fri, 18 Mar 2022 10:08:16 +0000

Руската државна телевизија „Раша Тудеј“ нема повеќе да може да емитува програма во Велика Британија откако регулаторното тело „Офком“ по итна постапка и ја одзеде лиценцата. Во објаснувањето од регулаторното тело се наведува дека руската телевизиска станица не е „погодна и соодветна“ да емитува програма во Обединетото Кралство, после спроведената истрага што покажала пристрасност на медиумот во покривањето вести од Украина. Истовремено забележува дека новововедените закони во Русија ефикасно ги криминализираат сите медиуми што излегуваат од држвниот наратив, пишувајќи за руската агресија врз Украина како за „специјална воена операција“. Руската телевизија одлуката ја окарактеризира како „лоша проценка“ на регулаторното тело за кое рече дека е само алатка во раце на властите во Лондон. Инаку, Велика Британија само неколку дена после почетокот на воените дејствија во Украина забрани емитување на програмата на руската национална телевизија, така што денешната одлука на регулаторот „Офком“ е само симболична. (МИА)

YouTube ги блокира „Раша тудеј“ и „Спутник“ во Европа

Ивана Ефремовски — Tue, 01 Mar 2022 14:34:04 +0000

Платформата YouTube соопшти дека ги блокира каналите поврзани со руските медиуми „Раша тудеј“ (РТ) и „Спутник“ ширум Европа. Блокадата е воведена поради руската инвазија врз Украина. Претходно, Европска комисија воведе санкции за руските медиуми, меѓу кои и РТ и „Спутник“. ЕК бара одобрение од земјите-членки на Европска Унија да ги санкционира руските медиумски куќи под контрола на државата РТ и „Спутник“ и да го ограничи нивниот пристап до европскиот медиумски пазар без оглед на нивниот канал на дистрибуција. Санкциите значи дека на операторите во ЕУ ќе им биде забрането да емитуваат, овозможуваат или на друг начин придонесуваат за ширење на која било содржина на РТ и на Спутник, изјави шефот на индустријата на ЕУ, Тиери Бретон. Тоа вклучува пренос или дистрибуција преку кабел, сателит, ИПТВ, интернет платформи или апликации за споделување видеа, без оглед дали се нови или претходно инсталирани. Санкциите ќе се однесуваат и на лиценците, овластувањата и договори за дистрибуција, кои би биле суспендирани. Еврокомесарот Бретон очекува денеска да добие зелено светло од земјите-членки на ЕУ.

Британската Канцеларија за комуникација отвори седум истраги за известувањето на Раша тудеј

Даниел Василев — Wed, 18 Apr 2018 12:57:40 +0000

Британската Канцеларија за комуникација (ОФКОМ) денеска соопшти дека отворила седум истраги за тоа дали руската телевизија Раша тудеј ги прекршила правилата за непристрасност во емитувањето од кога рускиот двоен шпион Сегеј Скрипал беше отруен со неверн агенс минатиот месец. ОФКОМ предупреди дека продуцентот на Раша тудеј може да изгуби право за емитување во Велика Британија, доколку не ги исполни тестовите за непристрасно емитување. Раша тудеј се уште не ги коментира истрагите. МИА

Мурињо оди на Светското првенство

Ивона Петрова — Mon, 05 Mar 2018 12:31:47 +0000

Менаџерот на Манчестер Јунајтед, Жозе Мурињо ќе биде присутен на Светското првенство што годинава ќе се игра во Русија, но не како тренер туку како соработник на телевизијата „Раша тудеј“. Португалскиот фудбалски стручњак потпиша едно месечен договор со телевизијата според кој ќе дава стручни анализи и коментари во специјални емисии поврзани со Мундијалот. - Многу сум среќен што можам ќе работам за РТ. Со нетрпение чекам да одам во Русија ова лето и да го споделам моето мислење за фудбалските натпревари, изјави Мурињо, кој исто така ќе има колега во своите анализи. Тоа ќе биде поранешниот голман на Манчестер Јунајтед, Питер Шмајхел, кој од порано е во тимот на „Раша тудеј“.