рашче – Kurir.mk

Шокантна снимка: Доказ за опасни материи исфрлени во заштитената зона на изворот Рашче (ВИДЕО)

Ивана Ефремовски — Thu, 22 Dec 2022 18:47:09 +0000

Expres.mk денеска објави дека во близина на селото Јегуновце кое е релативно близу до изворот Рашче од каде скопјани се снабдуваат со вода денеска бил забележан камион кој исфрла отпадни материи кои според очевидци можат да бидат опасни по здравјето на човекот. -Локацијата каде се случила хаваријата е во заштитената зона на изворот Рашче што значи дека овие отпадни материи можат да дојдат во контакт со водата која преку скопскиот водовод доаѓа до околу 500 илјади луѓе од пошироката скопска котлина, пишува порталот. Во видео кое до expres.mk го доставија очевидци се гледа дека во заштитената зона на Рашче се исфрла материја која може да биде многу опасна за здравјето на граѓаните ако дојде до контакт со водата од изворите Рашче.

Се изгласа проектот за систем за водоснабдување во Рашче, Копаница, Бојане, Буковиќ и Ласкарци

Тале Кристо — Wed, 31 Aug 2022 14:49:55 +0000

На предлог на градоначалничката Данела Арсовска, Советот на Град Скопје денеска донесе Одлука за воспоставување меѓуопштинска соработка меѓу Град Скопје и Општина Сарај за финансиско учество за изработка на урбанистичко планска документација за подобрување на водоснабдувањето во селата Рашче, Копаница, Бојане, Буковиќ и Ласкарци во општината Сарај. Решавањето на деценискиот проблем со водоснабдувањето во населените места Рашче, Копаница, Бојане, Буковиќ и Ласкарци е меѓу приоритетните проекти што ги најави градоначалничката Арсовска на прес-конференцијата одржана пред една недела, а на кои во наредниот период ќе се посвети Градот Скопје. - Сегашната состојба на системот за водоснабдување на селата Рашче, Копаница, Бојане, Буковиќ и Ласкарци не ги задоволува основните потреби на жителите на овие населени места за снабдување со вода за пиење. Ова е горлив проблем со кој локалните жители секојдневно се соочени и затоа заедно во соработка со Општина Сарај, пристапуваме кон решавање на овој децениски предизвик. Со цел да се надмине сегашната состојба и да се овозможат поквалитетни услови за живеење, Град Скопје и Општина Сарај пристапуваат кон изработка на урбанистичко планска документација за подобрување на водоснабдувањето, според која се планира да се отпочне со изградба на нов систем за водоснабдување – објасни градоначалничката Арсовска.

Малолетник нападнат во Рашче

Ивана Ефремовски — Tue, 21 Jun 2022 15:22:06 +0000

На 20.06.2022 во 14:00 часот во Полициското одделение Сарај, Х.С.(72) од с.Рашче, општина Сарај, пријавил дека на 18.06.2022 околу 23:00 часот пред угостителски објект во с.Рашче неговиот малолетен внук, по претходна расправија, бил физички нападнат од И.Х. од с.Рашче. Се преземаат мерки за расчистување на случајот.

Перински во работна посета на изворот Рашче

Ивона Петрова — Fri, 08 Apr 2022 10:26:55 +0000

Директорот на ЈП Водовод и канализација – Скопје, Златко Перински денеска беше во работна посета на изворот Рашче и хлоринаторната станица во село Кондово, каде одблизу се запозна со функционалноста на каптажите Рашче 1 и Рашче 2, како и нивното поврзување со главниот цевковод, преку кој граѓаните на град Скопје се снабдуваат со чиста и квалитетна вода. ЈП Водовод и канализација – Скопје веќе 115 години го снабдува градот Скопје со вода за пиење, а од 1963 година со изградбата на каптажата Рашче 1 и 1964 со изградбата на првиот главен цевковод со профил 1600 мм, започнува со водоснабдување директно од подземниот извор Рашче, чиј капацитет е од 2 до 5 метри кубни вода во секунда, а чиј квалитет е високо оценет и под постојана контрола и мониторинг. За задоволување на потребите на градот, во 1969 се гради и вториот цевковод Рашче 2, за во 1992 да се пуштат во употреба и бунарите од бунарското подрачје Лепенец, како надополнување на бунарите од бунарското подрачје Нерези, изградени во 1964 година.

Драма во село Рашче: Малолетник повреден со остар предмет – па следел контранапад од таткото на малолетникот

Тале Кристо — Mon, 28 Jun 2021 14:56:46 +0000

Две лица со остар предмет нападнале малолетно момче од село Рашче и му нанеле повреда на раката, а половина час после тоа и 26 годишникот пријавил физички напат од таткото на малолетникот. -На 27.06.2021 во 16.30 часот во Полициското одделение Сарај. Ф.Р.(43) од с.Рашче пријавил дека околу 13.50 часот во село Рашче неговиот малолетен син, поради меѓусебно нетрпение, бил физички нападнат од Ш.З.(26) и М.Б.(20), двајцата од с.Копаница, при што Ш.З. употребил и остар предмет и му нанел повреда на раката. Околу 17.00 часот, Ш.З. пријавил дека во с.Рашче бил физички нападнат од Ф.Р., кој со употреба на остар предмет му нанел повреда. По документирање на случаите ќе бидат поднесни соодветни поднесоци.

Истрага за пронајдено оружје и муниција во Рашче

Ивана Ефремовски — Thu, 18 Mar 2021 16:02:09 +0000

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило кривично дело – Неовластено изработување, држење, посредување и тргување со оружје или распрскувачки материи согласно член 396 став 1 од Кривичниот законик. На 17 март, во својот дом во селото Рашче, осомничениот 34-годишник држел полуавтоматски пиштол Застава М57 со калибар 7,62Х25 мм и 25 куршуми од тој калибар. Оружјето и муницијата му биле пронајдени и одземени при претрес на домот. Надлежен јавен обвинител до судијата на претходна постапка од Основниот кривичен суд Скопје достави предлог за определување мерка притвор поради опасност од бегство и можност осомничениот да го повтори делото.

Детали за пукањето во скопско: Од „голф“ во движење ликвидирал човек (ФОТО)

Катерина Бојаџиева — Fri, 26 Apr 2019 11:55:59 +0000

На влез во с. Рашче-Скопје, вчера околу 15 часот додека Ш.Џ. (69) од с.Сарај- Скопје, се движел со патничко моторно возило „Голф 3“ со скопски регистарски ознаки, кон него било пукано од патничко моторно возило при што Ш.Џ. починал на местото на настанот. Извршен е увид од страна на Јавен обвинител и екипа од СВР-Скопје, а по наредба на јавен обвинител телото е дадено на обдукција. Се работи на расчистување на случајот, информираат од МВР.

Извршен увид во скопско Рашче каде едно лице е лишено од живот

Ивана Ефремовски — Thu, 25 Apr 2019 19:46:43 +0000

Дежурен јавен обвинител од Основното јавно обвинителство Скопје изврши увид во селото Рашче каде што попладнево беше пронајдено починато машко лице. Според првичните информации од увидот, лицето било лишено од живот со истрели од огнено оружје. -По наредба на јавниот обвинител, врз телото на починатиот ќе биде извршена обдукција. Издадени се наредби за вештачење на сите траги и материјални докази пронајдени на лице место, соопшти Основното јавно обвинителство.

Ова е местото на злосторството: Тука беше убиен маж од скопско (ФОТО)

Ивана Ефремовски — Thu, 25 Apr 2019 14:35:13 +0000

Едно лице е убиено во пукотници кои денеска попладне се случиле во скопското село Рашче. Според информациите од полицијата, во сега убиениот е пукано од џип во движење со бугарски регистерски таблички. Убиениот бил во автомобил Фолксваген во бела боја. Според информациите од полицијата убиениот бил маж на возраст од 65 години, жител на Рашче.