рашковски – Kurir.mk

Генерални секретари како најава за генерален ремонт на Македонија

Љупчо Цветановски — Mon, 11 Apr 2022 10:38:06 +0000

Наградно прашање: Кој ќе биде следниот генерален секретар во Владата? По фатумот на Рашко и Зекири, велат дека по ова прашање во СДССС настапувал громогласен молк. Северна штама. А, со судбата и функцијата деновиве народот ги плашел непослушните деца. Баба рога заминала во пензија. Ја заменило новото детско плашило. Новиот македонски „буги мен“ се вика ГЕНЕРАЛЕН СЕКРЕТАР ВО ВЛАДА. Кога ќе биле немирни, родителите остро им свикувале на децата: „Биди мирен, ајван, да не станеш генерален секретар во влада на СДССС!“ И молк, немиркото веднаш се смирувал и со плачење бегал во соба. И сонувал кошмари, со денови... А пустите генерални секретари само ја навестија и потенцираа насушната потреба од генерален ремонт на владата. Ѓоамити кокичињата пролетта... За функцијата, пак, осакатена за век и веков, велат дека најверојатно ќе се нафател некој од ДУИ. Таму немале проблем со историја на „генералната“ леплива болест, со македонската историја уште помалку. Артан нежно ќе ја изберел „десната рака“ на Заевиот престолонаследник Ковачевски. Па и онака, сите останати делови и органи му биле од интегративната сцена и генетика. Дури согласно фиктивниот попис, тоталка неоправдано, ама велат, долгови си биле долгови... Да, Македонија има „чест“ да влезе во аналите на светската политика со двајца последователни генерални секретари со максимално лепливи рачиња, нешто што не се случило во старата светска и поновата македонска историја. Едно другарче и еден кумашин на Заев. Токму по ова и ќе ја паметат и раскажуваат краткотрајната „северна“ историја, која со Господ напред, а народот уште понапред на улица, набргу со ступидната придавка ќе замине во историјата... Ќе се памети и по хиерархијата на СДССССовските функционери. Поделени на три ешалони и касти на Црпковци. Првата е најмала, се состои од оние црпнати поданици за една употреба кои правдата ги фатила со сите нишани. Таму, пак, да ти биле само Боки 13 и Катица. Добро, само Боки, Јанева е во измислен домашен затвор. И Боро Малборо е еден од ретките кои згрешиле и макар минимална казна одлежале. И толку... Втората, огромна и актуелна група Црпковци е од повисоко позиционирани неолиберални ајвани кои во моментот преку најдолгите процеси во историјата му бегаат на законот. Таму се најновиот Мухамед, постариот Рашко, па Димова и уште една цела бригада партијски обвинители на СЈО, кои го сркаат она што го надробиле. Третата е најголемата и највисока Црпковска каста. Составена е од оние кои успејале да и избегаат на правдата. Ја предводи три пати аболираниот лидер од сенка и неприкосновен муртински водач Заев, гуру и урнек за претходните чеда кои ја немаа неговата среќа. И големина на чадор, де. Во првите редови се соселанецот му Дончев кој јавно броеше пари од рушвет и Павле кој сите го чувме како купува „бело“ за црни денови, Ременски на Бокија другачката, Кирацо кој никој веќе не го ни спомнува, Филипчо кој се извади на кабел и редица други успешни бегства од правдата. Сите си дадоа оставка и куртулија од правдат. Или не е баш така?!?! Наградното прашање за 2022-та година е: Ќе останат ли „за навек“ помилувани од црпнатиот лидер и неговите судски потрчковци? Дојдоа протести, цените се вивнаа в небо, престолонаследникот Таче мати вода со о’баче Петков, владата одбива да го слави Гоце Делчев, криминалците крадат ко улави, пописот позабеган здравје. Да, дојде и пролетта. Време е, крајно, за обединување околу една, единствена цел и конечно уривање на оваа антимакедонска влада, рушење кое ќе обезбеди и една нова „преселба на народите“. Двонасочна. Македонските патриоти од затвор дома, а криминогените, забегани владејачи во обратна насока...

ОЈО отвори предмет за сообраќајниот софтвер на Рашковски

Катерина Бојаџиева — Thu, 18 Mar 2021 17:00:09 +0000

ОЈО отвори предмет за сообраќајниот софтвер на Драги Рашковски. -Основното јавно обвинителство за гонење на организиран криминал и корупција денеска отвори предмет по допрен глас во врска со набавката на софтверот за „определување на просечна брзина на возилата во сообраќајот и изрекување казни“. Следејќи ги повеќедневните написи во медиумите за набавката на софтверот од страна на Генералниот секретаријат на Владата, обвинителството отвори предистражна постапка, при што предметниот обвинител издаде повеќе наредби за прибирање на потребната документација. По наредбите ќе постапуваат истражителите од истражниот центар при Основното јавно обвинителство за гонење на организиран криминал и корупција. Во меѓувреме, откако беа издадени наредбите, Министерството за внатрешни работи до обвинителството достави известување во врска со нивното постапување во случајот, велат од ОЈО. За потсетување, пред неколку дена беше обелоденет скандал дека Рашковски како генерален секретар на Владата набавил софтвер за следење на сообраќајни прекршоци за потребите на МВР, со народни пари. Набавката самата по себе немаше да биде скандал, но следуваат податоци кои фрлаат нова сенка на оваа набавка. МВР не знаат ниту дека истиот сервер постои, а Рашковски фрлил народни пари, за систем кој 8 месеци не е во функција.

Стоилковски: Зоран Заев мора да каже колку пати, каде и кога се видел со Миодраг Давидовиќ Дака?

Ивана Ефремовски — Mon, 29 Jun 2020 11:44:07 +0000

Зоран Заев мора да каже колку пати, каде и кога се видел со Миодраг Давидовиќ Дака? Колку средби имал со Дака сам, а колку со Драги Рашковски. На која средба биле договорени 300.000 евра дадени за референдумот? Како завршиле тие пари? На истата ли средба барал 2.000 квадрати за бензинска пумпа во Тетово? Зоран Заев мора пред надлежните институции да даде одговор на овие прашања, истакна на денешната прес-конференција портпаролот на ВМРО-ДПМНЕ Наум Стоилковски. Ова е парцелата во Тетово, Шик Јелак, за која Зоран Заев земал 300.000 евра за финансирање на референдумот, а барал и земал 2.000 квадрати за себе, за бензинска пумпа или што и да имал на ум, така вели Миодраг Давидовиќ Дака - контроверзниот бизнисмен во снимка објавена на социјалните мрежи. Дака самиот кажува како со Заев го договарал да го добие просторот на Шумарско индустрискиот комбинат Јелак во Тетово. Спроведувач на зделката бил Драги Рашковски, генералниот секретар на Владата! Целата парцела е голема неколку илјади метри квадратни и се наоѓа во непосредна близина на центарот на Тетово! Дака е снимен кога е нервозен затоа што договореното со Заев уште не е завршено, па откако кажува дека дал 300.000 евра, вели - „И јас да дознам пред недела дена од Рашковски, дека сега треба да вршат процена на ШИК Јелак после три години. Ми ветивте за 7 дена ќе ми кажете колку чини остатокот од ШИК Јелак“, прашувајќи и констатирајќи дека му било ВЕТЕНО! Бла бла муабети се оние правдања на Заев, фатен во криминал и корупција со странски бизнисмен за кого се вели дека има руски врски, џабе се оние зборови на Заев кога за себе зборува во трето лице дека бил чесен! Еве ја чесноста, еве ги документите дека Заев преку Рашковски го спроведувал она за што земал пари од Дака. Владата на СДСМ контролирана од Зоран Заев кој што зема пари за имотот на ШИК Јелак Тетово, на 115 седница, на 15 јануари 2019 година, разгледува информација за ШИК Јелак! Како 120 точка била разгледувана информација за имотот од стечајната постапка од должникот ШИК Јелак АД Тетово, СО ПРЕДЛОГ-ОДЛУКА ЗА ДАВАЊЕ СОГЛАСНОСТ, Владата контролирана од Зоран Заев ја усвоила информацијата и донесена е одлука за давање согласност со подавка. Сега знаеме дека Владата донела одлука врз договореното со Дака, меѓу Зоран Заев и Дака, со присутво и на Драги Рашковски, за што Заев и Рашковски наплатиле 300.000 евра и договориле да земат 2.000 квадратни метри плац во центарот на Тетово! Сите знаат дека чесното на Заев се вика криминал, корупција и понижување. бла бла муабети се кога Заев зборува за справување со криминал, корупција и владеење на правото. Вистината е кога Заев во стилот Ал Капоне трпа пари во Луј Витон куфери и не одговара за тоа, затоа што Јовески и Рускоска му се в скут за амнестирање на сите криминали што водат до него! И затоа нема предмет, Заев да не одговори на прашањата за средбите со Дака и парите земени од него. Македонија веќе не може да издржи компромис со криминалот! СДСМ покажа дека единствено што можат повеќе е криминал, повеќе корупција и повеќе порази. Да ставиме крај на виткањето на кичмата. Исправи се Македонијо, одбери обнова!

ВМРО-ДПМНЕ бара под итно да биде казнет Рашковски и јавно извинување за демонстрираното беззаконие

Тале Кристо — Mon, 25 May 2020 09:39:39 +0000

Власта неколку дена молчи за неодговорното однесување на Рашковски. Дали Рашковски е над законот и поради тоа не е казнет за непочитување на мерките и законите?, прашуваат од ВМРО-ДПМНЕ. Генералниот секретар на владата Драги Рашковски пред неколку дена е фатен како без маска на лицето, спротивно на прописите и законската уредба слободно се движи во продавница и со тоа го загрозува здравјето на останатите присутни и демонстрира беззаконие. За ваквото беззаконие институциите се уште молчат, велат во соопштението од ВМРО-ДПМНЕ. Граѓаните прашуваат зошто за Рашковски не важат законите кои за нив важат? Дали неговата функција во владата во заминување е таа што го прави да биде над законот? ВМРО-ДПМНЕ бара под итно да биде казнет Рашковски и јавно извинување за демонстрираното беззаконие. Уште еднаш се докажа дека со Заев и СДСМ Македонија доби единствено хибриден режим, неспособност, криминал и сиромаштија, се вели во соопштението на ВМРО-ДПМНЕ.

Македонска заедница во Малта: Дали Рашковски со „хуманитарните летови“ виде можност за брза заработка на маката на граѓаните кои се оставени на милост и немилост по светот?

Тале Кристо — Tue, 19 May 2020 11:39:36 +0000

Постои ли потенцијален корупциски скандал поврзан со Државниот Секретар г-дин Драги Рашковски и организирањето на “Хуманитарните летови” кои ги организираше минатиот месец?!, реагираат од Македонска заедница во Малта. Во продолжение целата реакција на Македонска заедница во Малта: Веќе на сите ни е познато дека минатиот месец Ministry of Foreign Affairs of the Republic of North Macedonia преку јавен повик ги повика своите граѓани кои се затечени во странство поради кризата со Ковид19 да се пријават за “хуманитарни” летови за враќање дома. И сето ова е одлично се до оној момент кога всушност надлежноста за организирање на овие летови од МНР преминува во Генерален секретаријат при Влада на Република Северна Македонија и самиот Генерален секретар Рашковски. Дали Рашковски виде можност за брза заработка на маката на граѓаните кои се оставени на милост и немилост по светот (не по своја вина) без никаква поддршка? Драги Рашковски упати јавен повик до авио компаниите кои сакаат да се пријават за организирање на овие “хуманитарни” летови. На истиот повик се јавува единствено компанијата Wizz Air (која воедно е субвенционирана од македонскиот државен буџет) и го добива целосниот тендер. За воља на вистината летот Малта-Македонија се организира прв од сите останати предвидени, НО и со најголем процент на заработувачка по патник. За да го поткрепиме нашето тврдење со факти ви ги приложуваме сликите кои сведочат за ОГРОМНАТА разлика помеѓу два идентични лета (на иста релација) само што во едниот случај лета НИСКО-буџетниот Wizz Air (организиран од Македонската Влада), а во другиот случај лета Air Malta (организиран од Малтешката Влада). Од Малта во Македонија пристигнаа околу 140 патници со летот кој го организираше MaltaGov за сите оние странски граѓани кои се затечени во Малта. Цената на првиот лет кој го организираше Рашковски е ФАНТАСТИЧНИ 202€ по патник, додека цената на билет по патник кој го организираше Малтешката Влада е 50€ . Во првиот лет се враќаат 124 македонски граѓани, во вториот лет 140 македонски граѓани. Билетите со Wizz Air беа 152€ поскапи од билетите со Air Malta, а вкупната разлика помеѓу првиот и вториот лет е ФАНТАСТИЧНИ 18 000 € . За каков “ХУМАНИТАРЕН” лет зборува Рашковски ако за еден ист лет организиран од две различни институции разликата во цена е 18 000€? На што се должи огромната разлика во цена? Дали Јавно Обвинителство на Република Македонија по допрен глас ќе отвори истрага за очигледната злоупотреба околу организирањето на овие летови? Јавно го прашуваме Драги Рашковски дали под организацијата на “ХУМАНИТАРНИ” летови виде одлична шанса за дополнителен личен приход на сметка на граѓаните. За каква грижа кон македонските граѓани зборуваме ако за еден ист лет цената е 2 ипол пати повисока? Вие ги враќате нашинците со НИСКО буџетна компанија за 202€, а Владата во Малта со нормална компанија и тоа за речиси симболична цена од 50€ по патник. Дали ова значи дека всушност Малтешката Влада се грижи повеќе од вас за Македонските граѓани, или едноставно како секоја нормална европска влада не се обидува да ПРОФИТИРА на маката на граѓаните? Искрено се надеваме дека ЈО ќе поведе истрага за случајот. Вас почитуван Државен секретар оставаме македонските граѓани сами да проценат кој и како се грижи за нив, но и кој и дали печали на нивната мака!