расистички навреди – Kurir.mk

Валенсија ги осуди расистички навреди на своите навивачи упатени кон Винисиус

Тале Кристо — Mon, 22 May 2023 09:46:44 +0000

Валенсија излезе со соопштение во врска со расистичките навреди кон Винисиус Жуниор на натпреварот од 35. коло на шампионатот на Шпанија против Реал Мадрид.

– Ги осудуваме сите навреди и напади во фудбалот. Клубот е цврсто посветен на вредностите на почит и спортски дух и го повторува својот став против физичкото и вербалното насилство на стадионите. Тажни сме поради настаните што се случија на натпреварот. Иако ова е посебна епизода, навредите упатени кон секој противнички играч се несоодветни во фудбалот и не се во согласност со вредностите на Валенсија. Клубот го истражува инцидентот и ќе преземе најстроги мерки против одговорните. Исто така ги осудуваме сите навреди и кон нашите навивачи и бараме максимална почит кон нив.

И покрај тоа што најостро ги осудуваме овие изолирани инциденти, Валенсија им е благодарна на над 46.000 навивачи присутни за поддршката на тимот“, се вели во соопштението на клубот.

За време на средбата, Винисиус имаше конфликт со навивачите на Валенсија. Играчот неколку пати го беше изложен на расистичките навреди од трибините.

Затворена истрагата против Камил Глик – ФИФА не најде докази за расистички изјави кон Вокер

Магдалена Андонова — Wed, 13 Oct 2021 11:05:40 +0000

Светската фудбалска асоцијација ја затвори истрагата против полскиот дефанзивец Камил Глик. Англија минатиот месец го обвини 33-годишниот фудбалер дека користел расистички фрази во судирот 1-1 со дефанзивецот Кајл Вокер за време на квалификацискиот натпревар за СП 2022 година. На крајот од првото полувреме изби конфликт помеѓу играчите на двата тима. За време на тоа, Глик го стисна Кајл Вокер, а во инцидентот учествуваше и Хари Мегваер. За време на полувремето, менаџерот на Англија, Емили Веб и шефот за безбедност Тони Конифорд реагираа кај резервниот судија дека Вокер бил навредуван од Глик на расна основа. ФИФА не најде докази за расистички изјави од страна на Глик и го затвори случајот. Играчот нема да подлежи на никакви санкции. (МИА)

Поради расистички извици кон Балотели натпреварот Бреша – Лацио извесно време беше прекинат

Дарко Андоновски — Sun, 05 Jan 2020 14:35:36 +0000

Напаѓачот на Бреша, Марио Балотели се пожали на расистички навреди упатени кон него од трибините за време на денешниот натпревар со Лацио од италијанскиот фудбалски шампионат. Натпреварот беше прекинат извесно време по голот на Балотели во 18-та минута, бидејќи напаѓачот се обрати до главниот судија на средбата Џанлука Манганиело. Тој се пожали дека навивачите на Лацио го навредувале на расна основа. Кога навивачите се смирија, натпреварот беше продолжен. Средбата заврши со победа на Лацио 2:1. За потсетување, Балотели беше жртва на расистички крици во ноември минатата година за време на натпреварот со Верона, поради што сакаше да го напушти теренот.

Уапсен жител на Чешиново- ширел расистички и ксенофобичен материјал по пат на компјутерски систем

Дарко Андоновски — Sat, 14 Dec 2019 15:25:48 +0000

На 13.12.2019 во Кочани полициски службеници од Полициска станица Кочани го лишиле од слобода С.Ј. од с. Чешиново поради постоење на основано сомнение дека сторил кривични дела „ширење на расистички и ксенофобичен материјал по пат на компјутерски систем“ преку објавување преку интернет на текст и фотографии кои содржат говор на омраза. На 14.12.2019 за истото кривично дело е приведен и Д.А. (36) од с. Облешево. По документирање на случаите ќе следат содветни поднесоци до надлежното обвинителство, информираат од МВР.

Навивачи на Рома со расистички навреди кон фудбалер на Сампдорија

Ивона Петрова — Mon, 21 Oct 2019 06:45:33 +0000

На вчерашниот натпревар од италијанската Серија А одигран во Џенова, навивачи на Рома упатија навреди на расна основа кон фудбалерот на Сампдорија, Роналдо Виеира. Судијата Фабио Мареска го забележа непримерното однесување на гостинските навивачи, но немаше официјална опомена на стадионот. По завршувањето на натпреварот, Рома преку Твитер се извини за однесувањето на навивачите и искажа целосна поддршка кон бескомпромисната борба против расизмот. Клубот од Рим исто така изрази уверување дека предизвикувачите на инцидентот ќе бидат идентификувани и казнети. Ова не е прв инцидент со расистичко однесување на навивачите оваа сезона. Претходно, на расна основа беа навредувани Ромелу Лукаку, Френк Кеси и Далберт Енрике.

Уапсени петмина бугарски навивачи за расистички навреди

Ивона Петрова — Wed, 16 Oct 2019 08:18:10 +0000

Бугарската полиција уапси петмина навивачи кои на квалификацискиот натпревар во Софија пред два дена на расна основа навредуваа англиски репрезентативци. Уапсените петмина се обвинети за расистичките навреди, откако беа снимени како користат нацистички гестови. За потсетување, натпреварот Бугарија – Англија двапати беше прекинуван поради манифестации на расизам. По скандалот, УЕФА отвори дисциплински случај против репрезентацијата на Бугарија. Претседателот на Бугарскиот фудбалски сојуз Борислав Михајлов поднесе оставка по повикот од премиерот Бојко Борисов да ја напушти функцијата и да ја преземе одговорноста за инцидентите.