раскол – Kurir.mk

„Огнените“ со онлајн петиција за разрешување на министрите, Муса Џафери ги повика Груби и Бесими на ТВ-соочување

Ристе Здравков — Wed, 15 Mar 2023 14:34:02 +0000

Ахмети е клучот за сè. Ние комуницираме, но не се разбираме со лидерот. Ако Ахмети закаже продолжение на седницата за отчет на министрите, ќе учествуваме, но Груби и министрите мора да поднесат оставки во Владата. Ахмети мора да ги тргне бидејќи ништо не сработиле, вели за „Слободен печат“ Изет Меџити, предводник на „огнените“. Наместо помирување, „огнените“ се во офанзива против првиот вицепремиер Артан Груби и министрите интегративци од кабинетот на Димитар Ковачевски. Муса Џафери, претседател на Надзорниот одбор на ДУИ и еден од предводниците на „огнените“, ги предизвикува на ТВ-дебата Груби и министерот за финансии Фатмир Бесими пред албанската и македонската јавност да расчистат кој е во право. Паралелно со фрлената ракавица за ТВ-дуел, „огнените“ утре ќе објават онлајн петиција за разрешување на Груби и владиниот кабинет од редовите на ДУИ, открива за „Слободен печат“ Изет Меџити, потпретседател на ДУИ и предводник на „огнените“. Телевизиско соочување меѓу „огнените“ и „ахметистите“ би следувало ако претседателот на ДУИ Али Ахмети не закаже Централно претседателство за дебатата меѓу раскараните страни од јавна сцена повторно да се врати во партиските органи. Иако Фатмир Дехари, член на претседателството на ДУИ и градоначалник на Кичево, во гостување на телевизија Алсат рече дека Ахмети ќе ги седне на маса „огнените“ и „ахметистите“ и дека во партијата ќе се решат недоразбирањата, и Меџити и Џафери се децидни дека разрешница е можна само ако Груби и министрите заминат од Владата. „Ахмети е клучот за сè. Ние комуницираме, но не се разбираме со лидерот. Ако Ахмети закаже продолжение на седницата за отчет на министрите, ќе учествуваме, но Груби и министрите мора да поднесат оставки во Владата. Ахмети мора да ги тргне бидејќи ништо не сработиле. Имаме поддршка од членството и од гласачите, и тоа јасно се гледа на нашите собири. Утре ќе објавиме и онлајн петиција за разрешување на Груби и на министрите од ДУИ“, вели Меџити. Џафери вели дека Дехари е еден од погласните функционери што сметаат дека дебатата треба да се врати во партијата и дека и тој го критикува Груби оти ништо не презел за решавање на состојбата на поранешните припадници на ОНА. Дехари во телевизиското гостување ја нарече погрешна одлуката на Ахмети, шефот на дипломатијата Бујар Османи да биде координатор на чаирскиот огранок, што предизвика дополнително заострување на релација „огнени“ и „ахметисти“. Тој смета дека нема одлука што може да ја игнорира силата на политичарот што доаѓа од народот, алудирајќи на претседателот на огранокот Меџити. Дехари вели дека Османи требало да знае на чија страна е поддршката во Чаир пред да ја прифати функцијата координатор. Џафери цени дека секогаш има можност за разговор, но дека не е убеден оти е можно помирување. „Нашите министри се плашат да седнат со нас. Останаа голи без аргументи, бидејќи не сработиле ништо. Не е можно помирување како што сака Груби. Подава рака за помирување и брка „огнени“ од функции. Груби и министрите треба да заминат. Ахмети има обврска да го закаже Претседателството за отчетот на министрите. Ако нема состанок во партијата, Груби и Бесими нека се соочат со нас на телевизиска дебата, а народот нека одлучи кој е во право“, вели Џафери. Висок функционер од „ахметистите“ вели дека нема сигнали оти Ахмети ќе свика Централно претседателство и дека ќе ги повика „огнените“.

Мицкоски го пензионираше Заев, СДСМ пред раскол

Тале Кристо — Fri, 05 Nov 2021 09:04:02 +0000

После убедливата победа на ВМРО-ДПМНЕ на локалните избори во Република Македонија, Христијан Мицкоски го испрати во политичка пензија претседателот и премиер во оставка Зоран Заев. СДСМ ги живее можби најтешките денови од нејзиното постоење, откако на локалните избори доживеа катастрофален пораз од опозициската ВМРО-ДПМНЕ, губејќи ги речиси сите општини во земјата, плус и градот Скопје. Претседателот на ВМРО-ДПМНЕ, Христијан Мицкоски по локалните избори излезе убедлив победник кој ги порази погубните политики на Заев и СДСМ и го испрати во политичка пензија. Со победата на овие избори претседателот на опозицијата докажа дека веќе поткупот на власта не помага во изборите, туку единствено победува гласот на граѓаните. Според бројките ВМРО-ДПМНЕ е убедлив победник и со освоени градоначалнички места, но и со освоени советнички места низ целата територија на Македонија. После првиот круг од локалните избори на 17-ти октомври, кога речиси СДСМ доживеа тежок пораз, освојувајќи само девет општини, лидерот на СДСМ Зоран Заев најави и стави се на една карта, односно дека доколку во вториот не ги освои поголениот број на големи градови и градот Скопје ќе си поднесе оставка од премиерката функција, а исто така и од лидерската позиција во партијата, и тоа го направи вечерта на 31-ви октомври после убедливиот пораз во вториот круг, каде што неговата партија освои само седум градоначалнички места во помалите средини, а губејќи ги големите градови, како Битола, Охрид, Гевгелија, Радовиш и други. Иако помина речиси пет дена откако Заев ја најави оставката од двете функции, сепак истата до денеска не е доставена ниту до Собранието ниту во партијата, што претставува еден вид на игри зад завесата, нешто што и претходно се случуваше кога се избираа и кандидатите за градоначалници од СДСМ, каде извисија голем број на успешни градоначалници од редовите на истата партија, кои беа принудени да настапат самостојно како независни кандидати на овие локални избори, што беше и е доказ дека партијата се распаѓа по сите шевови, притоа предизвикувајќи раскол во истата. Доказ за самото тоа е и одолговлекувањето на самата оставка, петициите на некои функционери за негово останување на чело на СДСМ, како и настапите по телевизиски емисии и дебати на негови блиски и лојални луѓе кои што од петни жили се обдидуваат да застанат во негова одбрана после дебаклот на локалните избори, притоа презентирајќи некакви си бројки на кои што наводно владејачката коалиција била победник на овие избори, а во реалноста сликата е сосема поинаква, СДСМ на овие избори доживеа тежок пораз освојувајќи само 16 помали општини и многу помал број на гласиви на советничките листи, со што ВМРО-ДПМНЕ го прави апсолутен победник. На сите им е јасно дека ова е правец од кој нема враќање назад. На СДСМ и се потребни внатрешни реформи, а одолговлекувањето на оставката на Зоран Заев после катастрофалниот пораз кој што го доживеа неговата поартија на овие локални избори може да предизвика дополнителен раскол и делби во партијата.

СДСМ се распаѓа по сите шевови, Заев сака да ги повлече сите со себе

Тале Кристо — Thu, 04 Nov 2021 09:35:00 +0000

СДСМ ги живее можби најтешките денови од нејзиното постоење, откако на локалните избори доживеа катастрофален пораз од опозициската ВМРО-ДПМНЕ, губејќи ги речиси сите општини во земјата, плус и градот Скопје. Според првичните резултати на ДИК, ВМРО-ДПМНЕ е апсолутен победник на овие избори, а со тоа СДСМ го изгуби легитимитетот за водење на и на централната власт. После првиот круг од локалните избори на 17-ти октомври, кога речиси СДСМ доживеа тежок пораз, освојувајќи само девет општини, лидерот на СДСМ Зоран Заев најави и стави се на една карта, односно дека доколку во вториот не ги освои поголениот број на големи градови и градот Скопје ќе си поднесе оставка од премиерката функција, а исто така и од лидерската позиција во партијата, и тоа го направи вечерта на 31-ви октомври после убедливиот пораз во вториот круг, каде што неговата партија освои само седум градоначалнички места во помалите средини, а губејќи ги големите градови, како Битола, Охрид, Гевгелија, Радовиш и други. Иако помина речиси четири дена откако Заев ја најави оставката од двете функции, сепак истата до денеска не е доставена ниту до Собранието ниту во партијата, што претставува еден вид на игри зад завесата, нешто што и претходно се случуваше кога се избираа и кандидатите за градоначалници од СДСМ, каде извисија голем број на успешни градоначалници од редовите на истата партија, кои беа принудени да настапат самостојно на овие локални избори, што беше и е доказ дека партијата се распаѓа по сите шавови, а Заев свесно сака да ги повлече со себе. Доказ за самото тоа е и одолговлекувањето на самата оставка, петициите на некои функционери за негово останување на чело на СДСМ, како и настапите по телевизиски емисии и дебати на негови блиски и лојални луѓе кои што од петни жили се обдидуваат да застанат во негова одбрана после дебаклот на локалните избори, притоа презентирајќи некакви си бројки на кои што наводно владејачката коалиција била победник на овие избори. Но реалноста е сосема поинаква, СДСМ на овие избори доживеа тежок пораз освојувајќи само 16 помали општини и многу помал број на гласиви на советничките листи, со што ВМРО-ДПМНЕ го прави апсолутен победник. Во случајов залудни се обидите на луѓето блиски до Заев, кои тврдат декека СДСМ освоиле повеќе гласови и така натаму, бидејќи реалноста е сосема поинаква, односно СДСМ катастрофално ги загуби изборите, а ВМРО-ДПМНЕ е апсолутен победник на државно ниво. Во предизборието за вториот круг од локалните избори, самиот Заев најави некаков си „Game Change“, кога се стави на една карта и го најави своето повлекување од премиерското и од лидерското место во партијата, притоа заборавајќи на сета штета кој што и ја нанесе на Република Македонија, а мислејќи дека на тој начин ќе ги убеди граѓаните да гласаат за неговата партија. Истото се случува и денес со неговата оставка, со што СДСМ свесно се внесува уште во поголема криза, а револтот на самото членство се повеќе ќе расте. На сите им е јасно дека ова е правец од кој нема враќање назад, на СДСМ и се потребни внатрешни реформи, а одолговлекувањето на оставката на Зоран Заев после катастрофалниот пораз кој што го доживеа неговата поартија само ќе предизвика дополнителен раскол и делби во партијата.

Раскол во СДСМ: Петар Атанасов и Венко Андоновски со поддршка за Максим Димитриевски

Магдалена Андонова — Mon, 13 Sep 2021 11:33:15 +0000

Расколот во СДСМ не престанува. Откако Максим Димитриевски поднесе независна кандидатура за градоначалник на Куманово почнаа „препукувањата“ со лидерот на неговата матична партија. Македонскиот писател, есеист и критичар Венко Андоновски испрати писмо со поддршка за кандидатурата за градоначалник на независниот кандидат и актуелен „татко“ на општина Куманово Максим Димитриевски. Оваа вест дека Македонскиот писател Венко Андоновски го поддржува Димитриевски на својот Фесјбук профил ја сподели Петар Атанасов, актуелен заменик министер за образование кој исто така доаѓа од СДСМ кој напиша:

„Конечно нешто здраво... за суштината на еден конфликт“

Со ова повеќе од јасно е дека партијата СДСМ се разделува, односно нејзини членови и актуелни функционери се одделуваат од актуелното владеење на Зоран Заев. Да потсетиме, Максим Димитриевски изминатиов период изјаци дека СДСМ е „киднапирана“.

Раскол во владеачката коалиција и поделеност во СДСМ пред престојните локални избори

Тале Кристо — Sat, 28 Aug 2021 10:00:52 +0000

Изминатите деновови македонската јавност е сведок на политички интриги и раскол во коалицијата на власт, предводена од СДСМ и Зоран Заев. СДСМ сакајќи да ги остави на страна одреден број на актуелни гардоначалници кои што не размислуваат подеднакво како во централата во Скопје предизвика раскол во сопствените редови. Актуелните градоначалници на Куманово Максим Димитриевски и Зоран Ногачески на Дебарца вчера најавија дека на престојните избори во октомври ќе настапат како независни кандидати, а најавени се и независни листа на советници. Имено, градоначалникот на Куманово, Максим Димитриевски, ќе се кандидира како независен кандидат за градоначалник на Куманово на престојните локални избори на 17 октомври. Димитриевки вчера ја достави неговата кандидатура до ДИК и започна со собирање на потписи. Кандидатурата на Димитриевски како независен кандидат за градоначалник уследи откако не ја доби поддршка од СДСМ за уште еден мандат. Иако неговата матична партија се уште калкулира со името за Куманово, извесно е дека Димитриевски не е фаворит. На претстојните локални избори Димитриевски ќе настапи и со независна листа на советници, а носителка ќе биде жена. Димитриевски во изјава за Сител Телевизија информираше дека концептот за независна кандидатура за градоначалник на Куманово кој во текот на вчерашнот ден беше промовиран е следниот победник на изборите во оваа општина. -Ние сме соочени да се натпреваруваме со кој било останат кандидат од која било политичка партија или граѓанска опција, затоа што нудиме добри решенија за нашиот град, за нашите граѓани и повеќе од јасно е дека и анализите го потврдуваат тоа, потенцираше Димитриевски. Димитриевски изјави дека се залага за застапување на граѓанскиот концепт и пристап. -Впрочем така и ја извршувам оваа одговорна функција градоначалник како градоначалник на сите граѓани на општина Куманово, притоа не делејќи ги на политичка, верска или било каква етничка припадност, бидејќи сепак градоначалничката позиција е да се биде градоначалник на сите. Целата оваа иницијатива дојде токму од граѓаните и голем број на поддржувачи, членови и активисти и симпатизери коишто дојдоа и побараа од мене покрај внатрепартиската постапка да излезам со еден ваков концепт и да побарам граѓанска поддршка. Во секој момент сум отворен и верувам дека моето актуелно политичко раководство на партијата ќе изнајде начин и сили до последен момент да подржи една ваква кандидатура, рече Димитриевски. Димитриевски посочи дека во ниту еден момент не го свртил грбот на социјалдемократската идеа, а најмалку на членовите на Социјалдемократскиот сојуз. -Но, за жал исто така нема да дозволам и да бидам составен дел на одредени политички интриги на поединци во склопот на мојот политички субјект коишто извршуваат одговорни и политички функции. Затоа ја послушав иницијативата на граѓаните и денеска се одлучив на ваков потег. Се заблагодарувам на сите кумановчани коишто денеска дадоа масовна поддршка на една ваква иницијатива бидејќи сепак тие заслужуваат почит и признание“, истакна вчера Димитриевски. По стапките на Максим Димитриевски и Зоран Ногачески од владеачката партија најави дека ќе оди како независен кандидат во оптина Дебарца. Актуелниот градоначалник на Општина Дебрца од редовите на СДСМ, Зоран Ногачески на престојните локалните избори ќе бара втор мандат од граѓаните, но како независен кандидат. Покрај собирањето на потписи за неговата кандидатура, тој започна и собирањето на потписи за независната листа за членови на советот на Општина Дебрца. Зоран Ногачески од 2013-2017 година е претседател на општинската организација СДСМ Дебрца. На локалните избори одржани на 15 октомври 2017 година, Зоран Ногачески е избран за градоначалник на Општина Дебрца, освојувајќи мнозинство гласови во првиот изборен круг од локалните избори 2017. Партиите Демократски сојуз, ЛДП и ДОМ кои се дел од владеачката коалиција на претстојните локални избори ќе настапат самостојно, со заеднички советнички листи, но и со заеднички кандидати за градоначалници во многу општини низ државата, со цел да биде алтернатива на СДСМ и ВМРО, но и на Левица. Заедничкиот настап на локалните избори, за што е постигнат начелен договор меѓу Демократскиот сојуз, ДОМ и ЛДП претставува промоција на нова политичка сила, вели лидерот на Демократски сојуз, Павле Трајанов. -Во суштина, промовираме формираме нова политичка сила, подготвена за промени, борба против урбаната мафија, создавање на еколошка здрава средина и економски развој на локалните единици. Имаме огромна поддршка за пресврт во политичкото дејствување и пораз на погубните политики, како и афирмација на националните и стратешките интереси на државата, истакна пролетоска Трајанов. Ваквиот сплет на околности кој што се одвива во редовите на владеачката коалиција предводена од СДСМ претставува раскол во во самата коалиција, како и поделеност и политички интриги во самата партија која нанзад со месеци калкулира со повеќе градоначалнички иминња со цел да ги остави на страна одреден број на актуелни гардоначалници кои што не размислуваат на иста бранова должина како во централата во Скопје. Јана Белчева Андреевска, која околу 2,5 години претседаваше со Советот на Центар, пред да си даде оставка, на овие избори ќе се обиде да обезбеди нов советнички мандат како носителка на независна листа на граѓанската иницијатива „Шанса за Центар“.На минатите локални избори во 2017 година, Белчева, како граѓанска активистка, беше носителка на советничката листа на СДСМ во Центар Заедничкиот настап на локалните избори, за што е постигнат начелен договор меѓу Демократскиот сојуз, ДОМ и ЛДП претставува промоција на нова политичка сила, вели лидерот на Демократски сојуз, Павле Трајанов. И во ДОМ се случуваат поделби. Разрешената директорка на Инспекторатот за животна средина, Ана Петровска ќе биде кандидат за градоначалник на Град Скопје. Таа ќе биде независен кандидат од „Зелен хуман град“.

ДОМ Прилеп им ја покажа вратата на „претседателката„ Маја и на Заменик министерката Оџаклиеска

Тале Кристо — Fri, 18 Jun 2021 17:51:02 +0000

Денес претседателката на ДОМ и пратеник, Маја Морачанин, заедно со Директорот на агенцијата за туризам Љупчо Јаневски кој е и секретар во ДОМ и Заменик министерката Христина Оџаклиеска се обидоа со луѓе кои не се членови на ДОМ да направат насилен пуч во Општинската организација на ДОМ во Прилеп во обид да ја превземат општинската организација. Навреди и закани беа упатени кон членовите на општинската организација од страна на сопругот на Заменик министерката во обид за физички напад кон истите, велат во партиското соопштение на ДОМ - ОК Велес. Мнозинството на членови на општинската организација на ДОМ Прилеп, предводена од претседателот Миле Настески и потпретедателката Николина Талимидџиоска го спречија “раководството” од Скопје на нелегитимен начин да направи нова општинска организација на ДОМ Прилеп со луѓе што не се членови, туку се роднини и пријатели на функционери од ДОМ во Скопје. Ова не е прв ваков обид на раководството од Скопје кое изврши монополизација и скопјанизација на партијата игнорирајќи ги и занемарувајќи ги дваесетина општински организации ширум Македонија. Раководството на ДОМ кое остана поддржано само со 5-6 општински организации од ДОМ неодамна на нелегитимен начин ги разреши со малцински број од Централниот одбор и потпретседателите на партијата Ана Петровска и Мирослав Богдановски кои важат за ревносни борци против урбаната мафија и загадувачите. Но изгледа на раководството во Скопје не им одговара во партијата да ги има вистинските зелени борци па се труди на пучистички начин да ги замолчи и угуши целосно општинските организации, стои во соопштието.

Занимавањето на СДСМ со работата на ВМРО-ДПМНЕ, параван за криење на расколот во СДСМ- се повеќе се бара оставка од Заев

Дарко Андоновски — Wed, 22 Jul 2020 08:53:52 +0000

Расколот во партијата на Зоран Заев е се поголем откако тој преку изборен инженеринг сака да ја формира идната влада на Македонија. Црната кампања и хорското пеење за работата на ВМРО-ДПМНЕ во изминатиов период ја водеше само еден единствен диригент од Бихачка кој преку овој начин на водење на кампања не сака да ги признае сопствените слабости на партијата. Инаку внатре во партијата се повеќе гласно се зборува дека на Заев му се замерува што криминалот во партијата станало професија и се повеќе се осилувало скопското крило на СДСМ, по што на ова се спротиставило струмичкото лоби на кое се гледа како на криминално. Заев мора да падне“, се само дел од внатрепартиските коментари. На Заев инаку во партијата му замеруваат веќе со години дека не се направени никакви кадровски промени и освежувања, тие велат и дека долго најавуваната „метла“ на Заев никаде ја нема. Во СДСМ немаше ниту еуфорија од резултатите на изборите, ниту славење затоа што на секого му е јасно дека ова не е резултат за победа, а дел од внатрепартиските коментари биле и дека БЕСА го спасило СДСМ од пораз. За потсетување пред само еден месец Зоран Заев тврдеше дека ќе победи со над 120 илјади гласови разлика и 10 пратеника, за да на крајот народот го казни на изборите кои се одржаа минатата среда. Имено во интервју за телевизија 21 Заев на 11 јуни тврдеше дека време е ДУИ да замине во опозиција, а ВМРО-ДПМНЕ ќе го победи со над 72, т.е 120 илјади гласови разлика. – Пред една година кажав ќе ги победиме ВМРО ДПМНЕ со разлика од 60 000 до 120 000 гласа. Ако водиме четири отсто, како што вели ВМРО ДПМНЕ, тогаш тоа е 72 000. Иако ние водиме со шест проценти. Сите се за избори, буквално сите партии, освен ВМРО ДПМНЕ. Сега не сакаат ниту парламентот да се врати да работи, ниту сакаат избори. Ние очекуваме да имаме предност од 6 до 10 пратеници, тоа се бројките, до партиите стигаат истите бројки. Затоа не сакаат избори, сето друго е изговор, изјави тогаш Заев. Сепак оваа негова изјава и прогноза паднаа во вода минатата недела на парламентарните избори кога Заев не направи разлика во „ветените“ 10 пратеници, а тоа е доказ дека дојде време кога народот го казни Заев.