расна дискриминација – Kurir.mk

Во Германија 35 отсто од мигрантите се соочиле со расна дискриминација

Ивана Ефремовски — Wed, 26 Apr 2023 07:32:58 +0000

Истражување спроведено низ цела Германија покажа дека многу мигранти минатата година доживеале некаков вид на дискриминација поради нивната етничка или верска припадност, јавува Анадолија. Истражувањето на фондацијата Бертелсман покажа дека бројот на инциденти на расна дискриминација минатата година се зголемил, и покрај подобрувањата на свеста на јавноста за проблемот. Околу 35 отсто од мигрантите рекле дека доживеале расистичко однесување и дискриминација во секојдневниот живот поради имиња кои звучат странски, начин на зборување или етничка припадност. Околу 28 отсто од мигрантите изјавиле дека се соочиле со дискриминација и оти биле третирани неправедно поради нивната религија или убедување. Според извештајот, муслиманската заедница во Германија е особено погодена од дискриминација. Околу 72 отсто од анкетираните муслимани изјавиле дека во секојдневниот живот доживеале расна дискриминација „многу често“ или „од време на време“. Истражувањето покажа дека постои зголемена загриженост во јавноста за проблемот со расизмот во Германија, а зголемена е и поддршката за мерките против расната дискриминација и нееднаквоста. Околу 70 отсто од анкетираните Германци изјавиле дека веруваат оти властите „треба да направат многу повеќе“ за да обезбедат еднаков третман на луѓето со мигрантско потекло. Во 2008 година само 43 отсто од Германците изразиле поддршка за ваквите мерки. (МИА)

Поранешната чистачка на Безос го тужи за расна дискриминација: Морав да одам во тоалет преку прозорецот

Ивона Петрова — Fri, 04 Nov 2022 08:26:39 +0000

Шефот на Амазон и еден од најбогатите луѓе во светот е тужен од страна на поранешна чистачка која тврди дека била изложена на расна дискриминација и била присилувана редовно да излегува преку прозорецот од пералната за да оди во тоалет. Наводно, не и било дозволено да влегува во куќата на милијардерот освен во деновите кога имала задача да чисти. Мерцедес Веда, која три години работела за Безос во неговата вила во Сиетл, во поднесената тужба тврди дека таа и другиот латиноамерикански персонал биле третирани поинаку од „белите“. Тврди дека управителот на куќата на Безос станал агресивен кон неа, додека од друга страна бил пристоен со другите работници и ги почитувал. Адвокатот на Безос ги демантирал овие тврдења и истакнал дека Веда е дискриминирана на основ на нејзиниот расен апсурд. Веда, која почнала да работи во домот на Безос во 2019 година, рекла дека редовно морала да работи од 10 до 14 часа без пауза за ручек или одмор ако Безос и неговото семејство била дојдени. Во тужбата се наведува дека немало посебна соба за одмор, како и персоналот морал да јаде во пералната. Таа тврди и дека не и било дозволено да влезе во куќата освен „ако не чисти“ што го отежнувало одењето во тоалет и резултирало со здравствени проблеми. -Околу 18 месеци, за да користи бања, тужителката и другите од персоналот биле приморани да поминуваат преку прозорецот од пералната, се наведува во тужбата. Се додава дека поради целата ситуација таа често не одела во тоалет што довело до често развивање на инфекција на мочниот канал.

Амазон обвинет за расна дискриминација

Тале Кристо — Tue, 02 Mar 2021 07:21:29 +0000

Шарлот Њуман, вработена во американската компанија „Амазон“, покрена федерална тужба против компанијата Амазон и го обвини раководството за расна дискриминација, пишува „Сиетл тајмс“, повикувајќи се на судски документ. Според Њуман, раководството на компанијата, особено одделот во Сиетл, е пристрасен кон вработените црнци. Жената опишува случаи во кои била платена помалку од нејзините колеги белци со исти вештини. Таа исто така тврди дека поради расна пристрасност, вработените црнци не се унапредуваат. Американката, исто така, покрена обвиненија за сексуално вознемирување и насилство од страна на директорот на еден од одделите.