распаѓање – Kurir.mk

Ако се препознаете во ова, итно променете нешто! Експерт открива кои се трите најчести причини за распаѓање на бракот

Магдалена Андонова — Wed, 24 Aug 2022 13:46:34 +0000

Советникот и брачен педагог, Дејвид Акива, тврди дека процентот на неуспешни бракови драстично би се намалил доколку луѓето почнат понапорно да работат едни околу други и доколку енергијата што ја користат за фрустрации би ја префрлиле на енергијата за градење врски. Наместо тоа, луѓето имаат тенденција да се откажуваат еден од друг и на крајот се разведуваат и бракот се распаѓа. Акива ги откри и трите најчести причини за распаѓање на бракот. Недостаток на интимност Акива советува дека ако сакате да го вратите сексот во бракот, прво треба да работите на враќање на љубовта. Истражувањата покажаа дека емоционалната блискост е поттик за сексуално исполнување кај жените. Кога љубовта се претвора во пријателство Многу партнери се жалат дека нивната врска е повеќе поврзана со пријателство отколку некој вид љубов или страст. Акива вели дека тоа е всушност нормално и дека заљубувањето не мора секогаш да биде толку страсно како на почетокот. Премногу борби, премалку комуникација Во секоја врска важно е да научите да комуницирате и да се изразувате правилно бидејќи другата страна не може да чита мисли. Затоа, треба јасно да артикулирате за што размислувате. Разговорот избегнува непотребен конфликт, викање и расправии.

СДСМ се распаѓа по сите шевови, Заев сака да ги повлече сите со себе

Тале Кристо — Thu, 04 Nov 2021 09:35:00 +0000

СДСМ ги живее можби најтешките денови од нејзиното постоење, откако на локалните избори доживеа катастрофален пораз од опозициската ВМРО-ДПМНЕ, губејќи ги речиси сите општини во земјата, плус и градот Скопје. Според првичните резултати на ДИК, ВМРО-ДПМНЕ е апсолутен победник на овие избори, а со тоа СДСМ го изгуби легитимитетот за водење на и на централната власт. После првиот круг од локалните избори на 17-ти октомври, кога речиси СДСМ доживеа тежок пораз, освојувајќи само девет општини, лидерот на СДСМ Зоран Заев најави и стави се на една карта, односно дека доколку во вториот не ги освои поголениот број на големи градови и градот Скопје ќе си поднесе оставка од премиерката функција, а исто така и од лидерската позиција во партијата, и тоа го направи вечерта на 31-ви октомври после убедливиот пораз во вториот круг, каде што неговата партија освои само седум градоначалнички места во помалите средини, а губејќи ги големите градови, како Битола, Охрид, Гевгелија, Радовиш и други. Иако помина речиси четири дена откако Заев ја најави оставката од двете функции, сепак истата до денеска не е доставена ниту до Собранието ниту во партијата, што претставува еден вид на игри зад завесата, нешто што и претходно се случуваше кога се избираа и кандидатите за градоначалници од СДСМ, каде извисија голем број на успешни градоначалници од редовите на истата партија, кои беа принудени да настапат самостојно на овие локални избори, што беше и е доказ дека партијата се распаѓа по сите шавови, а Заев свесно сака да ги повлече со себе. Доказ за самото тоа е и одолговлекувањето на самата оставка, петициите на некои функционери за негово останување на чело на СДСМ, како и настапите по телевизиски емисии и дебати на негови блиски и лојални луѓе кои што од петни жили се обдидуваат да застанат во негова одбрана после дебаклот на локалните избори, притоа презентирајќи некакви си бројки на кои што наводно владејачката коалиција била победник на овие избори. Но реалноста е сосема поинаква, СДСМ на овие избори доживеа тежок пораз освојувајќи само 16 помали општини и многу помал број на гласиви на советничките листи, со што ВМРО-ДПМНЕ го прави апсолутен победник. Во случајов залудни се обидите на луѓето блиски до Заев, кои тврдат декека СДСМ освоиле повеќе гласови и така натаму, бидејќи реалноста е сосема поинаква, односно СДСМ катастрофално ги загуби изборите, а ВМРО-ДПМНЕ е апсолутен победник на државно ниво. Во предизборието за вториот круг од локалните избори, самиот Заев најави некаков си „Game Change“, кога се стави на една карта и го најави своето повлекување од премиерското и од лидерското место во партијата, притоа заборавајќи на сета штета кој што и ја нанесе на Република Македонија, а мислејќи дека на тој начин ќе ги убеди граѓаните да гласаат за неговата партија. Истото се случува и денес со неговата оставка, со што СДСМ свесно се внесува уште во поголема криза, а револтот на самото членство се повеќе ќе расте. На сите им е јасно дека ова е правец од кој нема враќање назад, на СДСМ и се потребни внатрешни реформи, а одолговлекувањето на оставката на Зоран Заев после катастрофалниот пораз кој што го доживеа неговата поартија само ќе предизвика дополнителен раскол и делби во партијата.

Се распаѓа мостот на патниот правец кој ги поврзува селата Умлена и Чифлик во Пехчево

Тале Кристо — Wed, 03 Mar 2021 14:15:07 +0000

Се распаѓа мостот на патниот правец кој ги поврзува селата Умлена и Чифлик во Пехчево. Жителите револтирани бараат да се оствари најавата за негова санација, бидејки како што велат мостот во секој момент може да се сруши. -Околу шест месеци движењето по овој оштетен мостот преставува опасност како по учесниците во сообраѓајот така и по населението. Поради топењето на снегот мостот пропаѓа и прашање на време е кога ќе се сруши, вели Димче Беќарски, жител на селото. Мостот е изграден далечната 1975 година, но проблемот според Беќарски е што при неговата изградба не се користела арматура, поради што како што додава е потребна итна негова реконструкција. Од локалната самоуправа во Пехчево информираат дека се запознаени со случајот. Во нивниот одговор се вели дека документацијата е подготвена и дека многу скоро поправката на мостот ќе биде извршена. Мештаните во својата реакција бараат и рехабилитација на патниот правец од село Чифлик кон село Умлена, ветување кое според нив се уште не е остварено од страна на локалните власти.

Лукашенко: На Белорусија и се заканува распаѓање

Магдалена Андонова — Fri, 10 Jul 2020 14:54:30 +0000

Белорускиот претседател Александар Лукашенко предупреди дека постои закана од распаѓање на земјата. – Не би сакал утре да се урне се, што не сум го градел само јас со сопствени раце. Не би сакал некој да дојде и да почне да врши експерименти, истакна Лукашенко. Тој нагласи дека промените во Белорусија треба да се извршат согласно Уставот, а не на улица. Во спротивно, според него, државата ќе ја избрише цела своја историја. Претседателските избори во Белорусија ќе се одржат на 9 август. Во текот на предизборната кампања се уапсени неколку лидери на опозицијата и кандидатот Виктор Бабарико. Властите соопштија дека апсењата не се политички мотивирани, туку станува збор за направени прекршоци за време на масовните собири. (МИА)