расположение – Kurir.mk

Храна што го подобрува расположението на децата

Тале Кристо — Mon, 03 Oct 2022 09:50:24 +0000

Храната може да влијае на среќата на децата, тврдат педијатрите. Имено, истражувањата покажале дека тоа што детето го јаде може позитивно да влијае на неговото расположение, но и на целокупното ментално здравје, пренесува „Мадерли“ (Motherly). Стручњаците сметаат дека, на пр., чоколадото или рибата на детето не само што му помагаат во неговото учење и помнењето, туку може и да го зголемат чувството на среќа. Следат уште неколку намирници, коишто според стручното мислење, можат да го подобрат расположението на Вашето малечко. 1. Разновидно овошје и зеленчук Добро е познато дека што поразновидно е овошјето и зеленчукот, толку тоа нуди повеќе фитонутриенти што се борат против стареење на клетките во мозокот и други ткива во телото. Флавоноидите, пак, се поврзани со намалена опасност од депресија и на тој начин влијаат на доброто расположение. Во едно истражување со деца на возраст меѓу седум и 10 години, се покажало дека и пиењето сок од боровинки богато со флавоноиди ефикасно го подобрува расположението. Општо земено, колку повеќе овошје и зеленчук има на менито на бебето, толку тоа ќе биде позадоволно и посреќно. 2. Зелјести растенија Говорејќи за нив, особено темните зелјести плодови се богати со железо, фолна киселина, влакна, магнезиум и витамини А и Ц. Овие хранливи материи ја поддржуваат работата на мозокот, но исто така е докажано дека го подобруваат и расположението. Во таа смисла, во исхраната на бебето треба да има цвекло, кељ, спанаќ, блитва и зелена салата. 3. Бобинки Боровинки, малини, капини – сите тие содржат голем број антиоксиданси, антоцијани и полифеноли. Тие се делотворни против стресот и го подигаат расположението. Исто така, го подобруваат учењето, сосредоточеноста и помнењето. 4. Овес Оваа житарка е одлична за подобрување на расположението поради високата содржина на триптофан и други хранливи материи како што се витаминот Б, влакна и железо. Овесната каша, или пак, бисквитите – се одличен оброк за малечкото, па освен што се богати со здрави хранливи материи, ќе го подобрат и неговото расположение. 5. Јатки и семиња Јаткастите плодови и семките содржат влакна, магнезиум и омега-3 масни киселини. Особено се покажа дека оревите го намалуваат стресот и напнатоста поради високото ниво антиоксиданси, вклучувајќи омега-3 масти, фолати и витамин Е. 6. Риба Таа е богата со омега-3 масни киселини, триптофан и витамин Б-6, па педијатрите препорачуваат да му се дава на детето најмалку двапати во седмицата. 7. Тиква, банана и авокадо Тиквите содржат триптофан и серотонин – хемикалии за мозокот коишто поттикнуваат опуштање, а бананите се богати со витамин Б-6. Исто така, бидејќи содржат комбинација од јаглени хидрати и растителни влакна, бананите помагаат и за стабилизирање на нивото шеќер во крвта и придонесуваат за поголема контрола на расположението. И на крај, авокадото – храна богата со витамини, минерали и растителни влакна, докажано делува и за добро расположение.

ОВИЕ НАМИРНИЦИ веднаш ќе ви го подобрат расположението

Ристе Здравков — Mon, 09 May 2022 15:08:02 +0000

Одлучете се за овие намирници наместо да посегнувате по брза храна и ќе ја видите разликата во расположението Сигурно некогаш сте биле нерасположени, па сте посегнале по одредени намирници за да се расположите. Иако брзата и нездрава храна е првиот избор за повеќето луѓе во вакви ситуации, всушност постои многу подобро решение. Научниците докажаа дека одредени намирници го подобруваат расположението, бидејќи влијаат на производството на ензими и хормони, благодарение на кои се чувствуваме добро. Нутриционистка откри кои се тие намирници: Темно чоколадо Банани Цреши Јајца Семки од сончоглед Леќа Говедско месо Целер

Расположението, здравјето и изгледот зависат од вашите животни навики – овие грешки ги правите

Ивана Ефремовски — Wed, 23 Feb 2022 09:06:13 +0000

Кога ќе ги слушнете фитнес тренерите кои истакнуваат дека треба да го започнете денот со вежбање и здрав доручек, не го игнорирајте тоа. Имено, тоа се некои од основните причини кои влијаат на расположението. Ова се трите најлоши навики поради кои се чувствувате поспано и безволно секој ден. Недостаток од сон До три часот наутро „висите“ на мобилниот и тогаш со мака станувате во 6 наутро? Престанете да го правите тоа. Практикувајте здрава рутина која се состои од релаксација, готвење, лесни вечерни вежби, читање книги наместо гледање телевизија или скролање по телефонот. Не се движите доволно Секој ден треба да одвоите барем еден час за некоја физичка активност. Без разлика дали станува збор за пешачење во паркот или тренинг во теретана, физичката активност е неопходна за нормално функционирање на телото. Јадете премногу и се храните нездраво Едно колаче, половина сендвич, кафе, тестенини. Јаглехидратите содржат голема количина на шеќер и се причина зошто не можете да ослабете. Планирајте ги вашите оброци: јадете овошје, зеленчук, протеини и ограничете го внесот на грицки и слатка храна кои се штетни за вашиот организам.

Антизападното и антиеу расположение ја зафатило и владата: За тоа што сме последни со вакцинацијата во регионот ни е крива ЕУ!

Тале Кристо — Tue, 05 Jan 2021 14:24:32 +0000

За тоа што сме последни со вакцинацијата во регионот ни е крива Европската Унија! ЗЗ: Имаме чувство како пак да ФАЛИРА ЕУ, знаете тоа солидарноста европска... Станува опасно, антизападното и антиеу расположение ја зафатило и владата!!!, вели во својата Твитер објава Мите Најдофф.

🚨За тоа што сме последни со вакцинацијата во регионот ни е крива Европската Унија🚨

ЗЗ👉 Имаме чувство како пак да ФАЛИРА ЕУ, знаете тоа солидарноста европска...

⚠️Станува опасно, антизападното и антиеу расположение ја зафатило и владата 😱😱😱😱 pic.twitter.com/uDUkn4uABa
— MITE NAJDOFF (@Kalabalak_) January 5, 2021

Не е здраво, но еве какво расположение предизвикува помфритот

Магдалена Андонова — Mon, 28 Sep 2020 13:44:16 +0000

Пржениот компир не е дел од здравата исхрана и здравиот начин на живот, но научниците ги открија добрите страни на оваа брза храна. Токму помфритот е одлична храна што го зголемува расположението, вели Мајк Грин, експерт за психологија на храна од Универзитетот Астон во Бирмингем. Д-р Грин спроведе истражување на 60 жени и мажи, дозволувајќи им да консумираат помфрит по трагичниот филм за уништувањето на Хирошима од атомската бомба во 1945 година. Сите испитаници пополнија прашалник за нивното расположение, како пред да го гледаат филмот, така и откако прочитаа списание додека конзумираа помфрит. - Психолошките податоци покажаа дека испитаниците кои се чувствувале лошо претходно, се чувствувале подобро откако јаделе компири, а пржениот компир го избрка лошото расположение по само 20 минути - рече раководителот на студијата. Научниците веруваат дека оваа нездрава храна има таков ефект поради јаглехидратите што ги содржи, и тие можат да го подобрат расположението. Причината може да биде тоа што помфритот со својот мирис и вкус ги потсетува луѓето на детството.

Родените во овој хороскопски знак најлесно можат да ви го уништат расположението

Ристе Здравков — Sat, 25 Jul 2020 18:25:55 +0000

Иако постојат луѓе на кои им се многу драги и блиски родените во овој знак, сепак за голем дел од луѓето, тие се напорни и ги избегнуваат во широк радиус. Станува збор за Девиците. Една од лошите страни на луѓето родени во овој знак е тоа што веруваат дека се најдобри во се што прават и секогаш мислат дека можат сите работи да ги направат подобро од вас. Од другите луѓе постојано бараат совршенство, и им наоѓаат маани, постојано посочувајќи им на дури и најситните грешки кои ги направиле. Тие се личности кои сметаат дека не треба да се менуваат, но затоа на другите луѓе ќе им покажат во што не се добри и тоа ќе им го кажат директно. Тие се големи злопамтила, кои ништо не забораваат. Понекогаш, околу своите ставови знаат да бидат многу напорни, а и често се однесуваат како личности кои не знаат да уживаат. На плажа ќе се замараат со другите, во кино ќе ги коментираат нереалните сцени, а на забава ќе зборуваат колку се е валкано.

Родените во овој хороскопски знак најлесно можат да ви го уништат расположението

Катерина Бојаџиева — Mon, 02 Sep 2019 20:20:43 +0000

15 нешта кои ги занемаруваме, а кои имаат огромна моќ да ни го разубават денот

Катерина Бојаџиева — Tue, 23 Apr 2019 14:17:10 +0000

Ова се 15 нешта кои ни се случуваат често, а кои постојано ги занемаруваме. Обидете се да обрнете внимание на нив и да ја забележите нивната позитивна моќ на вашето расположение. 1 – Будење пред алармаот 2 - Имањето време и можност за убав појадок пред работа/училиште 3 – Зелено светло на семафорите 4 – Повици од пријател од детството 5 – Танцувањето додека сме сами 6 – Пеење под туш 7 – Топол долг туш кога имаме повеќе време 8 – Врнежливи денови кои можеме да ги поминеме стуткани под ќебе со убав филм 9 – Моќта на дремките 10 – Мирисот од нашето омилено јадење во рерната 11 – Скајп муабети со роднините и пријатели кои живеат во странство 12 – Насмевки или краток разговор со позитивни луѓе кои не ги познаваме 13 – миленичињата кои ни се радуваат 14 – Небо со ѕвезди во топла ноќ 15 – Сонце во зима кое нè тера да испиеме кафе во нашето омилено кафуле.

Како да го поправите вашето расположение за неколку минути?

Ристе Здравков — Wed, 30 Jan 2019 20:20:56 +0000

Многу често се случува едноставно да немаме волја за ништо, а нашето расположение оди во минус. За среќа, постојат мали и едноставни трикови кои ако ги користите често, многу брзо и ефективно ќе ви го поправат расположението. Бидете благодарни Без оглед на причините за лошото расположение, благодарноста е одличен начин за брзо да го поправите. Едноставно сетете сe на работите за кои сте благодарни и набројте ги на глас. Фокусирајте се на сегашниот момент Сите знаеме дека утре никогаш не доаѓа, нели? Сегашниот момент е единственото време кое ни е на располагање, а ние воопшто не се фокусираме на него. Во своите мисли, најчесто се занимаваме со минатото или грижите околу иднината. Живејте тука и сега. Прошетајте Ако сте во можност, излезете надвор и прошетајте, ако треба нека биде и најкратката прошетка на светот. Додека шетате, дишете длабоко и набљудувајте ја околината. Танцувајте Ако сакате музика, пуштете си ги омилените песни и танцувајте сами среде дневната соба. Можеби ќе ви биде малку необично, но танцувањето со сигурност ќе ве расположи, а освен тоа ќе уживате и во чувството на слобода. Средете барем една полица Занимавањето со едноставни работи како средувањето на хаосот на вашите полици може многу да ви помогне. Додека го расчистувате нередот, нема да се занимавате со мислите кои ве оптеретуваат. Јавете им се на саканите Јавете им се или пратете им порака, но само за да им кажете нешто убаво, дека едноставно сте посакале да ги чуете или да ги викнете на кафе. Не се јавувајте за да се жалите. Играјте со своите мисли, наместо да дозволите вашите мисли да си играат со вас Нашите мисли се само наши мисли, не се апсолутни вистини, а ние сме тие кои им даваме моќ и внимание, најчесто многу повеќе од потребното. Играјте си со мислите, тие се само наши гости, а ние сме домаќини, па ако некој гостин не ви се допаѓа, не го пуштајте да влезе. Сѐ е минливо Секогаш имајте на ум дека сѐ е минливо, така побрзо ќе ви помине нервозата. Сите имаме такви моменти, само некои луѓе им обрнуваат повеќе внимание. А онаму каде што го насочуваме вниманието, таму се и нашите мисли и чувства. Насмевнете си се самите на себе во огледало ... веднаш се чувствува разлика, нели?

Намирници за добро расположение

Предраг Кукиќ — Tue, 04 Dec 2018 20:36:27 +0000

Поправете го лошото расположение со овие намирници: Јагоди, портокали, манго Витаминот Ц го зајакнува имунитетот но и го поправа лошото расположение. Овој силен антиоксидант се покажа како одлично оружје во борбата против депресијата, слободните радикали и при поправање на организмот кој бил изложен на стрес. Лешници и семки од тиква Овие намирници се богати со омега 3 масни киселини, кои веќе се докажано и проверено средство за зголемување на нивото на расположението и чувството на задоволство. Целер Грицкањето целер го елиминира стресот и ги отпушта крвните артерии. Истражувањата покажаа дека целерот содржи хемикалии кои ја намалуваат концентрацијата на хормонот на стрес во крвта.