распоред – Kurir.mk

Аргентинците се жалат на распоредот: Ова е лудост

Ристе Здравков — Thu, 01 Dec 2022 15:34:43 +0000

Со победата над Полска од 2-0, Аргентина како првопласирана во групата ги продолжува натпреварите во 1/8 финалето на Мундијалот во Катар. Во првата рунда од нокаут фазата ќе игра со Австралија во 20 часот во сабота. Аргентинскиот селектор Лионел Скалони реагира на распоредот, и ја критикуваше ФИФА што вака се играат натпреварите. „Лудост е да се игра натпревар за два дена кога сме први во групата. Не разбирам. Нашиот меч заврши во 1 часот по полноќ, четврток треба да одмораме, во петок само еден тренинг, и веднаш играме. Тоа не се добри услови, но на сите им е така. Први сме во групата и мислам дека требаше да добиеме повеќе одмор“, рече Скалони. Австралија во текот на истиот ден, но во термин порано, заврши како второпласирана во групата и ќе има неколку часа одмор повеќе. „Сите натпревари се тешки. Сите кои мислат дека дуелот со Австралија ќе биде лесен се лажат. Не сме фаворити. Погрешно е да се мисли дека со победата над Полска веќе сме светски шампиони“, додаде Скалони.

УЕФА се поправи: Ова е целосниот распоред на Македонија во квалификациите за ЕП

Ристе Здравков — Mon, 10 Oct 2022 08:17:58 +0000

Европската куќа на фудбалот го откри новиот распоред на натпреварите од квалификациите за Европското првенство 2024 година, кое ќе биде организирано од Германија. Нашата репрезентација не доби нови вести. Како и според првичниот распоред, циклусот ќе го започне со Малта, а ќе го комплетира со домашен меч против големата Англија. РАСПОРЕД НА НАТПРЕВАРИ НА МАКЕДОНСКАТА РЕПРЕЗЕНТАЦИЈА: 23 март 2023 Македонија - Малта 16 јуни 2023 Македонија - Украина 19 јуни 2023 Англија - Македонија 09 септември 2023 Македонија - Италија 12 септември 2023 Малта - Македонија 14 октомври 2023 Украина - Македонија 17 ноември 2023 Италија - Македонија 20 ноември 2023 Македонија - Англија Првите две репрезентации од секоја група ќе обезбеди директен пласман на турнирот. Неколку месеци пред почетокот на шампионатот ќе се одигра плеј-офот, од кој ќе бидат познати уште три учесници.

Познат е распоредот: Ристовски и Адеми ќе ја отворат ЛШ, дербито на првиот ден е во Париз (ФОТО)

Ристе Здравков — Sat, 27 Aug 2022 10:25:42 +0000

Во четвртокот беше извршена ждрепката за групната фаза на Лигата на шампионите за да сега го добиеме комплетниот распоред на натпреварите кои ќе се играат од 6 септември до 2 ноември. Првиот ден ќе ни ги донесе дуелите од групите Е, Ф, Г и Х, а тоа значи дека наши фудбалери ќе бидат активни од самиот старт. Имено Стефан Ристовски и Аријан Адеми со нивниот Динамо Загреб ќе ја отворат завесата на новата сезона и тоа на домашен терен против англискиот великан Челси. Тој дуел се игра од 18:45 часот на „Максимир“, термин во кој Борусија Дортмунд и ФК Копенхаген ќе ги одмерат силите на „Сигнал Идуна Парк“. Во таа прва вечер дербито ќе биде во Париз каде ПСЖ ќе го пречека Јувентус, а активен ќе биде и бранителот на трофејот Реал Мадрид кој ќе има гостинска задача против Селтик. Наредниот ден пак се групите А, Б, Ц и Д, ќе имаме две дерби пресметки и тоа во Италија каде Елиф Елмас со Наполи ќе го пречека Ливерпул, додека Интер ќе се обиде да дојде до позитивен резултат против најквалитетниот германски состав Баерн Минхен. Ова е комплетниот распоред на групната фаза на елитното натпреварување:

Full UEFA Champions League schedule for all clubs involved! #UCL pic.twitter.com/dnMl9k0L1c
— Complete Football Podcast (@CompleteFootyPD) August 27, 2022

Редослед на богослужби во страсната и светлата седмица за Воскресението Христово – Велигден

Дарко Андоновски — Thu, 21 Apr 2022 05:58:27 +0000

Од Соборниот храм Св. „Климент Охридски“, во однос на редоследот на богослужби во страсната и светлата седмица за Воскресението Христово – Велигден, за МИА информираа дека во сабота во 23:00 часот започнува Полуноќницата. По опходот околу Соборниот храм „Св. Климент Охридски“ и објавата на Христото воскресение, продолжува Утрената и Света Златоустова литургија. На 21 април – Велики четврток, од 9:00 часот ќе се одржи литургија на свети Василиј Велики со Вечерна. Негово Блаженство г.г. Стефан ќе богослужи во храмот „Свети вмч. Димитриј”. По светата литургија ќе се изврши Света тајна Елеосвештение во сите храмови. Од 18:00 часот ќе се одржи читање на 12-те евангелија за Христовите страданија. Поглаварот на МПЦ-ОА ќе богослужи во Архиепископскиот соборен храм „Свети Климент Охридски” – Скопје. На 22 април, на Велики петок, во 8:30 часот ќе се одржат Царски часови со Велика вечерна. Околу 10:00 часот ќе се одржи изнесување на светата плаштаница. Г.г Стефан ќе богослужи во храмот „Света Петка” во Црниче. Во 18:00 часот – Оплакување на Спасителот Господ Исус Христос. Неговото блаженство ќе богослужи во Архиепископскиот соборен храм „Свети Климент Охридски”- Скопје. На 23 април, на Велика сабота, во 9:00 часот ќе се одржи Света Василиева литургија со Вечерна. Г.г. Стефан ќе богослужи во храмот „Свети Наум Охридски” во Радишани. Во 23:00 часот – Полуноќница. По опходот околу Соборниот храм „Св. Климент Охридски“ и објавата на Христото воскресение, продолжува Утрената и Света Златоустова литургија. На 24 април, на Воскрсението Христово – Велигден, во 9:00 часот архиепископот Охридски и Македонски г.г. Стефан ќе богослужи Воскресна литургија во Соборниот храм „Свети Климент Охридски”- Скопје. Во 11:00 часот ќе се слави Второ Воскресение, со читање на Евангелието на повеќе јазици – Едноцрквие во Соборниот храм „Свети Климент Охридски” – Скопје. Во текот на Светлата седмица, на 25 април, на вториот ден од Христовото Воскресение, во 9:00 часот г.г. Стефан ќе богослужи во храмот „Рождество на Пресвета Богородица” во Центар. На 26 април – Воскресение Христово, трет ден, во 9:00 часот поглаварот на МПЦ-ОА ќе богослужи во храмот „Света Петка” во Црниче, а на 29 април на Свети мач-ки Аганија, Ирина и Хионија, Источен петок (Балаклија) во 9:00 часот ќе богослужи во храмот „Свети Јован Крстител” во Капиштец.

Целосен распоред на сите натпревари на Мундијалот во Катар

Бошко Тасиќ — Fri, 01 Apr 2022 18:00:41 +0000

За првпат во историјата ќе гледаме мундијалски натпревари во ноември и декември. Следат супер-интересни пресметки, а групната фаза на светскиот фудбалски собир ќе трае од 21 ноември до 2 декември. Ќе се играат по четири натпревари дневно, во термините од 13:00, 16:00, 19:00 и 22:00 часот во првите две кола, а последното коло ќе понуди два термина, од 18:00 и 22:00 часот. ГРУПА А: 1. коло (21 ноември): Катар - Еквадор, Сенегал-Холандија 2. коло (25 ноември): Катар - Сенегал, Холандија - Еквадор 3. коло (29 ноември): Холандија - Катар, Еквадор - Сенегал ГРУПА Б: 1. коло (21 ноември): Англија-Иран , САД- Победник од УЕФА бараж 2. коло (25 ноември): Англија - САД, Поб. УЕФА - Иран 3. коло (29 ноември): Поб. УЕФА - Англија, Иран - САД ГРУПА Ц: 1. коло (22 ноември): Аргентина-Саудиска Арабија, Мексико-Полска 2. коло (26 ноември): Аргентина - Мексико, Полска - Саудиска Арабија 3. коло (30 ноември): Полска - Аргентина, Саудиска Арабија - Мексико ГРУПА Д: 1. коло (22 ноември): Франција- Австралија/Перу, Данска-Тунис 2. коло (26 ноември): Франција - Данска, Тунис - Австралија/Перу 3. коло (30 ноември): Тунис - Франција, Австралија/Перу - Данска ГРУПА Е: 1. коло (23 ноември): Шпанија- Костарика/Н. Зеланд, Германија-Јапонија 2. коло (27 ноември): Шпанија - Германија, Јапонија - Костарика/Н. Зеланд 3. коло (1 декември): Јапонија - Шпанија, Костарика/Н. Зеланд - Германија ГРУПА Ф: 1. коло (23 ноември): Белгија-Канада, Мексико-Хрватска 2. коло (27 ноември): Белгија - Мароко, Хрватска - Канада 3. коло (1 декември): Хрватска - Белгија, Канада - Мароко ГРУПА Г: 1. коло (24 ноември): Бразил-Србија, Швајцарија-Камерун 2. коло (28 ноември): Бразил - Швајцарија, Камерун - Србија 3. коло (2 декември): Камерун - Бразил, Србија - Швајцарија ГРУПА Х: 1. коло (24 ноември): Португалија-Гана , Уругвај-Јужна Кореја 2. коло (28 ноември): Португалија - Уругвај, Јужна Кореја - Гана 3. коло (2 декември): Јужна Кореја - Португалија, Гана - Уругвај Осминафиналињата во кои патуваат двете најдобри селекции од секоја група се играат од 3 до 6 декември. Четвртфиналињата се закажани на 9/10 декември. Полуфиналињата се на 13/14 декември. СП 2022 ќе трае до 18 декември, а финалето ќе се игра на стадионот „Лусаил“ во 18:00 часот. Ден претходно, 17 декември, ќе се игра мечот за третото место.

УЕФА го одреди распоредот: Познато кога Македонија ќе ги игра натпреварите во Лигата на нации

Ивона Петрова — Fri, 17 Dec 2021 08:51:11 +0000

Македонија има одлична шанса за пласман на ЕУРО 2024 преку Лигата на нации на УЕФА. По ждрепката во Нион, по која македонската репрезентација се најде во групата 4 од Ц сегментот со репрезентациите на Бугарија, Грузија и Гибралтар, познат е и распоредот на натпревари. Нашиот најдобар национален тим натпреварувањето го отвора со гостинска пресметка против Бугарија на 2. јуни 2022 година. Првиот домашен натпревар ќе го одиграме против Грузија на 9. јуни 2022. 2. јуни 2022. Бугарија – Македонија (20:45) 5. јуни 2022. Гибралтар – Македонија (18:00) 9. јуни 2022. Македонија – Грузија (20:45) 12. јуни 2022. Македонија – Гибралтар (18:00) 23. септември 2022. Грузија – Македонија (18:00) 26. септември 2022. Македонија – Бугарија (20:45)

По 70 години германскиот Бундестаг го промени распоредот

Ивона Петрова — Fri, 17 Dec 2021 06:50:48 +0000

Германскиот Бундестаг го промени распоредот на седење по седум децении. Пратениците денеска ја поддржаа желбата на Слободните демократи да не седат покрај крајнодесничарската партија Алтернатива за Германија (АфД). Седиштата во Бундестагот се распоредени во полукруг со Левицата на едниот крај и Алтернатива за Германија на другиот. Слободните демократи, кои заедно со централно-левичарските социјалдемократи и Зелените на канцеларот Олаф Шолц, се дел од новата влада која ја презеде функцијата минатата недела, на почетокот на годинава изјавија дека повеќе не сакаат да седат покрај пратениците на АфД. Новиот министер за правда, а тогашен висок претставник на Слободните демократи, Марко Бушман, во октомври изјави дека неговата партија е во политичкиот центар и затоа сакаат да седат во Собранието во центарот. Бундестагот го поддржа предлогот според кој Слободните демократи мандатите ќе ги заменат со блокот на Унијата на десниот центар на поранешната канцеларка Ангела Меркел, која сега е во опозиција. Унијата се спротивстави на промената, тврдејќи дека Слободните демократи треба да го почитуваат седумдеценискиот план за седење во Долниот дом.

ЈСП со нов возен ред почнувајќи од утре – ова мора да го знаете доколку го користите јавниот превоз

Дарко Андоновски — Tue, 27 Apr 2021 13:20:04 +0000

Ве информираме дека јавниот превоз од утре, среда (28.04.2021 год) ќе функционира до 21 часот, согласно одлуката на Влада на РСМ за забрана за движење на населението во период од 21 до 5 часот. Во прилог се последните термини на поаѓање пред 21 часот. Останатиот возен ред, до наведените последни термини, е достапен на веб страницата на ЈСП Скопје. Билетарниците и центрите за персонализација ќе работат од 6 до 19.30 часот. Ве потсетуваме дека и натаму не работи Жичарницата на Водно, а не сообраќаат ниту трите линии до Средно Водно (25, 25А и 25Б), како и туристичката линија „Сити тур“. И натаму, не важи бесплатниот превоз за возрасни лица во вторник, петок, сабота и недела. ГРАДСКИ ЛИНИИ - последни термини пред 21часот Линија 2 20.15 ч од Автокоманда 20.25 ч од Сарај Линија 2А 17.34 ч од Железара 16.48 ч од Сарај Линија 3 19.45 ч од Панорама 19.45 ч Сала Ј.Сандански Линија 3Б 16.10 ч од Панорама 15.10 ч од Кванташки пазар Линија 4 20.30 ч од Хром 20.30 ч од 11 Октомври Линија 4А 16.25 ч од Усје 17.15 ч од Тафталиџе 1 Линија 5 19.30 ч од Н.Лисиче 19.47 ч од Дексион Линија 7 20.08 ч од Г.Лисиче 20.21 ч од Карпош 3 Линија 8 20 ч од Влае 20.05 ч од Љуботенски пат Линија 9 20.30 ч од Кл.центар 20.10 ч од С.Север Линија 12 19.55 ч од Шишево 19.55 ч од Ск.саем Линија 13 17 ч од К.Вода 16.25 ч од Железара Линија 15 19.22 ч од Н.Лисиче 19.22 ч од Карпош 4 Линија 15А 16.12 ч од Н.Лисиче 17.10 ч од Карпош 4 Линија 16 19.31 ч од Пржино 20.25 ч од Железара Линија 17 13.05 ч од Островска 13.45 ч од Музеј на сов.уметност Линија 19 20.20 ч од Карпош 4 19.20 ч од Ш.Оризари Линија 20 20.29 ч од Тр.центар 20.29 ч од Ш.Оризари Линија 21 20.05 ч од Тр.центар 19.10 ч од Бардовци Линија 22 20.08 ч од Тр.центар 20.17 ч од Лепенец Линија 22А 19.02 ч од Кл.центар 19.57 ч од Лепенец Линија 23 20.06 ч од Ченто 20.06 ч од Д.печат Линија 24 19.58 ч од Припор 19.58 ч од Тафталиџе 2 Линија 27 20.14 ч од Д.печат 19.32 ч од Вардарска Линија 35 16 ч од Н.Лисиче 16.45 ч од Ст.Север Линија 41 20.09 ч од Тр.центар 20.01 ч од Драчево Типо Линија 41А 17.50 ч од Кл.центар 18.40 ч од с.Драчево Линија 42 19.30 ч од Железара 18.30 ч од с.Драчево Линија 43 16.40 ч од Д.печат 16 ч од Јужноморавски бригади Линија 45 19.13 ч од Тр.центар 19.13 ч од Ченто Линија 50 20.13 ч од Хиподром 20.13 ч од Кл.центар Линија 57 20.10 ч од Радишани 19.51 ч од Козле Линија 59 19.05 ч од К.бара 20.05 ч од Карпош Линија 65В 20.08 ч од Тр.центар 20.08 ч Стајковци, Бр.пат Линија 65В 17.35 ч од Тр.центар 17 ч од Инџиково Линија 73 16.20 ч од Ск.Саем 17 ч од Усје ПРИГРАДСКИ ЛИНИИ последни терини пред 21 часот Линија 11 19.20 ч од Тр.центар 18.20 ч Рашче Линија 11а 18 ч од Тр.центар 19 ч Свиларе Линија 18 20.20 ч од Тр.центар 19.50 ч од Визбегово Линија 31 19.30 ч од Тр.центар 20.10 ч од Д.Лисиче Линија 32 19.35 ч од Тр.центар 18.50 ч од Љубин Линија 33 15.05 ч од Дом на печат 14.20 ч од Чатал – Д.Лисиче Линија 47 20.20 ч од Тр.центар 19.35 ч од Љубанци Линија 47А 15.05 ч од Тр.центар 15.45 ч од Љуботен до Бутел Линија 51 20.30 ч од Тр.центар 19.10 ч од Студеничани Линија 52 19.15 ч од Тр.центар 19.15 ч од Ржаничино Линија 53 19.20 ч од Тр.центар 19.20 ч од Кат.бања Линија 54 17 ч од Тр.центар 17.20 ч од Идризово Линија 55 18.45 ч од Тр.центар 19.25 ч од Арачиново Линија 55А 15.30 ч од Тр.центар 16.05 ч од Брњарци до Автокоманда Линија 56 18.50 ч од Тр.центар 19.50 ч од Бојане Линија 58 16.40 ч од Тр.центар 17.20 ч од Добри дол Линија 58а 19.10 ч од Тр.центар 18.10 ч од Св.Петка Линија 58б 20.20 ч од Тр.центар 19.20 ч од Брзовец Линија 60 18.45 ч од Тр.центар 19.30 ч од Матка Линија 61 20.10 ч од Тр.центар 19 ч од Побожје Линија 62 20.10 ч од Тр.центар 19.20 ч од Огњанци Линија 63 19.40 ч од Тр.центар 19.46 ч од Мралино Линија 63а 18.40 ч од Тр.центар 19.30 ч од Ајватовци Линија 64а 16.20 ч од Тр.центар 17.10 ч од Никиштани до Ѓ.Петров Линија 65 18.30 ч од Тр.центар 19.30 ч од Раштак Линија 65а 19.48 ч од Тр.центар 20.28 ч од Страчинци Линија 65б 19.45 ч од Тр.центар 19 ч од Смилковци Линија 66 18 ч од Тр.центар 19.05 ч од Бучинци Линија 67 20 ч од Тр.центар 18.50 ч од Зелениково Линија 68 19.50 ч од Тр.центар 18.40 ч од Сушица Линија 70 20.05 ч од Тр.центар 19.25 ч од Батинци Линија 71 19.30 ч од Тр.центар 18.40 ч од Бањани Линија 74 20 ч од Тр.центар 19 ч од Количани Линија 81 18.30 ч од Тр.центар до Горњани19.20 ч од Блаце Линија 118 18.40 ч од Тр.центар 19.10 ч од Визбегово инд. зона Линија 160 19.35 ч од Дексион 20.15 ч од Матка Линија 164 20.10 ч од Волково 20.20 ч од Никиштани Линија 165 19.25 ч од Стајковци 19.30 ч од Виниче Линија 167 20.20 ч од Зелениково до Н.Село 20.30 ч од Н.Село до Зелениково Линија 180 19.10 ч од Драчево 17.40 ч од Цветово

Студентските домови отвораат, објавен распоред за вселување

Ивона Петрова — Mon, 05 Oct 2020 09:33:25 +0000

Државниот студентски дом „Скопје“ објави распоред за вселување во домовите „Стив Наумов“ (зграда и бараки), „Кузман Јосифовски-Питу“ и „Гоце Делчев“. Тие отвораат денеска согласно со одлуката на Владата и по препорака на Комисијата за заразни болести да примаат со преполовен капацитет и со строго почитување на протоколите за заштита од КОВИД-19. Согласно со протоколите, капацитетот во студентските домови во Скопје е 2080 места, а досега вкупно се примени 1614 студенти. Во соба со две легла ќе се сместува еден студент, а во соба со повеќе од две легла ќе се сместуваат најмногу двајца студенти. На самите влезови на студентските домови ќе има бесконтактни диспанзери за дезинфекција. Ќе биде забрането користење на заедничките простории, а во мензите масите ќе бидат оддалечени два метра и на секоја ќе може да бидат максимум по двајца студенти. Министерката за образование и наука Мила Царовска завчера соопшти дека има и дополнителни слободни места за сместување на студентите доколку во следниот период некои факултети го променат начинот на изведување на наставата. До 10 октомври трае и пријавувањето на интернет платформата www.digitalizirajse.mon.gov.mk за еднократен износ од 6.000 денари за студенти од ранливи категории кои ги исполнуваат условите. Средствата може да ги искористат за сместување, но исто така и за партиципација за студиите.

УЕФА го објави распоредот на Лигата на шампионите за следната сезона, финалето ќе се одржи во Истанбул

Тале Кристо — Sat, 04 Jul 2020 15:48:20 +0000

Европската фудбалска асоцијација го објави распоредот за Лигата на шампионите во сезоната 2020/21. Ждрепката е одложена поради пандемијата на коронавирус, која не дозволи завршување на сезоната 2019/20 во предвидената временска рамка. Ново извлекување започнува на 20 октомври, кога ќе се играат натпреварите од првото коло од групната фаза (20 и 21 октомври). Второ коло на 27-28 октомври, трето на 3-4 ноември, четврто на 24-25 ноември, петто на 1-2 декември и последно (6. коло) на 8-9 декември. Плејоф-натпреварите ќе започнат на 16 февруари 2021 година. Првите четвртфинални натпревари ќе се одржат на 6 и 7 април, возвратните натпревари на 13 и 14 април. Полуфиналето е закажано за 27 и 28 април (први натпревари) и 4 и 5 мај (реваншите). Финалниот натпревар на турнирот ќе се одржи на 29 мај во Истанбул. И годинашното финале требаше да се одржи во турскиот град, но заради коронавирусот последните средби се преместени за во Португалија.