расправии – Kurir.mk

Некои граници не смеете да ги преминете: ОВАА голема грешка ја прават многу парови и така ја уништуваат љубовта

Ивана Ефремовски — Wed, 05 Apr 2023 19:45:04 +0000

Терапевтот Шинејд Смит наведува голема, вообичаена грешка што ја прават паровите што ја повредува нивната врска. Брачната и семејната терапевтка, која има повеќе од две децении искуство, тврди дека повеќето парови кои доаѓаат кај неа за помош го имаат истиот заеднички проблем. Таа вели дека многу од нивните проблеми произлегуваат од она што го зборуваат за време на расправиите, кога нивниот главен интерес е да се бранат, а не да го разберат гледиштето на партнерот. -Не кажувајте лоши зборови во расправија. Направете пауза, дури и ако е само неколку секунди, па одлучете дали ќе го кажете или не и како ќе го кажете, советува Смит. Таа ги повикува паровите да ги преиспитаат своите зборови ако зборуваат само за да го повредат партнерот. Таа рече дека е важно да се запамети дека секогаш ќе има несогласувања во односите - но тоа не значи дека не можете да ги решите без да го кренете гласот и да размислите за вашите зборови.

Работата од дома создава голем стрес и расправии

Ивана Ефремовски — Fri, 24 Apr 2020 09:21:44 +0000

Иако примарна цел на оние луѓе кои прифаќаат да работат од дома им е поминувањето на поголемиот дел од времето со своето семејство, како и заштеда на некој денар на сметка на превозот и храната, сепак, истражувања докажуваат дека е неопходно да излегувате од дома за да ги наполните батериите и да ги избегнете непотребните кавги и недоразбирања. Дополнително, за време на епидемијата од коронавирус голем број на луѓе работат од дома. Работата од дома исцрпува повеќе од онаа на работното место. Целта на истражувачите била да го докажат стресот при мешање на приватниот и професионалниот живот. Докажано било дека четири од пет работници кои имаат работно место надвор од домот, се чувствуваат лошо затоа што не можат да ги ускладат семејните и работните обврски, а оние кои работат од дома се во уште полоша состојба. Нивниот најголем проблем се куќните обврски, кои не стигнуваат да ги завршат иако се дома, како и караниците со домашните, поради долгиот период поминат заедно во истиот простор. Колку повеќе домашните проблеми и караници се мешаат со работните обврски, толку поголем е стресот врз лицето кое работи од дома.

Прочитајте го ова и престанете да се расправате со партнерот!

Ивана Ефремовски — Sat, 30 Nov 2019 14:14:40 +0000

Расправијата со партнерот може да биде причина за моќна, физичка болк, вели една студија спроведена на Универзитетот во Северозападен Илиноис. Научното истражување траело две децении, при што на пет години ги повикувале паровите да излезат пред камери. Додека испитаниците се расправале со својата друга половина, експертите ги проучувале нивните фацијални изрази, го анализирале тонот на гласот и го прателе говорот на телото. Потоа тие биле испрашувани за нивната здравствена состојба. Студијата покажала дека 80 отсто од мажите за време на расправиите со својата партнерка развиваат симптоми на кардиоваскуларни болести – болка во градите, брзо чукање на срцето, останување без здив. Научниците откриле дека во текот на распавија расте крвниот притисок и се зголемува бројот на отчукувањана срцето, така што со текот на годините тоа има последици врз здравјето и го зголемува ризикот од кардиоваскуларни проблеми. Мажите кои за време на расправиите го избегнуваат контактот со очите на партнерката се забележало дека од внатре чувствуваат поголема тензија и тоа се рефлексира врз мускулите и предизвикува болки во грбот. Речиси половина од испитаниците ги имаат овие симптоми, за разлика од оние кои се повеќе емоционално отворени.