расправија – Kurir.mk

ОВАА магична реченица ќе ви ја спаси врската или бракот, ја завршува секоја расправија

Ивана Ефремовски — Sat, 06 May 2023 17:48:21 +0000

Расправиите се составен дел од секоја врска и се речиси неизбежни. А според новата студија, објавена во списанието за личност и социјална психологија, постои најдобар начин да се реши речиси секоја расправија со партнерот, а шармот е во неколку слатки, мали зборови. Станува збор за фразата „Разбирам што сакаш да кажеш“. Тоа е секогаш подобар начин отколку да барате победник, откриваат експертите, а до заклучок дошле барајќи од паровите да решаваат „жешки прашања“ во нивните односи во лабораторија. Без оглед на тоа што е проблемот или кој победил во расправијата, оние кои чувствувале дека партнерот ја разбира нивната позиција, биле мерени како посреќни од нивната севкупна врска. Дури и да не се согласувате со неговиот став, оваа фраза ќе ја смири ситуацијата и ќе ги зголеми шансите проблемот да се реши до крај. „Оваа фраза е одлична поради две причини: прво, покажува дека слушате и второ, го цените неговото мислење“, открива љубовниот терапевт Ребека Хендрикс. Со други зборови, оваа фраза ја неутрализира играта на обвинување, која често ја играат паровите, односно му покажува на партнерот дека го слушате и ја земате предвид неговата страна од приказната, а не само вашата перспектива. „Ако ги почитувате неговите ставови, тоа веќе не е расправија туку дискусија“, заклучила Ребека.

Се скарале на паркинг, па го нападнал и му го оштетил возилото

Ивана Ефремовски — Sat, 10 Dec 2022 16:59:40 +0000

На 08.12.2022 во 00:30 часот во Полициска станица Карпош А.А.(55) од Скопје пријавил дека на 07.12.2022 околу 20:15 часот на паркинг на подрачје на Карпош по претходно недоразбирање бил физички нападнат од едно лице кое му го оштетило и неговото возило. Се преземаат мерки за расчистување на случајот.

Тепачка во Кавадарци, едно лице рането со нож

Ивана Ефремовски — Sun, 30 Oct 2022 16:40:14 +0000

На 30.10.2022 во 01:35 часот било пријавено дека во Кавадарци по претходна расправија дошло до меѓусебна пресметка помеѓу З.К.(49) од една страна и М.С.(55) и П.С.(26) од друга страна, сите од Кавадарци, при што З.К. со остар предмет му нанел повреди на М.С. Потоа тој бил пренесен во Општата болница во Кавадарци за укажување на лекарска помош. З.К. и П.С. се лишени од слобода и се превземаат мерки за расчистување на случајот.

Пет работи за кои младите брачни парови најчесто се расправаат

Ристе Здравков — Fri, 14 Oct 2022 13:32:54 +0000

Од моментот кога ќе кажете „ДА“, работите стануваат поинакви. Покрај вашето, тука е и мислењето на вашиот партнер, кое треба да го почитувате. Затоа, неизбежно е да има конфликти, бидејќи првите месеци и години од бракот, всушност, се период на прилагодување. Во тој период, треба да научите да го споделувате животот со некого, но и да останете верни на себе, што не е лесно. Ако мислевте дека расправиите и расправиите се присутни само во вашиот брак, можеби ќе бидете изненадени кога дознавте дека 9 од 10 парови се караат токму за овие работи: Мокри пешкири Оваа расправија изгледа e стара колку и човештвото. Ок, колку и пешкирите за бањање. Не е познато зошто мажите излегуваат од бањата со пешкирот замоткан околу половината, а потоа немарно го фрлаат, мокар, врз тазе исушените алишта на спалната, врз гарнитурата во дневната соба или на кое било друго место што не е наменето за сушење мокри пешкири. Излегување во град Ви се чини како цела вечност од времето кога сте почнале да се подготвувате до времето коога сте излегле од дома, но мажите не разбираат е дека шминката е уметност и дека ниту еден уметник не сака да го брзаат. Можеби на мажот му се доволни чисти фармерки и кошула, малку дезодоранс и средство за коса, но подготвувањето за излегување во град честопати е цел мал ритуал за жените. Војна за температурата Расправија што порано или подоцна избувнува во еден дом е онаа што се однесува на температурата во просторот за живеење. Непишано правило е дека жените на секогаш им е поладно, додека на мажите претежно им е жешко. Жената ќе се шета по дома во дуксер во август, додека тој е опуштен по маица и во јануари. Статистичките податоци велат дека паровите почесто се караат за температурата во куќата отколку за далечинскиот управувач. Некој уште спие Би било идеално ако сте совршено синхронизирани со вашата сакана личност во сè. Но, што ако едниот од вас е ноќна птица и сака да спие до пладне, а другиот е ранобудник кој „легнува со кокошките“? Еден од вас неизбежно ќе се обиде да го сврти другиот на страната што му одговара, што ќе биде причина за расправија. Гаси светло! Топ пет во листата расправии на младите брачни парови е гасењето на светлото. Кој одлучува кога е време да се исклучат светлата во спалната соба? Можеби едниот спие, а другиот решил да погледа телевизија или да погра на мобилниот телефон. И да не го забораваме светлото во ходник што ѕирка под вратата!

Скопјанец завршил зад решетки, при расправија извадил пиштол, но бил спречен да го употреби

Тале Кристо — Sun, 11 Sep 2022 11:57:23 +0000

На 10.09.2022 на бул.„Никола Карев“ во Скопје полициски службеници од Единицата за интервентна полиција при СВР Скопје го лишиле од слобода Е.И.(27) од с.Визбегово, скопско, поради постоење основи на сомнение за сторено кривично дело „загрозување со опасно орудие при тепачка или караница“. Имено, непосредно пред тоа на ул.„Македонско-косовска бригада“, Е.И. кој управувал мотоцикл „пиаџо“, со скопски регистарски ознаки, по претходна расправија поради недоразбирање во сообраќајот со А.Х.(38) од Скопје, кој управувал патничко возило „пасат“, со скопски регистарски ознаки, извадил пиштол, но бил спречен да го употреби. По целосно документирање на случајот, од страна на Единицата за насилен криминал-Одделение за насилен криминал, против Е.И. ќе следи соодветна пријава.

Сакате да се спасите од брачна расправија за време на одморот? Еве неколку совети

Магдалена Андонова — Fri, 26 Aug 2022 13:47:01 +0000

Со голема желба и нетрпение ги очекуваме годишните одмори. Ако не сакате да уништите нешто за тие неколку дена уживање, следете ги овие совети. Имајте на ум дека отидовте да уживате, а не да „исправате криви Дрини“. Одбегнувајте тешки теми Промената на околината може негативно да влијае на врската. Во текот на работната недела, зборуваме повеќе за работа, додека честопати одморот е време кога разговараме за плановите за животот, преселувањето или воспитувањето деца. Таквите теми можат да бидат исклучително тешки, можат да предизвикаат негативни емоции, особено ако партнерите не се согласуваат. Најдобро би било да ги одложите за некое друго време и едноставно да се опуштите, советуваат експертите. Долги редици и гужви Ново место, странци, долгите редици во продавниците или рестораните предизвикуваат стрес, а луѓето под стрес ги тресат оние кои се физички најблиски до нив. На одмор, тоа е обично партнерот. Можете да одбегнете непотребна вознемиреност ако се помирите со фактот дека не може секогаш сè да биде совршено. Опуштете се и уживајте во неделата без распоред и обврски. Грижа за децата Најдобро е да се согласите кога и како ќе се грижите за децата на одмор пред да заминете на одмор. Ова вклучува подготовка на играчки на плажа, подготвување вечера и слично. Договорот е најважен, ништо не се зема здраво за готово, важно е да му кажете на вашиот партнер што очекувате од него. Колку сте појасни во комуникацијата, толку полесно ќе биде да избегнете непотребни недоразбирања. Избегнување секс Покрај релаксацијата, целта на одморот е и уживање, но напорното патување и заморот можат да го расипат. Одбивањето секс првата вечер по пристигнувањето може да му наштети на вашиот партнер, па затоа треба да му кажете јасно дека сè уште го сакате, само дека уморот ве „победил“. Оставете ги жешките игри за следното утро или вечер. Различни интереси Разгледување музеи или уживање на плажа? Различните интереси предизвикуваат збунетост, затоа треба да се направи план за нивно помирување. Договорете се со вашиот партнер што е тоа што сакате да го направите, па во зависност од тоа можете да одредите дали ќе одите заедно или секој ќе оди на своја страна. Исто така, ако сакате вашиот партнер да оди на изложба со вас, многу е важно да објасните колку тоа би ви значело. Паровите честопати грешат кога мислат дека знаат што мисли нивниот партнер, а токму тоа предизвикува многу кавги. Шопинг и прекумерно трошење Одењето на одмор е многу скапо задоволство, а прекумерното трошење на сувенири само ја влошува ситуацијата. Кога станува збор за минимални трошоци, најдобро е да попуштите и да избегнете расправија. Препорачливо е да се направи буџет однапред и да се утврди колку пари може да се издвојат за храна, забава или подароци.

Расправија меѓу браќа заврши во куршум во нога

Ивона Петрова — Thu, 11 Aug 2022 09:53:39 +0000

Полициски службеници на СВР Тетово вчера (10 август) во 17 часот го лишиле од слобода 24-годишниот Т.Б. од тетовско Синичане. Како што информира портпаролот на СВР Тетово, Марјан Јосифоски лицето е лишено од слобода поради сомнение дека по претходна расправија, испукал со пиштол и го повредил во ногата неговиот 29-годишен брат Д.Б. Се расчистува и документира случајот по што ќе следува соодветен поднесок.

Расправија премина во тепачка во Скопје

Ивана Ефремовски — Wed, 01 Jun 2022 15:51:14 +0000

На 31.05.2022 во 12:30 часот во СВР Скопје, З.З.(40) пријавил дека на ул.„1737“, по претходна вербална расправија, бил физички нападнат од З.И.(55) од Скопје. Се работи на расчистување на случајот.

Обвинение за тешка телесна повреда по расправија за паркинг место

Ивана Ефремовски — Tue, 01 Mar 2022 14:23:28 +0000

Основното јавно обвинителство Гостивар поднесе Обвинителен предлог против 35-годишен жител на селото Беловиште, кој се товари за кривично дело – Тешка телесна повреда од член 131 став 1 од Кривичниот законик. Обвинетиот, на 07.08.2021 година, по претходна вербална расправија за паркинг место во Гостивар, започнал физичка пресметка со едно оштетено лице од селото Србиново, удирајќи го со телото и главата и нанесувајќи му тешка телесна повреда – скршеница.

Која е најчестата причина за расправија во врска?

Ристе Здравков — Fri, 28 Jan 2022 15:23:24 +0000

Двојките се расправаат за многу работи, некои теми се минливи, некои подлабоки, но некои иако делуваат безначајни, може со тек на време да ја поткопаат врската и односот кон партнерот. Една неодамнешна анкета покажа дека чекањето е причина за околу 30 расправии годишно во една просечна врска. Сигурно ви е позната ситуацијата: треба да одите некаде, а партнерот или партнерката уште се подготвува или воопшто не е почната/а. Истражувањето укажува дека жените сепак се оние кои најчесто доцнат на закажани состаноци или не се готови кога треба да се излезе од дома. Една од четири жени признале дека доцнат кога треба да се сретнат со пријателите, во споредба со 16 отсто од мажите. Покрај ова, една од пет жени признале дека често доцнат и на работа, а само 13 отсто од мажите го признале истото. Да не биде дека жените се секогаш виновни кога станува збор за доцнење и чекање, анкетата покажала дека кога се работи за пакување за на одмор, жените биле подготвени на време бидејќи почнуваат да се пакуваат неколку дена однапред, а мажите почесто оставале сѐ за во „5 до 12“. На многу двојки им е познато сценариото кога едниот го чека другиот, оној што секогаш се подготвува побавно или почнува многу доцна. Тоа резултира со доцнење, а организираните луѓе го мразат тоа. Исто така сметаат дека оставаат лош впечаток и како двојка и како поединци, па тоа е најчестата причина за расправија меѓу партнерите, велат од агенцијата што ја направи анкетата. Во анкетата учествувале 2.000 возрасни луѓе од кои 65 отсто од жените рекле дека се сметаат за одлично организирани луѓе, во споредба со 55 отсто од мажите.