ВМРО-ДПМНЕ: Ако распродавањето на државните и национални интереси беше натпревар СДСМ ќе беа шампиони, тоа што Заев го започна, Ковачевски го усоврши

Тале Кристо — Mon, 13 Jun 2022 07:15:04 +0000

Ако беше распродавањето на државните и национални интереси беше натпревар СДСМ ќе беа неприкосновени шампиони. Тоа што Заев го започна, Ковачевски го усоврши, велат во партиското соопштение од ВМРО-ДПМНЕ. Ковачевски како премиер успеа да ја понижи Македонија пред меѓународната јавност и да го погази достоинството државата и македонските граѓани. Наместо да биде тој кој прв ќе ја брани државата, Ковачевски беше првиот кој ги одобри навредите и понижувањата и не ни помисли да реагира поинаку. Срамот за Македонија, смешен им е само на СДСМ и на Ковачевски. Само тие може да се радуваат кога некој им ја негира државата. И да биде пострашно, дури и од петни жили го бранат негирањето на Македонија, наместо да го осудат. Само за СДСМ и Ковачевски е нормално Македонија да ја нарекуваат Источна Бугарија, кога баш таа Бугарија поставува услов да прифатиме дека идентитетот, јазикот и историјата до 1944 година биле бугарски, а Македонија дека била вештачка творба. Штом вака се радуваат на јавни понижувања и негирања на државата, којзнае колку уште попонизно се однесуваат позади затворени врати каде никој не ги гледа. Којзнае што се имаат прифатено и продадено, па не е ни чудо што го скриваат планот со Бугарија. Нема срам, понижување и пораз за Македонија кој СДСМ не го претстави како победа. Премногу е! Доста се понижувања, доста е распродавање на државните и национални интереси. Народот на 18-ти јуни јасно и гласно ќе каже доста е за оваа власт на СДСМ и ДУИ, доста е за вакви понижувања какви што ни приреди Ковачевски. Време е за предвремени парламентарни избори и достоинствена Македонија, стои во соопштението на ВМРО-ДПМНЕ.

Зошто е грев да вежбаш, а не е гнев да си ја продаваш државата?

Дарко Андоновски — Sun, 26 Apr 2020 13:05:38 +0000

Откако во медиумите излегоа заклучоците од Советот на Европската Унија каде што јасно стои дека почетокот на преговорите на Република Македонија се условени од Република Бугарија со откажување од македонскиот јазик и малцинство, провладините медиуми истрчаа преку пласирање на лажни вести да ја дефокусираат јавноста и да го отргнат гневот и револтот од страна на граѓаните. Имено, денеска по втор пат на провладините медиуми се објавува видео снимка од лидерот на опозициската ВМРО-ДПМНЕ обвинувајќи го дека во време на пандемија од кoрoна вирус тој вежба и не ги почитува препораките за заштита на здравјето. Но доколку добро се погледне снимката од објавеното видео може само да се констатира дека датумот на видеото е прикриен се со цел да се манипулира јавноста и граѓаните. Мицкоски преку официјалниот фејсбук профил, се огласи и порача дека снимката е стара повеќе од 6 месеци обвинувајќи ги квази и скапо платените пиарџии на СДСМ дека наместо да се служат со креирање на лажни вести треба да одговорат што е со тендерот за Дрисла, со новата блокада на патот кон ЕУ, како и покачувањето на акцизата на нафтата. Не е толку срамно што објавуваат без да прашаат, туку е срамно што лажат континуирано и бесрамно. И нема ниту една лага да не им се распрсне и дознае. Веќе е совршено јасно дека зад ваквите лаги стојат повеќе квази пиарџии платени со државни пари, и еден центар на моќ сместен на Бихачка. Дечки, повторно грешка, снимката е стара најмалку половина година, туку сега што правиме со тендерите во Дрисла, со новата блокада на патот кон ЕУ, со грабежот кој го правите со новата акциза, со економската криза и нарушеното здравје на граѓаните. Незрелото однесување на СДСМ значи ново пробиено дно. Сосема на крај, сепак има разлика. Да, јас спортувам, а вие крадете. Да, јас планинарам, а вие ја срамите и распродавате Македонија и да, ќе продолжам да вежбам кога ќе се создадат услови, а вие сепак на крајот од денот ќе останете ситни луѓе и јас ве жалам!, вели во својата реакција Мицкоски. Добро познато им е на граѓаните дека Мицкоски важи за политичар кој што е искрен љубител на спортот кој што своето слободно време најмногу го користи за планинарење и спортување. Оттука, логично е да се постави прашањето зошто е грев да вежбаш, а не е грев да си ја продаваш државата или подобро што е пострашно спoртувањето или распродажбата на македонскиот јазик, малцинство и идентитет? Но, и покрај очајничкиот и потценувачкиот обид на СДСМ кон граѓаните, тие доволно се свесни дека полошo од ова што го направи власта на СДСМ не може да има.

распродавање – Kurir.mk

ВМРО-ДПМНЕ: Ако распродавањето на државните и национални интереси беше натпревар СДСМ ќе беа шампиони, тоа што Заев го започна, Ковачевски го усоврши

Зошто е грев да вежбаш, а не е гнев да си ја продаваш државата?