распуштање – Kurir.mk

Мицотакис денеска ќе побара распуштање на Парламентот

Тале Кристо — Sat, 22 Apr 2023 09:25:49 +0000

Грчкиот премиер Кирјакос Мицотакис претпладнево ќе се сретне со претседателката на Грција, Катерина Сакеларопулу и ќе побара распуштање на Парламентот, по што ќе започнат и соодветните процедури во пресрет на парламентарните изборит на 21 мај, а земјата и официјално ќе влезе во предизборен период, јави дописничката на МИА од Атина. Сакеларопулу ќе треба да потпише претседателски декрет за распуштање на Парламентот, а одлуката во текот на денот ќе биде закачена на влезната врата на Парламентот. Партиите и официјално ќе ја започнат четиринеделната предизборна кампања, иако неофицијално веќе е во тек, со оглед на тоа дека партиските лидери ги интензивираа посетите низ цела Грција, одржуваат говори, средби со граѓани и сл. Во пресрет на изборите следниот месец, се очекува да биде сменет министерот за внатрешни работи, кој е надлежен за изборниот процес, додека пак портпарол на грчката Влада Јанис Иконому, како што вчера објави МИА ја напушти досегашната позицијата, со оглед на тоа дека ќе биде кандидат за пратеник, а на негово место дојде државниот министер Акис Скерцос. На крајот на март за време на владината седница, грчкиот премиер соопшти дека изборите во земјата ќе се одржат на 21 мај 2023 година.

Владата го распушта Советот на општина Тетово

Магдалена Андонова — Tue, 14 Jun 2022 19:08:28 +0000

Владата на денешната седница донесе решение за распуштање на Советот на Општина Тетово согласно исполнувањето на еден од условите во членот 75 од Законот за локална самоуправа, според кој општинските совети ќе бидат распуштени доколку не ја донесат завршната сметка и Буџетот до 31 март како што е предвидено со законската одредба. За ова решение, согласно законот, Владата ќе го извести Собранието на Република Северна Македонија по што ќе следува спроведување на постапката за организирање вонредни избори за Советот на Општина Тетово согласно законските одредби, соопшти владината прес-служба.

Се распушти португалскиот парламент, предвремени избори на 30 јануари 2022 година

Магдалена Андонова — Sun, 05 Dec 2021 14:53:34 +0000

Претседателот на Португалија, Марсело Ребело де Соуза денеска потпиша декрет со кој се распушта Парламентот поради престојните предвремени избори. Декретот е потпишан последниот ден од рокот за распуштање на Парламентот, што мора да биде 55 дена пред избори Предвремените парламентарни избори во Португалија се закажани на 30 јануари 2022 година откако беше поразена малцинската социјалистичка влада при гласањето за буџетот за следната година. (МИА)

Уставниот суд ќе одлучува дали ќе отвори постапка за одлуката за распуштање на Собранието

Ивона Петрова — Wed, 06 May 2020 05:10:44 +0000

По завршувањето на денешната седница на Уставниот суд, судиите на работен состанок ќе расправаат по предлогот на судијата Осман Кадриу за поведување постапка по службена должност за оценување на уставноста и законитоста на Одлуката за распуштање на Собранието. Претседателот на Уставниот суд Сали Мурати во интервју за МИА рече дека по однос на Одлуката за распуштање на Собранието, во моментот нема оформен предмет за оценување нејзина уставност и законитост, но понатамошното постапување на Судот по ова прашање ќе зависи од ставот што ќе го заземат уставните судии на работниот состанок. Судот, претходно во предметот У.бр.40/2020, на седницата одржана на 8 и 15 април 2020 година, со мнозинство гласови одлучи да не поведе постапка за оценување на уставноста и законитоста на оваа одлука. Но, минатиот четврток (30 април), од страна на судијата Осман Кадриу е доставен предлог за поведување постапка по службена должност за оценување на уставноста и законитоста на истата одлука, поради што е закажан работен состанок на судиите. Ако судиите одлучат да се поведе постапка по службена должност, ќе биде оформен посебен предмет кој ќе биде доделен во работа на судија-известител и државен советник, кои по завршувањето на претходната постапка, треба да достават работен материјал за седница (реферат) со содржан предлог за одлучување што ќе биде разгледан на седница на Судот. Секако, истакнува претседателот на Уставниот суд, тоа е хипотетички не значи однапред прејудицирање на таква одлука, која треба да биде донесена по претходна расправа за ова прашање. Пред уставните судии денеска треба да се најде и одлуката на шефот на државата Стево Пендаровски за прогласување вонредна состојба.

Мурати: Уставниот суд утре ќе одлучува дали ќе отвори постапка за одлуката за распуштање на Собранието

Ивона Петрова — Tue, 05 May 2020 05:46:38 +0000

Претседателот на Уставниот суд, Сали Мурати во интервју за МИА најавува дека утре, по завршувањето на седницата, на работен состанок ќе се расправа по предлогот на судијата Осман Кадриу за поведување постапка по службена должност за оценување на уставноста и законитоста на Одлуката за распуштање на Собранието. Мурати вели дека по однос на Одлуката за распуштање на Собранието („Службен весник на Република Северна Македонија“ бр. 43/2020), во моментот нема оформен предмет за оценување нејзина уставност и законитост, но понатамошното постапување на Судот по ова прашање ќе зависи од ставот што ќе го заземат уставните судии на утрешниот работен состанок. Судот, претходно во предметот У.бр.40/2020, на седницата одржана на 8 и 15 април 2020 година, со мнозинство гласови одлучи да не поведе постапка за оценување на уставноста и законитоста на оваа одлука. Но, минатиот четврток (30 април), од страна на судијата Осман Кадриу е доставен предлог за поведување постапка по службена должност за оценување на уставноста и законитоста на истата одлука, поради што за утре е закажан работен состанок на судиите. Ако судиите одлучат да се поведе постапка по службена должност, ќе биде оформен посебен предмет кој ќе биде доделен во работа на судија-известител и државен советник, кои по завршувањето на претходната постапка, треба да достават работен материјал за седница (реферат) со содржан предлог за одлучување што ќе биде разгледан на седница на Судот. Секако, истакнува претседателот на Уставниот суд, тоа е хипотетички не значи однапред прејудицирање на таква одлука, која треба да биде донесена по претходна расправа за ова прашање. Пред уставните судии утре треба да се најде и одлуката на шефот на државата Стево Пендаровски за прогласување вонредна состојба. Мурати во интервјуто се осврнува и на оспорената владина уредба за намалување на платите на функционерите што предизвика реакции во јавноста.

Продолжи распаравата за законот за ЈО, Собранието ќе работи до распуштање

Тале Кристо — Fri, 14 Feb 2020 18:35:49 +0000

Во речиси празна сала, Собранието, по паузата, во 19:00 часот ја продолжи расправата за законот за јавно обвинителство. Лилјана Затуроска од ВМРО-ДПМНЕ, која прва зема збор, истакна дека овој пратенички состав ќе биде запамтен по носењето уште еден монструм, поголем од СЈО. -Тој монструм ќе работи според потребите и желбите на мафијата во државата. Со ова, ќе ги ставите граѓаните во многу сериозна, незавидна пложба, да бидат мета на мафијаши, рече Затурсока и предложи повлекување на законското решение со цел негова доработка. Во расправата пред пауазата, пратениците ги повторија своите ставови: владејачкото мнозинство дека донесувањето на законот за ЈО ќе значи почеток на борбата против корупцијата и криминалот, а ВМРО-ДПМНЕ дека законот се турка со сила и противуставно, само за да се спасат Заев и други владини функционери од одговорност. Единствено нов беше предлогот на Даниела Рангелова од ВМРО-ДПМНЕ која апелира, секој што е засегнат во некои од судските случаи, истражни или предистражни постапки, да не влегува во расправа за законот. Претседателот на Собранието Талат Џафери пред паузата во 18.00 часот, рече дека Собранието од 19:00 ќе продолжи со работа без прекин, додека не биде распуштено.

Собранието на 11 февруари ќе го ратификува протоколот за НАТО, на 12-ти ќе се распушти

Ивона Петрова — Thu, 23 Jan 2020 11:09:07 +0000

Претседателот на Собранието Талат Џафери планира на 11 февруари да закаже седница со единствена точка на дневен ред – ратификација на Протоколот за членство на Република Македонија во НАТО. Следниот ден, на 12 февруари, би требало да се одржи последната седница на која ќе биде распуштен сегашниот пратенички состав, и распишани предвремените парламентарни избори на 12 април. Од кабинетот на Џафери за МИА информираат дека до 11 февруари се очекува протоколот да биде ратификуван во Шпанија, последната од 29-земји членки кои досега го немаат направено тоа. Ако дотогаш не заврши процедурата во Шпанија, ратификацијата во македонското Собрание би била донесена со одложено дејство. На 12 февруари, пак, ќе се одржи седницата за распуштање на Собранието. Џафери очекува седницата да заврши истиот ден имајќи предвид дека сите партии се согласни за одржување избори на 12 април.

ЕТА ќе се самораспушти во мај

Ивона Петрова — Thu, 19 Apr 2018 06:15:02 +0000

Баскиската екстремистичка организација ЕТА на почетокот на следниот месец ќе објави конечно распуштање, јави телевизијата ЕТБ. Во текот на речиси 50 години сепаратистичка кампања, ЕТА е одговорна за убиството на над 850 лица во обид да создаде баскиска држава во северна Шпанија и југозападна Франција. Во 2011 година таа објави примирје, а минатата година се разоружа. Во февруари, локалниот весник „Гара" соопшти дека лидерите на ЕТА ќе побараат од нивните членови да гласаат дали организацијата целосно да се распушти во наредните месеци. Според ЕТБ, организацијата ќе го објави своето распуштање за време на првиот викенд во мај. МИА