Во Њујорк расте бројот на заболени од Ковид-19

Дарко Андоновски — Thu, 02 Apr 2020 09:01:42 +0000

Расте бројот на заболени од Ковид-19 во Њујорк, а последните 72 часа бројот на смртни случаи повеќе од двојно се зголеми и сега изнесува 1.941. Првиот инфициран од новиот коронавирус е регистриран пред еден месец, кај здравствен работник, кој се вратил од Иран. Оттогаш бројот на заразени лица се искачи на 83.000 луѓе. Гувернерот на Њујорк, Ендру Куомо изјави дека повеќе од 12.000 лица се хоспитализирани. Тој додаде дека врвот на епидемијата се очекува да биде кон крајот на месецот. Куомо изрази вознемиреност поради тоа што и покрај воведената мерка за физичка дистанца, луѓето се уште ги посетуваат игралиштата. – Користете ги отворените простори во парковите, шетајте, фатете малку сонце. Без групирања, без натпревари, без блиски контакти, посочи Куомо. Во градот Њујорк патролира полицијата и ги предупредува граѓаните да држат растојание едни од други. Градоначалникот на Њујорк, Бил де Бласио изјави дека се потребни пет милиони мески, 100.000 заштитна облека и повеќе од 3.000 респиратори до крајот на неделата.

Продолжува да расте бројот на новозаразени со коронавирус во Италија

Тале Кристо — Tue, 24 Mar 2020 18:20:25 +0000

Дводневниот позитивен тренд на опаѓање на бројот на жртви од коронавирусот во Италија денеска е прекинат, со оглед на тоа што за 24 часа починаа 743 лица, пренесуваат италијанските медиуми. Досега во Италија од овој вирус починаа вкупно 6.820 лица. Исто така во пораст е и бројот на активни случаи на заразени лица, за 3.612, така што вкупниот број сега изнесува 54.030. Од почетокот на епидемијата во Италија се регистрирани 69.176 заразени лица. Шефот на Цивилната заштита Ангело Борели изјави дека, сепак, и бројот на излекувани е во пораст, односно 894 повеќе од вчера или вкупно 8.326.

расте бројот – Kurir.mk

Во Њујорк расте бројот на заболени од Ковид-19

Продолжува да расте бројот на новозаразени со коронавирус во Италија