растење – Kurir.mk

Спас за ретка коса: Со овие состојки направете спреј за брз раст на косата

Ивона Петрова — Sun, 16 Oct 2022 20:30:17 +0000

Станува збор за спреј за коса кој можете сами да го направите од само 3 растенија, а главното е копривата - растение кое со векови се користи за нега на коса. Ставете четири чаши дестилирана вода во тенџере и оставете да зоврие на средна топлина. Кога ќе зоврие додадете две лажици каранфилче и две лажици суви коприви. Намалете ја топлината на минимум и оставете околу 20 минути. Добиениот чај процедете го и додека е сè уште топол, додадете му една лажица рузмарин, па оставете го да отстои цела ноќ. Наутро повторно процедете го и ставете го во шише со спреј, а потоа испрскајте го добиениот спреј на косата по миењето и добро втријте го во скалпот. Зошто овие 3 растенија? Каранфилчето ја стимулира циркулацијата, го стимулира растот на косата и ја прави посилна. Копривата го намалува опаѓањето на косата, го стимулира растот на нови влакна. Оваа билка содржи силициум и сулфур кои ја прават косата посјајна и поздрава. Рузмаринот е растение кое особено се препорачува за луѓе со тенка и ретка коса, бидејќи го поттикнува и растот.

НАЈЗДРАВИ ДЕЦА НА ПЛАНЕТАТА: Не патат од алергии, бактериите и вирусите бегаат од нив! Еве како

Магдалена Андонова — Mon, 07 Mar 2022 17:00:28 +0000

Многумина од нас среќно се сеќаваат на детството во кое го достигнавме врвот на креативноста во играта со кал и песок! На децата им беше забавно, а на родителите им беше јасно - каде на земјата има дете што не се валка? Не пуштаа да се тркаламе по песок, трева, кал, да се капеме навечер и приказната заврши. Без навреди, без лутина поради дамката, сите имавме алишта со кои си играме и алишта со кои некаде одевме. Освен што е забавна, науката потврди и дека играта во песок и кал е добра! Многу деца денес се отуѓени од природата Нормално е родителите да се грижат за хигиената и безбедноста на своето дете, затоа многумина денес претпочитаат децата да си играат дома наместо надвор. Како резултат на тоа, добиваме деца кои подоцна немаат желба да играат на отворено, туку претпочитаат да изберат технологија. - Нашите деца и децата на нашите деца се генерацијата која е најотуѓена од природата во историјата, вели Ричард Лув, автор на студија која анализирала 3.000 семејства со деца. Малку нечистотија никогаш не му пречела на никого Педијатарот д-р Марија Јулија Карваљо се согласува со Лув и инсистира на тоа дека децата мора да бидат во контакт со микроорганизми кои се наоѓаат во почвата и тревата со цел нивниот имунолошки систем да се развие правилно. Чистењето на вашето дете по играњето во кал можеби е тешко, но мора да се потрудите да најдете средина, бидејќи овие нехигиенски игри му се неопходни на вашето дете. Кога на овој начин ќе се зајакне имунитетот, во иднина детето ќе биде поотпорно на болести и алергии. Освен тоа, Лув вели дека игрите во природа ја поттикнуваат креативноста, го минимизираат стресот и депресијата и овозможуваат подобар когнитивен развој. Истото важи и за животните Студијата објавена во списанието Allergy and Clinical Immunology покажа дека децата кои живеат и растат со животни како кучиња и мачки од рана возраст имаат помала веројатност да развијат алергии бидејќи овие деца живеат меѓу ендотоксини, вид на бактерии кои се наоѓаат во прашината и животната средина кои помагаат за зајакнување на имунолошкиот систем. Едноставно - така функционира имунитетот Имунолошкиот систем е она што го штити човекот од надворешни „напаѓачи“, како што се микробите и бактериите кои се закана за здравјето. Ова успешно се прави со откривање на супстанции кои можат да стимулираат болести и инфекции, а потоа и со нивна борба. Но, за борбата да биде успешна, имунолошкиот систем мора да се навикне на микроорганизми од надворешната средина. Како што растат децата, тие стануваат сè поотпорни на одредени микроби, бидејќи веќе биле изложени на нив и имунитетот веќе го „знае непријателот“ и „тактики“ како да го нападне. Последици од држењето на децата подалеку од природата Без контакт со микроорганизми, имунолошкиот систем станува поподложен на супстанции кои инаку не се патолошки, како што се поленот или животинските влакна, по што децата развиваат алергии. Ричард Лув истакнува дека држењето на децата на растојание од природата го ограничува развојот на нивната креативност. Децата кои немаат интеракција со природната средина немаат физички дразби и немаат директни искуства на кои би можеле дополнително да ја развијат својата имагинација. Тој додава дека престојот во природа е феноменална превенција од дебелеење, бидејќи децата надвор се физички активни, додека причината за епидемијата на дебели деца лежи во поминувањето премногу време зад затворени врати.

Еве зошто е добро децата да растат со куче или мачка

Магдалена Андонова — Wed, 09 Dec 2020 16:20:46 +0000

Сите барем еднаш сме слушнале за приказна во која кучето било подготвено да го заштити својот сопственик со својот живот, било да е тоа возрасен или дете. И има стотици од емотивни видеа на Јутјуб каде кучето внимателно го покрива бебето без да го крене погледот од истото. И, таа емотивна врска што е апсолутно драгоцена, тоа пријателство што е за цел живот, не е единствената придобивка од животот со домашно милениче. Децата кои уште во раните години се во контакт со кучиња имаат помалку респираторни заболувања, особено ушни инфекции, а со тоа пијат и помалку антибиотици. Кучињата развиваат длабока врска со нивните сопственици, нè учат на дружење и љубов. Но, кучињата покажуваат и посебна приврзаност кон децата. Тие се подготвени да ги заштитат по секоја цена, а неодамнешно истражување сугерира дека растењето со куче може да има неверојатно позитивно влијание врз здравјето и среќата на децата. Според едно истражување спроведено од Американската академија за педијатрија, децата што живеат во дом со кучиња (и мачки!) се поздрави на неколку начини: „Децата кои порано стапуваат во контакт со кучиња се чини дека имаат помалку респираторни инфекции, особено ушни инфекции и пијат помалку антибиотици.“ Живеењето со кучиња ја зајакнува отпорноста кон инфекции – а сличен резултат има и кај домашните мачки. „Мачките исто така покажаа заштитен ефект врз доенчињата, но не толку силно како кучињата.“ Покрај придобивките за физичкото здравје, раната социјализација со кучиња може да им помогне на децата да научат за грижата и да развијат емпатија и одговорност и сочувство кон другите живи суштества. Во однос на среќата и менталното здравје, се верува дека животните ја подобруваат емоционалната благосостојба на сопствениците и го намалуваат стресот и вознемиреноста – дури и кај децата. „Да се има куче како домашно милениче е поврзано со намалена веројатност за депресија кај децата.“ – се вели од Центарот за контрола и превенција на болести во Висконсин, САД. Извор: НАНЕ

Растевте во 70-тите и 80-тите години во Југославија? Ова видео ќе ве врати во спомените

Ивана Ефремовски — Fri, 10 May 2019 05:45:32 +0000

Видео создадено од фотографии ќе ве врати во детството и младоста, ако сте од генерациите кои живееле 70-тите и 80-тите години во Југославија. Во него се прикажани многу работи од наведениот временски период: детски серии, цртани филмови, стрипови, филмови, играчки, слатки, возила…Користена е музика од серијата „Грлом у јагоде“ и филмот „Специјално воспитување“.