растојание – Kurir.mk

Песков: Средбите со Путин се одржуваат на растојание или со претходно тестирање

Тале Кристо — Sun, 13 Dec 2020 14:48:20 +0000

Портпаролот на Кремљ, Дмитриј Песков денеска изјави дека за време на пандемијата на коронавирусот, во итен случај, претседателот Владимир Путин може да се сретне лично со луѓе, кои понекогаш треба да почекаат на тестирање пред тоа, а личната комуникација со шефот на државата може да се одвива и на безбедно растојание од пет до шест метри. Песков на каналот Русија 1 оцени дека дури и по завршувањето на пандемијата на коронавирусот, одреден дел од состаноците може и треба да се одржуваат преку видео конференции, бидејќи на тој начин не се губи време за патувања и подготовки, пренесува РИА Новости.

Амазон ќе одржува растојание меѓу работниците со помош на АИ

Ивона Петрова — Wed, 17 Jun 2020 05:50:21 +0000

Компанијата Амазон го лансираше својот систем за следење, заснован на вештачка интелигенција (АИ), со цел да се контролира физичката дистанца меѓу вработените во канцелариите и погоните заради намалување на ризикот од пренесување на коронавирус кај работниците. Најголемата фирма за онлајн продажба се соочува со интензивен надзор од страна на американските пратеници и синдикати за да се види дали прави доволно за да го заштити персоналот во време на пандемија. Мониторите поставени во магацините на компанијата ќе ги означува работниците кои држат растојание со зелена боја, додека оние кои се блиску еден до друг ќе бидат со црвена боја.чуварите на безбедноста. Амазон, исто така, тестира преносен уред што се вклучува и звучно сигнализира кога работниците се премногу блиску едни до други. Уредот треба да се тестира денеска во магацин надвор од Сиетл.

Форд тестира нов уред за контрола на растојанието меѓу работниците

Ивона Петрова — Fri, 17 Apr 2020 09:49:05 +0000

Фабриката за автомобили „Форд“ дизајнираше „паметни“ нараквици (алки) кои би ги предупредувале работниците секогаш кога се наоѓаат на помалку од два метри едни од други, пренесува СееБиз. „Паметните“ нараквици за работниците веќе се тестираат од страна на неколку доброволци во фабриката „Форд“ во Плимут. Нараквиците работат на принцип на препознавање на други нараквици, и кога се наоѓаат на растојание помало од два метра, тие вибрираат за корисниците да ги предупредат за несакано приближување. .Овој уред е само една од мерките за да се спречи ширењето на коронавирусот што Форд би можел да го спроведе во своите погони кога ќе го започне производството на автомобили. Оптимистичките прогнози велат дека тоа ќе се случи следниот месец, а дотогаш Форд ќе продолжи во неколку свои погоди да произведува медицински респиратори наместо делови за автомобили.

Превозот на патници со задолжително растојание од два метри и 50 проценти од вкупниот број на седишта

Ивона Петрова — Fri, 17 Apr 2020 09:23:34 +0000

Министерството за транспорт и врски во континуитет презема мерки и активности за одвивање на превозот на стока и патници во внатрешниот сообраќај, како и транспорт на стока во меѓународниот сообраќај во услови на вонредната состојба. Заради заштита на јавното здравје на граѓаните, а како резултат на преземање на мерки за спречување на ширење на коронавирусот, на предлог на Министерството за транспорт и врски, Владата на Република Македонија на последната седница донесе Уредба со законска сила за примена на Законот за превоз во патниот сообраќај за време на вонредна состојба. – Со оваа Уредба со законска сила, прецизно се уредува начинот на превоз на патници во внатрешниот сообраќај во услови на траење на вонредната состојба и истата гласи: При вршење на јавниот превоз на патници, за време на траење на вонредната состојба, превозникот во возилото е должен да го организира превозот со задолжително одржување на растојание од најмалку два метри меѓу патниците и може да има најмногу 50 проценти патници од вкупниот број на седишта, несметајќи го седиштето на возачоот, се појаснува во соопштението од Министерството за транспорт и врски. Претходно, оваа мерка беше во вид на препорака за сите кои вршат превоз на патници. Во наредниот период, се до траење на вонредната состојба, се подвлекува, Уредбата за организација на начинот на превозот има сила на Закон и сите кои вршат превоз на патници мора да го организираат превозот на начин кој е пропишан во споменатата Уредба. – Потенцираме дека носењето на оваа Уредба има за цел да се заштити здравјето на граѓаните и да се влијае на спречување на ширење на коронавирусот. Министерството за транспорт и врски и другите надлежни институции се во постојана комуникација и координација со транспортните здруженија и навремено се преземаат мерки и препораки за да се обезбеди непречено фукционирање на транспортот на стока и превозот на патници, стои во соопштението од Министерството за транспорт и врски.