раул гонзалез – Kurir.mk

ВИДЕО: Криштопанс на првиот тренинг кај Раул со гаќици од Вардар

Ристе Здравков — Mon, 22 Jun 2020 11:33:05 +0000

Ракометарите на ПСЖ денеска во тренинг центарот во Пјер де Кубертин беше посиле за четири нови ракометари, а меѓу нив се најде и екс ракометарот на Вардар Даинис Криштопанс. Латвиецот се појави со гаќици од Вардар и повторно ќе соработува со Раул Гонзалез со кого оставија неизбришлив траг во дресто на „црвено-црните“. Покрај Криштопанс, денеска на тренинг се појавија и новите ракометари Грејби, Пранди кои од следната сезона ќе го носат дресот на францускиот гигант.

Ова е замената за Раул на селекторската позиција во репрезентацијата!?

Ристе Здравков — Mon, 04 Feb 2019 12:08:33 +0000

Ракометната федерација на Македонија му се заблагодари на Раул Гонзалез за придонесот за македонската репрезентација и двете страни спогодбено го раскинаа договорот, а веќе се наметнува прашањето кој ќе го наследи „Ел Команданте“ на селекторското столче. Како најсериозен кандидат за нов селектор на Македонија е Роберто Гарсија Парондо, „ученикот“ на Раул Гонзалез од шампионската ера во Вардар. Парондо беше „десна рака“ на македонскиот селектор, а голема е веројатноста тој во иднина да го води националниот тим. По Раул Гонзалез, Лино Червар, Ивица Обрван, Звонко Шундовски... опција е вардаровиот стратег, кој би бил нов странски тренер во историјата на нашиот национален тим. Во своето соопштение за раскинот на договорот со Раул, РФМ вели дека „машката А-селекција треба да има стратег кој секојдневно ќе биде посветен и во тек со сите збиднувања поврзани со репрезентацијата“. Така, се наметнува Парондо како прва опција, ако се земе предвид дека е во Македонија, дека го води Вардар, но и дека добро ги познава репрезентативците и климата во националниот тим, затоа што веќе претходно работеше со Гонзалез. Тука секако дека е и Данило Брестовац, кој работи во Металург и е селектор на младинските категории во Македонија. Парондо веќе еднаш го наследи Раул Гонзалез, но во Вардар, кога шпанскиот стратег кој направи чудо и ги направи „црвено-црните“ европски прваци, реши да замине во Франција и да го води ПСЖ. Од РФМ најавија дека нов селектор ќе се назначи во најбрз можен рок. Новиот предводник првиот „испит“ ќе го има во квалификациите за Европското првенство (ЕП), во мечевите против Исланд на 10 и 14 април. Извор: gol.mk

Се огласи селекторот на ракометната репрезентација на Македонија

Катерина Бојаџиева — Mon, 14 Jan 2019 19:46:35 +0000

Селекторот на ракометната репрезентација на Македонија, Раул Гонзалез не беше расположен по убедливиот пораз од Хрватска во третото коло од Светското првенство со 31-22. Шпанецот изјави дека Хрватите одиграле одличен натпревар, а го пофали и голманот Шего, кој на крајот заврши со 12 одбрани. -Честитки за Хрватска, одигра одличен меч и во одбраната и во нападот. Знаевме дека е многу тешко да се игра против Хрватска и затоа почнавме со „7-6“. Во одбраната со зоната 5-1 за момент им создадовме проблеми, но кога почнаа да играат „7-6“ влегоа во ритам. Шего денеска беше перфектен, одбрани се што му шутнавме од 6 метри. Важно дадовме се од себе. Се уште имаме шанси да се пласираме во втората фаза, изјави Раул по мечот. Македонија во среда од 20,30 часот игра против Шпанија, а во четврток од 18 часот следи клучниот дуел со Исланд за пласман во следната фаза.

Раул: Вистинските предизвици допрва претстојат

Дарко Андоновски — Sun, 13 Jan 2019 17:50:20 +0000

Селекторот на репрезентацијата на Македонија, Раул Гонзалез беше задоволен по денешната победа над Бахреин на СП, но сподели дека вистинскиот предизвик за нашите ракометари допрва претстојат. – Бахреин, одигрa одличен натпревар, посебно со нивната одбрана во првиот дел. Мора да бидеме задоволни од досегашните натпревари, но вистинските предизвици допрва претстојат, изјави Раул по мечот. Утре Македонија игра со Хрватска од 18 часот во првиот посериозен предизвик на Мундијалот, а во среда и четврток следат дуелите до Шпанија и Исланд со кои ќе се бориме за пласман во следната фаза. За дуелот со тимот на Лино Червар, Шпанецот смета дека треба да „напаѓаме како против Јапонија, а да се браниме како против Бахреин“. – Хрватска е селекција која ги има едни од најдобрите ракометари во светот и има амбиција да се бори за медели. Имаме почит кон нив, но ќе си ја бараме нашата шанса. На физички план мислам дека сме добро, ние сме на почеток на турнирот, ќе бидеме спремни, изјави Раул Гонзалез.

Гонзалез задоволен од резултатот и освоените бодови

Ивана Ефремовски — Fri, 11 Jan 2019 17:26:21 +0000

Селекторот на македонската ракометна репрезентација, Раул Гонзалез по триумфот над Јапонија во првиот меч на СП 2019 попладнево изјави дека првиот меч на голем турнир секогаш е тежок, но дека се среќни од победата. Македонија забележа победа со девет голови разлика и дојде до очекуваниот триумф, а шпанскиот стратег го посочи голманот Борко Ристовски како еден од „виновниците“ за успешниот почеток на континенталниот собир. – Првиот меч на секој голем турнир е тежок, но среќни сме за победата. Борко бранеше фантастично во првото полувреме и ни помогна да се одлепиме. За настап на СП неопходно е голманите да се во најдобра форма. Примвме 29 голови но и покрај тоа сум задоволен од резултатот и освоените бодови. Сега го забораваме овој дуел, одиме понатаму кон следниот противник. Ова е само прв дуел и нема простор за преголемо славје, изјави Гонзалез по мечот. Во однос на изборот на играчи, Шпанецот изјави дека играат оние што се најдобри. – Ние имаме играчи што се поквалитетни и тие играат повеќе. Не ми е важно дали се млади или стари, туку дали одговараат на она што јас како тренер го барам од нив, додаде Раул. Македонија вториот дуел го игра во недела од 14,00 часот против Бахреин.

Гонзалез го објави списокот на ракометари за СП 2019

Дарко Андоновски — Wed, 09 Jan 2019 09:59:01 +0000

Селекторот на македонската ракометна репрезентација Раул Гонзалез го објави списокот на ракометари за претстојното Светско првенство 2019 во Германија и Данска. На списокот на Раул се најдоа: Борко Рисовски Никола Митревски Дејан Манасков Гоце Георгиевски Мартин Поповски Филип Лазаров Филип Талески Мартин Серафимов Велко Маркоски Златко Даскалоски Кирил Лазаров Горан Крстевски Стојанче Стоилов Жарко Пешевски Филип Кузмановски Марио Танкоски Филип Чурлевски и Милан Лазаревски. Репрезентацијата на Македонија првиот натпревар на Мундијалот ќе го одигра в петок (11 јануари) против селекцијата на Јапонија со почеток во 15:30 часот.

Гонзалез: Македонија мора да победи против Јапонија

Ивона Петрова — Thu, 03 Jan 2019 16:30:41 +0000

Селекторот Раул Гонзалез на денешната промоција на новите дресови на ракометната репрезентација на Македонија, изрази задоволство од досегашниот тек на подготовките на тимот за СП 2019, а на претстојните пријателски средби со Србија ќе се оформи сликата за можностите на „црвено-жолтиот“ тим. – Задоволен сум од прикажаното на тренинзите. Ќе видиме како ќе ни оди против Србија. Пријателските мечеви не се како официјалните, но верувам во овој тим. На средбите со Србија сите ќе добијат шанса, за да се подготвиме што подобро за Свестското, изјави денеска Раул. Во однос на Мундијалот во Германија и Данска, Шпанецот вели дека треба да се оди натпревар по натпревар и да се покаже почит кон сите противници. – Македонија мора да победи на првиот меч против Јапонија, а потоа ќе мислиме на вториот натпревар. Нема да биде лесно, против себе ќе имаме силни репрезентации, очекувам и помош од навивачите. Сакам да играме како екипа, само така можеме да успееме, додаде Раул. Првиот пријателски меч со Србија се игра на 5. јануари од 20 часот и ќе биде отворен за публика, додека ден подоцна (6.јануари) двете репрезентации ќе одиграат меч од затворен карактер. Македонската репрезентација патува за Минхен на 9. јануари, а првиот дуел го играме на 11-ти против Јапонија. МИА

Раул го објави поширокиот список за СП 2019 во Германија и Данска

Ивона Петрова — Mon, 10 Dec 2018 16:04:29 +0000

Селекторот на машката сениорска репрезентација Раул Гонзалез, го објави поширокот список на ракометари за престојното СП во Германија и Данска. „Жолто-црвените“ се наоѓаат во групата „Б“ со Шпанија, Хрватска, Исланд, Јапонија и Бахреин, а натпреварите од првата групна фаза ќе ги играат во Минхен. Македонија натпреварите ги започнува на 11 јануари против репрезентацијата на Јапонија, потоа на 13 јануари противник е Бахреин, ден подоцна Хрватска, на 16 јануари сениорите играт против Шпанија, во последното коло противник на Македонија е репрезентацијата на Исланд. МИА

Гонзалез го објави списокот за натпреварите со Турција и Грција

Ристе Здравков — Fri, 19 Oct 2018 10:17:09 +0000

Селекторот на ракометната репрезентацијата на Македонија, Раул Гонзалез го објави списокот од 20 ракометари, повикани за претстојниот собир на машката сениорска репрезентација за квалификациските натпревари против репрезентациите на Турција и Грција за ЕП 2020.

Ново име кај „жолто-црвените“ е ракометарот на Еурофарм Работник, Филип Чурлевски, кој ќе го заземе местото на Филип Миркуловски.

Македонија на 25 октомври во Битола ќе ги измери силите со репрезентацијата на Турција, а три дена подоцна ќе гостува кај Грција.

Собирот е закажан за 22 октомври (понеделник) со почеток во 16:30 часот во хотелот Александар Палас во Скопје.

Раул Гонзалес избран за најдобар тренер во ЛШ од своите колеги

Ристе Здравков — Thu, 13 Sep 2018 13:44:36 +0000

Селекторот на македонската ракометна репрезентација, Раул Гонзалес е прогласен за најдобар тренер во Лигата на шампиони од страна на неговите колеги. Поранешниот тренер на Вардар и актуелен на ПСЖ повторно беше избран од европските тренери, откако ја доби наградата и година претходно. Тој доби 18 гласа и „за“ и за еден глас го победи тренерот на Монпелје, Патрис Канаје. Тренерите, 28 на број, изгласаа и идеален тим, а на списокот се најдоа двајца поранешни играчи на „црвено-црниот“ тим. За најдобар голман е избран Арпад Штербик, кој сега настапува за Веспрем, додека најдобар централен бек е Лука Циндриќ, кој од сезонава е член на Кјелце. Според правилата, тренерите не смеат да гласаат за играчи од својот тим.