Раул Кастро – Kurir.mk

Раул Кастро се повлекува од политиката и од врвот на Комунистичката партија на Куба

Катерина Бојаџиева — Fri, 16 Apr 2021 20:13:44 +0000

Раул Кастро денеска соопшти дека се повлекува од политиката и од функцијата генерален секретар на Комунистичката партија на Куба, наведувајќи дека раководството на партијата ќе го предаде на помладата генерација, која, како што истакна, е „полна со страст и антиимперијалистички дух“. Во својот говор на отворањето на четиридневниот конгрес, кој се одржува зад затворени врати, а чии извадоци беа објавени на телевизија, Кастро рече дека со задоволство го предава раководството на партијата на група соборци кои имаат повеќедецениско партиско искуство. Тој истакна дека се повлекува со чувство дека „ја исполнил својата мисија и е уверен во иднината на татковината“. Повлекувањето на Раул Кастро (89) претставува крај на шестдецениската ера во која Куба ја водеа тој или неговиот брат Фидел, а која почна во 1959 година.

Кастро и Дијас-Канел за прв пат во јавност на парада во Хавана

Даниел Василев — Wed, 02 May 2018 13:32:08 +0000

Лидерот на Комунистичката партија на Куба, Раул Кастро и неодамна избраниот претседател на државата, Мигел Дијас-Канел ја предводеа парадата за 1 мај во Хавана. Тие за прв пат се појавија заедно во јавност со обид да покажат континуитет и единство на оваа островска држава, пренесува Ројтерс. -Ова се луѓе на Фидел и Раул, а денес и на Дијас-Канел, рече официјалниот спикер на парадата. На плоштадот на Револуцијата се собраа повеќе стотици илјади луѓе од кои многумина носеа постери со ликот на покојниот Фидел Кастро. Кастро и Дијас-Канел заедно се качија на бина на која беа и други лидери на младите генерации вклучувајќи го и министерот за надворешни работи, Бруно Родригес и потпретседателот Мерседес Лопес Ачеа. Дијас-Канел на 19 април беше избран за наследник на Раул Кастро кој заедно со својот брат беше на чело на Куба шест децении, а кубанските лидери настојуваат да истакнат континуитет и единство на земјата.

Раул Кастро останува на врвот на Комунистичката партија до 2021. година

Даниел Василев — Thu, 19 Apr 2018 19:21:08 +0000

Поранешниот претседател на Куба Раул Кастро изјави дека ќе го напушти врвот на Комунистичката партија на наредниот партиски конгрес во 2021. година. Освен тоа, Кастро посочи дека своето место ќе го предаде на сегашниот претседател Мигел Дијас-Канел. -Ќе продолжам да ја вршам функцијата генерален секретар на партијата до истекот на мандатот во 2021 година, рече Кастро кој таа година ќе наполни 90 години. Дијас-Канел денеска ја почна историската транзиција на островот по скоро шест децении владеење на браѓата Фидел и Раул Кастро, ветувајќи „продолжување на револуцијата“. Како единствен кандидат, Дијас-Канел е избран во парламентот со 603 гласови од присутните 604 пратеници. Тој е прв претседател кој е роден после Кубанската револуција во 1959. година и поради тоа ќе има тешка задача да го зацврсти својот легитимитет по скоро 60 години владеење на браќата Кастро.

Крај на ерата на Кастро: Новиот претседател е роден за време на левичарската револуција

Даниел Василев — Thu, 19 Apr 2018 14:16:55 +0000

Мигел Дијас Канел стана нов лидер на Куба. Неговото доаѓање на власт означува и крај на една ера во комунстичка Куба. Откако се повлече, претседателот Раул Кастро власта ја предаде на својата десна рака, Мигел Дијас Канел, кој е роден во 1959, во годината кога Фидел и Раул ја направија левичарската револуција на островот. Според Ројтерс, без оглед на оваа промена, по 60 години власт на браќата Кастро, не може да се очекува таа да направи реформи во кубанската економија под контрола на државата и еднопартискиот систем, како еден од последните во светот. Кубанската влада вчера го номинираше првиот потпретседател Дијас-Накел како единствен кандидат за претседател, со што загарантира дека тој 57-годишен инженер ќе го наследи генералот Раул Кастро. За нов прв потпретседател предложен е Салвадор Валдес Меса (72), поранешен сидикален претставник кој во кубанската влада беше на повеќе значајни функции.

Куба избира наследник на Раул Кастро

Ивона Петрова — Wed, 18 Apr 2018 07:42:55 +0000

Кубанското народно собрание почнува денеска дводневно заседание на кое ќе се избере наследник на актуелниот кубански лидер Раул Кастро. Се очекува Кастро да го наследи актуелниот прв потпретседател Мигел Дијаз-Канел (57). Вкупно 605 народни пратеници ќе изберат претседател на Државниот совет, кој по Уставот е шеф на државата и владата, претседател на Народното собрание, потпретседател и членови на Државниот совет. Името на новиот претседател на Државниот совет ќе биде објавено утре. МИА