разбојништва – Kurir.mk

Истрага за осомничен за повеќе разбојништва во Битола

Катерина Бојаџиева — Wed, 19 Apr 2023 12:32:20 +0000

Основното јавно обвинителство Битола донесе Наредба за спроведување истражна постапка против едно лице за кое постои основано сомнение дека сторил три кривични дела – Разбојништво согласно член 237 став 4 во врска со став 1 од Кривичниот законик. Осомничениот, на 11.04.2022 година маскиран влегол во аптека на улицата „Солунска“ и на вработената и се заканил со пиштол, туркајќи ја кон магацинскиот простор. Одзел 40.500 денари спакувани во три книжни ќеси и избегал. На 16.05.2022 година осомничениот повторно маскиран влегол во обложувалница на улицата „Филип Втори Македонски“ и се упатил кон пултот за наплата. На вработената и се заканил со нож, директно насочувајќи го кон неа и принудувајќи ја да му даде 207.000 денари и 200 евра. При последниот настан, на 18.04.2023 година, осомничениот маскиран се заканил со нож на вработена во аптека на улицата „Димитар Илиевски – Мурато“. Ја натерал да му го отвори сефот и ги одзел хартиените пликови внатре, сметајќи дека одзел пари. Всушност, во пликовите имало сметки и други документи. Осомничениот ја натерал оштетената да влезе во тоалетот, ја затворил внатре и избегал. Надлежниот јавен обвинител до судијата на претходна постапка од Основниот суд во Битола достави предлог за определување мерка притвор за осомниченото лице, бидејќи оцени дека постои опасност од бегство, можност да го повтори делото и да влијае врз сведоците/оштетените. Судијата го прифати ваквиот предлог и му определи притвор во траење од 30 дена.

Приведен 33. годишен прилепчанец, расчистени две кривични дела

Магдалена Андонова — Wed, 22 Dec 2021 10:06:43 +0000

На 21.12.2021 полициски службеници од Надворешната канцеларија за криминалистички работи - ОВР Прилеп, по преземени оперативни мерки и дејствија, го лишија од слобода К.Ѓ.(33) од Прилеп, поради постоење основи на сомнение за две кривични дела, и тоа „разбојништво“, сторено на 13.12.2021 во аптека во Прилеп и „разбојништво во обид“ сторено на 18.12.2021 во друга аптека, исто така, во Прилеп. Денеска (22.12.2021) К.Ѓ. со кривичната пријава по член 237 и член 237 во врска со член 19 се предадени за понатамошна постапка во ОЈО Прилеп.

Поведена постапка против едно лице – извршил три разбојништва во спортски обложувалници

Магдалена Андонова — Wed, 10 Nov 2021 12:05:03 +0000

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило три кривични дела – Разбојништво и тоа две согласно член 237 став 4 и едно согласно член 237 став 1 од Кривичниот законик. Во два наврати, на 24 февруари и на 8 мај, осомничениот извршил разбојништва во иста спортска обложувалница на улицата „Митрополит Теодосиј Гологанов“. Се преправал дека пополнува ливче, по што станувал од масата и со нож им се заканувал на вработените за да ги принуди да му ги дадат парите. Првиот пат одзел 21.918 денари, а вториот пат – 20.400 денари од работните фиоки зад наплатниот пулт. На 18 мај, осомничениот 26-годишник влегол во спортска обложувалница на улицата „Никола Тримпаре“ во Скопје и на вработениот му се заканил со зборовите: „Надвор сме тројца, да не ја правиме голема, дај ги парите“. Оштетениот, исплашен дека би можеле да го нападнат, ги извадил парите од фиоките и му ги дал. На овој начин осомничениот противправно происвоил 70.000 денари и избегал од местото. Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомниченото лице, бидејќи постојат околности кои упатуваат на опасност од бегство, можност тој да влијае врз сведоците/оштетените или да го повтори делото.

Поведена постапка против млад скопјанец поради разбојништва во аптеки

Магдалена Андонова — Thu, 04 Nov 2021 10:03:15 +0000

Јавен обвинител од Основното јавно обвинителство Скопје поведе постапка против 34-годишен скопјанец за кого постои сомнение дека сторил шест кривични дела – Разбојништво од член 237 став 4 во врска со став 1 од Кривичниот законик, како и еден обид за разбојништво. Осомничениот, на 13 октомври, со употреба на сила и сериозна закана со оружје – нож, одзел 25.000 денари од аптека во Аеродром. Од истата аптека, на 2 ноември противправно присвоил уште 21.000 денари. На 25 октомври од друга аптека во Аеродром на сличен начин одзел 12.000 денари. Истиот осомничен, заканувајќи се со нож на вработените, на 27 октомври од аптека во Гази Баба одзел 24.000 денари. На 27 септември, осомничениот влегол во аптека во Карпош, заканувајќи им се на вработените со ножот одзел 40.000 денари. На 18 октомври, пак, од регистар касите во аптека во Кисела Вода одзел 48.756 денари. Вкупно, со шест разбојништва извршени на сличен начин, осомничениот од аптеки во Скопје противправно присвоил над 170 илјади денари. Освен ова, тој е осомничен дека на 22 октомври се обидел да изврши разбојништво во уште една аптека во Карпош, но откако вработената го предупредила дека го активирала алармот, избегал без да ги одземе парите. До судијата на претходна постапка од Основниот кривичен суд Скопје јавнот обвинител достави предлог за определување мерка притвор за осомничениот, поради опасност од бегство, можност за влијание врз сведоците и за повторување на делото.

Приведени тројца разбојници

Ивана Ефремовски — Mon, 10 May 2021 14:20:11 +0000

Денеска (10.05.2021) полициски службеници од СВР Скопје ги приведоа Г.М. (40), Х.А.(19) и Е.Н. (23) од Арачиново, поради основано сомнение дека се сторители на три разбојништва и три одземања на моторни возила во перидот од декември 2020 до февруари 2021 година. Кај трите лица извршен е претрес на дом и други простории при што пронајдени се: дигитална вага, марихуана, фантомки и други предмети. Лицата се приведени во полициска станица и по документирање на случаите, ќе биде поднесена соодветна кривична пријава до надлежното обвинителство.

Вршеле повеќе разбојништва во Скопје – поднесено обвинение против три лица

Магдалена Андонова — Wed, 28 Apr 2021 10:58:56 +0000

Основното јавно обвинителство Скопје до Основниот кривичен суд Скопје поднесе Обвинителен акт против три лица за кривични дела – Разбојништво од член 237 став 4 во врска со став 1 од Кривичниот законик. На 31 јануари, тројцата обвинети влегле во спортска обложувалница на улица „1613“, покажувајќи метален пиштол со пластична рамка се заканиле дека ќе нападнат врз животот на еден вработен и одзеле импровизирана картонска кутија во која имало 32.000 денари во различни апоени. Потоа со возило избегале од местото, а парите ги поделиле. Двајца од обвинетите на 1 февруари сториле уште едно разбојништво така што влегле маскирани во аптека на булеварот „Видое Смилевски Бато“ и на вработената и се заканиле со метален пиштол со пластична рамка, барајќи да им ги даде парите од дневниот промет. Вработената го отворила малиот прирачен сеф на наплатното биро, но во него немало пари. Еден од обвинетите започнал да се обидува да ја отклучи фиоката на регистер касата со дневен промет, но по неколку обиди клучот се заглавил и се скршил. Потоа, тој со физичка сила насилно ја откорнал втората заклучена регистер каса во која имало околу 3.000 денари, ја одзеле и двајцата обвинети почнале да бегаат. Но, ги забележале полициски службеници, кои почнале да ги бркаат обвинетите. Во моментот кога бил престигнат, еден од обвинетите ја фрлил касата кон полицајците, по што бил совладан и лишен од слобода. Другиот обвинет, пак, влегол во влез на една од зградите и го скрил пиштолот во пластичната таванска ламперија на влезот. Имајќи го предвид видот и карактерот на стореното кривично дело, предвидената казна, личните околности на обвинетите, можноста за бегство и за повторување на делото, надлежниот јавен обвинител до Судот достави и посебен предлог за продолжување на определената мерка притвор за тројцата обвинети.

Скопското обвинителство поведе истрага за извршени разбојништва

Магдалена Андонова — Thu, 19 Nov 2020 10:49:10 +0000

Основното јавно обвинителство Скопје денеска донесе наредба за спроведување истражна постапка против 30-годишен државјанин на Италија со жителство во Скопје, за кого постои основано сомнение дека сторил четири кривични дела „разбојништво“ и еден „обид за разбојништво“. Како што соопшти Јавното обвинителство, на 6 ноември осомничениот влегол во книжарница на булеварот „Партизански одреди“ и со нож се заканил на вработената, барајќи да му даде пари. Исплашена за својот живот, оштетената од касата на книжарницата извадила 9.500 денари кои му ги дала на осомничениот, кој потоа избегал. Осомничениот истиот ден, на улица „Московска“ во аптека и се заканил на вработената со нож и ги побарал парите од касата, но таа започнала да вика и го стиснала паник-тастерот. Во тој момент осомничениот избегал од местото, не успевајќи да ја реализира намерата за противправно одземање туѓи предмети. На 9 ноември на сличен начин, заканувајќи им се со нож на вработените, осомничениот одзел 2.000 денари од продавница за играчки на булеварот „Партизански одреди“. Осомничениот на 14 ноември, во маркет на улица „Букурешка“ го вперил ножот кон една вработена, заканувајќи и се дека ќе ја повреди ако не му даде пари. Оштетената му ја отворила касата, од каде тој самиот одзел 10.600 денари и избегал. На истиот начин, на 16 ноември, осомничениот противправно присвоил 6.525 денари од бутик за долна облека на булеварот „8-ми Септември“. – Бидејќи постојат околности кои упатуваат на можност осомничениот да се даде во бегство, да ги сокрие трагите на кривичното дело, да влијае врз сведоците/оштетените или да го повтори делото, надлежниот јавен обвинител до Основниот кривичен суд Скопје достави предлог за определување мерка притвор. Судијата на претходна постапка го прифати предлогот и на осомничениот му определи притвор во траење од 30 дена, се наведува во соопштението од Јавното обвинителство. (МИА)

Разбојништва и запалени автомобили насекаде, а шефот на скопската полиција вели дека криминалот е само во главите на граѓаните

Ивана Ефремовски — Tue, 05 Feb 2019 10:15:27 +0000

Тони Јакимовски, шеф на полиција на Скопје, кој вчера гостуваше во Централниот дневник на 1ТВ и беше прашан од страна на водителот за порастот на криминалот во Скопје и во врска со вчерашните настани, за бомбата на Бит пазар и ограбената експозитура на Халк банка, тој сакајќи да ја отфрли одговорноста од себе и раководството на МВР наместо да го признае очевидното, вели дека криминалот е само во главите на граѓаните. - Ние постојано ја брифираме јавноста за тоа што се случува на подрачјето на Град Скопје во област на криминалитетот се доаѓа до перцепција дека во градот се случуваат безброј кривични дела. Во текот на 2018 година на подрачје на град Скопје се регистрирани 12.433 кривични дела, во споредба со 2017 година кога се регистрирани 12.157, нагласи Јакимовски. Според изјавата на шефот на полиција на Скопје, тој сака да ни долови дека криминалот во град Скопје не е во пораст туку е во главите на граѓаните поради нивната голема отчетност.

Кражби и разбојништва секој ден, насилници напаѓаат граѓани

Ивана Ефремовски — Sat, 30 Dec 2017 10:14:55 +0000

И денешниот полициски билтен е полн со настани за кражби и разбојништва. Изминативе месеци граѓаните живеат во страв за безбедноста поради зголемениот број вакви дела што секојдневно се случуваат. Граѓани се жртва на крадци и разбојници низ цела Македонија, но насилниците не се зад решетки, туку шетаат на слобода и продолжуваат да ограбуваат и заплашуваат. На 30.12.2017 година во 01.00 часот во Единицата за известување и команда -Скопје, К. С. (1990) од Скопје пријавил дека на 29.12.2017 година околу 22.30 часот на кејот на реката Вардар поточно на пешачката патека помеѓу градската плажа и дискотека во Градски Парк, три непознати лица со закана со нож и со удари со тупаници во пределот на главата му извршиле разбојништво, при што од предниот десен џеб од јакната му го одзеле мобилниот телефон „Ајфон 6с“ и околу 2.300 денари. Известени се инспектори од Одделот за имотни деликти од Полициската станица- Карпош.Се преземаат мерки за пронаоѓање на сторителите. СВР Скопје поднесе кривична пријава против В.С. (27), Ш.У. (37) и едно малолетно лице на возраст од 14 години, сите од Скопје, поради постоење основи на сомнение за сторено кривично дело „тешка кражба“. Пријавените, од 01.12.2017 до 06.12.2017 година, во студентскиот дом „Гоце Делчев“ на ул. „Московска“ во Скопје одземале алуминиумски врати и прозори што биле демонтирани од студенскиот дом и на тој начин се стекнале со противправна имотна корист од околу 500.000 денари. СВР Велес поднесе кривична пријава против Ј.Т. (29) од Велес поради постоење основи на сомнение за сторени кривични дела „кражба” и „оштетување и неовластено навлегување во компјутерски систем“. Имено, Ј.Т. на 11.10.2017 година во Велес, откако влегол во куќата на Н.Б., од плакар одзел два паричника во кои имало 12.500 денари, лична карта, картичка од банка со пин број и картичка за подигање на пари од шалтер. Потоа, прикривајќи го ликот со шал и капа, од банкомати, во два наврати подигнал вкупно 29.900 денари. На 18.12.2017 година, при претрес во домот на пријавениот, била пронајдена дел од облеката што ја носел на себе при подигнување на парите од банкоматот. Во службен разговор во СВР Велес Ј.Т. ги признал делата. На 29.12.2017 година околу 10,00 часот во Полицската станица-Тетово, М.Б. (1993) од Ниш, Република Србија, пријавила „силување и разбојничка кражба“ извршено над неа на 27.12.2017 година од страна на Ј. Џ.од Тетово. Имено на 27.12.2017 година околу 23.00 часот, М. Б откако ја преминала државната граница на див премин, Ј. Џ ја земал со кола и се движеле по шумски пат за с.Пирок. Во еден момент истиот застанал со возилото, физички ја нападнал, ја силувал, по што ја донел во Тетово каде и рекол да излезе од возилото и не и дал да си ја земе гардеробата и накитот кои ги носела со себе, по нејзино кажување во вредност од неколку илјади евра (брендирана роба).Се преземаат мерки за пронаоѓање на лицето и расчистување на случајот.