разделба – Kurir.mk

ДОДЕКА ФУДБАЛЕРОТ Е ВО ЗАТВОР, ТАА ПРЕКУ РАЧНО НАПИШАНО ПИСМО СЕ РАЗВЕДЕ – не може да се помири дека нејзиниот сопруг го направил тоа (ФОТО)

Дарко Андоновски — Thu, 16 Mar 2023 14:20:09 +0000

Сопругата на Дани Алвеш го објави раскинувањето со поранешниот фудбалер. Во моментов поранешниот дефанзивец на Барселона и Бразил е во притвор. Тој е обвинет за силување на девојка во ноќен клуб. Џоана Санс објави рачно напишано писмо на Инстаграм. - Од детството пишувам за моите чувства за да ги исфрлам - веројатно затоа што сум единственото дете во семејството. Што и да е, ми помага. Ова беа ужасни месеци - не најтешките во мојот живот, бидејќи се соочив со многу проблеми - но многу темни и болни. За животен партнер избрав личност која во моите очи беше совршена. Секогаш беше тука кога ми беше најпотребен, секогаш ме поддржуваше во сè, секогаш ме туркаше да растам, беше љубовен, внимателен ... Тешко ми е да се помирам со фактот дека оваа личност може да ми го скрши срцето на илјада парчиња. Ќе ми требаат години да го избришам од сеќавањето како ме гледаше - како да сум главното светско чудо. По ѓаволите, и покрај сета болка што ми ја предизвика, сепак сум тука, до него и ќе останам таму, но во друга улога. Го сакам и секогаш ќе го сакам без разлика што некој ќе каже. Но, исто така многу се сакам, почитувам и ценам себеси. Еве една силна жена се движи во следната фаза од нејзиниот живот“, напиша Санс.

View this post on Instagram

A post shared by Joana Sanz (@joanasanz)

Дани и шпанската манекенка беа во врска од 2015 година, а се венчаа во 2017 година. Во 2023 година, откако Алвеш беше уапсен, 30-годишната жена поднесе барање за развод. Ова е втор брак на фудбалер. Има две деца од претходнито брак.

Ја изневерил сопругата, одмаздата ја добил од неговата мајка

Ивона Петрова — Wed, 26 Oct 2022 09:18:18 +0000

Мајка решила да му се одмазди на нејзиниот син кој ја изневерил сопругата со колешка од работа, пренесува Мирор. Имено, мајката решила да го „удри“ синот онаму каде што најмногу го боли, па неговото куче го однела во куќата на неговата поранешна сопруга и децата, додека тој бил на работа во странство. -Го сакам мојот син со целото мое срце, но тој навистина ја направи најглупавата работа досега. Се ожени на 20 години, а неговата поранешна сопруга веќе имаше тригодишна ќерка која ја сакам како своја внука. Имаа и едно дете заедно, мојот втор внук кој има две години. Тие беа совршено семејство, но тој го уништи со аферата што ја имаше со колешката. Неговата поранешна сопруга го избрка од дома и тој реши да се врати кај мене, напиша таа во објавата. Бидејќи бил дома само 12 дена во месецот, не сакал да изнајми стан, а мајка му му дозволила да остане кај неа. Решил да и се одмазди на сопругата, па со себе го донел и своето куче кое децата многу го сакале. Кучето е големо во раст и таму каде што живеело имало совршени услови. Мајката вели дека живее во стан во центарот на градот и нема услови за куче, особено не толку големо. Исто така, вели таа, нејзиниот син целосно го запоставил кучето и всушност го чува само за да ја иритира својата поранешна сопруга што го избркала од дома. -Додека работеше во странство,и се јавив на неговата поранешна сопруга и ја прашав дали сака кучето да се врати. За малку ќе заплачеше од среќа и веднаш спакував се што му припаѓаше на кучето и го одведов таму. Моите внуци беа пресреќни. Но, кога син ми дојде дома, почна да ме нарекува со секакви имиња бидејќи го дадов кучето, на што јас само му реков дека повеќе нема да биде добредојден во мојот дом ако се обиде да оди да го земе кучето и повторно да го донесе, објасни таа. Што мислите за овој потег на мајката?

Овие три хороскопски двојки до крајот на октомври ќе доживеат разделба!

Дарко Андоновски — Mon, 10 Oct 2022 13:37:44 +0000

Бик и Девица Искрено, тоа е вистинска судбина, која ги споила во љубов овие хороскопски знаци. Може да почнат мали расправии, кои на крајот од месецот ќе се претворат во големи скандали и разделба. Терезија и Стрелец Зборливи, суетни, и со сопствената филозофија на животот, двата зодијака живеат во нивниот свет. Љубовта меѓу нив едвај цвета, постепено се развива, и на ниеден начин не можеме да кажеме дека е страсна. Октомври ќе направи да ги преиспитаат своите односи и да бараат нови контакти со спротивниот пол. Лав и Јарец Во оваа двојка, љубовта многу често се меша со страст. За жал, покрај прекрасната врска меѓу нив, овие два знаци од Зодијакот не можат да ја делат моќта во врската. Октомври ќе ги натера да ја преиспитаат својата љубов.

Федерер заработил неверојатни шестотини милиони долари од разделбата со „Најк“!

Ристе Здравков — Thu, 07 Oct 2021 08:58:18 +0000

Рожер Федерер е еден од најдобрите тенисери на сите времиња, но убедливо најдобар кога е во прашање маркетинг делот и инкасираните средства од страна на спонзорите. Швајцарецот во овој момент е недопирлив на врвот како спортист кој добива најмногу годишни примања од спонзори и е далеку пред ѕвезди како Роналдо, Меси и Леброн ( заработува 90 милиони долари), но по објавената Форбс листа пред извесно време, сега со интересно тврдење се јави и Џо Помплијано, познат бизнис експерт кој го истражува потеклото на парите во спортската сфера. Помплијано открива дека Федерер остварил неверојатна и нестварна заработка во последните две и пол години, и тоа откако решил да стави крај на долгогодишната соработка со „Најк“. Американскиот бренд го загуби Федерер од својата листа на амбасадори во 2018-та година кога не беше продолжен договорот според кој тенисерот од Базел добиваше 10 милиони долари годишно, од едноставна причина што „Најк“ не сакал да ја израмни понудата од јапонскиот бренд. „Уникло“ му понуди десетгодишен договор на Федерер вреден 300 милиони долари и Рожер доста брзо го прифати, а поволна вест за Швајцарецот беше и тоа што Јапонците се обврзаа да го доисплатат дури и во ситуација тој да се повлече од професионалното играње тенис пред истекот на договорот. Федерер има загарантирани 30 милиони годишно до 2028-ма година, но покрај вкупните 300 милиони долари од „Уникло“, Помплијано тврди дека тој ќе инкасира уште најмалку толку поради ситниот влог во швајцарски бренд за патики. Откако потпиша за „Уникло“, Федерер продолжи да носи патики на „Најк“ уште некое време, но потоа вложи во швајцарската компанија „On Running“ и се здоби со 3 проценти од акциите поради почетниот влог и капиталот. Две години подоцна, акциите на швајцарскиот бренд за патики пораснаа вртоглаво и бизнисот се проценува на 10 милијарди долари, што значи дека почетниот влог на Федерер сега вреди 300 милиони долари. Рожер е заштитно лице на „On Running“ и веќе беа направени неколку авторизирани модели со негов потпис, а проценките се дека почетниот влог на швајцарскиот маестро дополнително ќе расте во наредните неколку години. По вакви зделки, не е ни чудо што Федерер е само еден од шесте спортисти во историјата кои имаат инкасирано повеќе од една милијарда долари во кариерите.

Смртта ја раздели најстарата брачна двојка во светот по 79 години

Тале Кристо — Tue, 27 Oct 2020 08:33:53 +0000

Официјално најстарата брачна двојка во поновата историја на човештвото, се раздели по смртта на Хулио Цезар Мора Тапија на 110-годишна возраст во неговиот дом во Кито, Еквадор. Неговата сопруга Валдрамина Мекловија Квинтерос Рејес е се уште жива и има 104 години. Тие се венчале во 1941 година, а во август влегоа во Гинисовата книга на рекорди, како најстара брачна двојка во светот. Тие беа во брак 79 години и заедно имаа 214 години. Според еквадорските медиуми, Тапија починал од „неспецифична деменција“. Двојката имала пет деца, од кои секое завршило колеџ. Покрај пет деца, тие имаат и 11 внуци, 21 правнук и девет праправнуци.

Зошто размислуваме за некој со кого сме имале краткотрајна врска?

Ристе Здравков — Sat, 08 Feb 2020 20:54:17 +0000

Сигурно на сите барем еднаш во животот ви се случило со денови да размислувате за личност со која не сте успеале да остварите врска. Неколку излегувања, одење во кино, пријатни разговори, вечери, прошетки и на крај само текстуална порака во која пишува дека помеѓу вас нема хемија.

Лицата после вакво раскинување често се емоционално растроени и не се подготвени за нова врска. Тие често, за да ја намалат својата тага ги проверуваат Инстаграм и Твитер профилите поставувајќи си го прашањето што тргнало по зло. Понекогаш раскинувањето на кратка врска може да биде полошо и од прекинување на врска со долгорочен партнер. Што всушност се случува? Кога ќе ве остави некој кој го сакате тоа навистина може да биде тешко, а психолозите велат дека тоа е сосема нормална и вообичаена појава. Рој Баумајстер и Сара Вотман напишале студија за невозвратена љубов. За ова истражување учествувале 155 мажи и жени. Повеќе од 98% од нив рекле дека имале ваква врска и вакво раскинување во некој момент од животот. Причината за ваквите појави е што себе се сметаме за повеќе посакувани отколку што навистина нè посакуваат. Имено, науката потврдила дека луѓето не можат да проценат кога некој е надвор од нивната лига. Клиничките психолози велат дека е нормално да се чувствува почетен шок и болка поради одбивање од личноста со која сте се впуштиле во кратка врска. "Не е чудно ако личноста продолжи за размислува за краткорочниот партнер после завршувањето на врската. Тоа се случува многу често отколку што луѓето сакаат да признаат", вели Шани Грејвс, лиценциран советник за ментално здравје во Њујорк и додава дека одбиените личности често се чувствуваат збунето и повредено. Она што е добра вест е дека без разлика во каква врска сте биле, еднаш ќе преболите и повторно ќе бидете среќни.

Сторија на ТВ21: Солзи и тага во автобусот за Германија, брат се разделува од брат заради подобар живот

Ивана Ефремовски — Thu, 28 Mar 2019 07:53:51 +0000

Часот е 9 наутро. На автобуската станица во Гостивар, пегратки и солзи. Се разделува брат од брат, а кога ќе се сретнат повторно, никој не знае. Коферите подготвени за Германија или некоја друга европска држава. Не е важно каде. Онаму, каде што ќе најдат работа. Роднините тешко ги поднесуваат разделбите со нивните најблиски. Емотивната сторија на ТВ21 ја пренесуваме во продолжение: “На пат кон Хамбург“ “Среќен пат, не се грижи“. Автобусот на компанијата НАСИР ТУРС се сообраќа на редовната линија Охрид – Хамбург. Само за за ова патување продадени се 44 билети. Откако се сместија на своите места, автобусот тргна на пат на печалба. “Во Македонија работев во општина Бутел, но многу мала плата, за 12 илјади денари, многу малку е. Принуден сум да одам на печалба. Бев во Швајцарија во 1998, ова е втор пат да одам за Германија, знам малку германски јазик“, ни рече жител на Скопје. Сунај и Хајруш не се познаваат, но ги обедини патот за на печалба. Велат дека одат со надеж дека животот ќе им се смени на подобро. Но, тешко им е што ја напуштаат татковината. „За Германија, Берлин. Бев претходно, останав 2 месеца. Дојдов овде за 10 дена и повторно одам. Порано работев во градежништво и тука и таму. Имам стан, пријатели и семејство. Одам за подобар живот. Овде тешко“, рече Сунај Тахири од Скопје. „Одам во Германија, Берлин. Имам семејство таму. Петти пат одам таму. Од Скопје сум. Овде работев но слабо, не стасува за живот затоа сакам да одам“, рече Хајруш Камбери од Скопје. Автобусите секој ден превезуваат луѓе од Македонија кон европските држави. Ако продолжи вака, нема да останат луѓе во земјава. Граѓаните заминуваат за подобар живот.

Кими за разделбата со Ферари: Не беше моја одлука

Ристе Здравков — Fri, 14 Sep 2018 07:41:02 +0000

Возачот на Ферари во Формула 1, Кими Раиконен не беше расположен кога мораше да коментира за неговата претстојна разделба со тимот. Финецот, сепак, изјави дека ова не е „негово решение“. Пред само неколку денови „Скудерија“ објави дека договорот на 39-годишниот ветеран истекува на крајот од годината и нема да биде обновен. Следната сезона, партнер на Себастијан Фетел ќе биде Шарл Леклер. Во меѓувреме Раиконен останува дел од „кралските трки“, по потпишувањето на 2-годишниот договор со Заубер, тимот во кој го направи дебито во Ф1. - Разделбата со Ферари? Тоа не беше до мене и не беше моја одлука. Таква е разврската, барем имаме некаква разврска, изјави „Ајсмен“ на пресот пред Гран-при викендот во Сингапур. Тој остро одговори во однос на прашањето дали е среќен што оди во помал тим како Саубер. - Зошто да не сум?! Сакам да одам таму. Зошто ги правите нештата толку комплицирани? реторички го праша Раиконен новинарот кој му го упат прашањето. Во однос дали ова ќе биде неговиот последен договор, Кими изјави дека постои голема шанса тоа да е случај. - Ќе престанам да се натпреварувам, кога ќе почувствувам дека тоа е вистинското нешто за мене, додаде Раиконен.