„Каталонија не се откажува од стремежот за независност“

Даниел Василев — Mon, 09 Jul 2018 16:17:03 +0000

Каталонија на никаков начин не се откажува од идејата да дојде до независност, изјави денеска претседателот на каталонската регионална Влада, Ким Тора по средбата со шпанскиот премиер Педро Санчез во Мадрид. Шпанската Влада по средба повтори дека е против идејата за одржување референдум за самоопределување на Каталонија. - Нема што многу да се зборува за таа тема, бидејќи правото на самоопределување на постои во Уставот на Шпанија, изјави по средбата шпанската вицепрермиерка Кармен Калво. Таа нагласи дека Тора на средбата го покренал прашањето за самоопределување, додавајќи дека наместо тоа, треба да се разговара за автономија. Калво нагласи дека средбата била ефективна од работна гледна точка и минала во пријателска и опуштена атмосфера, при што Санчез и Тора се договориле одново да почне со работа комисијата составена од претставници на Владата на Шпанија и каталонската регионална Влада, која не заседавала во последните неколку години. - Тора го покани Санчез на средба во Барселона, информира Калво додавајќи дека „каталонската криза“ не може да се реши без вложување напори од двете страни. Денешната средба во седиштето на шпанската Влада во Мадрид беа први официјални разговори меѓу централните и каталонските власти по ланскиот реферемдум за независност на Каталонија, кој Уставниот суд на Шпанија го прогласи за неуставен и незаконски. Во пресрет на средбата, Тора предложи организирање на легален реферемдум за независност на Каталонија, како единствен начин за излез на политичкот ќорсокак. - Се додека не бидеме во можност да гласаме на реферндум, кој ќе биде легален и обврзувачки и кој го признаваат двете страни како валиден, можно е никогаш да не најдеме решение, оцени Тора. По референдумот за независност на Каталонија одржан лани во октомври, тогашната шпанска Влада на Маријано Рахој воведе директна управа над Каталонија и ги распушти регионалните органи на власта - Владата и Парламентот, во кој доминираа сепаратистичките партии. На предвремените избори во декември, сепаратиситчките партии одново освоија мнозинство во каталонскиот Парламент, со што земјата западна во ќорсокак. МИА

Разговори Мадрид-Барселона за надминување на кризата во Шпанија

Даниел Василев — Mon, 09 Jul 2018 13:33:21 +0000

Шпанскиот премиер Педро Санчез денеска во Мадрид се сретна со претседателот на каталонската регионална Влада, Ким Тора во обид за надминување на политичката криза во земјата предизвикана по ланскиот референдум за независност на Каталонија. Денешната средба во седиштето на шпанската Влада во Мадрид се први официјални разговори меѓу централните и каталонските власти по реферемдумот. Во пресрет на средбата, Тора предложи организирање на легален реферемдум за независност на Каталонија, како единствен начин за излез на политичкот ќорсокак, имајќи предвид дека ланското референдумско изјаснување шпанскиот Уставен суд го прогласи за незаконско и противуставно.

- Се додека не бидеме во можност да гласаме на референдум, кој ќе биде легален и обврзувачки и кој го признаваат двете страни како валиден, можно е никогаш да не најдеме решение, оцени Тора. Шпанската Влада на вакваото барање излезе со оценка дека самоопредлувањето на регионите во Шпанија не е дозволено со Уставот на земјата од 1978 година. Сепак, според портпаролката на шпанската Влада и министерка за образование Изабел Кела, Мадрид има големи очекувања од денешната средба. - На состанокот донесуваме сила, надеж и цврстина и очекуваме реципроцитет, изјави Кела.

Според најавите од Мадрид, се очекува Санчез да му предложи на Тора шпанската Влада да ги одблокира прописите за општествените прашања и да вети инвестиции во инфраструктурата и други проекти, кои не ги реализираше претходниот владин Кабинет на Маријано Рахој. По референдумот за независност на Каталонија одржан лани во октомври, тогашната шпанска Влада на Рахој воведе директна управа над Каталонија и ги распушти регионалните органи на власта - Владата и Парламентот, во кој доминираа сепаратистичките партии. На предвремените избори во декември, сепаратиситичките партии одново освоија мнозинство во каталонскиот Парламент, со што земјата западна во ќорсокак. Новата Влада на Санчез се обидува да најде излез од ќорсокакот, а денешниот состанок претставува еден од обидите за изнаоѓање решение за кризата. МИА

разговори Мадрид – Барселона – Kurir.mk

„Каталонија не се откажува од стремежот за независност“

Разговори Мадрид-Барселона за надминување на кризата во Шпанија