разузнавање – Kurir.mk

Египетски разузнавач тврди дека Израелците биле предупредени дека ќе се случи нешто големо

Ристе Здравков — Mon, 09 Oct 2023 08:34:42 +0000

Функционер на египетското разузнавање изјави дека Египет, земја која често дејствувала како посредник меѓу Израел и Хамас, неколку пати разговарала за „нешто големо“ со Израелците, пишува „Тајмс оф Израел“. Тој вели дека израелските власти биле фокусирани на Западниот Брег и ја игнорирале заканата од Газа. Владата на Нетанјаху е составена од поддржувачи на еврејските доселеници од Западниот Брег, кои побараа безбедносни мерки соочени со растечкиот бран на насилство таму во последните 18 месеци. – Ги предупредивме дека доаѓа експлозија на ситуацијата, и тоа многу брзо, и дека ќе биде голема. Но тие ги потценија таквите предупредувања, вели функционерот, кој сакал да остане анонимен бидејќи не е овластен да зборува за медиумите за содржината на чувствителните разузнавачки дискусии. Египет стана првата арапска земја што склучи мир со Израел во 1979 година, но политиката на Израел кон Палестинците го прави непопуларен кај многу Египќани. Полицаец вчера уби двајца израелски туристи и нивниот водич во египетскиот град Александрија.

Влада: Законите за следење на комуникациите и за АНБ да преминат во надлежност на Министерството за правда

Ивона Петрова — Tue, 02 May 2023 15:32:15 +0000

Владата на Република Северна Македонија на денешната седница ja разгледа и ја усвои Информацијата во врска со потребата - Законот за следење на комуникациите и Законот за Агенција за национална безбедност, од надлежност на Министерството за внатрешни работи да преминат во надлежност на Министерството за правда. Како што се наведува во соопштението од владината прес-служба, констатирано е дека Министерството за правда е ресорно министерство за Законот за следење на комуникациите и Законот за Агенција за национална безбедност и носител на активностите при нивно евентуално изменување, односно донесување нови. -Во образложението на Министерството за внатрешни работи е наведено дека Законот за следење на комуникациите, беше донесен во април 2018 година, како резултат на спроведени суштински реформи на безбедносно-разузнавачките служби, а со цел имплементација на препораките на Групата високи експерти за системски прашања од владеење на правото во врска со следењето на комуникациите (препораките на Прибе), се наведува во соопштението.

Британско разузнавање: Руските сили се поблиску до Киев, се прегрупираат

Магдалена Андонова — Sat, 12 Mar 2022 08:14:02 +0000

„Голем дел“ од руските сили сега се на 25 километри од центарот на градот на Киев, соопшти британското Министерство за одбрана во последниот разузнавачки извештај. Во проценката се додава дека големата руска колона северно од главниот град се распрснала – „веројатно во обид да го опколи градот“. „Тоа, исто така, може да биде обид на Русија да ја намали својата ранливост на украинските контра напади, кои нанесоа значителна штета на руските сили“, соопшти британското Министерство за одбрана. Во извештајот уште се додава дека градовите Чернигов, Харков, Мариупол и Суми се опколени и се соочуваат со силно гранатирање. Во меѓувреме, украинското Министерство за одбрана утринава објави видео на кое, како што информира, се гледа како се „непријателските сили на пат кон Киев се уништени со воздушен напад“. „Непријателскиот контролен пункт во правец на Киев е уништен. Нашите воздушни сили работат“, напиша Министерството во описот на снимката. Автентичноста на снимката засега не може да се потврди од независни извори.

Директор на разузнавачката заедница: Кина и Русија најголема закана за САД

Ристе Здравков — Tue, 29 Jan 2019 18:43:15 +0000

Русија и Кина претставуваат најголема закана за САД во однос на шпионажа, кибер напади и нивна подобра соработка отколку во претходните неколку децении, изјави директорот на американската разузнавачка заедница Ден Коутс. – Кина, Русија, Иран и Северна Кореја се повеќе користат кибер операции, за да им се заканат и на нашите умови и на машините на се поголем број начини – за да крадат информации, да влијаат врз нашите граѓани, да ја попречуваат клучната инфраструктура, рече Коутс во своето сведочење пред Разузнавачкиот одбор на американскиот Сенат. Тој истакна дека Москва и Пекинг сега се поблиски отколку во претходните децении.

Словенечката разузнавачка служба го прекина штрајкот што траеше 11 месеци

Ристе Здравков — Mon, 22 Oct 2018 13:44:19 +0000

Вработените во Словенечката разузнавачка служба од СОВА го прекинаа својот бел штрајк по разговори со новоизбраниот директор Рајко Козмељ, потврди денеска претседателот на Синдикатот на државните органи на Словенија. Разузнавачите штрајкуваа од 1 декември минатата година, постигнувајќи рекорд во должината на синдикален протест во историјата на Словенија досега, но, како што велат нивните синдикати, ја извршувале целокупната работа за разузнавање и безбедност на државата и граѓаните. – Синдикатот на разузнавачката агенција го прекина штрајкот, бидејќи му верува на новиот директор дека новата влада ќе ја поправи ситуацијата во агенцијата, изјави денеска Франчишек Верк, претседател на синдикалната унија во државните органи и тела.

Да не се потценува руската разузнавачка служба, предупредува британски министер

Ристе Здравков — Tue, 09 Oct 2018 14:02:44 +0000

Неодамнешните неуспеси на руската разузнавачка служба (ГРУ) овозможија да се смеете на сметка на нивните шпиони, но Западот не би требало да ги потцени вештините на некогаш моќните шпионски служби на Кремљ, изјави денеска британскиот министер за безбедност Бен Валас. Западните земји ја обвинија ГРУ дека води глобална хакерска кампања, целејќи на институциите во спортот задолжени за анти-допинг тестирања, компании за нуклеарна енергија и опсерватории за хемиско оружје. - Не би требало да ги потцениме, ниту опасната и невнимателна употреба на нервен агенс на нашите улици, а не треба ни да заборавиме дека на почетокот нашите полиција и МИ5 вложија голем труд за да ги пронајдат, истакна Валас.