развод – Kurir.mk

Легендарната Мерил Стрип (74) се разведува по 45 години: Ова долго го криела од јавноста!

Ивана Ефремовски — Sat, 21 Oct 2023 16:55:35 +0000

Познатата актерка стави точка на бракот со две години постариот сопруг. Легендарната актерка Мерил Стрип (74) по четири ипол децении се разведува од сопругот Дон Гамер (76). Двајцата решија да дадат заедничка изјава за медиумите каде открија дека веќе шест години живеат одвоено, но дека ќе продолжат да се грижат еден за друг, објави „Пејџ шест“. Мерил и Дон, кои се венчаа во 1978 година и имаат четири деца, последен пат беа видени заедно на доделувањето на Оскарите во 2018 година. Тие се запознале по смртта на Џон Касел, со кој актерката била долги години, кој починал од рак на белите дробови. Кон крајот на седумдесеттите, оскаровката за „People“ изјавила дека смртта на Џон ќе ја следи до крајот на животот. - Неговата смрт ме натера да се соочам со конечноста и дека и јас ќе умрам порано или подоцна. После тоа почнав да гледам на се поинаку, изјавила тогаш Мерил.

Дали престанавте да водите љубов со партнерот? Проблемот не е наивен!

Ивана Ефремовски — Thu, 19 Oct 2023 20:02:41 +0000

Експертот за врски Трејси Кокс вели дека ова може да доведе до развод. Во студијата спроведена од колумнистката Сузи Годсон, дури 44 отсто од паровите на возраст меѓу 36 и 55 години имаат интимни односи еднаш неделно. 32 отсто од нив изјавиле дека имаат секс само еднаш месечно. Единаесет проценти од паровите признале дека се интимни со партнерот еднаш годишно, додека девет проценти од нив престанале да практикуваат интимни односи. Само четири проценти од паровите рекле дека водат љубов секој ден. Овие резултати се тесно поврзани со честите разводи, бидејќи ако имате добра и квалитетна сексуална врска, таа носи 20 проценти повеќе задоволство од вашата врска или брак. Меѓутоа, кога паровите ќе престанат да уживаат во кревет, врската нужно почнува да страда. -Интимниот чин прави да се чувствуваме посакувано, привлечно, психички здраво и го стимулира нашето расположение, рекла Трејси. -Ако престанете да разменувате нежности, ризикувате и двајцата да го посакаат истото со некој друг, додаде таа. -Затоа, пред уште еднаш да одбиете секс со партнерот затоа што и двајцата сте мрзоволни, затоа што сте заедно со години и се изгледа како еден голем напор, ве советувам да размислите двапати, заклучува таа.

Анџелина Џоли за животот по разводот од Бред Пит: Ни требаше долго време да се опоравиме

Ивона Петрова — Thu, 28 Sep 2023 06:54:19 +0000

Анџелина Џоли во интервју за магазинот „Вог“ зборуваше за својот приватен живот и за бизнисот што го започнала. -Имав 26 години кога станав мајка. Целиот мој живот се промени. Ме спаси тоа што имав деца. Мислам дека ќе се свртев кон многу помрачна страна од животот да не сакав да им се посветам. Тие се подобри од мене токму затоа што сакам тоа да бидат, рече таа. Анџелина и Бред Пит објавија дека се разведуваат во 2016 година. Тие имаат шест деца: Медокс (22), Пакс (18), Захара (18), Шајло (17) и близнаците Вивиен и Нокс (15). Анџелина во интервјуто напоменува дека и на 48 години се уште се труди да се пронајде. -Во последните десет години се чувствувам изгубено. Не сакам да откривам многу детали за ова, изјавила таа и накратко се осврнала на животот на семејството по разводот со Бред Пит. -Ни требаше долго време да се опоравиме. Се уште се обидуваме да застанеме на нозе, рече таа. Таа неодамна лансираше моден бренд наречен Atelier Jolie. -Не сакам да бидам моден дизајнер, туку да изградам компанија каде што другите луѓе ќе можат да станат дизајнери. Се надевам дека ќе променам многу аспекти од мојот живот, а ова е само еден од нив, рече таа.

Никој нема совршен брак: Надминете ги ОВИЕ фази и љубовта ќе трае засекогаш

Ивана Ефремовски — Mon, 18 Sep 2023 12:58:31 +0000

Добриот брак значи работа на себе, толеранција и компромис. Сите имаат проблеми и недоразбирања во бракот, но понекогаш се чувствувате како да е најлесно да се откажете. Но, доколку сте ги надминале следниве неколку наведени непријатни фази, вашиот брак веројатно ќе трае засекогаш. Критикување Критиката може да биде добра работа, но партнерот понекогаш може да се чувствува како да го напаѓате и тоа може да стане голем проблем, посебно ако сте в брак. Критикувањето на висок тон укажува дека со него нешто не е в ред, па тој ќе почне да се брани, што може да доведе до огромна караница. Стручните лица советуваат укажувањето на туѓите грешки да биде со што поблаг и посмирен тон. Давање отпор Повеќето од нас имале мигови кога партнерот почнал „да гради ѕид“ и не сакал да разговара за да се реши некој проблем. Понекогаш тоа може да го доживеете како да Ве игнорира. Психологот Џон Готман смета дека 80 отсто од мажите го прават тоа. Изгледа како ништо да не го мачи, но однатре – хаос. Така, ако треба да разговарате за проблем, одберете го вистинскиот миг – кога тој е посмирен и подготвен за разговор. Ве привлекува некој друг? Дури 70 отсто од мажените жени признаваат дека во одреден период ги привлекувал друг маж. Тоа е сосема нормално и не значи дека ќе извршите прељуба. Важно е да не реагирате на тие чувства и бидете свесни за она што правите. Не се оддалечувајте од партнерот само затоа што во тој миг сте збунети. Во животот има многу искушенија, но довербата е една од највредните нешта во врската и тоа не треба да го прокоцкате и изгубите. Презир и нетрпеливост Било да се работи за саркастични коментари, превртување очи или зајадливо исмевање, ваквото однесување може да биде уништувачко за кој било однос. Работете на себе си и настојувајте кон партнерот да покажувате повеќе разбирање и љубов. Размислувате да си заминете од сѐ Деца, финансиска криза, „токсични членови“ на семејството можат да ве доведат до лудило. Се чувствувате како да не припаѓате таму и тогаш сѐ што сакате е да заминете и повеќе да не се вратите. Оваа фаза може да се случи во кој било период од бракот. Но, тоа е само моментно расположение во вашиот живот и ако заедно со партнерот работите на тој проблем, брзо ќе ја надминете таа криза. Бракот значи споделување на среќата, но и на проблемите. Прифаќање и простување Ова е фаза кога сфаќаме дека не може импулсивно да ги решаваме проблемите, како во врската. Кога ќе бидете подготвени да му ја простите на сопружникот неговата тврдоглавост и ги прифатите неговите добри и лоши страни, тогаш е сигурно дека вашиот брак ќе трае засекогаш. По надминувањето на сиве овие фази и стекнатото искуство, вашиот однос и бракот воопшто, ќе бидат поцврсти. Кавгите ќе бидат поретки, а проблемите ќе се решаваат со брз договор. Со поголема доверба, и двајцата ќе се чувствувате посигурно.

Пред само еден месец се заколнаа на вечна љубов, а сега се разведуваат: Раперот Ша призна дека Вања го напуштила

Ивана Ефремовски — Thu, 31 Aug 2023 08:26:30 +0000

Раперот Ненад Алексиќ Ша и тиктокерката Вања се венчаа пред еден месец, а сега веќе се разведуваат. Тие се заколнаа на вечна љубов во црква, а сега по само еден месец бракот пропадна. Ненад на својот Инстаграм ги избриша сите фотографии со сопругата Вања, но ја отстрани и од социјалните мрежи. Ша се огласи за „Блиц“ и потврди дека се разведува од сопругата Вања. -Си замина пред некој ден, сака развод. Тоа трае долго време. Од самиот почеток не била заинтересирана за брак. Не знам што да ти кажам. Нема причина, нема ништо. Немаше никакво неверство, ниту од моја, ниту од нејзина страна. Најголем шок ми е да сфатам се, разочарано изјави Ненад за Блиц. Да потсетиме, Ша ја изневеруваше сопругата Ивана Алексиќ во „Задруга“ со Тара Симов, па веднаш по излегувањето од реалното шоу тие раскинаа.

Мажите треба да го знаат ова: Жените поради едно нешто го напуштаат човекот којшто го сакаат

Ристе Здравков — Thu, 31 Aug 2023 07:44:34 +0000

Сигурно некогаш сте биле изненадени со одлуката од некој пар да се разведе, особено доколку станува збор за пар којшто навистина се сака и почитува. Разводите меѓу сопружниците каде има љубов се чести, но никому не му е јасно поради што доаѓа до тоа? Брачен советник којшто работи и со мажи и со жени низ кризните години, го изнел своето мислење и заклучок зошто доаѓа до крај на бракот меѓу луѓето кои се сакаат. Додека многу од ситуациите се сложени, постои и многу едноставна вистина која мажите треба да ја знаат: жените ги напуштаат мажите кои ги сакаат. Се чувствуваат страшно поради тоа. Срцето им е скршено, но тие го прават тоа. Тие собираат храброст и своите ресурси и заминуваат. Жените ги напуштаат мажите кои имаат деца, домови и животни. Жените заминуваат поради многу причини, но постои една причина која мажите треба да ја сфатат: жените си заминуваат затоа што мажите не се присутни. Тој работи, игра голф, игра видеоигри, гледа телевизија... Списокот е долг. Во суштина, тоа не се лоши луѓе. Тие се добри татковци, тие го поддржуваат своето семејство. Мили се и симпатични, но не се присутни во животот на жените. Жените вообичаено велат: „Некој би можел да дојде и да ме освои, без оглед на мојот сопруг“. Жените сакаат мажите да ги почувствуваат. Не сакаат отсутност или недостаток на сексуални односи. Сакаат да ја почувствуваат страста. Важно е да ја „гледаат“ својата жена, да го „уловат“ нејзиниот поглед, таа да се чувствува сакано. „Зборувам за пет минути дневно во кои ќе бидеш целосно присутен со жената со која го споделуваш животот. Ќе биде целосно отворен, слушај и гледај без осудување“, изјавил овој брачен советник.

Нема да верувате колку пари му дава Бритни Спирс секој месец на поранешното момче – „за него ќе нема зима по разводот“

Дарко Андоновски — Fri, 25 Aug 2023 11:23:49 +0000

Бритни Спирс му плаќа луксузен стан во Лос Анџелес на својот сопруг Сем Асгари, по објавата дека се разведуваат. Месечниот наем за ваков стан е 10.000 долари. Наводно, тоа го предложила самата пејачка. Според брачниот договор, Асгари може да бара милион долари за секои две години брак. Бритни и Сем се во брак само 14 месеци. Имотот на американската поп-ѕвезда се проценува на вкупно околу 60 милиони долари, а Асгари не може да бара дел. Тој, исто така, нема права на нејзините песни и нивниот дом во Таузенд Оукс вреден 11,8 милиони долари, пишува „Ти-ем-зи“. Претходно во западните медиуми се појавија податоци дека Асгари барал ревизија на брачниот договор, заканувајќи се во спротивно дека ќе објави инкриминирачки докази за Спирс. Неговиот претставник Брендон Коен ги одрече тие наводи. За разводот на Бритни Спирс и Сем Асгари се објави на 17 август. Се наведува дека причината е изневерувањето на Спирс со една од куќните помошнички во нивниот дом во Калифорнија. Наводно, Асгари имал и видео што го потврдува тоа. Покрај тоа, пејачката, која според познаници, е во „кревка хиперсексуална состојба“, побарала вработената да ја слика гола. Според некои извои, Асгари страда од депресија. Асгари и Бритни Спирс се во врска од 2016 година, а се венчаа минатиот јуни. Пред свадбата склучиле предбрачен договор.

ПРВПАТ ВО ЈАВНОСТА ПО РАЗВОДОТ – Бритни Спирс во шокантно издание и облека откако е сама, лесно е да се препознае во каква состојба е (ВИДЕО)

Дарко Андоновски — Mon, 21 Aug 2023 08:11:35 +0000

Американската пејачка Бритни Спирс првпат беше забележана во јавноста откако објави дека се разведува од сопругот Сем Асгари. Фотографиите ги објави Дејли Мејл. Бритни Спирс влезе во објективите на папараците кога го напушти ресторанот Dave’s Hot Chicken во Калифорнија. На фотографиите и видеото, 41-годишната пејачка е „уловена“ облечена во бел предимензиониран џемпер со „спуштена“ раменица и кратки тексас шорцеви. Според очевидци, ѕвездата изгледала вознемирено кога го напуштила ресторанот во придружба на нејзините двајца телохранители. На 16 август се дозна дека Бритни Спирс се разведува од Сем Асгари една година по венчавката. Според новинарите, една недела претходно Асгари и Бритни се степале поради гласините за нејзиното неверство. Потоа, тој се иселил од нивната заедничка куќа и поднел барање за развод. Медиумите објавија дека Спирс го пријавила нејзиниот сопруг за семејно насилство. На 19 август, Бритни Спирс им се обрати на нејзините следбеници на социјалните мрежи признавајќи им дека сега ѝ е тешко да изразува емоции, бидејќи „секогаш морала да ги крие своите слабости“.

View this post on Instagram

A post shared by Maria River Red (@britneyspears)

ЖИВЕЕ ВТОР ЖИВОТ ПО РАЗВОДОТ – поранешната финска премиерка се забавува на журки каде и да стигне, а кога ќе видите како се облекува ќе подзинете! (ФОТО)

Дарко Андоновски — Fri, 18 Aug 2023 09:39:43 +0000

Поранешната финска премиерка, Санна Марин и поранешниот фудбалер Маркус Раиконен се разведоа по 19 години заеднички живот, а судејќи по фотографиите на Инстаграм за неа животот штотуку почнува. -Заедно поднесовме барање за развод, благодарни сме за 19 годишниот заеднички живот и нашата заедничка ќерка. И понатаму сме најдобри пријатели, оладени еден кон друг и родители полни со љубов. Ќе продолжиме времето да го поминуваме заедно како семејство, напиша во една прилика таа на Инстаграм. Во меѓувреме таа постојано ги почестува следбениците на Инстаграм од забавите на кои присуствува со своите пријатели и покажува како навистина ужива во животот. Истото се случи и овој пат кога таа позираше во проѕирен фустан на еден фестивал истакнувајќи ја својата витка линија и тело. А, потоа објави и друга фотографија со гол стомак и кратко мини здолниште. Инаку, таа се најде во центарот на вниманието по скандалот поради тоа што иако имала позитивен КОВИД тест во 2021-та година таа заминала на забава во диско клуб.

Пеколниот план на Анџелина Џоли: Планира да го одложи разводот со Бред Пит за уште четири години

Ивона Петрова — Mon, 07 Aug 2023 09:54:50 +0000

Долгогодишната битка за развод на поранешната омилена двојка Бранџелина е далеку од завршена и е на пат да стане една од најдолгите во историјата на Холивуд. Имено, 59-годишниот Бред Пит и 48-годишната Анџелина Џоли објавија дека се разделуваат во 2016 година по наводна жестока тепачка во авион во кој Џоли и најмалку две од нивните шест деца биле полиени со алкохол. А се чини дека Џоли, според новите информации, не брза да се разведе. „Таа ќе го одложи овој развод додека близнаците, кои сега имаат 14 години, не наполнат 18 години. Уште четири години“, изјави пријателката на Пит Паули Фролич за списанието NewWNation Now. Парот има шест деца: Медокс (21), Пакс (19), Захара (18), Шајло (17) и близнаците Конокс и Вивиен кои наскоро ќе наполнат 15 години. Пит наводно издвоил околу 14 милиони долари за нивното раскинување, вклучително и „заем“ од 8 милиони долари на Џоли за да купи дом со шест спални соби и десет бањи во Лос Фелиз, Калифорнија, од 24,5 милиони долари, изјави пријател на актерот. Пит се бори и со Џоли и со руски олигарх за Шато Миравал, нивниот поранешен дом и лозје во Франција. Џоли ја продаде својата половина од бизнисот со вино на „Tenuta del Mondo“ на Јури Шефлер, за што Пит тврдеше дека е незаконски бидејќи тој лично не ја одобрил продажбата. Според судските документи до кои дошол Фролич, некогашната моќна двојка изјавила дека „никогаш нема да ја продадат сопственоста на Миравал без согласност на другиот“.