разводи – Kurir.mk

Бројот на разводи во Македонија драстично зголемен: Најчесто се разведувале млади брачни парови во месец декември

Ивана Ефремовски — Sat, 04 Jun 2022 10:04:48 +0000

Во 2021 година се случиле 1.964 разводи, што претставува зголемување од 25.2 % во споредба со 2020 година, покажуваат податоците на Државниот завод за статистика. Во текот на годината, најмалку бракови, 70 или 3.6 %, се разведени во месец август, а најмногу, 202 или 10.3%, во месец декември. Според возраста, најголем број разводи се случиле во старосната група од 35 до 39 години, и тоа 364 или 18.5% кај жените и 365 или 18.6 % кај мажите. Според траењето на бракот, најмногу разводи, 451 или 23.0 %, се случиле од 5 до 9 години по склучувањето на бракот.

За нив зборуваше цел свет: Најбурните раскинувања и разводи на славните (ВИДЕО)

Ивана Ефремовски — Sat, 07 Nov 2020 19:04:43 +0000

Од Џенифер Анистон и Бред Пит, па сè до Џони Деп и Амбер Херд, погледнете кои се најбурните раскинувања и разводи на славните.

Драстично зголемен бројот на разводи во Македонија

Ивана Ефремовски — Thu, 21 May 2020 12:42:26 +0000

Во земјава лани биле склучени 13.814 бракови, што е зголемување за 2,4 отсто во споредба со минатата година, додека бројот на разводи е зголемен за 22,8 и изнесува 1.990 во минатата година, според податоците на Државниот завод за статистика. Најмногу бракови 1.747 или 12.6 отсто, се склучени во месец август, а најмалку во месец февруари, т.е. 809 или 5,9 отсто. Најчесто е стапувањето во прв брак со учество од 93,3 отсо за жените и 92,1 проценти за мажите. Во втор брак со учество од 7,4 отсто и трет брак со учество 0,6 отсто, во вкупниот број склучени бракови, почесто стапуваат мажите. Во 2019 година, најголем број бракови 4.563 или 33 отсто се склучени кај жените на возраст од 25 до 29 години. Според возраста, и кај мажите најголемиот број бракови, односно 5.159 или 37,3 отсто, се склучени во истата старосна група од 25 до 29 години, покажуваат бројките на Заводот за статистика. Просечната возраст при склучувањето прв брак е 26,9 години за невестата и 29,7 години за младоженецот. Бројот на разводите во 2019 година бележи зголемување од 22,8 отсто во споредба со 2018 година и изнесува 1.990 разведени бракови. Во текот на 2019 година, најмалку бракови, односно 43 или 2,2 отсто се разведени во месец август, а најмногу, т.е. 244 или 12,3 отсто во месец ноември. Според траењето на бракот, најголемиот број разводи, односно 430 или 21,6 отсто се случиле од пет до девет години по склучувањето на бракот.

Италијанските судови преполни со барања за развод, воведоа „онлајн развод“

Ивона Петрова — Wed, 13 May 2020 10:35:22 +0000

Пандемијата на Ковид-19 влијае на сите аспекти од животот, па карантинот во Италија го зголеми и бројот на оние што чекаат за развод до толкава мера што не можат да се решат со редовна постапка пред судија, па некои судови се одлучија на развод преку интернет. Судовите се преполни со барања за развод, па некои италијански градови, Торино, Верчели, Верона, Монца, одлучија да донесат пресуда за развод и да ја испратат до заинтересираните страни по електронска пошта. И така, барем за сега, во вонредна ситуација, озаконет е и развод „онлајн“. Во Италија, според податоците на Институтот за статистика, годишно се разведуваат околу 350 илјади луѓе, а за конечна одлука, дури и во нормални околности се чека долго. Откако во 2015 година во Италија е донесен закон за „брз развод“, ситуацијата е подобрена. По донесувањето на законот за „брз развод“, нагло се зголеми бројот на барања за развод, од 50 илјади на 80 илјади, за да се стабилизира во последните години на 90 илјади барања за развод годишно. Се уште нема податоци за тоа колку ќе влијае карантинот, или ќе им на двојките да донесат одлука дека не можат повеќе да живеат заедно. Весникот „Авенире“ наведува дека новата мерка, „развод онлајн“ може да поттикне многумина побрзо да се одлучат на тој чекор, а се спомнуваат и некои судови кои веќе заговараат „развод онлајн“ да продолжи и после пандемијата на коронавирусот. Законот за развод во Италија беше донесен во 1970 година и покрај противењето на тогашните моќни христијански демократи. Дури и денес, потребно е околу една година за две лица конечно да се разведат, а процесот чини од 800 до 2.000 евра по човек.

Македонците се помалку стапуваат во брак- Се намалиле и разводите

Предраг Кукиќ — Fri, 17 May 2019 10:38:03 +0000

Намален е бројот на склучени, но и на разведен бракови, покажува статситиката. Минатата година се склучени 13.494 брака или 2,1 отсто помалку од 2017-та, а бројот на разводи достигнал 1.620 што е намалување од 18,8 проценти. Според Државниот завод за статистика, најмногу бракови, 1.665 или 12,3 отсто се склучени во август, а најмалку, 738 или 5,5 отсто во март. Најчесто е стапувањето во прв брак со 93 проценти учество на жените и 91,8 отсто на мажите. Во втор брак со учество од 7,7 отсто и во трет брак со учество од 0,5 проценти од вкупниот број склучени бракови, почесто стапуваат мажите. Во 2018 година, најголем број бракови, 4 446, се склучени кај жените на возраст од 25 до 29 години или 32,9 отсто. Според возраста, и кај мажите најголем број бракови, 4.999 или 37 проценти се склучени во истата старосната група од 25 до 29 години. Просечната возраст при склучување прв брак е 26,9 години за невестата и 29,6 години за младоженецот. Минатат година најмалку бракови, 63 или 3,9 отсто, се разведени во август, а најмногу, 172 или 10,6 проценти во декември. Според траењето на бракот, најголем број разводи, 322, се случиле од пет до девет години по склучување на бракот.

Јануари е прогласен за месец на разводите, еве и зошто

Предраг Кукиќ — Sat, 05 Jan 2019 09:54:15 +0000

Првиот месец во годината знае да делува отрезнувачки кога се во прашање врските. Во текот на годините, полека, но сигурно, месец јануари е прогласен за месец на развод. Причината за ова е фактот што бројот на судски постапки за разводи секоја година е зголемен во првиот месец од годината. Експертите веруваат дека ова е затоа што луѓето не сакаат да започнуваат толку болни теми и големи одлуки за време на празниците. „Празниците се период кога емоциите се искачуваат на повисоко ниво, па ако сте несреќни во бракот или лути на партнерот, овој период може да биде пресвртна точка“, изјави адвокатот за разводи Џејмс Грос Хафингтон. Од друга страна, многу луѓе во декември стануваат маѓепсани од украси, светилки, паѓаат под влијание на убава, волшебна празнична музика, толку многу што веруваат дека сè може да се смени и да оди на подобро. За жал, веднаш штом ќе поминат празниците, тие се уверуваат дека биле во право и пред празниците.

Расте бројот на склучени, но и разведени бракови во Македонија

Ивона Петрова — Mon, 24 Dec 2018 07:24:09 +0000

Бројот на склучени бракови во Македонија бележи пораст, но зголемување има и кај бројот на разведени бракови, покажуваат податоците на Државниот завод за статистика (ДЗС). Според ДЗС бројот на склучени бракови во 2017 година, во споредба со претходната година, е зголемен за 4.4 отсто и изнесува 13.781 склучен брак. Најмногу бракови, 1. 771 или 12.9 отсто, се склучени во месец август, а најмалку во месец март, 764 или 5.5 отсто. Според статистиката, најчесто во прв брак стапиле 93.1 отсто жените, а 91.4 отсто мажите. Во втор брак и во трет брак почесто стапуваат мажите. Жените најчесто застанувале пред матичар на возраст од 20 до 24 години, а мажите пак од 25 до 29 години. Според припадноста кон етничката заедница на соприжниците, најмногу бракови се бележат кај македонската заедница – 7.291, потоа на албанската – 4.878, на турската – 489, на ромската – 463, на српската – 110, на бошњачката – 108, а најмалку кај влашката каде има само девет брака. Бројот на разводите минатата година, според ДЗС, бележи зголемување од 0.5 отсто во споредба со претходната година и изнесува 1.994 разведени бракови. Најмалку бракови во текот на годината се разведени во месец август, а најмногу во декември. Според возраста на сопругата и на сопругот, најголем број разводи се случиле во старосната група од 30 до 34 години. Според припадноста кон етничката заедница на соприжниците, најмногу разводи се бележат кај македонската заедница -1.132, потоа на албанската – 455, на ромската – 195, на турската -39, на српската – 33, на бошњачката – 23, а најмалку кај влашката каде има само еден развод. Што се однесува пак до бројот на сопругите кои го земаат презимето на мажот во машки род е се почесто но, како што велат од Управата за водење матични книги, не го надминува традиционалното женско презиме што завршува на –ска. МИА

Зголемен бројот на бракови, разводите намалени

Катерина Бојаџиева — Tue, 27 Feb 2018 11:36:57 +0000

Вкупно 3.119 бракови се склучени во четвртото тримесечје од 2017 година што е зголемување за 6,9 отсто во споредба со истиот период од 2016 година. Според Државниот завод за статистика, бројот на разведените бракови во ова тримесечје е 590 што претставува намалување за 9,8 проценти.