РБ Лајпциг – Kurir.mk

РБ Лајпциг сериозно загризал за Елмас, но Наполи одбил 30 милиони евра

Ристе Здравков — Wed, 23 Aug 2023 11:04:17 +0000

Кориере дело Спорт објави дека РБ Лајпциг сериозно загризал за ангажман на Елиф Елмас и понудил 30 милиони евра, но Аурелио Де Лаурентис одбил да го продаде Македонецот. Наполи добил богата понуда за услугите на Елиф Елмас, ова денеска го објави Кориере дело Спорт. Весникот вели дека РБ Лајпциг сериозно загризал за ангажман на Македонецот и на маса ставил 30 милиони евра. Сепак, Аурелио Де Лаурентис одбил да го продаде фудбалерот од средниот ред и кажал НЕ на предлогот на клубот од Бундеслигата. Кориере дело Спорт додава дека иднината на Елиф Елмас во Наполи е под знак прашалник, Македонецот во моментов одбива да стави потпис на нов договор.

Јошко Гвардиол официјално во Манчестер Сити за 100 милиони евра

Бошко Тасиќ — Thu, 20 Jul 2023 04:06:34 +0000

Хрватскиот фудбалски репрезентативец Јошко Гвардиол е нов играч на Манчестер Сити. Лајпциг и Манчестер Сити конечно се договорија за обештетувањето и Гвардиол веќе го завршил првиот дел од лекарските прегледи. „Гвардиол ги договори условите со Сити пред еден месец“, истакнува Фабрицио Романо кој редовно најбрзо ги објавува големите европски трансфери. Манчестер Сити на Лајпциг ќе му плати отштета од 100 милиони евра, а Гвардиол на тој начин ќе стане најскапиот стопер во историјата на фудбалот. Гвардиол досега за Лајпциг одигра 87 натпревари и забележа пет гола и три асистенции. Во меѓувреме и се приклучи на хрватската репрезентација за која има 21 настап и два гола, а со Лајпциг освои два Купа на Германија.

Лајпциг го отпушти тренерот

Бошко Тасиќ — Sun, 05 Dec 2021 13:49:42 +0000

Фудбалскиот клуб РБ Лајпциг денеска го отпушти тренерот Џеси Марш.Американскиот стручњак заминува по само пет месеци на тренерската функција во редовите на германската екипа, која во петокот загуби од Унион Берлин. Марш не ја водеше екипата на последните средби поради позитивен ковид тест, а неговите фудбалери не успеаја да го подигнат нивото и да го спасат од проблематичната позиција. Двете страни имале разговор во кој било донесено решение дека е најдобро да биде прекината соработката, а неговиот досегашен прв помошник ќе ја води екипата против Манчестер Сити во Лигата на шампионите. РБ Лајпциг забележа три порази по ред во Бундеслигата и има 16 бодови помалку од лидерот Баерн Минхен.

Борусија Дортмунд е освојувач на германскиот фудбалски Куп

Бошко Тасиќ — Thu, 13 May 2021 21:12:09 +0000

Германскиот Борусија Дортмунд е освојувач на германскиот куп по победата од 4:1 против Лајпциг, во финалето кое се одигра во Берлин. По триумфот минатиот викенд со 3:2 во меч од Бундеслигата, сега Борусија беше поубедлива и славеше голема победа од 4:1. Џејдон Санчо со гол во петтата минута најави каде ќе патува пехарот во десеттото финале во купот што го играше Борусија Дортмунд. Лајпциг одигра подобро во вториот дел, но стаса само до почесен гол што го постигна Дани Олмо, за потоа Халанд со вториот гол на мечот да ги постави конечните 4:1 за Борусија.

Ливерпул сигурен против Лајпциг

Бошко Тасиќ — Wed, 17 Feb 2021 06:11:22 +0000

Во првиот дуел од осминафиналето на Лигата на шампионите, фудбалерите на Ливерпул во Будимпешта како гости со 2:0 го совладаа Лајпциг, и имаат голема предност пред реваншот на својот „Енфилд“ на 10-ти март. Дуелот се играше во унгарската престолнина, поради рестрикциите за влез во Германија, особено од земјите и регионот во кои е доминантен британскиот сој на коронавирусот. Ливерпул победи благодарејќи на големите грешки на одбраната на Лајпциг. Салах сепак се запиша како стрелец во 53 минута, кој го пресече невнимателното додавање на Забитцер и отворениот пат кон противничкиот гол го претвори во водство на Ливерпул. Само пет минути подоцна Садио Мане зголеми на 2:0, по уште една голема грешка на одбраната на Лајпциг. Бекот Мукиеле ја промаши топката која беше упатена кон Мане, кој се најде во слична ситуација како и Салах при првиот погодок и лесно поентираше. Лајпциг во продолжението не реализираше неколку шанси за погодок.

Упамекано се договори со Баерн Минхен,Лајпциг најде замена

Бошко Тасиќ — Mon, 01 Feb 2021 21:16:37 +0000

Дајот Упамекано е еден најбараните фудбалери од одбраната во Европа и сигурно дека оваа лето ќе си замине од Лајпциг Французинот има откупна клаузула од 42,5 милиони евра, а неколку клуба се спремни да ја платат таа сума, пред се Баерн Минхен. Лајпциг е свесен дека на лето ќе остане без Упамекано, па веќе ја започна потрагата по негов наследник. Француските медиуми тврдат дека „биковите“ постигнале договор со Стразбур за трансфер на Мохамед Симакан. Симакан важи за еден од најголемите француски таленти и беше на мета на Милан, а за 15 милиони евра ќе се пресели во Лајпциг.

Рангник: РБ Лајпциг има шанса да го елиминира ПСЖ

Магдалена Андонова — Mon, 17 Aug 2020 12:55:41 +0000

Поранешниот тренер на РБ Лајпциг и спортски директор на клубот Ралф Рангник смета дека тимот има шанса да го совлада Пари Сен Жермен и да се квалификува за финалето во Лигата на шампионите. – Јас сум многу среќен за тимот. Огромен напредок, што не е случајно, рече Рангник во интервјуто за весникот „Митлдојче Цајтунг“ и Интернет порталот „РБЛајв“. Рагник исто така верува дека ПСЖ има неверојатни напаѓачи како Нејмар, Анхел ди Марија и Килијан Мбапе, но овој тим има и слабости: „Гледам дека имаат проблеми во одбраната и особено кај бековите“. Со ран гол, а потоа и стегната игра, во комбинација со контранапади, ќе му помогне на РБ Лајпциг да запише ново изненадување, откако во четвртфиналето го елиминираа Атлетико (Мадрид), смета искусниот стручњак. Но, и покрај овие предности на неговиот поранешен тим, тој продолжува да го прифаќа Пари Сен Жермен како фаворит и тие остануваат така заради многуте sвезди што ги имаат и фактот дека „тимот игра како еден“. Рангник беше спортски директор во Лајпциг од 2012 до 2019 година, тренер за време на промоцијата во елитата 2015-16, како и во 2018-19. Две недели подоцна, тој ја напушти функцијата шеф на развојот на фудбалот, но сепак се чувствува како дел од клубот. – Овој турнир во Лигата на шампионите е дел од минатата сезона, па затоа сум возбуден за Лајпциг и јас сум дел од тимот во тие натпревари, додаде тој. Може да се каже и дека добро ги познава двата тренери. Токму тој го отстапи местото на поранешниот играч на скромниот Улм, Томас Тухел како тренер на децата до 15 години во Штутгарт, а во моментов е шеф на Пари Сен Жермен. Од другата страна ќе биде младиот Јулијан Нагелсман, кој пристигна во Хофенхајм како тренер на младинците кога Рангник беше тренер на сениорите. И кога тој беше поканет да ја преземе работата во Лајпциг, го зеде со себе Нагелсман. – Љубопитен е фактот што им отворив пат на двајцата, но потоа тие ја заслужија секоја минута слава, рече 62-годишниот стручњак. (МИА)