Реал Бетис – Kurir.mk

Македонскиот репрезентативец Вајли потпиша за Реал Бетис

Бошко Тасиќ — Tue, 01 Feb 2022 21:18:19 +0000

Кошаркаскиот клуб Бетис го промовираше Џејкоб Вајли за нов кошаркар на екипата. Македонскиот кошаркар со американски пасош рече дека е возбуден што се враќа во Шпанија, откако играше за Сарагоса во 2019 година. „Многу сум возбуден што доаѓам овде, тоа е голем клуб и има многу таленти во тимот. Мојата улога е да ја ставам целата моја енергија и да бидам продуктивен за екипата“, објасни Вајли. Во минатото играше за Лудвигсбург, Аделаида, Панатинаикос, Сарагоса, а последен клуб му беше Будуќност за кој играше до декември. Црногорскиот клуб потоа го суспендираше поради тоа што не се вратил во Подгорица по настапите за македонската репрезентација.

Саботното градско дерби меѓу Бетис и Севиља под знак прашалник поради коронавирус

Ивана Ефремовски — Fri, 01 Jan 2021 14:58:54 +0000

Одигрувањето на градското дерби меѓу Реал Бетис и Севиља, во рамки на 17 коло во најсилната шпанска лига, е неизвесно, поради сомневање за нови случаи на заразени фудбалери со коронавирус во редовите на домашната екипа. До овој момент во таборот на Бетис е потврден еден случај на коронавирус, откако беше соопштено дека Алекс Морено е во самоизолација поради позитивен наод на тестирањето во понеделникот. Шпанските медиуми јавија дека денешниот тренинг на Бетис е одложен и целиот тим бил подложен на ново тестирање на коронавирус. Според истите извори, во редовите на Бетис постои стравување дека резултатите од тестирањето ќе покажат присуство на коронавирус кај повеќе од тројца фудбалери, што клубот би го изолирало како жариште на заразата и би довело до одложување на утрешната пресметка со градскиот ривал Севиља. (МИА)

Бетис го најави трансферот на Браво

Ивона Петрова — Mon, 31 Aug 2020 07:16:18 +0000

Поранешниот голман на Манчестер сити, Клаудио Браво се пресели во Реал Бетис. Ова е објавено на официјалната веб-страница на клубот од Севиља. Се известува дека договорот е на една година со можност за продолжување на уште една година. Триесет и седумгодишниот голман се приклучи на Манчестер сити од Барселона летото 2016 година. За четири години, тој одигра 61 натпревар за „граѓаните“ и прими 60 гола, а на 20 натпревари не беше совладан. Чилеанецот се приклучи на Бетис како слободен агент.