реал мадрид – Kurir.mk

Натпреварот со Реал на Барселона и донесе 7,6 милиони евра

Тале Кристо — Sat, 04 Nov 2023 11:16:35 +0000

Барселона речиси го повтори рекордот по приходи од „Ел класико“. Како што изјави за Каталонското радио потпретседателот за маркетинг на Барселона, Џули Гиу, последната средба со Реал (1:2) на Каталонците им донесе 7,6 милиони евра. Ова сума е рекорд за „Олимпискиот стадион“ каде се одржа натпреварот. Беше забележано и дека 7,6 милиони евра се повеќе од 60% од натпреварите на „Камп ноу“. Оваа бројка е и блиску до апсолутниот рекорд на Ел класико – 8,3 милиони евра. Најголемото дерби на шпанскиот фудбал минатиот викенд се одржа на „Олимпискиот Стадион“ попознат како „Монтжуик“, бидејќи стадионот на Барселона „Камп ноу“ се реновира.

Родриго уште три години во Реал

Тале Кристо — Thu, 02 Nov 2023 18:33:04 +0000

Бразилскиот напаѓач на Реал Мадрид, Родриго, го продолжи договорот за уште три години, до 2028., соопшти денеска шпанскиот клуб. Финансиските детали од продолжувањето на соработка не се објавени, но според информации на шпанските медиуми, во договорот е вметната откупна клаузула во висина од една милијарда евра, како и во случајот со неговиот сонародник Винисиус, кој во понеделникот го продолжи договорот со Реал. Родриго, кој дојде во Кралскиот клуб во 2016 година за сума од 45 милиони евра, минатата сезона постигна 19 голови на 37 натпревари во дресот на Реал.

Марка: Реал Мадрид е уверен дека Мбапе ќе му се приклучи на тимот следното лето

Ивона Петрова — Thu, 02 Nov 2023 12:04:48 +0000

Во Реал Мадрид се уверени дека трансферот на напаѓачот на Пари Сен-Жермен, Килијан Мбапе ќе се случи по завршувањето на оваа сезона. Како што пренесе „Marca“, управата на ПСЖ се надева дека ќе ја промени ситуацијата, но задржувањето на 24-годишниот Французин се смета за многу тешка задача. Договорот на Мбапе со парижаните е до крајот на сезоната 2023/24. Оваа сезона фудбалерот одигра 12 натпревари во сите натпреварувања, постигна 12 гола и една асистенција.

Азар: Среќем сум без фудбал, не можев повеќе да издржам

Бошко Тасиќ — Wed, 01 Nov 2023 05:01:03 +0000

Еден Азар за прв пат проговори откако одлучи да стави крај на професионалната фудбалска кариера. Откако му заврши договорот со Реал Мадрид, 32-годишниот Белгиец одлучи да стави крај на кариерата, иако за многумина тоа беше изненадувачка одлука. Азар во последните години имаше големи проблеми со повреди и пропушташе поголем дел од сезоната. „Имам само 32 години, но рано почнав да играм фудбал. Го напуштив домот на 14-годишна возраст и постигнав се што сакам. Моето тело повеќе не можеше да го издржи тој ритам. Имав некои повреди на крајот, па затоа ја донесов таа одлука. И среќен сум што донесов таква одлука“, изјави Азар

Фердинанд обjaсни зошто Белингем не заврши во Јунајтед

Бошко Тасиќ — Wed, 01 Nov 2023 04:58:22 +0000

Рио Фердинанд уште минатата година говореше за стратосферскиот развој на Џуд Белингем и постојано го препорачуваше до управата на Манчестер Јунајтед, но на крајот Англичанецот ги одби премиерлигашките и направи трансфер во Реал Мадрид. Поточно, Јунајтед не испрати ниту официјална понуда и прерано се откажа од тогашната ѕвезда на Борусија Дортмунд, а Рио Фердинанд вели дека Џуд иако имал желба за враќање во Англија, не добил гаранција дека ќе биде главен играч во тимот на Тен Хаг.

– Знаете ли што слушнав? Белингем барам гаранција дека ќе биде важен играч во првиот тим на Јунајтед, но не го добил тоа. Јунајтед не сакал да му ја даде таа гаранција. Информацијата која ја добив е од многу сигурен и добар извор. Кога не му била дадена гаранцијата, решил да си ја бара среќата на друго место, знаејќи колку вреди. Сега е во Реал Мадрид и едноставно растура во овој клуб, тој ги излуде сите на „Бернабеу“. Неверојатен е и сега слободно може да им сврти грб на тие кои не веруваа во него, – вели Фердинанд во своето последно обраќање на јутјуб каналот.

Мбапе доби прашање за Реал Мадрид, неговата реакција отвори дебата (ВИДЕО)

Ристе Здравков — Tue, 31 Oct 2023 14:15:22 +0000

Килијан Мбапе беше дел од свечената церемонија која вчера се одржа во Париз и на која беа наградени најдобрите играчи за минатата сезона, година со тоа што најважните признанија завршија во рацете на Лионел Меси и Аитана Бонмати. Мбапе ќе мора да почека некоја друга прилика за „Златната топка“, трка во која заврши на третата позиција за 2023 година. Можеби за да ја добие истата ќе треба да направи трансфер во друга средина, друг клуб со тоа што Реал Мадрид веќе долго време се поврзува со неговиот потпис. Долго време трае таа сага, па еден шпански новинар му постави едноставно прашање на Мбапе, дали ќе дојде во Реал Мадрид следната година, а напаѓачот имаше интригантна реакција, се насмевна, намигна и направи гест со вратот што уште еднаш ги подгреа шпекулациите.

Kylian Mbappé’s response to a Spanish journalist, who asked the France captain about a summer move to Real Madrid…

New saga loading⌛️pic.twitter.com/AukRjFhS8y
— Get French Football News (@GFFN) October 31, 2023

Проблеми за Анчелоти, фудбалер на Реал во „аут“ два месеци поради повреда

Бошко Тасиќ — Sun, 29 Oct 2023 15:58:24 +0000

Фудбалерот на Реал Мадрид Орелиен Чумени заработи незгодна повреда на „Ел Класико“ против Барселона и најверојатно ќе отсуствува од терените во следните два месеца, јавуваат шпанските медиуми. Дефанзивниот играч за врска доживеа скршеница на стапалото и ќе мора да замине на подолг рехабилитационен процес. Навивачите се надеваа дека лекарските прегледи нема да ги потврдат „црните“ прогнози, но сепак, Французинот ќе мора да паузира и нема да биде во комбинација за настап на следните десетина мечеви на „кралевите“.

Фановите на Барса со расистички навреди кон Винисиус, фрлена банана, се огласи каталонскиот гигант

Бошко Тасиќ — Sun, 29 Oct 2023 06:18:26 +0000

Нов случај на расизам во Шпанија и повторно мета на навреди е крилото на Реал Мадрид, Винисиус Жуниор. Откако минатиот викенд Винисиус беше навредуван во Севилја, денеска имаше нов случај на Олимпискиот стадион во Барселона. Кога излегуваше од игра, Бразилецот беше гласно исвиркуван, тој истотака ги провоцираше фановите, а некои од нив беа снимени како го гаѓаат со банана и викаат по него дека е „еб.н мајмун“. Откако снимката излезе во јавност, од Барселона излегоа со соопштение по повод овој немил настан. „Барселона секогаш ги брани вредностите на фудбалот како почит кон противниците и ќе ја истражиме секоја расистичка навреда која можеби се случила за време на мечот против Реал Мадрид” – велат од Барса.

ВИДЕО: Белингем ја покори Барселона, историја за Модриќ

Ивона Петрова — Sat, 28 Oct 2023 16:24:01 +0000

Реал Мадрид славеше во големото дерби против Барселона со 2:1 во 11. коло од Ла Лига. Каталонците на стадионот во Барселона поведоа по само шест минути со голот на Гундоган и одиграа одлично прво полувреме. Во вториот дел Анчелоти направи три измени што ги раздвижи „Кралевите“ на теренот по што новата светска сензација Џуд Белингем постигна еврогол во 68. минута за израмнување. Англискиот репрезентативец му донесе голема победа на Реал во 92. минута.

JUDE BELLINGHAM WHAT A GOAL! 🤯 pic.twitter.com/GDVzJDx69J
— TC (@totalcristiano) October 28, 2023

Лука Модриќ се запиша во историјата на популарното Ел Класико како највозрасниот играч кој настапил во ова дерби. Со оваа победа Реал Мадрид се врати на врвот на табелата во Ла Лига, додека Барселона остана на третото место со два бода повеќе од Атлетико Мадрид, но и два натпревари повеќе.

Анчелоти: Модриќ е вистински професионалец

Бошко Тасиќ — Sat, 28 Oct 2023 03:57:11 +0000

На прес-конференцијата тренерот на Реал Мадрид Карло Анчелоти беше запрашан како би му објаснил на „играч како Модриќ“ дека ќе биде резерва. „Овде сите се професионалци, не бараат објаснувања. На ист начин и јас не давам објаснувања на некој што не игра. Нема за што да се грижите“, изјави италијанскиот стручњак. Во сабота е првото овосезонски „Ел Класико“ во Примера, меѓу актуелниот шампион Барселона и Реал Мадрид, актуелниот водечки тим во шпанското првенство. Реал Мадрид по десет одиграни кола има 25 бодови, а Барселона 24. Доколку Модриќ настапи на овој меч, ќе стане најстариот фудбалер кој некогаш играл на „Ел Класико“, објави весникот „Мундо Депортиво“. Тој рекорд сега го држи поранешниот голман на Реал, Пако Бујо, кој во 1996 година стоеше меѓу стативите на возраст од 38 години и 38 дена. На тој дуел Барселона победи со 3-0. Модриќ има 38 години и 47 дена