Реал Сосиедад – Kurir.mk

Навивачите на Реал лути, невиден потег на помошниот судија на „Бернабеу“

Ристе Здравков — Mon, 18 Sep 2023 07:55:53 +0000

Реал Мадрид синоќа по пресврт го победи Реал Сосиедад со 2-1 во дербито од петтото коло на шпанска Примера и остана единствената екипа со максимален учинок. Но, она за што сите зборуваат од овој натпревар е ситуацијата од 84. минута и потегот на еден од помошните судии, кој ги шокираше сите на трибините, за што доби низа свирежи и навреди. По еден неуспешен напад на Реал Сосиедад, топката излезе надвор од границите и Кепа требаше да ја врати во игра, но се обиде да одложи, по што помошниот судија направи тотално неочекуван потег. Тој истрча на теренот и му ја додаде топката на Кепи, а тоа предизвика револт кај навивачите на Реал. Сепак, некои шпански медиуми пишуваат дека е воведено ново правило за да се спречи непотребното одложување на голманите кога нивниот тим е во водство. Помошниот судија има право му ја додаде топката на голманот за да може да ја врати во игра што е можно поскоро. Сепак, на „Сантијаго Бернабеу“ не знаеја за оваа информација, а по натпреварот почнаа да ги критикуваат судиите и да тврдат дека прават сè за да го запрат Реал Мадрид на патот до титулата шпански првак.

Арсенал го прати Тирни на позајмица во Реал Сосиедад

Бошко Тасиќ — Mon, 28 Aug 2023 04:11:49 +0000

Шпанскиот фудбалски тим Реал Сосиедад го промовираше Киран Тирни за ново засилување за оваа сезона и ќе игра како позајмен фудбалер од Арсенал. Се работи за чиста позајмица, без опција или обврска за откуп. По крајот на оваа сезона Тирни ќе се врати во Арсенал.

Реал Сосиедад се засили со Андре Силва

Бошко Тасиќ — Wed, 02 Aug 2023 11:15:44 +0000

Реал Сосиедад постигна договор со Лајпциг за едногодишна позајмица на Андре Силва. Клубот од Сан Себастијан потврди дека со играчот се договорени личните услови. Андрес Силва на 20. годишна возраст дебитираше за Порто, две години подцна за 38.000.000 евра се пресели во Милан. Сосиедад се договори за едногодишна позајмица со опција да го откупи договорот на Силва на крајот од сезоната. Силва во Сан Себастијан дојде да го замени Норвежанецот Александер Серлот кој реши кариерата да ја продолжи во Виљареал.

Реал Сосиедад прв пат победи на „Камп Ноу“ по пауза од 32 години

Дарко Андоновски — Sun, 21 May 2023 14:18:29 +0000

Фудбалерите на Барселона го прославија синоќа освојувањето на шампионската титула во шпанското првенство со пораз на домашен терен (1-2) од Реал Сосиедад што за каталонскиот клуб беше само четврти натпревар сезонава без освоен бод во Ла Лига. Баскискиот клуб до својот прв триумф на „Камп Ноу“ во последните 32 години дојде со головите на Мерино (5 минута) и Сориот (72), додека стрелец за Барселона беше Левандовски (90). Реал Сосиедад со победата се зацврсти на табелата на четвртото место, кое последно обезбедува настап следната сезона во Лигата на шампиони. На три кола до крајот на шпанското првенство Реал Сосиедад има 65 бодови, пет повеќе од Виљареал на петтото место.

Реал Сосиедад го продолжи договорот со Давид Силва

Бошко Тасиќ — Sat, 30 Apr 2022 06:01:23 +0000

Шпанскиот фудбалер од редовите на Реал Сосиедад Давид Силва потпиша нов договор со важност до јуни 2023 година објави клубот од Баскија. Последните две сезони Давид Силва го носи дресот на „сино белите“ и ги оправда очекувањата станувајќи еден од најдобрите нивни фудбалери. Пред Сосиедад Силва помина десет сезони во редовите на Манчестер Сити. Во споменатите две сезони за Сосиедад одигра 56 натпревари и постигна три голови во сите натпреварувања. Сосиедад потврдата за продолжувањето на соработката ја објави на навистина уникатен начин.

Симеоне: Атлетико мораше да издржи на крајот

Дарко Андоновски — Thu, 13 May 2021 08:12:51 +0000

Тренерот на Атлетико Мадрид, Диего Симеоне ги сумираше впечатоците по синоќешниот натпревар од 36 коло во Ла Лига со Реал Сосиедад (2:1). – Знаевме дека треба да го победиме противникот кој игра многу добро на гости. Игравме добро пред паузата, второто полувреме исто така беше успешно, но по примениот гол на крајот мораше да издржиме. Ни треба одмор сега. Сезоната е исклучително тешка и крајот ќе биде многу тежок. Одиме од натпревар во натпревар. Во недела не очекува многу важен дуел (против Осасуна), рече Симеоне. Атлетико на две кола пред крајот е лидер во Шпанското фудбалско првенство со 80 бода, Барселона е втора со 76, Реал е трет со 75, но и натпревар помалку.

Барселона го декласираше Реал Сосиедад и постигна 100 голови 16 сезони по ред

Тале Кристо — Mon, 22 Mar 2021 07:35:51 +0000

Фудбалерите на Барселона синоќа во рамките на 28. коло од Ла Лига го совлада Реал Сосиедад на гостински терен со резултат 6:1. Каталонскиот клуб има постигнато 100 погодоци на сите турнири во сезоната 2020/21. Така, Барселона постигна најмалку 100 гола 16 последователни сезони. После 28 одиграни кола од лигата, Барселона со 62 бода е на второто место во поредокот. Заостанува зад водечкиот Атлетико Мадрид четири бода, а има предност пред Реал Мадрид два бода.

И покрај ремито на домашен терен, Зидан задоволен од играта на Реал

Тале Кристо — Tue, 02 Mar 2021 07:35:50 +0000

Тренерот на Реал Мадрид, Зинедин Зидан ги сумираше впечатоците од синоќешниот натпревар од 25. коло на Шпанскиот фудбалски шампионат против Реал Сосиедад (1:1). – Одигравме добар натпревар. Можеби почетокот не беше најдобар, но имавме шанси, особено во првото полувреме. Изгубивме два бода – игравме дома, но не можам да кажам дека сум незадоволен. Во текот на мечот ја сменив формацијата. Промените влијаеја на играта на најдобар начин. Имавме добар натпревар со 3-4 шанси за гол. Тимот создава шанси, треба да продолжиме во истиот дух, изјави Зидан за „Марка“. По овој натпревар Реал Мадрид има 53 бода и е трет на табелата. Пред него се Барселона со 53 бода и Атлетико Мадрид со 58 и натпревар помалку. Реал Сосиедад со 42 бода е петти на табелата во Ла Лига.

Реал Сосиедад и Манчестер Јунајтед ќе играат на стадионот на Јувентус

Бошко Тасиќ — Tue, 09 Feb 2021 19:36:42 +0000

Шпанските власти не попуштија,Реал Сосиедад и Манчестер Јунајтед ќе играатво Италија,поточно во Торино. Стадионот на Јувентус ќе биде местото каде што двете екипи ќе ги одмерат силите на 18. февруари. Баскиотскиот клуб ќе ја има улогата на домаќин. Причината што Јунајтед не може да гостува во Шпанија се строгите правила оваа земја како и во уште неколку кои важат за поединци од Велика Британија.Реваншот од овој натпревар се игра седум дена подоцна на „Олд Трафорд“.

Мечот Реал Сосиедад – Манчестер Јунајтед под знак прашалник

Бошко Тасиќ — Sat, 06 Feb 2021 18:45:53 +0000

Мечот од 1/16-финалето на Лига Европа помеѓу Реал Сосиедад и Манчестер Јунајтед нема да се одигра во Шпанија Причина за тоа е одлуката на надлежните органи на оваа земја да се забрани влез на авиони кои доаѓаат од Велика Британија. Поради новиот вид на коронавирус кој се појави на Островот, многу земји забранија влез на британски државјани. Наскоро се очекува да се отвори прашањето и околу начинот на организација на останатите дуели во кои настапуваат англиски претставници.