реал – Kurir.mk

Маж од Кичево доби кривична пријава, кај него најден кокаин

Ивана Ефремовски — Mon, 03 Apr 2023 18:20:19 +0000

ОВР Кичево поднесе кривична пријава против Ќ.А.(41) од Кичево, поради постоење основано сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“. При претрес во неговиот дом, извршен по судска наредба, полициските службеници пронајдоа и одзедоа предмети со остатоци од кокаин.

Анчелоти: Сакам да останам во Реал

Катерина Бојаџиева — Mon, 03 Apr 2023 17:50:33 +0000

Тренерот на фудбалерите на Реал, Карло Анчелоти, изјави денеска дека сака да остане во мадридскиот клуб до 30 јуни идната година, кога му истекува договорот, пренесуваат шпанските медиуми. Италијанскиот стратег неодамна доби понуда на крајот на оваа сезона да седне не клупата на бразилската репрезентација, која е без селектор, откако Тите поднесе оставка по елиминацијата на Светското првенство во Катар. „Уверен сум дека сум на вистинското место, бидејќи имам голема поддршка од играчите и клубот. Јас одамна реков каква иднина посакувам“, рече Анчелоти. Тој истакна дека е среќен во мадридски Реал. „Имам договор со Реал до лето 2024 и сакам да го одработам до крај. А потоа? Ако е Реал среќен ќе останам до 2024“, се пошегува Анчелоти.

Анчелоти: Мојот договор со Реал завршува во 2024 година, планирам да го финализирам до крај

Ивана Ефремовски — Sun, 02 Apr 2023 18:48:38 +0000

Тренерот на Реал, Карло Анчелоти, по денешната убедлива победа над Ваљадолид (6:0) во 27. коло од шпанската Ла Лига, проговори за својата иднина во клубот од Мадрид. -Уверен сум поради играчите што ги имам и поддршката од клубот. Јас веќе ја кажав мојата иднина јасно. Договорот ми завршува во 2024 година и планирам да го завршам до крај. Ако сите во Реал Мадрид се среќни, тогаш ќе останам и до 2034 година, го цитира Анчелоти новинарот Фабрицио Романо. Шеесет и тригодишниот фудбалски по втор пат го презема Реал Мадрид во летото 2021 година. Пред тоа тој веќе соработуваше со „Кралевите“ од 2013 до 2015 година. Под водство на Анчелоти, Реал Мадрид двапати ја освои Лигата на шампионите. (МИА)

Арсенал нуди 30 милиони евра за Дијаз

Ивона Петрова — Wed, 29 Mar 2023 20:35:01 +0000

Челниците на Арсенал се заинтересирани за фудбалерот на мадридски Реал, Браим Дијаз, кој настапува како позајмен играч во калчолигашот Милан, јавија денеска италијанските медиуми. Според истите извори, повремениот шпански репрезентативец не е во плановите на Реал, а лондонски Арсенал за услугите на Дијаз е подготвен да плати 30 милиони евра. Дијаз досега сезонава одигра 31 натпревар за Милан и постигна пет голови. Во редовите на Реал дојде во 2019 година од Манчестер сити, а потоа беше позајмен на Милан. Шпанскиот фудбалер има долгорочен договор со Реал кој истекува на лето 2025 година

Бензема најдобар фудбалер во Европа, Анчелоти најдобар тренер

Ивана Ефремовски — Thu, 25 Aug 2022 19:08:47 +0000

Шефот на стручниот штаб на мадридски Реал, Карло Анчелоти, вечерва на пригодна свеченост во Истанбул е прогласен за најдобар тренер за минатата сезона во Европа, во која италијанскиот стратег ја освои Лигата на шампиони, како и шпанското првенство. -Благодарност до УЕФА за наградата. Благодарност до Ариго Саки, тој е мојот учител и благодарение на него ја почнав својата тренерска кариера. Благодарност до претседателот (на Реал), кој ми даде можност да се вратам во Мадрид. Минатата сезона беше одлична сезона, постигнавме исклучителна хемија и вистинска поврзаност, рече Анчелоти при доделувањето на наградата. Во женска конкуренција наградата и припадна на англиската селекторка Сарина Вигман. За најдобар фудбалер минатата сезона во Европа е прогласен напаѓачот на Реал и француски репрезентативец Карим Бензема, кој на 46 натпревари во дресот на Кралскиот клуб постигна фантастични 44 голови. За најдобра европска фудбалерка во сезоната 2021/22 е избрана шпанската репрезентативка од редовите на Барселона, Алексија Путелјас. (МИА)

Винисиус: Сакам да останам во најдобриот клуб во светот

Ивона Петрова — Tue, 21 Jun 2022 08:27:39 +0000

Напаѓачот на Реал, Винисиус Жуниор го коментираше можното продолжување на договорот со клубот од Мадрид. -Сакам да останам во најдобриот клуб во светот – ги цитира зборовите на Винисиус „Марка“. Претходно беше објавено дека Реал Мадрид и 21-годишниот играч се договориле за договор до 2026 година. Платата на напаѓачот ќе порасне од 3,2 милиони евра годишно на 10 милиони. Отштетата на Винисиус ќе изнесува 1 милијарда евра. Бразилскиот фудбалер минатата сезона на 52 натпревари за Реал Мадрид во сите натпреварувања постигна 22 гола и имаше 16 асистенции. Актуелниот договор на напаѓачот со мадридскиот клуб е до 30 јуни 2024 година.

Бензема: Во Реал дојдов по трофеи без да мислам колку голови ќе постигнам

Ивона Петрова — Sat, 12 Mar 2022 08:50:43 +0000

Напаѓачот на Реал, Карим Бензема, проговори за искачувањето на 3. место на листата на најдобри стрелци во историјата на мадридскиот клуб. – Да се достигне Ди Стефано е сон бидејќи тој е легенда на Реал Мадрид. Се сеќавам како ме прегрна на презентацијата како играч на Реал Мадрид. Ди Стефано ми рече да уживам играјќи за овој голем клуб. Многу сум среќен што сум на негово ниво и тоа ми дава сила да се искачам уште повисоко, изјави Бензема за „Марка“. Французинот истакна дека ужива во секој ден поминат во Мадрид. – Дојдов во Реал Мадрид по трофеи без да мислам дека ќе постигнам толку голови. Отсекогаш сум сакал да ме паметат луѓето. Мислам дека сум на вистинскиот пат. Во Мадрид се чувствувам како дома, ми се допаѓа овде. Уживам во секој изминат ден, додаде Бензема. Триесет и четиригодишниот фудбалер има 212 гола на 407 натпревари за Реал Мадрид. Неговиот договор со мадридскиот клуб е до 30 јуни 2023 година.

Сити, ПСЖ, Спортинг, Реал и Интер изборија осминафинале во Лигата на шампионите

Тале Кристо — Thu, 25 Nov 2021 08:00:21 +0000

По одигрувањето на натпреварите синоќа во 5. коло од групната фаза на Лигата на шампионите, познати се неколку учесници во плејофот. Манчестер Сити го победи ПСЖ (2:1), стигна до 12 бода и се зацврсти на првото место во групата А. Парижаните и покрај поразот ја поминуваат групата како второпласирани. За Лајпциг и Клуб Бриж кои имаат по четири бода овие екипи останаа недостижни. Лисабонскиот Спортинг ја победи Борусија Дортмунд (3:1) и си го обезбеди второто место во групата Ц. Спортинг има девет бода, Борусија – шест, но во меѓусебните средби португалскиот клуб е во предност – 3:1 дома, 0:1 на гости. Осминафиналисти станаа и Реал и Интер. Реал го победи Шериф (3:0) и освои 12 бода, Интер има 10 поени благодарение на победата над Шахтјор (2:0) и е на второто место. Шериф (шест бода) и Шахтјор (еден бод) повеќе нема да можат да стигнат до второто место.

Судот им дозволи на Реал, Барселона и Јувентус да продолжат со проектот „Супер лига“

Тале Кристо — Fri, 30 Jul 2021 19:47:14 +0000

Судот во Мадрид ја отфрли денеска жалбата на УЕФА на одлуката да се поништат сите активностите преземени против 12-те клубови основачи на фудбалската Супер лига. Трите клубови, кои не го напуштија проектот – Реал Мадрид, Барселона и Јувентус, порачаа преку заедничко соопштение вечерва дека ќе продолжат со развој на Супер лигата. – Задоволни сме што во иднина повеќе нема да бидеме изложени на постојаните закани од УЕФА. Нашата цел е да продолжиме да го развиваме проектот Супер лига на конструктивен и кооперативен начин, секогаш, притоа, сметајќи на сите заинтересирани страни во фудбалот – навивачите, играчите, тренерите, клубовите, првенствата, како и националните и меѓународни асоцијации, порачаа Реал, Барселона и Јувентус во заедничкото соопштение. Трите клубови ја обвинија УЕФА за монопол во светот на фудбалот, истакнувајќи дека екипите, кои учествуваат во европските купови имаат право да управуваат со своите натпреварувања. Со одлуката на Трговскиот суд во Мадрид, донесена на 1 јули, за ништовни се прогласуваат дисциплинските мерки на УЕФА, кои беа прифатени од другите девет основачи на Супер Лигата. Атлетико Мадрид, Милан, Интер, Арсенал, Челзи, Ливерпул, Манчестер сити, Манчестер јунајтед и Тотенхем ги прифатија казните од УЕФА да се откажат од пет отсто од приходите во следната сезона од настапите во еврокуповите, и заеднички да уплатат 15 милиони евра во солидарниот фонд на УЕФА како „гест на добра волја“.

УЕФА потврди дека може да ги исклучи Реал, Барселона и Јувентус од ЛШ

Ивона Петрова — Wed, 02 Jun 2021 10:51:12 +0000

Генералниот секретар на Европската фудбалска федерација, Теодорос Теодоридис изјави дека организацијата може да ги отстрани Реал Мадрид, Барселона и Јувентус од Лигата на шампионите, бидејќи клубовите се основачи на Суперлигата. – Можно е. Ако клубовите не ги почитуваат правилата, тие можат да бидат исфрлени. Сè зависи од нив. Сите други клубови ги следеа правилата. Ова нема да биде лична одлука на претседателот на УЕФА или извршниот комитет на организацијата. Имаме јасна поделба на силите, Извршниот комитет и Управата на УЕФА не можат да влијаат врз работата на судството. Овие три клуба се едни од најдобрите во светот. Сепак, за УЕФА, сите клубови се еднакви и ние браниме вредности како што се почит и еднаквост. Доколку клубовите ги прекршат правилата, тогаш тие мора да се соочат со последиците што треба да ги утврдат независни тела. Доколку клубовите не се согласуваат со одлуката на независните дисциплински органи, тие можат да поднесат жалба до Арбитражниот суд за спорт (CAS), изјави Теодоридис за „Марка“. Во април, 12 врвни европски клуба – Манчестер јунајтед, Ливерпул, Манчестер сити, Арсенал, Челзи, Тотенхем, Барселона, Реал Мадрид, Атлетико, Интер, Милан и Јувентус најавија создавање на Суперлигата. За неколку дена сите клубови освен Реал Мадрид, Барселона и Јувентус најавија повлекување од турнирот. На 25 мај, УЕФА отвори дисциплинска постапка против овие клубови, беше објавено дека на трите екипи кои не се повлекоа од Суперлигата може да им биде забрането учество во европските натпреварувања.