„Реалисти“ во Струмица

Тале Кристо — Sun, 15 Dec 2019 17:14:43 +0000

Реалисти е пиеса која на духовит начин укажува на кризата на либералниот капитализам и на последиците од овој систем врз поединецот. Во претставата се инсистира на чист и едноставен актерски израз со силни емотивни состојби, кои на комичен начин го исмеваат современиот живот, преку кој барајќи ја перфекцијата, се убива емпатијата, љубовта и пред се човечноста. Таа а е глас за меѓусебно разбирање, кој треба да не обедини во реакцијата кон суштинските современи и универзални проблеми. Автор на претставата е Јелена Кајго, режисер е Срѓан Јаниќијевиќ, а ќе настапат, Ивица Димитријевиќ - Грегор, Владимир Петровиќ - Предраг, Нина Деан Гачиќ - Соња, Ивана Павлаковиќ - Гордана и Стефан Вујисиќ - Ратко. Претставата е во продукција на „Спона“ и че се одржи на 20 декември Народен Театар "антон Панов" - Струмица, а истата ќе биде изведена на српски јазик. Билетите ќе се продаваат на билетарата на Народниот театар по симболична цена од 100 денари.

Со претставата „Реалисти“ ќе завршат „Денови на српската култура во Република Македонија“

Ивона Петрова — Wed, 05 Dec 2018 08:53:20 +0000

Претставата „Реалисти“ според текст на белградската авторка Јелена Кајго, а во режија на Срѓан Јаниќијевиќ утре и задутре премиерно ќе биде изведена во Македонскиот народен театар. Со „Реалисти“ ќе биде крунисана годинашната манифестација „Денови на српската култура во Република Македонија“ во организација на Српскиот културно-информативен центар „Спона“. Дел од проектот се и екипа на млади актери од Македонија – Ивица Димитријевиќ, Нина Деан Гачиќ, Владимир Петровиќ, Ивана Павлаковиќ, Стефан Вујисиќ. Станува збор за драма која третира повеќе современи теми: оттуѓеноста на луѓето, нивната трка по финансии и престиж, борба за „успех во животот“ по цена на нарушено здравје, отсуство на емоции и љубов, нечовечност…. Покрај претставата „Реалисти“, манифестацијата „Денови на српската култура во Република Македонија“ се заокружува и со ликовна и фото изложба на делата на сликарите: Мирослав Масин, Микица Трујкановиќ, Љубица Мијалковиќ, Лидија Вујисиќ, Мирко Вујисиќ, Јовица Мијалковиќ, со фотографиите на Боре Рудиќ, Јасна Суша и Лука Суша и карикатурите на покојниот Дарко Марковиќ – Дар Мар.

реалисти – Kurir.mk

„Реалисти“ во Струмица

Со претставата „Реалисти“ ќе завршат „Денови на српската култура во Република Македонија“