ребека Јанковска Ристески – Kurir.mk

Ребека: Да го поддржиме лекувањето на Лео

Тале Кристо — Sat, 16 Sep 2023 12:47:37 +0000

На денешниот настан кој се оддржа во МКЦ под мотото „ДЕН НА ХУМАНОСТА – од срце за Леонид Индов“ присутна беше и пејачката Ребека Јанковска-Ристески која им се заблагодари на сите кои присуствуваа и се вклучија да помогнат а Леонид. „Тука сме на овој настан за да помогнеме на Лео, за да граѓаните можат да помогнат и да донираат крв односнонда дадат крв, крводарителска акција. Им благодарам на сите што дојдоа, јас сум дел од организацијата преку организацијата „Јас сум жена“ и преку „Дајте ни крилја“, многу има тука организации кои се вклучија им благодарам на сите. Но, сакам да кажам дека ни треба помош затоа што без нив ништо нема да биде како што треба. Се вклучија многу компании, ги повикувам сите луѓе, денеска цел ден е оваа акција овде да дојдат и да донираат крв и да му помогнат на Леонид. Леонид е значи во Скопје во моментот, се бори да биде како се што треба, се бори за да биде излекуван. Да го поддржиме неговото лекување“, рече Ребека и додаде: „Еве јас дадов свој придонес, вчера ми беше роденден и на моите гости им кажав наместо подароци да донесат средства за Леонид и собравме 15.000 денари кои што ќе бидат уплатени на Лео. Еве една идеја секој кој што сака може да помогне. Не треба многу, само треба добра идеја и волја“. На настанот исто така присутен беше и дедото на младиот Леонид, Методиј Индов кој од името на семејството се заблагодари на сите кои изразија подготвеност да му помогнат на Лео за кој рече дека е голем борец и дека се надеваат на најдоброто. „Од името на семејството се заблагодарувам на сите, на цела Македонија, на фирми и сите кои се заангажираа околу Леонче. Леонче вчера го донесовме од Солун, го транспортиравме преку Систина, благодарам и на нив исто за успешното транспортирање. Убаво помина по пат, го сместивме на КАРИЛ и денеска очекуваме резултати. Така да се надеваме на најдобро, он се бори, свесен е. Времето е пресуден фактор во сето ова и ќе треба време, меѓутоа се надеваме дека ќе оздрраве, ќе ни се врети и ќе ни биде истиот Леон како и порано“, рече дедото на Леонид и додаде: „Благодарност до сите уште еднаш кои ни помагаат и што едноставно ни даваат ветер во грб за сите да се бориме со него за да оздрави“.

Јанковска-Ристески до власта: Предавници, ја донесовте државата во ситуација на потчинетост, тоа не е европска вредност, ОСТАВКА ВЕДНАШ

Ивана Ефремовски — Tue, 05 Jul 2022 19:23:36 +0000

„Што сте вие луѓе ли сте, предавници“, им порача пејачката Ребека Јанковска-Ристески на денешниот протест Ултиматум – НЕ благодарам од пред Собрание на властите кои сакаат по насилен пат да го прифатат францускиот предлог. Јанковска-Ристески смета дека не се европски вредности тоа што Бугарија бара од нас да се откажеме од македонскиот јазик, историја и култура. -Македонскиот народ е мирољубив и никогаш никој не напаѓал. Ние не ги окупиравме соседите Бугарите и никого не му пречиме и никого не уценуваме да зборува како сака и да се вика како сака. Па нели тоа беа европските вредности, праша таа. Таа додаде дека владата со овој француски предлог ја донесе и државата и граѓаните во ситуација на потчинетост, споменувајќи ја изјавата на Бујар Османи кога изјавил дека кога преговара за македонските национални прашања нема никакви емоции и побара оставка од влада. -Не донесовте во ситуација на потчинетост. Требаше одамна да кажете НЕ, гласно НЕ. Го слушнав еднаш Бујар Османи немал емоции кога разговарал и преговарал за прашањето за Македонија, немал никакви емоции, но извини нема да ви помине. Па каде си роден ти министре, изјави Јанковска-Ристески. Јанковска-Ристески потенцираше дека нејзино право е да е Македонка и да зборува на македонски јазик, порачувајќи дека не смее да има промена на историјата во учебниците. -Моето право е да бидам Македонка, да зборувам на македонски јазик, да имам македонска историја и да учам во школо на македонски јазик и да не ги менуваат учебниците на моите деца, истакна Јанковска-Ристески.

Ребека: Тие што треба да не` спасуваат се борат со голи раце со вирусот и им се закануваат кога ќе ја кажат вистината

Катерина Бојаџиева — Wed, 18 Mar 2020 12:31:07 +0000

Македонската пејачка Ребека Јанковска Ристески револтирана од состојбата во здравството се огласи на Фејсбук. -Тие што треба да не спасуваат се борат со голи раце со вирусот и им се закануваат кога ќе ја кажат вистината, пишува Ребека меѓудругото.

Опожарени возилата на пејачките Турунџиева и Ребека

Ивона Петрова — Thu, 16 Jan 2020 10:20:50 +0000

Против пожарни екипи синоќа интервенирале по пријава за пожар на две возила сопственост на две познати пејачки. Првото возило мини купер било опожарено , а од пожарот било зафатено и второто возило, пишува Досие.мк. Мини куперот кој горел е сопственост на пејачката Сузана Турунџиева, а до него било паркирано и зафатено од пожарот возилото на пејачката Ребека Јанковска Ристески. Возилата биле паркирани на паркинг кај ТТЦ Плаза, пишува порталот. Повредени нема, а увидот на надлежните ќе ги утврди причините за опожарувањето на возилата. Информацијата ја потврдија од Пожарна од каде велат дека интревнцијата била во 3 часот изутрината и траела еден час. Засега, според нивните информации пламенот зафатил 6 квадрат простор.