рецепти – Kurir.mk

Ги враќа хормоните во рамнотежа: Ова три напитоци се идеални за жени, го стимулираат метаболизмот, согоруваат калории

Магдалена Андонова — Sat, 12 Mar 2022 18:55:19 +0000

Проблемите со хормоните се многу почести кај жените отколку кај мажите. За да може вашето тело да се ослободи од токсините кои дополнително предизвикуваат проблеми, треба да внимавате што јадете и пиете. Размислете пред да нарачате брза храна колку ќе ве чини, а ќе чини многу повеќе од парите што ги давате, бидејќи ваквата храна не само што нема квалитетни хранливи материи во себе, туку и го оптоварува организмот. Затоа, обидете се да пиете многу вода и чајот е дозволен, овошни сокови, свежо цедени, но не во големи количини, а има и здрава храна која се базира на многу овошје и зеленчук. Така ќе знаете дека вашето тело е во рамнотежа, а за да ги одржувате хормоните во рамнотежа, обидете се да го решите тоа со помош на домашни лекови, како напиток од куркума, лимон и лист од малина. Во телото на жената циклично се произведуваат два хормона - прогестерон и естроген, а секоја промена во тоа производство се смета за хормонална нерамнотежа. Естрогенот е примарен женски хормон. Овие три природни рецепти ќе ви помогнат да го стабилизирате лачењето на хормоните: Лист од малина - се користи за зајакнување на мускулите на матката, а благотворно делува и на регулација на хормоните. Жените кои го пијат овој чај за време на бременоста имаат многу полесно породување. Рецептот е едноставен: една лажица листови од малина (може да се користат и сушени) прелијте ги со 200 мл врела вода и оставете да отстои 10 минути. Никогаш не пијте го овој чај пред спиење. Вода со лимон - е поволна за слабеење, ги чисти сите токсини од телото, ја освежува кожата и го зајакнува имунолошкиот систем. Општо е познато дека лимонот влијае на хормонот на ситост, а доколку не е во рамнотежа, телото ќе создаде масни наслаги. Рецепт: исцедете сок од половина лимон во чаша топла вода и испијте веднаш. Се препорачува да испиете една чаша наутро, бидејќи така ќе го забрзате метаболизмот. Млеко со куркума и кокосово масло - совршено води до рамнотежа на нивото на хормоните. Се верува дека куркумата ја подобрува циркулацијата и метаболизмот. До денес, има над 1.500 студии кои покажуваат дека кокосовото масло е едно од најздравите во светот. Рецепт: во 200 мл врело млеко додадете половина лажичка куркума и една лажичка кокосово масло. По желба можете да додадете и мед. Се препорачува утрото да го започнете со топла вода со лимон, во текот на денот да пиете чај од малина, а пред спиење да се почестите со топло златно млеко.

По проблемот да се реализираат рецептите во аптеките, се огласија од ФЗОМ

Ивана Ефремовски — Tue, 18 May 2021 13:03:07 +0000

Во врска со проблемот што се јави со неможноста да се реализираат рецептите во аптеките, се огласија од Фондот за здравство. Нивното соопштение го пренесуваме во продолжение: Ве известуваме дека е направена анализа на проблемот и утврдено е дека почнувајќи од вчера , во доцните попладневни часови, до денес во раните утрински часови, податочната комуникација која оди од Мој Термин кон ФЗОМ, била прекината и со тоа била оневозможена валидацијата за пропишување рецепти и реализацијата на лекови. Комуникацијата е повторно воспоставена и матичните лекари непречено можат да пропишуваат лекови што осигурениците без проблеми ќе можат да ги реализираат во аптеките. Фондот за здравствено осигурување на Република Македонија, како одговорна и транспарентна институција, е отворен за сите проблеми со кои се соочуваат чинителите во здравствениот систем и за нивно навремено решавање со крајна цел осигурениците во секој момент да можат непречено да ги остваруваат правата од здравственото осигурување.

Хронично болните не можат да добијат рецепти за лекови – дали на здравствениот систем му се случува колапс?

Магдалена Андонова — Tue, 18 May 2021 11:06:11 +0000

Лек од вчера не можат да добија хронични акутни болни кај ниеден матичен лекар, затоа што системот за печатење на рецептите не функционира. Како што објави весникот Слободен печат, дијабетичари, лица со висок крвен притисок и други хронични болести, не можат да ја набават својата редовна терапија, па матичните лекари се принудени да им кажуваат лекарствата да си ги купат на приватно. Матични лекари од од повеќе места во Македонија утринава за весникот потврдиле дека од вчера не функционира системот за издавање рецепти и дека никој од Фондот за здравство не ги ни известил до кога ќе трае системскиот проблем. Претседателката на здружението на приватни матични лекари, д-р Лилија Чолакова-Дервишова потврдува дека голем број поплаки и пријави пристигнале до нејзе од нејзините колеги. – Не можеме да испечатиме рецепти воопшто, во цела Македонија и да ги услужиме пациентите. Во ФЗОМ не се јавува никој, не знам зошто. Не е проблемот во нашите софтверски програми. Очигледно е до нивниот програм, бидејќи таква порака ни се појавува на компјутерот, дека дефектот е во порталот на Фондот, изјави Чолакова-Дервишова за весникот.

Божиќни десерти според рецептите на нашите баби: Од пити со ореви до штрудли, кифлички, медењаци…

Магдалена Андонова — Mon, 07 Dec 2020 12:36:58 +0000

Покрај големиот број рецепти за торти, има и совети како да се користи остатокот од материјалот за торти, бидејќи ова е исто така нешто што традиционално го правеа нашите баби – од тоа направија вкусни топчиња Торта со ореви Состојки: тесто: 400гр брашно, 60гр шеќер, сол, кора од лимон, 2 жолчки, 200мк млеко, 80гр путер квасец: 25гр квасец, 100мл млеко, 300гр брашно, 100гр шеќер полнење: 500гр ореви, 150гр шеќер, 100мл млеко, 100гр суво грозје, рум, цимет, кора од лимон Постапка: Прво состојките на квасецот се мешаат, се покриваат и се оставаат да стасаат. Потоа сите суви состојки за тестото се мешаат, па се додаваат квасецот и другите состојки. Добро измешајте па оставете да нарасне. За полнење, мелете ореви, попарете ги со врело млеко и измешајте со суво грозје, шеќер и ситно исечкана (рендана) кора од лимон. Рум и цимет се додаваат по вкус. Мед може да се додаде наместо шеќер, а мелениот рогаж наместо ореви. Тестото се расукува, се премачкува со фил, се витка и се остава да стаса во прех за печење еден час. Потоа премачкајте со јајце и печете полека околу 45 минути на 180 степени. Штрудла со мак (афион) Состојки: За тесто: 400гр пченично брашно (бело), 2дл млеко, 60гр шеќер, 2 жолчки, 1кора од лимон, 80гр путер, 20гр свеж квасец За фил: 2,5 дл млеко, 1 кора од лимон, цимет, 20гр суво грозје, 100гр шеќер, 1 јајце, 300гр мелен афион Подготовка: Замесете тесто од брашно, малку сол, свеж квасец, млако млеко, шеќер, јајца, рендана кора од лимон и стопен путер. Замесете го тестото така што лесно ќе се одделува од садот и се формираат меурчиња. Покријте го тестото, ставете на топло место да стаса 1 час. Внимателно поделете го тестото на два дела и не месете повеќе, туку расукајте го тенко и премачкајте го со фил и завиткајте го во форма леб, ставете ги двете ролни на хартија во плех за печење и оставете го да стаса уште половина час. За филот, прелијте го мелениот афион со зовриено млеко и кога ќе се олади целосно, додадете ги другите состојки. Премачкајте со јајце пред печење. Печете во загреана рерна на 180 степени околу 40 минути. Неколку совети за подготовка на овие два колачи: Жолчките (или цели јајца) што се додаваат во тестото не треба да бидат ладни, туку треба да се остават на собна температура за да се загреат. Можете да користите и сув и свеж квасец, но кога користите сув, оставете го да нарасне како кај свежиот. За време на печењето, ставете метална тава со топла вода на дното од рерната бидејќи пареата помага тестото подобро да се крене и тортата да стане покршлива. Медењаци Состојки: 1/4 кг мед, 120гр шеќер, 100гр путер, 600гр брашно (црно), 2 јајца, половина лажичка сода бикарбона, цимет, каранфилче, 50гр бадеми Постапка: Сварете малку мед, путер и шеќер. Кога смесата малку ќе се олади, додадете две третини од брашното и оставете да се излади целосно. Остатокот од брашното оставете го на работната маса на која потоа ќе го месите тестото, додадете уште јајца, изматен цимет, каранфилче и сода бикарбона. Измешајте добро, расукајте и исечете ги медењаците. На средина на секој ставете половина бадем (и залепете со белка од јајце). Се печат на средна температура, а кога ќе испечат се прелеваат со топла глазура од варен шеќер. Иако во рецептот не пишува како се прави оваа глазура, откривме дека се става шеќер во прав во малку вода, се додава малку лимон – смесата треба да биде густа, а потоа додадете малку млеко и премачкајте ги медењаците. Медењаците не се веднаш подготвени за јадење, добро е да ги оставите неколку дена да омекнат. Кифлички Состојки: 7 чаши брашно половина глатко, половина остро (1 дл чаша), 6 лажици шеќер, 5 лажици млеко, 250 гр путер исецкан на парчиња, 2 жолчки од јајце, 1 лажичка сода бикарбона, изрендана кора од еден лимон, џем по ваш избор Постапка: Тестото замесете го добро, а потоа поделете го на два еднакви делови, покријте го со проѕирна фолија и ставете го во фрижидер еден час. Потоа расукајте го и исечете го на триаголници, наполнете со џем, завиткајте и ставете во рерна. Кифличките се печат околу 15 до 20 минути на 180 степени – подготвени се кога дното на кифличките е малку заруменет. Оставете ги малку да се изладат, па посипете ги со шеќер во прав. Извор: ПОПАРА

3 едноставни рецепти за здрави десерти од само неколку состојки

Магдалена Андонова — Tue, 08 Sep 2020 12:08:11 +0000

Кога станува збор за десерти и слатки, на многу луѓе им е тешко да престанат. Повеќето од нив се одлучуваат за готови варијанти од продавницата, што значи дека со конзумирање ќе внесат голема количина шеќер што не е добра за здравјето. Но, здрави варијанти секогаш постојат и често се многу повкусни од оние готови и нездрави верзии. Ви донесовме три едноставни и брзи рецепти за вкусни десерти, по чија консумација нема да се чувствувате виновни. Здрав чоколаден мус За здрав мус од чоколадо, ќе ви требаат само четири состојки: четвртина од авокадо незасладено органско какао зрела банана мед или некој друг здрав засладувач по ваш избор Измешајте ги сите состојки додека не се соединат во мазна смеса. Послужете ги со ореви или бобинки одозгора. Додадете мед или некој друг засладувач како сируп од агава, по желба, или можете да ги изоставите. Замрзнати корпи со кикирики Овие корпи ќе ги обожаваат апсолутно сите бидејќи комбинацијата на путер од кикирики и чоколадо никого не остава рамнодушен. Ќе ви требаат само пет состојки за нив: чаша путер од кикирики без додаден шеќер 3 лажици мед половина чаша органско масло од кокос незасладено органско какао 1 лажица јаворов сируп Кикириките измешајте ги со лажица јаворов сируп и смесата ставете ја во хартиени калапи за мафини. Добро измешајте какао, кокосово масло и мед додека не добиете еднолична смеса. Прелијте ја над смесата што ја ставате во калапите и ставете ја во замрзнувач 20 минути пред да ја сервирате. Здрави чоколадни колачиња Нема да морате да ја запалите рерната за овие колачиња и ќе ви требаат само неколку состојки, кои веројатно веќе ги имате дома. половина чаша путер од кикирики без додаден шеќер две лажици кокосово масло три лажици мед 50 грама црно чоколадо чаша и пол овесна каша Измешајте ги сите состојки и загрејте ги на средна температура, кога смесата ќе стане еднаква, додадете овесна каша и намалете ја топлината. Мешајте додека смесата не стане густа и додека овесната каша не омекне. Кога ќе се олади, обликувајте и ставете ги во фрижидер 30 минути да се зацврстат. Чувајте ги во фрижидер.

Рецепти за слабеење без гладување

Ристе Здравков — Wed, 26 Aug 2020 11:51:47 +0000

Вашите напори за слабеење не мора да се состојат од изгладнување или јадење еднолична нискокалорична храна. Со овие рецепти на TheSeriousfitness ќе слабеете додека јадете вкусни, хранливи гурмански јадења во кои ќе уживате. За секој рецепт приложена е и табела на хранливи вредности и калории.

Падна здравствениот систем, хронично болните не можат да ги добијат своите лекови

Ристе Здравков — Mon, 01 Jun 2020 11:51:24 +0000

Матичните лекари не можат да издадат рецепти на пациентите за лекови поради пад на системот. Имено од рано изутрина не исконтактираа дсетици граѓани кои ни се пожалија дека матичните лекари не им издавале рецепти за лекови, а изговорот бил дека системот паднал. Една од амбулантите која денес не издава рецепти е таа бо Бутел 1, во која лично се јавивме да провериме. Одговорот од таму беше дека системот е паднат, да се јавиме утре. Лица со хронични заболувања, дијабет, се само дел од пациентите кои денес не успеаа да ги набават лековите кои им се потребни. На што се должи ваквата неодговорност и фијаско на владата чекаме одговори од министерот Венко Филипче.

Уникатни велигденски рецепти за модерната кујна

Дарко Андоновски — Thu, 16 Apr 2020 15:41:02 +0000

Црвените јајца, детскиот џагор и вербата во Бог се она што секоја година го одбележува големиот христијански празник Велигден. Ден кога секое домаќинство подготвува голема трпеза за дочек на најблиските за да се прослави Христовото воскресение. И оваа година, кујните ќе замирисаат на топло печени лепчиња, различни торти, баклави и кадаифи. Бојадисаните јајца гордо ќе стојат во секој дом, симболизирајќи го Христовото воскреснување и почетокот на новиот живот во православните домови. По строгиот Велигденски пост, во недела посното мени се заменува со раскошна велигденска трпеза. Модерните домаќинки во своите удобни кујни ќе приготват различни рецепти и вкусови, а многу од нив и ќе ги објават на социјалните мрежи. Но, за успех на рецептите и прекрасен вкус на приготвените јадења, многу е важно елементите во кујната да бидат квалитетни и екстра лесни за ракување. Неколку уникатни велигденски рецепти за модерната кујна на секое домаќинство, проследени со одличните Favorit апарати за домаќинство, можат да ги направат совршени јадењата, и по мирис, и по вкус. За солени и лесни рецепти, но со огромна доза на уникатност, ги препорачуваме вкусните велигденски гнезда од компир. Се приготвуваат екстремно лесно и брзо, а ќе ви бидат потребни шпорет од Favorit со квалитетни грејачи, светло во рерната и турбо вентилатор, миксер од Favorit чиишто маталки не ‘рѓосуваат, за да може да ве служи долги години во кујната, како и силиконски калап за печење. Од состојки ви се потребни:

2 дебели парчиња шунка
рендани компири
сол и свежо мелен црн бибер
крем сирење
ситно рендана кора од еден лимон
2 лажици млеко
1/4 чаша замрзнат грашок

Ренданиот компир заедно со шунката ги ставате во еден сад и ги мешате заедно со солта и свежо мелениот црн бибер. Ги распоредувате во силиконскиот сад за печење и ги печете во Favorit шпоретот 20 минути, на 200степени. Потоа во сад го ставате крем сирењето и ги додавате ренданата кора од лимон, млекото, солта и биберот. Сето тоа заедно го матите со квалитетниот миксер од брендот Favorit, кој што ќе направи одлична текстура на смесата за без проблем да ја ставите во шприц за шлаг. Ги вадите одлично печените гнезда од компири од вашиот Favorit шпорет и ги полните со шприцот исполнет со крем сирење и лимон. Потоа ги ставате повторно на печење од околу 7 минути во Favorit рерната, ги вадите и врз нив украсувате со зрна грашок и шунка. Добар апетит! А за десерт, чоколадо. Чоколадото секогаш е радост за семејството. Кој не би сакал уникатен десерт со богат вкус на чоколадо? Вашето семејство ќе се израдува на чоколадните јајца полнети со омилениот сладолед или овошје. Земете неколку мали балони, измијте ги убаво, избришете ги, а потоа надујте ги. Растопете чоколадо на вашиот модерен Favorit шпорет, кој што ќе му овозможи одлична температура на стопеното чоколадо, без да го промени неговиот вкус и ќе го стопи без згрутчувања, со одлична густина. Потоа, потопете ги балоните еден по еден, до половината на секој од балоните, во што густото чоколадо. Потоа наредете ги на хартија за готвење и оставете ги да се изладат. Одлично место за ладење е Favorit фрижидерот, кој нема да го исуши чоколадото, вкусот ќе биде задржан, а чоколадните јајца совршено оформени. По стврднувањето, извадете ги од вашиот Favorit фрижидер, дупнете го полека балонот и отстранете го. Чоколадната „лушпа“ наполнете ја со сладолед или со вашето омилено овошје. Велигден е секогаш посебен, па дури и во изолација. Најважно е да сме сите заедно дома, да јадеме вкусни јадења и да користиме квалитетни елементи за да ги приготвиме сите рецепти. За многу години Велигден!

Посни рецепти за бадниковата трпеза

Катерина Бојаџиева — Sat, 05 Jan 2019 16:47:36 +0000

Според традицијата на трпезата на Бадник треба да има непарен број јадења.

Посна сарма

Состојки: 4 помали кисели зелки 200 мл масло 4лажици црвен пипер црн пипер Фил 500 гр ориз 1 лажиче сол црн пипер 300 мл масло Подготовка: Оризот, црниот пипер, солта, црвениот пипер и маслото се мешаат заедно. Се сечат листови од зелката на мали парчиња. Се става од филот по неколку зрна ориз и се виткаат, стегнуваат во рака да бидат цврсти. На дното од тенџерото се поставуваат листови од зелка и се редат, кога ќе се исполни првиот ред се потура со малку масло, црвен и црн пипер. Потоа се реди вториот дел и повторно се потура со масло, црвен и црн пипер. Се покрива со листови од зелка и се долева вода, се вари 3-4 саати.

Тиква

Состојки: тиква (големина по ваш избор) Подготовка: Тиквата измијте ја со вода, а потоа избришете ја со кујнска хартија. Исечете ја на парчиња и извадете ги семките. Во плех ставете хартија за печење и наредете ги парчињата тиква. Печете околу еден час на 180 степени.

Традиционални бадникови колачиња

Состојки: 1 кг. брашно 1 голема супена лажица сув квасец (или 1 коцка свеж квасец) 1 шолја шеќер 1 голема супена лажица масло ¼ мало лажиче сол 1 ванила вода по потреба Подготовка: Од состојките се замесува тесто, кое не треба да биде ни многу меко ниту премногу тврдо. Се прават топчиња и од секое топче се прави тесто во форма на цилиндар. Секој цилиндар, со големина од приближно 10 см. се изработува така што од горниот дел се прави мало топче во форма на глава, која не се одделува од остатокот од тестото, а од другиот дел се дооформува тело, така што главчето и телото се неразделени. На средината од телото се ставаат две-три мали чоколадни топчиња или топчиња направени од смеса од локум, шеќер во прав и малку брашно и прехранбена боја (црвена, жолта, зелена и сл.) кои изгледаат како копчиња на телото на колачето. На главчето се ставаат чоколадни очиња, црвено носе и мало усте, така што колачето изгледа како мало бебенце кое всушност го претставува новородениот младенец Христос. Колачињата нараснуваат петнаесетина минути, а по потреба и малку подолго, во плехот во кој треба да се печат, а се печат на температура од 250 степени додека да се заруменат. Овие колачиња традиционално им се делат на дечињата, кои на Бадник ги посетуваат христијанските домови и носејќи пештери со икони во рацете, пеат каланди (божикни песни), објавувајќи им ја на сите радосната вест за Раѓањето на Спасителот Христос. Покрај овие колачиња, домаќинката – христијанка на децата кои ќе го посетуваат нејзиниот дом во навечерието на Божик, им дели костени, ореви, суво овошје и слично.

Четири салати кои ќе ви помогнат да загубите килограми (видео)

Ристе Здравков — Tue, 16 Oct 2018 09:06:04 +0000

Салатите се составен дел од секоја диета, односно од здравиот начин на исхрана. Доколку сакате да го загубите вишокот на килограми, погледнете го видеото во кое се претставени рецепти за четири видови на салати кои ќе ви помогнат во тоа.